Gẹnẹsisi 31
31
1E sọ sè ohó visunnu Labani tọn lẹ tọn he yé to didọ, dọmọ, Jakobu ko bẹ́ onú he yín otọ́ mítọn tọn lẹpo, podọ sọn enẹ mẹ he yín otọ́ mítọn tọn lẹ wẹ é tindo gigọ he lẹ. 2Jakobu sọ pọ́n nukunme Labani tọn, bo dayi e go, é ma sọ to le é te hlan dali etọn dai gba.
3OKLUNỌ sọ dọ hlan Jakobu, dọmọ, Légọ̀ yì aigba otọ́ towe tọn ji, yì hẹnnumẹ towe lẹ de; yẹn nasọ tin to de we.
4Jakobu sọ dowẹn bo ylọ Laheli po Lea po yì danji to fie kanlinpa etọn te, 5bo dọ hlan yé, dọmọ, Yẹn pọ́n nukun otọ́ mítọn tọn mẹ, é ma sọ to le é te hlan dali ṣie daidai gba; ṣigba Jiwheyẹwhe otọ́ ṣie tọn tin hẹ mi. 6Mìwlẹ sọ yọ́nẹn dọ huhlọn ṣie lẹpo wẹ yẹn yí do sẹ̀n otọ́ mítọn. 7Otọ́ mítọn sọ blu mi, bo diọ azọ́nkuẹ ṣie whla ao; ṣigba Jiwheyẹwhe ma dike é ni gble alọ do ogo e gba. 8Eyín é dọ le, dọ, Ehe alánọ lẹ wẹ na yín azónkuẹ towe, kanlin lẹpo nasọ ji alánọ: eyín é sọ dọ le, dọ, Ehe owhẹnọ lẹ na yín azọnkuẹ towe; whenẹnu wẹ kanlinpa lẹpo ji owhẹnọ. 9Le wẹ Jiwheyẹwhe yí kanlin otọ́ mítọn tọn lẹ, bo yí yé na mi. 10E sọ wá jọ to ojlẹ he mẹ kanlin lẹ mọhò te, bọ yẹn zé nukun ṣie daga, bo mọ to odlọ mẹ, bo, dayi e go, alúnkun he to kanlin lẹ yla lẹ yín owhẹnọ, alánọ, hianọ. 11Angẹli Jiwheyẹwhe tọn sọ dọ hlan mi to odlọ mẹ, dọ, Jakobu: yẹn sọ dọmọ, Yẹn tin to ofi. 12E dọmọ, Zé nukun towe daga lò, bo pọ́n, alúnkun he to kanlin lẹ yla lẹ owhẹnọ, alánọ, po hianọ po wẹ; na yẹn ko mọ onú he Labani to wiwà do we lẹpo. 13Yen Jiwheyẹwhe Bet-eli tọn wẹ, fie hiẹ kòn amì do kòdòtin ji te, fie hiẹ dopana mi te: fọ́n dinvie, tónyì sọn aigba he ji, bo légó yì aigba hẹnnumẹ towe lẹ tọn ji.
14Laheli po Lea po sọ gblọn bo dọ hlan ẹn, dọmọ, Bé númimá po ogú de po so pò na mí to owhé otọ́ mítọn tọn gbè ba. 15Bé é ma yín ojonọ wẹ ewọ hia míwlẹ do dinvie? na é ko sá mí; bo ko sọ dù akuẹ he yè do suahọ mí tọn gbidigbidi. 16Na adọkun he Jiwheyẹwhe ko yí sọn otọ́ mítọn si, enẹ wẹ mítọn po ovi mítọn lẹpo po tọn: dinvie núdepope he Jiwheyẹwhe ko dọ hlan we wẹ a ni wà.
