San Juan 5
5
Ti nkexro tsíkꞌen to̱té itjen Betesda
1Ndá chrꞌéxi̱n ti sin judío mé kjuasin sin ijnko kia, ndá chꞌin Jesús xíkjan chꞌan chjasin Jerusalén. 2A̱ndá chjinaxón ti ndója itꞌin “Ndója tꞌixenxín kolélo”, mé ntiha itjen ijnko pila tóxroyéya ìnta̱, mé ngiva hebreo la itꞌin Betesda. Mé ntiha la tjejó inꞌó cuarto ntsíntsí. 3La ntiha tjejóchóhen itsjé ti sin níhi; ti sin tꞌikonhña, ti sin tinkárénko#5:3 tinkárénko cojos chojni níhi to̱té xitjahya itji la ko ti sin tsíkꞌen to̱té,#5:3 tsíkꞌen to̱té paralítico mé tjejóchóhen sin nkehora tsꞌinki ti ìnta̱ 4kixin nkoya̱xón tꞌinkajin ijnko ángel, tjiankí ti ìnta̱ la ti ìnta̱ la tꞌinki. A̱ndá ti nkexro sa̱oxín tsíkjiánkí ti ìnta̱ mé tito̱he jína, kjónté nkexéhí ti ichin chónta. 5Ndá ntiha kjuákꞌe ijnko nkexro, mé ó treinta y ocho nánó níhi. 6A̱ndá ti ó kꞌuíkon chꞌin Jesús kixin ntiha tjetsínka ti nkexro, la nohe chꞌan kixin ósé xi̱kaha itjen, la kjuanchankí chꞌan:
―¿Á tjinkaoan tsito̱ha jína ní?
7Ndá ndáchro ti nkexro níhi:
―Chóntahyani ninkexró tsjinki̱tsa ti jeheni tsjiánkíni ti ìnta̱ ti ó tꞌinki. A̱ndá ti ó tjinkaoni tsjiánkíni, la ókjé nkexro titaón nti̱a tjiankí senó.
8Ndá kjuáte̱he chꞌin Jesús, ndáchro:
―Ijie la tꞌínkatjen, tjatsían ti ka̱ni̱a̱a, la sátjia.
9Ndá tuénxín kuito̱he jína ti nkexro a, la kjua̱tse̱n ti ka̱ni̱e̱e la kjuankíxin itji. Kjánchó tíha la kóhen ti ña̱o to̱kꞌéhe ti sin judío, 10#Neh. 13:19; Jer. 17:21.*la ti sin judío la ndáche sin ti nkexro kuito̱he jína:
―Ijie la ti ña̱o to̱kꞌéheni la kohya kjuachaxin tsamá ti ka̱ni̱a̱a.
11A̱ndá ndáchro ti nkexro a:
―Ti nkexro kjuínchekito̱na jína mé kꞌue̱to̱an kixin tsjatsían ti ka̱ni̱a̱na la sátsjia ―ichro.
12Ndá kjuanchankí sin:
―¿Xá nkexro ti kꞌue̱to̱an kixin tsjatsían ti ka̱ni̱a̱a la ko sátsjia?
13Ndá ti nkexro tsíkito̱he jína la noehña tsochronka nkexro tíha kixin chꞌin Jesús la kꞌuaxrjekjaxín chꞌan ntiha kixin siín nchónhña chojni. 14A̱ndá chrꞌéxi̱n chꞌin Jesús xéta ti nkexro a nkaxehen ni̱nko, la ndáche:
―Tsjehé, ijie la ó jína itjen, í tjásinhña ijie̱ ínaá. Kixin ti na̱xa̱ tsjásian ijie̱, la a̱ntsí taó tso̱han.
15Ndá sákjuí ti nkexro a, la chenka ti sin judío kixin chꞌin Jesús mé ti nkexro kjuínchekito̱he jína ti jehe chꞌan. 16Mé xi̱kaha ti sin judío la kjuankíxin chréhe̱ sin ti chꞌin Jesús, tjinkaon sin chrókꞌóñá sin chꞌan kixin kjuínchekito̱he chꞌan chojni jína ti ña̱o to̱kꞌéhe sin. 17Kjánchó chꞌin Jesús ndáche ti sin a:
―Tꞌaná la xráxín tjechꞌe ixra̱, a̱ndá janhan la kja̱xin tjétꞌa̱ ixra̱.
