Mɑtʉ̈ɔ 15
15
Nɔŋŋɡɔŋ-pɑíslɑyɛ̂l
(Mɑ́lɛ́kúshi 7.1-23)
1Ɛ́ pɔ́ yɛcɔ́ lɛ́Ꞌ, pɛcɔ́ pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ fú Yɛlúsɑlɛm ńtɔ́ nɛjɔ́ŋ Yɛ́su, ḿbíkŋɛ wɛ́ ŋɡɔ: 2«Mɛlɑ́Ꞌ kʉ̈ɔ́ ɡɑŋku pú kɑ́ nɛn nǔu nɔŋ-pʉɔ-ŋkɑ́mbi pɔ́ ɔɔ? Pɔ́p ɡɛ pɑ́Ꞌɑ ŋ́kwɛ́t yúu kɛ́ suk mbɔ́ mɔ́p nǔu ntɛ́ yi mɑt-lɑ́Ꞌ wɛkŋɛ sɛ́ ḿbíkŋɛ pɔ́ ɔɔ?» 3Yɛ́su pʉ̈ɔt mbɔ̌ pɔ́p ŋɡɔ: «Ɛ́ ɡʉ nǔu pʉʉ, pʉʉ lɔk tswɛ́-lɑ́Ꞌ wʉʉ ŋ́ɡwɑ́k nɛpʉ́ʉ-Sɛ́ mɛlɑ́Ꞌ kʉ̈ɔ́?» 4Sɛ́ kɑ cú ŋɡɔ: «Gɛ mɛkuꞋ-tɑ́t wu pɔ́p mɑ́ wu, ḿbɛn ńcú ŋɡɔ: “Ŋu lɑɑ ńzɔɔtɛ tɑ́t wɛ kɛ mɑ́ wɛ ɔɔ, pɛ́ jẅí ŋɡɑŋ.” 5Ɛ́ ɡʉ nǔu pʉʉ, pʉʉ cú yʉ́ʉ ŋɡɔ: mbɔ ŋu cú mbɔ̌ tɑ́t wɛ kɛ mɑ́ wɛ ɔɔ ŋɡɔ, mbɑ kʉ̈ɔ́ lɑ́ yi ɛ́ lɑɑ ḿbɔ́ ɑ lɔk ńcẅɛ́lɛ́ wɛ́ tsʉ́Ꞌ yɛ́ Sɛ́. 6Ŋu piitɛ tɛ ńcú pɔ́Ꞌɔ, mbɔ ɑ kɛ́ pɛn ńdɔk yúu pɛ́ ŋ́ɡúꞋlɛ tɑ́t wɛ pɔ́ ɔɔ? Pɔ́Ꞌɔ, pʉʉ lɔk mɑt-lɑ́Ꞌ wʉʉ ŋ́ɡwɑ́k sẅíŋɛ-Sɛ́.» 7Pʉʉ pɑŋkɔŋ-mík! Ɛsɑ̌yɑ Ŋɡɛ́mndʉ̈ɔ́Ꞌ-Sɛ́, kɑ pɔ́ fɑ́ɑ ńcú pɛꞋnɛ sẅíinu, pɑ́Ꞌ ɑ kɑ cúnɛ nǔu mɑt-lɑ́Ꞌ wʉʉ ŋɡɔ Sɛ́ cú ŋɡɔ:
8«Pʉɔ pɔ lɔk pɔ ndɑꞋ ntsu wɔ́p ŋ́ɡúꞋlɛ wɑ́ɑ,
tʉ́m yɔ́p kɑ́ pɔ́ nǔu mɔ pɔ́.
9Pɔ́p sɛ́ ŋ́ɡúꞋlɛ wɑ́ɑ lɑ́ nu kɑ́ pɔ́ nǔu pɔ́, ntɛ́ nu yí pɔ́p níꞋnɛ tú ńzíꞋ pʉɔ nɛ́ yúu tɛꞋ lɑ́, ɛ́ pɔ́ pɔ yɛ́ pʉɔmɛsɔŋ.»
