Lizsij dih Gaihcij 6
6
Vunz dih doegsieb
1Gij vunz mbouj dingz hih seng lwg; lajmbwn couh menhmenh miz vunz lai hwnjdaeuj. Gij lwgsau gij vunz caemh gyaeu raixcaix, 2yiengq, vunz cwng doengh boux ‘lwg cwnz’ he mwnq raen doenghheij lwgsau heijvunz mwnq gyaeu le, couh seizbienh genj aeu ma guh yah. 3Gajlaeng Yehhozvaz naeuz: “Vunz giqyienz dwg ndangnoh hih vunz, yiengq gij Hoenzsaenz gou hozbiet ij yungjyenj youq laeng gyoengqde laem; gij mingh gyoengqde caemh mbouj ndaej souh cauhgoq bakngeih bi laem lo.”
4Mwhmwnq gij vunz cwng hih ‘lwg cwnz’ he caeuq gij lwgsau vunz gaep guh gvanjbaz le, doengh daih gajlaeng de cix yak cix ak, youq gujdaiq cienfanh miz mingz he. Yiengq youq mwhneix, caemh miz dujfeij (gajlaeng caemh vanzlij miz he). Gij vunz couh heuh gij dujfeij neix heuh ‘vunz goeg.’
5Yiengq, Yehhozvaz raen gij vunz cungj gig yakrwix, ndaw sim naemj hih cungj dwg gig doegdoeg siebsieb le, 6de couh vih bonjfaenh de cauh vunz hwj siengsim. 7De naeuz: “Gou ij dawz gou soj cauh hih vunz hah, doengh duz cukseng hah, duz vuenz lajdoem he hah, caeuq duz mbin gwnz mbwn he hah cungj cawz liux, cawzraeg bae, aenvih gou ienq cauh gyoengqde lo.” 8Hoeng, caenhgag Nozyaq youq ndaw lwgra Yehhozvaz cij dwg boux vunz ndei he.
Ranz Nozyaq dih lizsij
9Laj neix dwg ranz Nozyaq dih lizsij.
Nozyaq dwg boux simndei simsoh he hih vunz; youq daih mwhde, Nozyaq dwg boux mij gijmaz ndaej diudik he dih vunz, aenvih de haenj dingq Cangqdiq gaen Cangqdiq. 10De miz sam daeglwg, couh dwg Cenj, Hamz caeuq Yajfuz.
11Mwhmwnq, lajmbwn sojmiz hih vunz youq ndaw lwgra Cangqdiq cungj dwg yakyak rwixrwix he. 12Cangqdiq yawjraen lajmbwn, yawjraen gij vunz cungj dwg doegdoeg siebsieb le, 13de couh doiq Nozyaq naeuz: “Gou gietdingh ij cawz vunz, aenvih gyoengqde sawjhawj lajmbwn dauqcawq cungj dwg doegdoeg siebsieb. Sojhij gou ij cawz sojmiz hih vunz caeuq lajmbwn sojmiz he. 14Mwngz ij aeu faex coengzbek ma cauh aen ruz luj aen sieng he. Aen ruz neix caemh ij gek miz baenx fungh baenx fungh hwj, ndawndaw rogrog cungj ij duz lizcingh haeujbae. 15Aen ruz neix hih gij raez de ij guh miz itbak samcib sam mij raez, gvangq ij miz ngeihcib ngeih mij gvangq, sang ij miz cibsam mij sang.#6:15 Dineix ndaw yienzvaenz dwg naeuz ‘gij raez de ij guh miz sambak caeuz raez, gvangq ij miz hajcib caeuz gvangq, sang ij miz samcib caeuz sang.’ ‘Caeuz’ couh dwg dajlwh hoqgen daengz byaifawz, it caeuz daengjhih seiqcib haj gunghfaenh nodned. 16Aen ruz neix hih yiemhfung ij miz lingz denj haj mij,#6:16 Dineix ndaw yienzvaenz dwg naeuz ‘caeuz sang he.’ youq mbiengj henz de caemh ij guh miz bakdou. Aen ruz neix miz caengz gwnz, caengz laj, caengz cungqgyan, faen guh miz sam caengz.
17“Gou ij hawj raemx dumh mbwn liux bae, cawz sojmiz hih doenghduz, fanjcingq lajmbwn sojmiz hih cungj cawz liux bae. 18Hoeng, gou ij dingh yiengh he hawj mwngz, baujcingq gouq mwngz. Mwngz ij caeuq mehyah mwngz, daeglwg mwngz, mehbawx mwngz haeuj ndaw ruz bae.
19-20“Gou vanzlij ij hawj gak cungj doengh duz cukseng caeuq doengh duz vuenz lajdoem he hah, doengh duz mbin gwnz mbwn he hah, [19b]cungjcungj cungj miz duzboux duzmeh [20b]daeuj daengz mwngz mwnq; [19a]mwngz caemh ij daiq doengh duz neix haeuj ndaw ruz bae, [19c,20b]ndaej baux diuz mingh gyoengqde. 21Mwngz caemh ij diuh doenghgij gw he hwj hawj faenhsou caeuq gak cungj doenghduz laem.”
22Gajlaeng Nozyaq caemh ciuq Cangqdiq raengq hih yienghmwnq bae guh lo.