17Whenẹnu wẹ Jakobu sọ fọ́n, bo zé visunnu etọn lẹ, po asi etọn lẹ po hé kanklosọpoawenọ lẹ ji. 18E sọ bé kanlin etọn lẹpo yì, podọ núbépli etọn he é bépli lẹ, po kanlin he é tindo na ede lẹ po, he é ko bẹ́pli to Padan-alami, nado yì Isaki otọ́ etọn de to aigba Kenani ton ji. 19Labani ko yì nado pafún lẹngbọ etọn lẹ tọn: Lahẹli sọ fìn asanyin he yín otọ́ etọn tọn lẹ. 20Jakobu sọ blu Labani Silianu na é ma dọ bo do họ̀nyì tọn wutu. 21Mowẹ è họ̀nyì po onú he é tindo lẹpo po: é sọ fọ́n, bo yì otọ̀ lọ godo, bo sọkọ osé Gilẹadi tọn dali.
22Yè sọ dọ na Labani to azán atọ̀ntọ gbè dọ Jakobu ko họ̀nyì. 23E sọ yí mẹmẹsunnu etọn lẹ dogọ́ ede, bo jẹmọ nẹ̃ hò azán ṣinawe gbejizọnlin; bo pla ẹ to osé Gilẹadi tọn ji.
24Jiwheyẹwhe wá Labani Silianu de to odlọ mẹ to ozán mẹ, bo dọ hlan ẹn, dọmọ, Payido dewe, dọ hiẹ dọ dagbe kavi yìankan hlan Jakobu blo.
25Labani sọ pla Jakobu. Jakobu ko pọ́n ogohọ̀ etọn do osé lọ ji: Labani po mẹmẹsunnu etọn po sọ whesla do osé Gilẹadi tọn ji. 26Labani sọ dọ hlan Jakobu, dọmọ, Etẹ hiẹ wà he, bọ hiẹ ko blu mi bo bẹ́ viyọnnu ṣie lẹ yì di mẹmẹ glọ ohi tọn lẹ? 27Etẹwutu wẹ hiẹ do bẹ́ họnyì, bọ hiẹ do blu mi; bọ hiẹ ma dọ na mi, na yẹn nido yí ayajijẹ po ohàn po, akòhún po ajalẹn po do do we yì; 28bọ hiẹ ma sọ dike na yẹn ni donùnùgona visunnu po viyọnnu ṣie lẹ po? dinvie hiẹ gú na ehe hiẹ wà he. 29Na yẹn tindo huhlọn to alọ ṣie mẹ nado wà oylan do mì: ṣigba Jiwheyẹwhe otọ́ mítọn tọn ko dọhó hẹ mi to zánmẹsọ, dọmọ, Payido dewe, dọ hiẹ dọ dagbe kavi ylankan hlan Jakobu blo. 30Dinvie hiẹ ma sọgan nọma yì, na ayiha towe ko dón talala do owhé otọ́ towe tọn go wutu; ṣigba etẹwutu wẹ hiẹ fìn asanyìn ṣie lẹ sọ yi?
31Jakobu sọ gblọn bo dọ hlan Labani, dọmọ, Na yẹn dibú wutu wẹ: na yẹn sọ dọmọ, Eya hiẹ sọgan yí huhlọn do bẹ́ viyọnnu towe lẹ sọn asi e. 32To alọ mẹdepope he tọn mẹ hiẹ mọ asanyìn towe lẹ te, ewọ sọ nọ ogbẹ̀ blo: to nukun mẹmẹsunnu mítọn helẹ tọn mẹ pọ́n onú he yín towe lẹ to dè, bo sọ yi i do dewe Je. Na Jakobu ma yónẹn dọmọ Laheli wẹ fìn yé gba.
33Labani sọ biọ gohọ̀ Jakobu tọn mẹ, po gohọ̀ Lea tọn po mẹ, po gohọ̀ viyọnnu awe lẹ tọn po mẹ; ṣigba é ma mọ yé. Whenẹnu wẹ é tón sọn gohò Lea tọn mẹ, bo biọ gohò Laheli tọn mẹ. 34Laheli wẹ ko yi asanyìn lẹ, bo sọ bẹ́ yé do aisinnú kanklosọpoawenọ tọn mẹ, bo sinai to yé ji. Labani sọ din ogohò lẹpo mẹ, ṣigba é ma mọ yé. 35E sọ dọ hlan otọ́ etọn, dọmọ, Dike klunọ ṣie yín adinọ blo bọ yẹn ma sọgan tite to nukọn towe; na zinzán yọnnu lẹ tọn tin to ogo e. E sọ din ogohò mẹ pó, ṣigba é ma mọ asanyìn lẹ.