Yúu mi ɛ́ pʉ́ʉpɛ́nɛ ŋu mbi Sɛ́
(Mɑ́lɛ́kúshi 7.14-23)
10Yɛ́su fúŋ lɑ́Ꞌ, ńcú mbɔ̌ pɔ́p ŋɡɔ: «Pʉʉ zẅíꞋlɛ, ńtsuŋ ńzúꞋ, 11yúu mi ɛ́ fúnɛ ntsu-ŋu ŋ́kúu nɛpɛm wɛ́, kɑ́ pʉ́ʉpɛ wɛ́ pɔ́, yi ɛ́ cẅɛtnɛ ntsu wɛ́ pʉ́ʉpɛnɛ wɛ́.»
12Gɑŋku-Yɛ́su ɡɔ́ɔ ŋ́kɛ́ kẅɛ́Ꞌlɛ mbʉʉ yɔp ńtɔ́ ḿbíkŋɛ wɛ́ ŋɡɔ: «Tɛ ɔ sɛ́ ńjí ŋɡɔ: Nu yí ɔ cúnɛ lɑ́ ɡɑ́nɛ pʉɔ-Fɑlísɑy tɛꞋ?» 13Yɛ́su pʉ̈ɔt mbɔ̌ pɔ́p ŋɡɔ: «Pɛ́ ɡʉ ŋ́ɡɛ ńtsɔ́Ꞌ mbɑ kʉ̈ɔ́ lɑ́ yi Tɑ̌ɑ mɔ ẅí ɑ tʉ́nɛ́pú ŋkɑɑnɛ pi.» 14Pʉʉ nɑ́ wɔ́p! Pɔ́p pɛfʉmík pínɛ pɔ́p ɡẅɛɛnɛ pɔ́ pɛcɔ́. Fʉmík lɑɑ ŋ́ɡẅɛɛ pɔ́ wɛcɔ́, mbɔ pɔ́pmɛ pɛ́pɑ́ ɡʉ ńcʉ́ɔ tsɛt ɡɛm. 15Pyɛ̂ ɡɔ́ɔ ŋ́kɛ́ ńcú mbɔ̌ Yɛ́su ŋɡɔ: «Kyɛ́Ꞌtɛ kɛm-nu yɑ́ ɛ́sẅíi wɛ́k.» 16Yɛ́su pʉ̈ɔt mbɔ̌ wɛ́ ŋɡɔ: «Ńjí ŋɡɔ yʉ́ʉ jínu pɛ́t ńtuꞋ tuꞋnɛ pɑ́Ꞌ yɛ́ pɛcɔ́ pʉɔ?» 17Yúu fú ntsu-ŋu ńdɛɛ, ŋ́kúu nɛpɛm yɛ́, ḿbɛn ɛ́fú nɛpɛm yɛ́ ńcẅɛt, ŋ́kúu tsɛt kɔt. 18Lɑ́, yúu mi ɛ́ fúnɛ ntsu-ŋu ńcẅɛt, ɛ́ fú tsɛt tʉ́m yɛ́, yɛ́tɛ́ níꞋnɛ lɔ́Ꞌ nǔu ŋɡɑŋ. 19MbíꞋŋɡɔ mɛkwɑŋɛ kɛpɔŋ zɛɛ ńcẅɛt pɔ tsɛt tʉ́m-ŋu, mîmɑ́ tsʉ́ʉnɛ́nɛ ŋu ɑ jẅí wɛcɔ́, ŋ́ɡɛ ɡɑp, mbɛ́ɛnɛ lɔɔ pɑŋɡɛ́, pɑŋɡɛ́ lɔɔ mbɛ́ɛnɛ, ɑ jʉ̈ɔ, ńcɔt nu zʉꞋ yí pɛ́ ŋɑknɛ mɛtsɑŋ zúꞋu, ŋ́ɡúunɛ ŋu. 20Jʉ́ɔ yúu mi ɛ́ níꞋnɛ lɔ́Ꞌ nǔu ŋu, lɑ́ ḿbɔ́ yi ŋu lɑɑ ńjʉ́ yúu kɛ́ suk mbɔ́ pɑ́Ꞌ mɑt-lɑ́Ꞌ wɛkŋɛ sɛ́ ḿbíkŋɛ, ɛ́ pɔɔ níꞋ lɔ́Ꞌ nǔu wɛ́ pɔ́.