18Mé xi̱kaha ti sin judío la a̱ntsí tjinkaon sin chrókꞌóñá sin ti chꞌin Jesús kixin kjuínchexiteyáhya chꞌan ti ley kuènté ti ña̱o to̱kꞌéhe sin, la ko kja̱xin ndáchro chꞌan kixin Itꞌé chꞌan mé Díos, la xi̱kaha chꞌéna chꞌan a̱sén chꞌan Díos.
Ti kjuachaxin kuènté ti Xje̱en Díos
19Ndá ndáchro chꞌin Jesús:
―Chaxín ndáxrja̱n kixin ti Xje̱en Díos, la xitjahya sichꞌe ixra̱ ti jehó kjuachaxin kuènté ó. Jehó ti ixra̱ tꞌikon chꞌan tjechꞌe ti Itꞌé chꞌan mé kja̱xin chꞌan xi̱kaha ichꞌe chꞌan. 20Kixin Tꞌaná mé imá tjue̱he ti janhan, la tjako kaín ti ixra̱ tjechꞌe, la ko a̱ntsí tjetoan ti ixra̱ na̱xa̱ tsjako chꞌan, la tsochrakonra tsꞌikonra. 21Kixin éxi Tꞌaná la nchexechón ti sin tsíkꞌen la ko chjéhe chꞌan sin kjuachón, mé kja̱xin janhan chónta kjuachaxin tsotjahá kjuachón ti nkexro tjínka̱oan tsotjahá. 22Tꞌaná la nchekito̱exínhña chꞌan iji̱é ninkexró kixin janhan, ti Xje̱en Díos, mé kꞌuayáha̱ ti kjuachaxin kixin si̱ntaki̱to̱axian iji̱é kaín chojni 23ndá kaín chojni chrókjuikosáyehe sin ti janhan éxi tjikosayéxin sin Tꞌaná xi̱kaha. Ti sin tjikosayéhya ti janhan, la kja̱xin tjikosayéhya sin Tꞌaná, ti nkexro ichrꞌán ti janhan.
24’Chaxín ndáxrja̱n kixin ti nkojín nkexro tjejótihin ti nkehe tjàkua la ko titekaon ti nkexro ichrꞌán ti janhan, mé ó chónta sin ti kjuachón nkochríxín la ko tsjasótehya sin, kixin ó kuíto̱he sin ti nti̱a chrókꞌuenxín sin, la ó chónta sin ti kjuachón. 25Ijnko nkehe tjetoan tso̱tjo̱nkara kixin ó itsi ti ña̱o, la ti ña̱o a la ijie, la ti sin tsíkꞌen tsihin sin itén ti Xje̱en Díos. A̱ndá ti sin tsitekaon la tsochónta sin kjuachón nkochríxín. 26Tꞌaná mé chónta kjuachaxin tsjajon ti kjuachón, la ko kja̱xin janhan kjuajon chꞌan ti kjuachaxin a, 27la ko kja̱xin kjuajon chꞌan kjuachaxin si̱ntaki̱to̱axian iji̱é chojni chjasintajni kixin janhan mé ti Xje̱en Díos kꞌóna chojni. 28Chrakonhñara kixin tjéndáxrja̱n tíhi. Kixin ó itsi ti ña̱o kaín ti sin tsíkꞌen mé tsihin sin tsonixja ti xje̱en Díos. 29#Dn. 12:2.*Ndá tsꞌaxrjexín sin ti xravá sin, la ti sin kjuíchꞌe ixra̱ jína mé tsoxechón sin tsochónta sin kjuachón. A̱ndá ti sin kjuíchꞌehya ixra̱ jína mé kja̱xin tsoxechón sin, kixin tsjasóte sin.