36Jakobu sọ gblehomẹ, bo wọhẹ Labani: Jakobu sọ gblọn hlan Labani, dọmọ, Etẹwẹ tasinsẹn ṣie? etẹ sọ wẹ ylando ṣie bọ hiẹ do yí adán do domọna mi? 37Bó le hiẹ gbà onú ṣie lẹpo pọ́n, etẹ wẹ hiẹ mọ to onú he tin to owhó towe gbè lẹpo mẹ? yí i dai to ofi to mẹmẹsunnu ṣie po mẹmẹsunnu towe lẹpo po nukọn, na yé ni dawhó to mí omẹ awe lẹ ṣẹnṣẹn. 38Owhè oko dinvie wẹ yẹn tin to de we; lẹngbọ towe po gbọgbọẹ towe po ma kọ̀nhò, mọ yẹn ma hù alúnkun kanlinpa towe mẹ tọn lẹ dù. 39Ehe okanlin lẹ hẹn tlẹn yẹn ma hẹn ẹn wá de we; yẹn ma wẹ yí gúgú e tọn; sọn alọ ṣie mẹ wẹ hiẹ biọ ẹ te, eyín yè fìn to okle kavi yè fìn to ozán mẹ. 40Le wẹ yẹn te; ovẹ́ hùhù mi to okle, avivọ to hùhù mi to ozánmẹ; amlọn sọ họ̀nyì sọn nukun ṣie ji. 41Owhè oko dinvie wẹ yẹn ko tin to owhé towe gbè; yẹn sẹ́n we owhè wiẹnẹ na viyonnu towe awe lẹ, owhè ṣidopo na kanlin towe lẹ, hiẹ sọ diọ azọ́nkuẹ ṣie whla ao. 42Adavo le Jiwheyẹwhe otọ́ ṣie ton, Jiwheyẹwhe Ablaham tọn, po Isaki tọn po ko tin hẹ mi, nugbonugbo alọ̀vọ́ wẹ hie do tùn mì hlan gbonu yì. Jiwheyẹwhe sọ mọ nakunbibia ṣie, po tukla alọ ṣie mẹ tọn po, bo do wọhẹ we to zánmẹsọ.
43Labani sọ gblọn bo dọ hlan Jakobu, dọmọ, Viyọnnu ṣie lẹ wẹ viyọnnu lẹ, ovi ṣie lẹ wẹ ovi lẹ, okanlinpa ṣie wẹ okanlinpa lẹ, po enẹ he hiẹ mọ lẹpo po ṣie wẹ: etẹwẹ yẹn sọgan wà hlan viyọnnu ṣie helẹ to egbé, kavi hlan ovi yetọn he yé ji lẹ? 44Dinvie wá, bo gbọ mí ni nùalẹ hẹ mínọzo, yẹn po hiẹ po; na é ni yín okunnu to yẹn po hiẹ po ṣẹnṣẹn.