Wɛcɔ́ mɑŋɡɛ́ wɛ túu zɑ́p tʉ́m yɛ́ nǔu Yɛ́su
(Mɑ́lɛ́kúshi 7.24-30)
21Yɛ́su ɡɛ ɛ́fú zúꞋu ŋ́ɡʉ nǔu yɛcɔ́ pɑk-ŋɡɔŋ, shʉ́ tʉ́sɔŋ-Tîi pɔ́p Sidɔŋ, 22ŋ́kúu zúꞋu, wɛcɔ́ mɑŋɡɛ́ Kɑ̌nɑhɑ̂n fú zúꞋu ńtɔ́, ńzɛ nɛɡɑ́ ɡwɑ́t, ńcú ŋɡɔ: «Tsɑpʉɔ, ŋu nǔu njẅɛt-fɔɔ Ndɑvît! Tsɑ́ɑ mɛjʉ́ŋ mɑ́ɑ zẅikŋɛ kɛpɔŋ sɛ́ ŋ́ɡɑ́ɑnɛ mɔ́ɔ wɑɑ wɛ mɑŋɡɛ́ tɛꞋ.» 23Lɑ́ Yɛ́su zúꞋ, mbɔɔ pʉ̈ɔt. Gɑŋku pɛ́ tɔ́ nɛjɔ́ŋ yɛ́, ḿbúꞋ mbɔ́ mbɔ̌ wɛ́, ḿbúꞋ mbɔ́ ŋɡɔ: «Gɛ mɑŋɡɛ́ wɑ́ ɡʉ, ɑ sɛ́ ńtsuꞋ tú yɛkŋɛ nɛ́ ɡwɑ́t yɛ́.» 24Yɛ́su cú yɛ́ ŋɡɔ: «Sɛ́ kɑ túu wɑ́ɑ pɔ ndɑꞋ mbɔ̌ pɑíslɑyɛ̂l pɔ́p púunɛ pɑ́Ꞌ mɛnjinjɔ mí ɛ́ kɑ pɛ́nɛ tsɛt njẅɛtndɑ́-pɑíslɑyɛ̂l.» 25Lɑ́ mɑŋɡɛ́ ɛ̂wɑ́ tɔ́, ŋ́kẅíꞋlɛ sɛ́ mbi yɛ́, ńcú ŋɡɔ: «Tsɑpʉɔ cẅɛ́lɛ́ wɑ́ɑ!» 26Yɛ́su pʉ̈ɔt ŋɡɔ: «Ɛ́ kɑ́ pɔŋ nɛcẅɛ́ɛ yúupɛjʉ́ mbɔ́ŋkʉ̈ɔ́, ḿmɑꞋ mbɔ̌ mvú pɔ́.» 27Mɑŋɡɛ́ ɛ̂wɑ́ pʉ̈ɔt ŋɡɔ: «Ndɛ, ɔ cú sẅíinu lɑ́, mvú lɔ ńdɑklɛ mɛsɑɑ-yúu mi ɛ́ fúnɛ ndǔ tɑ́pɛlɛ-tɑ̌ɑ wɔp ḿvutɛ sɛ́.» 28Yɛ́su ɡɔ́ɔ ŋ́kɛ́ ńtsɔ́Ꞌ ŋɡɔ: «Mɑ́ɑmɑɑ! Ɔ zɑ́p tʉ́m nǔu mɔ tɛꞋ. Ɛ́ pɔŋ ŋɡɔ yúu mi ɔ sɛ́ ńtsɑ́ɑ puutɛ!» Yɛ́su cú pɔ́Ꞌɔ, mɔ́ɔ-mɑŋɡɛ́ wɑ́ ɡɔ́ɔ ɛ́fíitɛ pɔ kwɑꞋ ŋkɑ́ ɛ̂yɑ́.
