Māteo 28:12-15

He oho ia tū ŋā oromatuꞌa era he vānaŋa ki te nuꞌu pūꞌoko haka tere hūrio mo haꞌaꞌau he aha te rāua meꞌe mo aŋa. I oti era he ꞌauhau ki rā ŋā vaꞌehau hai moni riꞌa-riꞌa ꞌe he hatu: «E ꞌaꞌamu: e hāꞌuru nō ꞌana a kōrua i tuꞌu atu ai te nuꞌu hāpī ꞌa Ietū, he mātaki i te kona haka rē pāpaku, he toke i te hakari. ꞌE mo ŋaroꞌa tāꞌue e te suerekao o ruŋa i te ꞌaꞌamu nei, mo mātou e vānaŋa ki a ia ꞌo ꞌati kōrua». He toꞌo ia tū ŋā vaꞌehau era i te moni, ꞌe he eꞌa he oho he aŋa pē rā meꞌe kī era e rā nuꞌu. ꞌE pē ira e ꞌaꞌamu ena e te ⌊hūrio⌋ ꞌātā ki ꞌaŋarīnā.