Ti kjuachaxin chónta chꞌin Jesús
30’Ti jehó kjuachaxin kuénta̱na la xitjahya si̱tꞌa ninkehó nkehe. A̱ndá ijie nta̱kito̱axián ti ijie̱ éxi kꞌue̱to̱an Tꞌaná. A̱ndá ti nkehe nta̱kito̱axián la jína kixin tjínka̱konhña si̱tꞌa éxi tjínka̱oan. Náhí. Éxi tjinkaon Tꞌaná, ti nkexro ichrꞌán ti janhan. 31Méxra̱ ti chróxrja̱nka kixin imá jína janhan la ninkehó sínkíhya tíha. 32Kjánchó itjen íjnko nkexro chronka nkexrín itjén janhan, la ó nona kixin ti nkehe chronka chꞌan la chaxín tíha. 33#Jn. 1:19-27; 3:27-30.*Jahara tsíkétue̱hénra chojni tsíkjikjanchankíhi chꞌin Juan, la ti nkehe tsíkjate̱he chꞌan la chaxín ndoá tíha. 34Kjánchó janhan la ticháxi̱nahña kixin tsochronka íjnko chojni. Jehí ndáxrja̱n tíha kixin jahara jína chrókuaáxinra. 35Ti chꞌin Juan kjuákꞌe éxi ijnko xrohi, kjuákꞌeche kꞌuinkaséñaxín, la ko jahara iso ña̱o ó kóxríhanra kuihínra ti nkehe chrónka chꞌan. 36Kjánchó siín nkehe a̱ntsí tjetoan tja̱ko̱xi̱n nkexrín itjén janhan, a̱ndá kanhñó tjetoan ti nkehe tsíchronka chꞌin Juan. Ti ixra̱ tjétꞌa̱, mé ti ixra̱ kjuajon Tꞌaná si̱tꞌa, tíha mé tja̱ko̱xi̱n kixin chaxín Tꞌaná ichrꞌána kꞌuinka ntihi. 37#Mt. 3:17; Mr. 1:11; Lc. 3:22.*Kja̱xin Tꞌaná, ti nkexro ichrꞌána, mé chrónka nkexrín itjén janhan. A̱ndá jahara na̱xa̱ kíenhñara ti nkehe nixja chꞌan la ko kꞌuíkonhñara chꞌan. 38A̱ndá ti itén chꞌan kuito̱eyáhya nkaya a̱sánra kixin jahara tjinkákonhñara tsítekáonra ti Xje̱en Díos, ichrꞌán chꞌan ikui. 39Jahara nchekuáxinra jína ti xroon tsíkjin ti sin tsíchronka itén Díos ósé, kixin tjinkáonra chrókꞌuitjáxinra ti kjuachón nkochríxín, kjánchó ti nkehe tsíkjin sin ósé la chrónka ti nkehe kuénta̱na 40la jahara tjinkákonhñara tso̱chjinara ti itjén janhan kixin chrókꞌuayéhéra ti kjuachón.
41’Janhan la tjéyáhya kixin ti chojni chjasintajni la tsondáchro kixin jína itꞌa̱ ixra̱ o̱ náhí. 42Janhan ó choxián ti jahara la nona kixin jahara la chaxínhña tjue̱héra Díos. 43Janhan mé kꞌuinkaxian ti kjuachaxin kuènté Tꞌaná, kjánchó jahara la titekákonhñara ti janhan. A̱ndá ti chrókui íjnko nkexro kjuachaxin kuènté ó chrókjui̱xi̱n, la tíha mé chrókótjinkáonra la ko chrókuitekákohénra. 44¿Nkexrín chrókuitekáonra kixin tjéyára ti chojni chjasintajni chrókjuikosáyahara, a̱ndá tjéyáhyara ti kjuachaxin chrókjuajon ti nkoko̱a Díos itjen nkaya nka̱jní? 45Tjénka̱yáxinhñara kixin janhan tsjánchahara nkayakon Tꞌaná. Náhí. Chꞌin Moisés mé tsjanchehe ijie̱ ti jahara kixin tsíndáchrora kixin jehe chꞌan mé kuinkachónkira chꞌan. 46Kixin ti chaxín chrókuitekáonra ti nkehe tsíchronka Moisés, ndá kja̱xin chrókuitekáonra ti janhan kixin ti xroon tsíkjin chꞌan mé chronka kuènté ti janhan. 47A̱ndá ti titekákonhñara ti nkehe tsíkjin chꞌan, ¿ndá nkexrín chrókuitekáonra ti nkehe ndáxrja̱n janhan?
Voafantina amin'izao fotoana izao:
San Juan 5: poeNTplus
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2016, Wycliffe Bible Translators, Inc. All rights reserved.