Yɛ́su ɡɛ ɡɑŋɡɔɔ tɛ ńzɑ́ɑ fíitɛ
(Mɑ́lɛ́kúshi 7.31)
29Yɛ́su ɡɛ ɛ́fú zúꞋu, ŋ́ɡʉ nɛ́ mbʉʉ nɛkʉŋ-ŋki ni ɛ́ Ŋɡɑlilɛɛ, ŋ́kɔ́Ꞌ tɛ ŋ́kúu ndǔ nɛŋkɔ́Ꞌ, ńnɑ́ŋ sɛ́. 30Nɔɔ-lɑ́Ꞌ tɔ́, ŋ́ɡɔ́ ńtɔ́, ńdɔk ɡɑŋpʉ̈ɔ́Ꞌtɛ mɛku, pɔ́p pɛfʉmík, ŋ́ɡɛ ɡɑŋ-kẅíꞋlɛ, pɔ́p cípúꞋ, mbɑ pɛcɔ́ ɡɑŋɡɔɔ tɛ ńzɑ́ɑ. Pɔ́p lɔk wɔ́p ńtɔ́ mbi Yɛ́su pɔ́Ꞌɔ, ɑ ɡɛ pɔ́p fíitɛ pɛtsʉʉ. 31CípúꞋ cú nu, ɡɑŋkẅíꞋlɛ fíitɛ, ɡɑŋpʉ̈ɔ́Ꞌtɛ mɛku nɛn sʉ́Ꞌnɛ, pɛfʉmík jʉ́ɔ zʉꞋ sʉ́Ꞌnɛ. Lɑ́Ꞌ jʉ́ɔ ḿmɑɑ tɛꞋ, ŋ́ɡɛ́mtɛ Sɛ́-pɑíslɑyɛ̂l.
Yɛ́su pɛn ḿbɔ́ ńzẅík mɑ́mɑ́ nɔɔ-lɑ́Ꞌ
(Mɑ́lɛ́kúshi 8.1-10)
32Yɛ́su fúŋ ɡɑŋku pɛ́, ńcú mbɔ̌ pɔ́p ŋɡɔ: «Mɛjʉ́ŋ lɑ́Ꞌ yɔ kɔ́ wɑ́ɑ tɛꞋ, mbíꞋŋɡɔ ɛ́ ŋkɔ̂ɔnɛ ḿbɔ́ lɛ́Ꞌ pɛtɑ́t, pɑ́Ꞌ pɔ́p kɛ́ ḿbɔ́ pɔ nɛjɔ́ŋ mɔ, ŋ́kɛ́ mbɔɔ pɛ́t ŋ́ɡẅɛɛ yɛcɔ́ yúu mi ɛ́ lɑɑ ḿbɔ́ pɔ́p kwɛ́t pɔ́, ḿbɔ́ yi n dɑɑ ńnɑ́ wɔ́p pɔ́p ɡʉ njí, mbɔ pɔ́p kɛ́ ɡẅɛɛ mɛtʉʉ nɛlɔk ŋ́ɡʉ tɛ ŋ́kúu pɔ́.» 33Gɑŋku pɛ́ cú mbɔ̌ wɛ́ ŋɡɔ: «Mbɔ pɛk lɔk mbɛlɛ̂ɛt ɡɔ́, kɔ̂ŋtɛt yɔ, ńdɔk ńzẅík ndɛn lɑ́Ꞌ yɔ tɛ pɔ́p zwɛ́t?» 34Yɛ́su píkŋɛ wɔ́p ŋɡɔ: «Pʉʉ ɡẅɛɛ mbɛlɛ̂ɛt zɑ́Ꞌɑ ntɑ́Ꞌ yɛsʉ́Ꞌʉ́?» Pɔ́p pʉ̈ɔt ŋɡɔ: «Pɛk ɡẅɛɛ mbɛlɛ̂ɛt ntɑ́Ꞌ sɑɑmbɑ́, ḿbɛn ŋ́ɡɛ mbɑ mbɔ́ntɑ́Ꞌ-mɛmbɑŋ shú.» 35Yɛ́su cú ŋɡɔ lɑ́Ꞌ nɑ́ŋ sɛ́, 36ŋ́ɡɔ́ɔ ŋ́kɛ́ ńcẅɛ́ɛ mbɛlɛ̂ɛt ɛ̂yɑ́ ntɑ́Ꞌ sɑɑmbɑ́ nɛ́ mɛshú mɑ́, ŋ́ɡɑ́ pɑꞋlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ ɡɑŋku pɛ́, pɔ́p ɡɑp mbɔ̌ lɑ́Ꞌ. 37Pʉɔtsʉʉ ŋ́kwɛ́t tɛ ńzwɛ́t, pɛ́ pɛn ńcúꞋlɛ pfuꞋ ɛ́ lúu pɛtúŋ sɑɑmbɑ́. 38Pʉɔ pínɛ pɔ́p kɑ kwɛ́tnɛ yúu m̄bɔ́ mbɛ́ɛnɛ ntsɑ́Ꞌ yɛ́nɛ́kwɑ, kɛ́ sɑ́ŋ pɑŋɡɛ́ pɔ́p mbɔ́ŋkʉ̈ɔ́. 39Yɛ́su cú lɑ́Ꞌ ɡʉ, ɑ kúu tsɛt kɑnúꞋ, ŋ́ɡʉ nɛ́ tsɛt pɑk-ŋɡɔŋ Mɑɡɑdɑŋ.