Voafantina amin'izao fotoana izao:
Lizsij dih Gaihcij 6: YBNT
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© New Bridge Publishing Company Limited
Lizsij dih Gaihcij 6
6
Vunz dih doegsieb
1Gij vunz mbouj dingz hih seng lwg; lajmbwn couh menhmenh miz vunz lai hwnjdaeuj. Gij lwgsau gij vunz caemh gyaeu raixcaix, 2yiengq, vunz cwng doengh boux ‘lwg cwnz’ he mwnq raen doenghheij lwgsau heijvunz mwnq gyaeu le, couh seizbienh genj aeu ma guh yah. 3Gajlaeng Yehhozvaz naeuz: “Vunz giqyienz dwg ndangnoh hih vunz, yiengq gij Hoenzsaenz gou hozbiet ij yungjyenj youq laeng gyoengqde laem; gij mingh gyoengqde caemh mbouj ndaej souh cauhgoq bakngeih bi laem lo.”
4Mwhmwnq gij vunz cwng hih ‘lwg cwnz’ he caeuq gij lwgsau vunz gaep guh gvanjbaz le, doengh daih gajlaeng de cix yak cix ak, youq gujdaiq cienfanh miz mingz he. Yiengq youq mwhneix, caemh miz dujfeij (gajlaeng caemh vanzlij miz he). Gij vunz couh heuh gij dujfeij neix heuh ‘vunz goeg.’
5Yiengq, Yehhozvaz raen gij vunz cungj gig yakrwix, ndaw sim naemj hih cungj dwg gig doegdoeg siebsieb le, 6de couh vih bonjfaenh de cauh vunz hwj siengsim. 7De naeuz: “Gou ij dawz gou soj cauh hih vunz hah, doengh duz cukseng hah, duz vuenz lajdoem he hah, caeuq duz mbin gwnz mbwn he hah cungj cawz liux, cawzraeg bae, aenvih gou ienq cauh gyoengqde lo.” 8Hoeng, caenhgag Nozyaq youq ndaw lwgra Yehhozvaz cij dwg boux vunz ndei he.
Ranz Nozyaq dih lizsij
9Laj neix dwg ranz Nozyaq dih lizsij.
Nozyaq dwg boux simndei simsoh he hih vunz; youq daih mwhde, Nozyaq dwg boux mij gijmaz ndaej diudik he dih vunz, aenvih de haenj dingq Cangqdiq gaen Cangqdiq. 10De miz sam daeglwg, couh dwg Cenj, Hamz caeuq Yajfuz.
11Mwhmwnq, lajmbwn sojmiz hih vunz youq ndaw lwgra Cangqdiq cungj dwg yakyak rwixrwix he. 12Cangqdiq yawjraen lajmbwn, yawjraen gij vunz cungj dwg doegdoeg siebsieb le, 13de couh doiq Nozyaq naeuz: “Gou gietdingh ij cawz vunz, aenvih gyoengqde sawjhawj lajmbwn dauqcawq cungj dwg doegdoeg siebsieb. Sojhij gou ij cawz sojmiz hih vunz caeuq lajmbwn sojmiz he. 14Mwngz ij aeu faex coengzbek ma cauh aen ruz luj aen sieng he. Aen ruz neix caemh ij gek miz baenx fungh baenx fungh hwj, ndawndaw rogrog cungj ij duz lizcingh haeujbae. 15Aen ruz neix hih gij raez de ij guh miz itbak samcib sam mij raez, gvangq ij miz ngeihcib ngeih mij gvangq, sang ij miz cibsam mij sang.#6:15 Dineix ndaw yienzvaenz dwg naeuz ‘gij raez de ij guh miz sambak caeuz raez, gvangq ij miz hajcib caeuz gvangq, sang ij miz samcib caeuz sang.’ ‘Caeuz’ couh dwg dajlwh hoqgen daengz byaifawz, it caeuz daengjhih seiqcib haj gunghfaenh nodned. 16Aen ruz neix hih yiemhfung ij miz lingz denj haj mij,#6:16 Dineix ndaw yienzvaenz dwg naeuz ‘caeuz sang he.’ youq mbiengj henz de caemh ij guh miz bakdou. Aen ruz neix miz caengz gwnz, caengz laj, caengz cungqgyan, faen guh miz sam caengz.
17“Gou ij hawj raemx dumh mbwn liux bae, cawz sojmiz hih doenghduz, fanjcingq lajmbwn sojmiz hih cungj cawz liux bae. 18Hoeng, gou ij dingh yiengh he hawj mwngz, baujcingq gouq mwngz. Mwngz ij caeuq mehyah mwngz, daeglwg mwngz, mehbawx mwngz haeuj ndaw ruz bae.
19-20“Gou vanzlij ij hawj gak cungj doengh duz cukseng caeuq doengh duz vuenz lajdoem he hah, doengh duz mbin gwnz mbwn he hah, [19b]cungjcungj cungj miz duzboux duzmeh [20b]daeuj daengz mwngz mwnq; [19a]mwngz caemh ij daiq doengh duz neix haeuj ndaw ruz bae, [19c,20b]ndaej baux diuz mingh gyoengqde. 21Mwngz caemh ij diuh doenghgij gw he hwj hawj faenhsou caeuq gak cungj doenghduz laem.”
22Gajlaeng Nozyaq caemh ciuq Cangqdiq raengq hih yienghmwnq bae guh lo.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© New Bridge Publishing Company Limited