San Juan 5
5
Ti nkexro tsíkꞌen to̱té itjen Betesda
1Ndá chrꞌéxi̱n ti sin judío mé kjuasin sin ijnko kia, ndá chꞌin Jesús xíkjan chꞌan chjasin Jerusalén. 2A̱ndá chjinaxón ti ndója itꞌin “Ndója tꞌixenxín kolélo”, mé ntiha itjen ijnko pila tóxroyéya ìnta̱, mé ngiva hebreo la itꞌin Betesda. Mé ntiha la tjejó inꞌó cuarto ntsíntsí. 3La ntiha tjejóchóhen itsjé ti sin níhi; ti sin tꞌikonhña, ti sin tinkárénko#5:3 tinkárénko cojos chojni níhi to̱té xitjahya itji la ko ti sin tsíkꞌen to̱té,#5:3 tsíkꞌen to̱té paralítico mé tjejóchóhen sin nkehora tsꞌinki ti ìnta̱ 4kixin nkoya̱xón tꞌinkajin ijnko ángel, tjiankí ti ìnta̱ la ti ìnta̱ la tꞌinki. A̱ndá ti nkexro sa̱oxín tsíkjiánkí ti ìnta̱ mé tito̱he jína, kjónté nkexéhí ti ichin chónta. 5Ndá ntiha kjuákꞌe ijnko nkexro, mé ó treinta y ocho nánó níhi. 6A̱ndá ti ó kꞌuíkon chꞌin Jesús kixin ntiha tjetsínka ti nkexro, la nohe chꞌan kixin ósé xi̱kaha itjen, la kjuanchankí chꞌan:
―¿Á tjinkaoan tsito̱ha jína ní?
7Ndá ndáchro ti nkexro níhi:
―Chóntahyani ninkexró tsjinki̱tsa ti jeheni tsjiánkíni ti ìnta̱ ti ó tꞌinki. A̱ndá ti ó tjinkaoni tsjiánkíni, la ókjé nkexro titaón nti̱a tjiankí senó.
8Ndá kjuáte̱he chꞌin Jesús, ndáchro:
―Ijie la tꞌínkatjen, tjatsían ti ka̱ni̱a̱a, la sátjia.
9Ndá tuénxín kuito̱he jína ti nkexro a, la kjua̱tse̱n ti ka̱ni̱e̱e la kjuankíxin itji. Kjánchó tíha la kóhen ti ña̱o to̱kꞌéhe ti sin judío, 10#Neh. 13:19; Jer. 17:21.*la ti sin judío la ndáche sin ti nkexro kuito̱he jína:
―Ijie la ti ña̱o to̱kꞌéheni la kohya kjuachaxin tsamá ti ka̱ni̱a̱a.
11A̱ndá ndáchro ti nkexro a:
―Ti nkexro kjuínchekito̱na jína mé kꞌue̱to̱an kixin tsjatsían ti ka̱ni̱a̱na la sátsjia ―ichro.
12Ndá kjuanchankí sin:
―¿Xá nkexro ti kꞌue̱to̱an kixin tsjatsían ti ka̱ni̱a̱a la ko sátsjia?
13Ndá ti nkexro tsíkito̱he jína la noehña tsochronka nkexro tíha kixin chꞌin Jesús la kꞌuaxrjekjaxín chꞌan ntiha kixin siín nchónhña chojni. 14A̱ndá chrꞌéxi̱n chꞌin Jesús xéta ti nkexro a nkaxehen ni̱nko, la ndáche:
―Tsjehé, ijie la ó jína itjen, í tjásinhña ijie̱ ínaá. Kixin ti na̱xa̱ tsjásian ijie̱, la a̱ntsí taó tso̱han.
15Ndá sákjuí ti nkexro a, la chenka ti sin judío kixin chꞌin Jesús mé ti nkexro kjuínchekito̱he jína ti jehe chꞌan. 16Mé xi̱kaha ti sin judío la kjuankíxin chréhe̱ sin ti chꞌin Jesús, tjinkaon sin chrókꞌóñá sin chꞌan kixin kjuínchekito̱he chꞌan chojni jína ti ña̱o to̱kꞌéhe sin. 17Kjánchó chꞌin Jesús ndáche ti sin a:
―Tꞌaná la xráxín tjechꞌe ixra̱, a̱ndá janhan la kja̱xin tjétꞌa̱ ixra̱.