45Jakobu sọ yí osé de, bo zé e dote do basi kòdòtin. 46Jakobu sọ dọ hlan mẹmẹsunnu etọn lẹ, dọmọ, Mì bẹ́ osé plidopọ; yé sọ yiosé, bo fli okiti; yé sọ dùnú to okiti lọ ji. 47Labani sọ ylọ oyín etọn dọ Jẹgali—Sahaduta ; ṣigba Jakobu ylọ oyín etọn dọ Galẹedi. 48Labani sọ dọmọ, Okiti he we kunnudetọ to yẹn po hiẹ po ṣẹnṣẹn to egbé. Enẹwutu wẹ yè do nọ ylọ oyín etọn dọ Galẹedi: 49podọ Mizpa ; na é dọmọ, OKLUNỌ ni hó yẹn po hiẹ po, to whenuena mí na klán sọn mínọzo de. 50Eyíndọ hiẹ bianukunna viyọnnu ṣie lẹ, kavi eyín hiẹ mọ asi devo dogó viyọnnu ṣie lẹ, omẹ de ma tin gọ́na mí; pọ́n, Jiwheyẹwhe wẹ kunnudetọ to yẹn po hiẹ po ṣẹnṣẹn. 51Labani sọ dọ hlan Jakobu, dọmọ, Dayi okiti he go, bo sọ dayi kòdòtin he go, ehe yẹn zé dote to yẹn po hiẹ po ṣẹnṣẹn. 52Okiti he yín kunnudetọ, kòdòtin lọ sọ yín kunnudetọ, dọ yẹn ma na dasa okiti he do wá de we, podọ hiẹ ma na dasa okiti he, po kòdòtin he po wá dè, na danu. 53Jiwheyẹwhe Ablaham tọn, Jiwheyẹwhe Naholi tọn, Jiwheyẹwhe otọ́ yetọn tọn, ni yín whẹ̀datọ to ṣẹnṣẹn mítọn. Jakobu sọ whló gbọn osi Isaki otọ́ etọn tọn dali.
54Jakobu sọ na avọ́ núnina de to osé lọ ji, bo ylọ mẹmẹsunnu etọn lẹ nado dùnú: yé sọ dùnú, bo gbọsiai to ozán lọ mẹ to osé ji. 55To afọnnufù, Labani fọ́n, bo donùnùgona visunnu etọn lẹ, po viyọnnu etọn lẹ po, bo dona yé: Labani sọ klán, bo lógó do otẹn etọn mẹ.
Voafantina amin'izao fotoana izao:
Gẹnẹsisi 31: BWL23
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Holy Bible in Gun-Alada © Bible Society of Benin and Bible Society of Nigeria, 1923.
Gẹnẹsisi 31
31
1E sọ sè ohó visunnu Labani tọn lẹ tọn he yé to didọ, dọmọ, Jakobu ko bẹ́ onú he yín otọ́ mítọn tọn lẹpo, podọ sọn enẹ mẹ he yín otọ́ mítọn tọn lẹ wẹ é tindo gigọ he lẹ. 2Jakobu sọ pọ́n nukunme Labani tọn, bo dayi e go, é ma sọ to le é te hlan dali etọn dai gba.
3OKLUNỌ sọ dọ hlan Jakobu, dọmọ, Légọ̀ yì aigba otọ́ towe tọn ji, yì hẹnnumẹ towe lẹ de; yẹn nasọ tin to de we.
4Jakobu sọ dowẹn bo ylọ Laheli po Lea po yì danji to fie kanlinpa etọn te, 5bo dọ hlan yé, dọmọ, Yẹn pọ́n nukun otọ́ mítọn tọn mẹ, é ma sọ to le é te hlan dali ṣie daidai gba; ṣigba Jiwheyẹwhe otọ́ ṣie tọn tin hẹ mi. 6Mìwlẹ sọ yọ́nẹn dọ huhlọn ṣie lẹpo wẹ yẹn yí do sẹ̀n otọ́ mítọn. 7Otọ́ mítọn sọ blu mi, bo diọ azọ́nkuẹ ṣie whla ao; ṣigba Jiwheyẹwhe ma dike é ni gble alọ do ogo e gba. 8Eyín é dọ le, dọ, Ehe alánọ lẹ wẹ na yín azónkuẹ towe, kanlin lẹpo nasọ ji alánọ: eyín é sọ dọ le, dọ, Ehe owhẹnọ lẹ na yín azọnkuẹ towe; whenẹnu wẹ kanlinpa lẹpo ji owhẹnọ. 9Le wẹ Jiwheyẹwhe yí kanlin otọ́ mítọn tọn lẹ, bo yí yé na mi. 10E sọ wá jọ to ojlẹ he mẹ kanlin lẹ mọhò te, bọ yẹn zé nukun ṣie daga, bo mọ to odlọ mẹ, bo, dayi e go, alúnkun he to kanlin lẹ yla lẹ yín owhẹnọ, alánọ, hianọ. 11Angẹli Jiwheyẹwhe tọn sọ dọ hlan mi to odlọ mẹ, dọ, Jakobu: yẹn sọ dọmọ, Yẹn tin to ofi. 12E dọmọ, Zé nukun towe daga lò, bo pọ́n, alúnkun he to kanlin lẹ yla lẹ owhẹnọ, alánọ, po hianọ po wẹ; na yẹn ko mọ onú he Labani to wiwà do we lẹpo. 13Yen Jiwheyẹwhe Bet-eli tọn wẹ, fie hiẹ kòn amì do kòdòtin ji te, fie hiẹ dopana mi te: fọ́n dinvie, tónyì sọn aigba he ji, bo légó yì aigba hẹnnumẹ towe lẹ tọn ji.