Voafantina amin'izao fotoana izao:
Mɑtʉ̈ɔ 15: JGO
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
CABTAL, 2017
Mɑtʉ̈ɔ 15
15
Nɔŋŋɡɔŋ-pɑíslɑyɛ̂l
(Mɑ́lɛ́kúshi 7.1-23)
1Ɛ́ pɔ́ yɛcɔ́ lɛ́Ꞌ, pɛcɔ́ pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ fú Yɛlúsɑlɛm ńtɔ́ nɛjɔ́ŋ Yɛ́su, ḿbíkŋɛ wɛ́ ŋɡɔ: 2«Mɛlɑ́Ꞌ kʉ̈ɔ́ ɡɑŋku pú kɑ́ nɛn nǔu nɔŋ-pʉɔ-ŋkɑ́mbi pɔ́ ɔɔ? Pɔ́p ɡɛ pɑ́Ꞌɑ ŋ́kwɛ́t yúu kɛ́ suk mbɔ́ mɔ́p nǔu ntɛ́ yi mɑt-lɑ́Ꞌ wɛkŋɛ sɛ́ ḿbíkŋɛ pɔ́ ɔɔ?» 3Yɛ́su pʉ̈ɔt mbɔ̌ pɔ́p ŋɡɔ: «Ɛ́ ɡʉ nǔu pʉʉ, pʉʉ lɔk tswɛ́-lɑ́Ꞌ wʉʉ ŋ́ɡwɑ́k nɛpʉ́ʉ-Sɛ́ mɛlɑ́Ꞌ kʉ̈ɔ́?» 4Sɛ́ kɑ cú ŋɡɔ: «Gɛ mɛkuꞋ-tɑ́t wu pɔ́p mɑ́ wu, ḿbɛn ńcú ŋɡɔ: “Ŋu lɑɑ ńzɔɔtɛ tɑ́t wɛ kɛ mɑ́ wɛ ɔɔ, pɛ́ jẅí ŋɡɑŋ.” 5Ɛ́ ɡʉ nǔu pʉʉ, pʉʉ cú yʉ́ʉ ŋɡɔ: mbɔ ŋu cú mbɔ̌ tɑ́t wɛ kɛ mɑ́ wɛ ɔɔ ŋɡɔ, mbɑ kʉ̈ɔ́ lɑ́ yi ɛ́ lɑɑ ḿbɔ́ ɑ lɔk ńcẅɛ́lɛ́ wɛ́ tsʉ́Ꞌ yɛ́ Sɛ́. 6Ŋu piitɛ tɛ ńcú pɔ́Ꞌɔ, mbɔ ɑ kɛ́ pɛn ńdɔk yúu pɛ́ ŋ́ɡúꞋlɛ tɑ́t wɛ pɔ́ ɔɔ? Pɔ́Ꞌɔ, pʉʉ lɔk mɑt-lɑ́Ꞌ wʉʉ ŋ́ɡwɑ́k sẅíŋɛ-Sɛ́.» 7Pʉʉ pɑŋkɔŋ-mík! Ɛsɑ̌yɑ Ŋɡɛ́mndʉ̈ɔ́Ꞌ-Sɛ́, kɑ pɔ́ fɑ́ɑ ńcú pɛꞋnɛ sẅíinu, pɑ́Ꞌ ɑ kɑ cúnɛ nǔu mɑt-lɑ́Ꞌ wʉʉ ŋɡɔ Sɛ́ cú ŋɡɔ:
8«Pʉɔ pɔ lɔk pɔ ndɑꞋ ntsu wɔ́p ŋ́ɡúꞋlɛ wɑ́ɑ,
tʉ́m yɔ́p kɑ́ pɔ́ nǔu mɔ pɔ́.
9Pɔ́p sɛ́ ŋ́ɡúꞋlɛ wɑ́ɑ lɑ́ nu kɑ́ pɔ́ nǔu pɔ́, ntɛ́ nu yí pɔ́p níꞋnɛ tú ńzíꞋ pʉɔ nɛ́ yúu tɛꞋ lɑ́, ɛ́ pɔ́ pɔ yɛ́ pʉɔmɛsɔŋ.»