18Mé xi̱kaha ti sin judío la a̱ntsí tjinkaon sin chrókꞌóñá sin ti chꞌin Jesús kixin kjuínchexiteyáhya chꞌan ti ley kuènté ti ña̱o to̱kꞌéhe sin, la ko kja̱xin ndáchro chꞌan kixin Itꞌé chꞌan mé Díos, la xi̱kaha chꞌéna chꞌan a̱sén chꞌan Díos.
Ti kjuachaxin kuènté ti Xje̱en Díos
19Ndá ndáchro chꞌin Jesús:
―Chaxín ndáxrja̱n kixin ti Xje̱en Díos, la xitjahya sichꞌe ixra̱ ti jehó kjuachaxin kuènté ó. Jehó ti ixra̱ tꞌikon chꞌan tjechꞌe ti Itꞌé chꞌan mé kja̱xin chꞌan xi̱kaha ichꞌe chꞌan. 20Kixin Tꞌaná mé imá tjue̱he ti janhan, la tjako kaín ti ixra̱ tjechꞌe, la ko a̱ntsí tjetoan ti ixra̱ na̱xa̱ tsjako chꞌan, la tsochrakonra tsꞌikonra. 21Kixin éxi Tꞌaná la nchexechón ti sin tsíkꞌen la ko chjéhe chꞌan sin kjuachón, mé kja̱xin janhan chónta kjuachaxin tsotjahá kjuachón ti nkexro tjínka̱oan tsotjahá. 22Tꞌaná la nchekito̱exínhña chꞌan iji̱é ninkexró kixin janhan, ti Xje̱en Díos, mé kꞌuayáha̱ ti kjuachaxin kixin si̱ntaki̱to̱axian iji̱é kaín chojni 23ndá kaín chojni chrókjuikosáyehe sin ti janhan éxi tjikosayéxin sin Tꞌaná xi̱kaha. Ti sin tjikosayéhya ti janhan, la kja̱xin tjikosayéhya sin Tꞌaná, ti nkexro ichrꞌán ti janhan.
24’Chaxín ndáxrja̱n kixin ti nkojín nkexro tjejótihin ti nkehe tjàkua la ko titekaon ti nkexro ichrꞌán ti janhan, mé ó chónta sin ti kjuachón nkochríxín la ko tsjasótehya sin, kixin ó kuíto̱he sin ti nti̱a chrókꞌuenxín sin, la ó chónta sin ti kjuachón. 25Ijnko nkehe tjetoan tso̱tjo̱nkara kixin ó itsi ti ña̱o, la ti ña̱o a la ijie, la ti sin tsíkꞌen tsihin sin itén ti Xje̱en Díos. A̱ndá ti sin tsitekaon la tsochónta sin kjuachón nkochríxín. 26Tꞌaná mé chónta kjuachaxin tsjajon ti kjuachón, la ko kja̱xin janhan kjuajon chꞌan ti kjuachaxin a, 27la ko kja̱xin kjuajon chꞌan kjuachaxin si̱ntaki̱to̱axian iji̱é chojni chjasintajni kixin janhan mé ti Xje̱en Díos kꞌóna chojni. 28Chrakonhñara kixin tjéndáxrja̱n tíhi. Kixin ó itsi ti ña̱o kaín ti sin tsíkꞌen mé tsihin sin tsonixja ti xje̱en Díos. 29#Dn. 12:2.*Ndá tsꞌaxrjexín sin ti xravá sin, la ti sin kjuíchꞌe ixra̱ jína mé tsoxechón sin tsochónta sin kjuachón. A̱ndá ti sin kjuíchꞌehya ixra̱ jína mé kja̱xin tsoxechón sin, kixin tsjasóte sin.