14Laheli po Lea po sọ gblọn bo dọ hlan ẹn, dọmọ, Bé númimá po ogú de po so pò na mí to owhé otọ́ mítọn tọn gbè ba. 15Bé é ma yín ojonọ wẹ ewọ hia míwlẹ do dinvie? na é ko sá mí; bo ko sọ dù akuẹ he yè do suahọ mí tọn gbidigbidi. 16Na adọkun he Jiwheyẹwhe ko yí sọn otọ́ mítọn si, enẹ wẹ mítọn po ovi mítọn lẹpo po tọn: dinvie núdepope he Jiwheyẹwhe ko dọ hlan we wẹ a ni wà.
17Whenẹnu wẹ Jakobu sọ fọ́n, bo zé visunnu etọn lẹ, po asi etọn lẹ po hé kanklosọpoawenọ lẹ ji. 18E sọ bé kanlin etọn lẹpo yì, podọ núbépli etọn he é bépli lẹ, po kanlin he é tindo na ede lẹ po, he é ko bẹ́pli to Padan-alami, nado yì Isaki otọ́ etọn de to aigba Kenani ton ji. 19Labani ko yì nado pafún lẹngbọ etọn lẹ tọn: Lahẹli sọ fìn asanyin he yín otọ́ etọn tọn lẹ. 20Jakobu sọ blu Labani Silianu na é ma dọ bo do họ̀nyì tọn wutu. 21Mowẹ è họ̀nyì po onú he é tindo lẹpo po: é sọ fọ́n, bo yì otọ̀ lọ godo, bo sọkọ osé Gilẹadi tọn dali.
22Yè sọ dọ na Labani to azán atọ̀ntọ gbè dọ Jakobu ko họ̀nyì. 23E sọ yí mẹmẹsunnu etọn lẹ dogọ́ ede, bo jẹmọ nẹ̃ hò azán ṣinawe gbejizọnlin; bo pla ẹ to osé Gilẹadi tọn ji.
24Jiwheyẹwhe wá Labani Silianu de to odlọ mẹ to ozán mẹ, bo dọ hlan ẹn, dọmọ, Payido dewe, dọ hiẹ dọ dagbe kavi yìankan hlan Jakobu blo.
