Chhóng-sṳ Ki 8

Thai-súi Thui-thet

1Song-ti mò m̀ ki-tet Nò-â lâu thai-sòn só-yû ke thung-vu̍t, thèu-sâng. Song-ti ham fûng hi-chhôi thai-thi, súi chhiu thui lé. 2Chhṳ̂m-yên ke súi-ngièn lâu thiên-táng ke súi-mùn ya koân hí-lòi, thiên-khûng ke thai-yí me thìn hâ-lòi. 3Súi chhai thi-song kín-lòi kín-liám; yit-pak ńg-sṳ̍p ngit heu, súi chhiu thui. 4Chhit-ngie̍t sṳ̍p-chhit, thai-sòn thìn chhai Â-lâ-la̍p sân-táng. 5Súi yu ki-siu̍k kín-thui, to sṳ̍p-ngie̍t chhû-yit, chhiu khon tet-tó sân-táng.

6Si-sṳ̍p ngit heu, Nò-â tá-khôi thai-sòn ke chhûng-mùn, 7piong yit-chak vû-â chhut-hi; liá-chak vû-â pî-lòi pî-hi, chhṳ̍t-to súi chhai thi-song châu-thet. 8Kì yu piong yit-chak ngie̍t-kap-è chhut-hi, oi-khon súi tui thi-song thui màng? 9Chúng-he, yîn-vi súi hàn chim-tén thai-thi, ngie̍t-kap-è chhìm m̀-tó thìn-kiok ke thi-fông, chhiu pî-chón thai-sòn Nò-â ke-vi. Nò-â chhûn-sú chiông ngie̍t-kap-è chiap-ngi̍p thai-sòn lòi. 10Kì yu tén chhit-ngit, chai yit-pái chiông ngie̍t-kap-è tui thai-sòn piong chhut-hi. 11To lìm-am-é, ngie̍t-kap-è chón-to kì ke-vi, choi hàm-tén túi hâ-lòi ke sîn kám-lám ya̍p; án-ngiòng, Nò-â chhiu tî súi thui lé. 12Yu tén chhit-ngit, kì yu piong ngie̍t-kap-è chhut-hi, ngie̍t-kap-è chhiu mò-chai pî chón-lòi. 13Nò-â liuk-pak làng yit-se ke-ngièn châng-ngie̍t chhû-yit, thi-song ke súi yí-kîn châu lé. Nò-â tá-khôi sòn-koi, tham-thèu khon, khon-tó thi-mien yí-kîn châu lé. 14To ngi-ngie̍t ngi-sṳ̍p chhit, thi-nài chhiu vàn-chhiòn châu lé.

15Song-ti tui Nò-â kóng: 16“Ngì lâu ngiâ pû-ngiòng, lai-é, sîm-khiû lûng-chúng oi tui thai-sòn chhut-hi. 17Lâu ngì khiung-ha yit-chhiet yû sâng-miang ke thung-vu̍t, chhiu-he fî-niâu, thèu-sâng lâu thi-song ke phà-chhùng, chhiòn-phu oi tai chhut-hi, sṳ́ kì-têu chhai thi-song oi kiung tô-tô, thai-thai hîn-vong.” 18Án-ngiòng, Nò-â chhiu lâu kiâ pû-ngiòng, lai-é, sîm-khiû khiung-ha chhut-lòi. 19Kok-chúng kok-lui ke chéu-chhu, phà-chhùng, fî-niâu, só-yû thi-song ke thung-vu̍t, chhiòn-phu tui thai-sòn chhut-lòi.

Nò-â Hien-chi

20Nò-â vi Song-chú hí yit-chho chi-thàn, chhí kok-yong chhiang-li ke thèu-sâng, fî-niâu, chhai chi-thàn táng hien-cho sêu-fa-chi. 21Song-chú phi-tó ke hiông-hi chhiu fôn-hí, sîm-tú kóng: “Ngài yit-thin m̀-voi yîn-vi ngìn ke hàng-vì chai chu-chú thai-thi; sûi-yèn ngìn chhiùng-se chhiu sîm-sṳ̂ sià-ok, Ngài yit-thin m̀-voi chhiong liá-pái chiông thi-song só-yû ke sâng-vu̍t chai sêu-me̍t. 22Chṳ́-oi thai-thi chhùn-liù yit-ngit, chhiu khó-yî ve-chúng sû-sṳ̀n; yû hòn-ngie̍t tûng-ha, yû ngit-sṳ̀ am-pû, yún-yén mò-thìn.”

Voafantina amin'izao fotoana izao:

Chhóng-sṳ Ki 8: THV12Rdb

Asongadina

Hizara

Dika mitovy

Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra

Hahafantatra misimisy kokoa momba ny HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhóng-sṳ Ki 8

Andinin-tSoratra Masina malaza indrindra nalaina tao amin'ny
Chhóng-sṳ Ki 8

Baiboly:

Hakkafa (Roman script)

Dikan-teny: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 8

Chhóng-sṳ Ki 8

Andinin-tSoratra Masina malaza indrindra nalaina tao amin'ny Chhóng-sṳ Ki 8

Baiboly:

Hakkafa (Roman script)

Dikan-teny: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 8

Andinin-tSoratra Masina malaza indrindra nalaina tao amin'ny
Chhóng-sṳ Ki 8