Ti kjuachaxin chónta chꞌin Jesús
30’Ti jehó kjuachaxin kuénta̱na la xitjahya si̱tꞌa ninkehó nkehe. A̱ndá ijie nta̱kito̱axián ti ijie̱ éxi kꞌue̱to̱an Tꞌaná. A̱ndá ti nkehe nta̱kito̱axián la jína kixin tjínka̱konhña si̱tꞌa éxi tjínka̱oan. Náhí. Éxi tjinkaon Tꞌaná, ti nkexro ichrꞌán ti janhan. 31Méxra̱ ti chróxrja̱nka kixin imá jína janhan la ninkehó sínkíhya tíha. 32Kjánchó itjen íjnko nkexro chronka nkexrín itjén janhan, la ó nona kixin ti nkehe chronka chꞌan la chaxín tíha. 33#Jn. 1:19-27; 3:27-30.*Jahara tsíkétue̱hénra chojni tsíkjikjanchankíhi chꞌin Juan, la ti nkehe tsíkjate̱he chꞌan la chaxín ndoá tíha. 34Kjánchó janhan la ticháxi̱nahña kixin tsochronka íjnko chojni. Jehí ndáxrja̱n tíha kixin jahara jína chrókuaáxinra. 35Ti chꞌin Juan kjuákꞌe éxi ijnko xrohi, kjuákꞌeche kꞌuinkaséñaxín, la ko jahara iso ña̱o ó kóxríhanra kuihínra ti nkehe chrónka chꞌan. 36Kjánchó siín nkehe a̱ntsí tjetoan tja̱ko̱xi̱n nkexrín itjén janhan, a̱ndá kanhñó tjetoan ti nkehe tsíchronka chꞌin Juan. Ti ixra̱ tjétꞌa̱, mé ti ixra̱ kjuajon Tꞌaná si̱tꞌa, tíha mé tja̱ko̱xi̱n kixin chaxín Tꞌaná ichrꞌána kꞌuinka ntihi. 37#Mt. 3:17; Mr. 1:11; Lc. 3:22.*Kja̱xin Tꞌaná, ti nkexro ichrꞌána, mé chrónka nkexrín itjén janhan. A̱ndá jahara na̱xa̱ kíenhñara ti nkehe nixja chꞌan la ko kꞌuíkonhñara chꞌan. 38A̱ndá ti itén chꞌan kuito̱eyáhya nkaya a̱sánra kixin jahara tjinkákonhñara tsítekáonra ti Xje̱en Díos, ichrꞌán chꞌan ikui. 39Jahara nchekuáxinra jína ti xroon tsíkjin ti sin tsíchronka itén Díos ósé, kixin tjinkáonra chrókꞌuitjáxinra ti kjuachón nkochríxín, kjánchó ti nkehe tsíkjin sin ósé la chrónka ti nkehe kuénta̱na 40la jahara tjinkákonhñara tso̱chjinara ti itjén janhan kixin chrókꞌuayéhéra ti kjuachón.
41’Janhan la tjéyáhya kixin ti chojni chjasintajni la tsondáchro kixin jína itꞌa̱ ixra̱ o̱ náhí. 42Janhan ó choxián ti jahara la nona kixin jahara la chaxínhña tjue̱héra Díos. 43Janhan mé kꞌuinkaxian ti kjuachaxin kuènté Tꞌaná, kjánchó jahara la titekákonhñara ti janhan. A̱ndá ti chrókui íjnko nkexro kjuachaxin kuènté ó chrókjui̱xi̱n, la tíha mé chrókótjinkáonra la ko chrókuitekákohénra. 44¿Nkexrín chrókuitekáonra kixin tjéyára ti chojni chjasintajni chrókjuikosáyahara, a̱ndá tjéyáhyara ti kjuachaxin chrókjuajon ti nkoko̱a Díos itjen nkaya nka̱jní? 45Tjénka̱yáxinhñara kixin janhan tsjánchahara nkayakon Tꞌaná. Náhí. Chꞌin Moisés mé tsjanchehe ijie̱ ti jahara kixin tsíndáchrora kixin jehe chꞌan mé kuinkachónkira chꞌan. 46Kixin ti chaxín chrókuitekáonra ti nkehe tsíchronka Moisés, ndá kja̱xin chrókuitekáonra ti janhan kixin ti xroon tsíkjin chꞌan mé chronka kuènté ti janhan. 47A̱ndá ti titekákonhñara ti nkehe tsíkjin chꞌan, ¿ndá nkexrín chrókuitekáonra ti nkehe ndáxrja̱n janhan?
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2016, Wycliffe Bible Translators, Inc. All rights reserved.