25Labani sọ pla Jakobu. Jakobu ko pọ́n ogohọ̀ etọn do osé lọ ji: Labani po mẹmẹsunnu etọn po sọ whesla do osé Gilẹadi tọn ji. 26Labani sọ dọ hlan Jakobu, dọmọ, Etẹ hiẹ wà he, bọ hiẹ ko blu mi bo bẹ́ viyọnnu ṣie lẹ yì di mẹmẹ glọ ohi tọn lẹ? 27Etẹwutu wẹ hiẹ do bẹ́ họnyì, bọ hiẹ do blu mi; bọ hiẹ ma dọ na mi, na yẹn nido yí ayajijẹ po ohàn po, akòhún po ajalẹn po do do we yì; 28bọ hiẹ ma sọ dike na yẹn ni donùnùgona visunnu po viyọnnu ṣie lẹ po? dinvie hiẹ gú na ehe hiẹ wà he. 29Na yẹn tindo huhlọn to alọ ṣie mẹ nado wà oylan do mì: ṣigba Jiwheyẹwhe otọ́ mítọn tọn ko dọhó hẹ mi to zánmẹsọ, dọmọ, Payido dewe, dọ hiẹ dọ dagbe kavi ylankan hlan Jakobu blo. 30Dinvie hiẹ ma sọgan nọma yì, na ayiha towe ko dón talala do owhé otọ́ towe tọn go wutu; ṣigba etẹwutu wẹ hiẹ fìn asanyìn ṣie lẹ sọ yi?
31Jakobu sọ gblọn bo dọ hlan Labani, dọmọ, Na yẹn dibú wutu wẹ: na yẹn sọ dọmọ, Eya hiẹ sọgan yí huhlọn do bẹ́ viyọnnu towe lẹ sọn asi e. 32To alọ mẹdepope he tọn mẹ hiẹ mọ asanyìn towe lẹ te, ewọ sọ nọ ogbẹ̀ blo: to nukun mẹmẹsunnu mítọn helẹ tọn mẹ pọ́n onú he yín towe lẹ to dè, bo sọ yi i do dewe Je. Na Jakobu ma yónẹn dọmọ Laheli wẹ fìn yé gba.
33Labani sọ biọ gohọ̀ Jakobu tọn mẹ, po gohọ̀ Lea tọn po mẹ, po gohọ̀ viyọnnu awe lẹ tọn po mẹ; ṣigba é ma mọ yé. Whenẹnu wẹ é tón sọn gohò Lea tọn mẹ, bo biọ gohò Laheli tọn mẹ. 34Laheli wẹ ko yi asanyìn lẹ, bo sọ bẹ́ yé do aisinnú kanklosọpoawenọ tọn mẹ, bo sinai to yé ji. Labani sọ din ogohò lẹpo mẹ, ṣigba é ma mọ yé. 35E sọ dọ hlan otọ́ etọn, dọmọ, Dike klunọ ṣie yín adinọ blo bọ yẹn ma sọgan tite to nukọn towe; na zinzán yọnnu lẹ tọn tin to ogo e. E sọ din ogohò mẹ pó, ṣigba é ma mọ asanyìn lẹ.
36Jakobu sọ gblehomẹ, bo wọhẹ Labani: Jakobu sọ gblọn hlan Labani, dọmọ, Etẹwẹ tasinsẹn ṣie? etẹ sọ wẹ ylando ṣie bọ hiẹ do yí adán do domọna mi? 37Bó le hiẹ gbà onú ṣie lẹpo pọ́n, etẹ wẹ hiẹ mọ to onú he tin to owhó towe gbè lẹpo mẹ? yí i dai to ofi to mẹmẹsunnu ṣie po mẹmẹsunnu towe lẹpo po nukọn, na yé ni dawhó to mí omẹ awe lẹ ṣẹnṣẹn. 38Owhè oko dinvie wẹ yẹn tin to de we; lẹngbọ towe po gbọgbọẹ towe po ma kọ̀nhò, mọ yẹn ma hù alúnkun kanlinpa towe mẹ tọn lẹ dù. 39Ehe okanlin lẹ hẹn tlẹn yẹn ma hẹn ẹn wá de we; yẹn ma wẹ yí gúgú e tọn; sọn alọ ṣie mẹ wẹ hiẹ biọ ẹ te, eyín yè fìn to okle kavi yè fìn to ozán mẹ. 40Le wẹ yẹn te; ovẹ́ hùhù mi to okle, avivọ to hùhù mi to ozánmẹ; amlọn sọ họ̀nyì sọn nukun ṣie ji. 41Owhè oko dinvie wẹ yẹn ko tin to owhé towe gbè; yẹn sẹ́n we owhè wiẹnẹ na viyonnu towe awe lẹ, owhè ṣidopo na kanlin towe lẹ, hiẹ sọ diọ azọ́nkuẹ ṣie whla ao. 42Adavo le Jiwheyẹwhe otọ́ ṣie ton, Jiwheyẹwhe Ablaham tọn, po Isaki tọn po ko tin hẹ mi, nugbonugbo alọ̀vọ́ wẹ hie do tùn mì hlan gbonu yì. Jiwheyẹwhe sọ mọ nakunbibia ṣie, po tukla alọ ṣie mẹ tọn po, bo do wọhẹ we to zánmẹsọ.