Yúu mi ɛ́ pʉ́ʉpɛ́nɛ ŋu mbi Sɛ́
(Mɑ́lɛ́kúshi 7.14-23)
10Yɛ́su fúŋ lɑ́Ꞌ, ńcú mbɔ̌ pɔ́p ŋɡɔ: «Pʉʉ zẅíꞋlɛ, ńtsuŋ ńzúꞋ, 11yúu mi ɛ́ fúnɛ ntsu-ŋu ŋ́kúu nɛpɛm wɛ́, kɑ́ pʉ́ʉpɛ wɛ́ pɔ́, yi ɛ́ cẅɛtnɛ ntsu wɛ́ pʉ́ʉpɛnɛ wɛ́.»
12Gɑŋku-Yɛ́su ɡɔ́ɔ ŋ́kɛ́ kẅɛ́Ꞌlɛ mbʉʉ yɔp ńtɔ́ ḿbíkŋɛ wɛ́ ŋɡɔ: «Tɛ ɔ sɛ́ ńjí ŋɡɔ: Nu yí ɔ cúnɛ lɑ́ ɡɑ́nɛ pʉɔ-Fɑlísɑy tɛꞋ?» 13Yɛ́su pʉ̈ɔt mbɔ̌ pɔ́p ŋɡɔ: «Pɛ́ ɡʉ ŋ́ɡɛ ńtsɔ́Ꞌ mbɑ kʉ̈ɔ́ lɑ́ yi Tɑ̌ɑ mɔ ẅí ɑ tʉ́nɛ́pú ŋkɑɑnɛ pi.» 14Pʉʉ nɑ́ wɔ́p! Pɔ́p pɛfʉmík pínɛ pɔ́p ɡẅɛɛnɛ pɔ́ pɛcɔ́. Fʉmík lɑɑ ŋ́ɡẅɛɛ pɔ́ wɛcɔ́, mbɔ pɔ́pmɛ pɛ́pɑ́ ɡʉ ńcʉ́ɔ tsɛt ɡɛm. 15Pyɛ̂ ɡɔ́ɔ ŋ́kɛ́ ńcú mbɔ̌ Yɛ́su ŋɡɔ: «Kyɛ́Ꞌtɛ kɛm-nu yɑ́ ɛ́sẅíi wɛ́k.» 16Yɛ́su pʉ̈ɔt mbɔ̌ wɛ́ ŋɡɔ: «Ńjí ŋɡɔ yʉ́ʉ jínu pɛ́t ńtuꞋ tuꞋnɛ pɑ́Ꞌ yɛ́ pɛcɔ́ pʉɔ?» 17Yúu fú ntsu-ŋu ńdɛɛ, ŋ́kúu nɛpɛm yɛ́, ḿbɛn ɛ́fú nɛpɛm yɛ́ ńcẅɛt, ŋ́kúu tsɛt kɔt. 18Lɑ́, yúu mi ɛ́ fúnɛ ntsu-ŋu ńcẅɛt, ɛ́ fú tsɛt tʉ́m yɛ́, yɛ́tɛ́ níꞋnɛ lɔ́Ꞌ nǔu ŋɡɑŋ. 19MbíꞋŋɡɔ mɛkwɑŋɛ kɛpɔŋ zɛɛ ńcẅɛt pɔ tsɛt tʉ́m-ŋu, mîmɑ́ tsʉ́ʉnɛ́nɛ ŋu ɑ jẅí wɛcɔ́, ŋ́ɡɛ ɡɑp, mbɛ́ɛnɛ lɔɔ pɑŋɡɛ́, pɑŋɡɛ́ lɔɔ mbɛ́ɛnɛ, ɑ jʉ̈ɔ, ńcɔt nu zʉꞋ yí pɛ́ ŋɑknɛ mɛtsɑŋ zúꞋu, ŋ́ɡúunɛ ŋu. 20Jʉ́ɔ yúu mi ɛ́ níꞋnɛ lɔ́Ꞌ nǔu ŋu, lɑ́ ḿbɔ́ yi ŋu lɑɑ ńjʉ́ yúu kɛ́ suk mbɔ́ pɑ́Ꞌ mɑt-lɑ́Ꞌ wɛkŋɛ sɛ́ ḿbíkŋɛ, ɛ́ pɔɔ níꞋ lɔ́Ꞌ nǔu wɛ́ pɔ́.
