Sam 8
8
Sam Krartqmz (8)
Drtwr Kx Yrlq Kxrpalz
Nabz ne Devet kx yrbzle mz kxrmailz ngr dzbe kxnzngrng.
1 Yawe, nim Kxetu rgr.
Drtqm myalz-esz'ngr mz nrlc tulvzo.
X nzmyalz-krm myaszlzle bongavz.
2Mz nzvz-nqblq-krde me pnz drtwrm, doa kxnztopwzng nzglqlzlr nim.
X natqdr ailvzole nzrpibqtikr enqmi rmqng x awx-nabule nidr. #Matiu 21:16
3Kxrpalz, mzli kc tqobqlz-ngrne mz bongavz,
Mclzx nzlulikr temz x vri kcng tqwz-ngrnqng.
4?A' memule tqmatq-ngrgr mz drtwrm?
?X memule tqmrlzti-ngrn nigr leplz txneng?
5Murde wz-ngrn leplz vzo kxpipz mz lr Heven,
X kabzme badr zmrlue x nzamatqngr.
6Yrlqq nidr mz nzaclve-krdr da kcng tqwz-ngrn,
X da amrlx nzyclzbzng mz zmatq ngrdr. #Hibru 2:6-8; 1 Korint 15:27
7Nzaclvelr animol krbzq,
X animol kzpeto kz.
8X nidr kxnzetung r utc x nc,
X da amrlx kx nzwrneng prla.
9 Yawe, nim Kxetu rgr,
Drtqm myalz-esz'ngr mz nrlc tulvzo.
Voafantina amin'izao fotoana izao:
Sam 8: ntu
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2008, Wycliffe Bible Translators, Inc. All rights reserved.