43Labani sọ gblọn bo dọ hlan Jakobu, dọmọ, Viyọnnu ṣie lẹ wẹ viyọnnu lẹ, ovi ṣie lẹ wẹ ovi lẹ, okanlinpa ṣie wẹ okanlinpa lẹ, po enẹ he hiẹ mọ lẹpo po ṣie wẹ: etẹwẹ yẹn sọgan wà hlan viyọnnu ṣie helẹ to egbé, kavi hlan ovi yetọn he yé ji lẹ? 44Dinvie wá, bo gbọ mí ni nùalẹ hẹ mínọzo, yẹn po hiẹ po; na é ni yín okunnu to yẹn po hiẹ po ṣẹnṣẹn.
45Jakobu sọ yí osé de, bo zé e dote do basi kòdòtin. 46Jakobu sọ dọ hlan mẹmẹsunnu etọn lẹ, dọmọ, Mì bẹ́ osé plidopọ; yé sọ yiosé, bo fli okiti; yé sọ dùnú to okiti lọ ji. 47Labani sọ ylọ oyín etọn dọ Jẹgali—Sahaduta ; ṣigba Jakobu ylọ oyín etọn dọ Galẹedi. 48Labani sọ dọmọ, Okiti he we kunnudetọ to yẹn po hiẹ po ṣẹnṣẹn to egbé. Enẹwutu wẹ yè do nọ ylọ oyín etọn dọ Galẹedi: 49podọ Mizpa ; na é dọmọ, OKLUNỌ ni hó yẹn po hiẹ po, to whenuena mí na klán sọn mínọzo de. 50Eyíndọ hiẹ bianukunna viyọnnu ṣie lẹ, kavi eyín hiẹ mọ asi devo dogó viyọnnu ṣie lẹ, omẹ de ma tin gọ́na mí; pọ́n, Jiwheyẹwhe wẹ kunnudetọ to yẹn po hiẹ po ṣẹnṣẹn. 51Labani sọ dọ hlan Jakobu, dọmọ, Dayi okiti he go, bo sọ dayi kòdòtin he go, ehe yẹn zé dote to yẹn po hiẹ po ṣẹnṣẹn. 52Okiti he yín kunnudetọ, kòdòtin lọ sọ yín kunnudetọ, dọ yẹn ma na dasa okiti he do wá de we, podọ hiẹ ma na dasa okiti he, po kòdòtin he po wá dè, na danu. 53Jiwheyẹwhe Ablaham tọn, Jiwheyẹwhe Naholi tọn, Jiwheyẹwhe otọ́ yetọn tọn, ni yín whẹ̀datọ to ṣẹnṣẹn mítọn. Jakobu sọ whló gbọn osi Isaki otọ́ etọn tọn dali.
54Jakobu sọ na avọ́ núnina de to osé lọ ji, bo ylọ mẹmẹsunnu etọn lẹ nado dùnú: yé sọ dùnú, bo gbọsiai to ozán lọ mẹ to osé ji. 55To afọnnufù, Labani fọ́n, bo donùnùgona visunnu etọn lẹ, po viyọnnu etọn lẹ po, bo dona yé: Labani sọ klán, bo lógó do otẹn etọn mẹ.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Holy Bible in Gun-Alada © Bible Society of Benin and Bible Society of Nigeria, 1923.