Wɛcɔ́ mɑŋɡɛ́ wɛ túu zɑ́p tʉ́m yɛ́ nǔu Yɛ́su
(Mɑ́lɛ́kúshi 7.24-30)
21Yɛ́su ɡɛ ɛ́fú zúꞋu ŋ́ɡʉ nǔu yɛcɔ́ pɑk-ŋɡɔŋ, shʉ́ tʉ́sɔŋ-Tîi pɔ́p Sidɔŋ, 22ŋ́kúu zúꞋu, wɛcɔ́ mɑŋɡɛ́ Kɑ̌nɑhɑ̂n fú zúꞋu ńtɔ́, ńzɛ nɛɡɑ́ ɡwɑ́t, ńcú ŋɡɔ: «Tsɑpʉɔ, ŋu nǔu njẅɛt-fɔɔ Ndɑvît! Tsɑ́ɑ mɛjʉ́ŋ mɑ́ɑ zẅikŋɛ kɛpɔŋ sɛ́ ŋ́ɡɑ́ɑnɛ mɔ́ɔ wɑɑ wɛ mɑŋɡɛ́ tɛꞋ.» 23Lɑ́ Yɛ́su zúꞋ, mbɔɔ pʉ̈ɔt. Gɑŋku pɛ́ tɔ́ nɛjɔ́ŋ yɛ́, ḿbúꞋ mbɔ́ mbɔ̌ wɛ́, ḿbúꞋ mbɔ́ ŋɡɔ: «Gɛ mɑŋɡɛ́ wɑ́ ɡʉ, ɑ sɛ́ ńtsuꞋ tú yɛkŋɛ nɛ́ ɡwɑ́t yɛ́.» 24Yɛ́su cú yɛ́ ŋɡɔ: «Sɛ́ kɑ túu wɑ́ɑ pɔ ndɑꞋ mbɔ̌ pɑíslɑyɛ̂l pɔ́p púunɛ pɑ́Ꞌ mɛnjinjɔ mí ɛ́ kɑ pɛ́nɛ tsɛt njẅɛtndɑ́-pɑíslɑyɛ̂l.» 25Lɑ́ mɑŋɡɛ́ ɛ̂wɑ́ tɔ́, ŋ́kẅíꞋlɛ sɛ́ mbi yɛ́, ńcú ŋɡɔ: «Tsɑpʉɔ cẅɛ́lɛ́ wɑ́ɑ!» 26Yɛ́su pʉ̈ɔt ŋɡɔ: «Ɛ́ kɑ́ pɔŋ nɛcẅɛ́ɛ yúupɛjʉ́ mbɔ́ŋkʉ̈ɔ́, ḿmɑꞋ mbɔ̌ mvú pɔ́.» 27Mɑŋɡɛ́ ɛ̂wɑ́ pʉ̈ɔt ŋɡɔ: «Ndɛ, ɔ cú sẅíinu lɑ́, mvú lɔ ńdɑklɛ mɛsɑɑ-yúu mi ɛ́ fúnɛ ndǔ tɑ́pɛlɛ-tɑ̌ɑ wɔp ḿvutɛ sɛ́.» 28Yɛ́su ɡɔ́ɔ ŋ́kɛ́ ńtsɔ́Ꞌ ŋɡɔ: «Mɑ́ɑmɑɑ! Ɔ zɑ́p tʉ́m nǔu mɔ tɛꞋ. Ɛ́ pɔŋ ŋɡɔ yúu mi ɔ sɛ́ ńtsɑ́ɑ puutɛ!» Yɛ́su cú pɔ́Ꞌɔ, mɔ́ɔ-mɑŋɡɛ́ wɑ́ ɡɔ́ɔ ɛ́fíitɛ pɔ kwɑꞋ ŋkɑ́ ɛ̂yɑ́.
Yɛ́su ɡɛ ɡɑŋɡɔɔ tɛ ńzɑ́ɑ fíitɛ
(Mɑ́lɛ́kúshi 7.31)
29Yɛ́su ɡɛ ɛ́fú zúꞋu, ŋ́ɡʉ nɛ́ mbʉʉ nɛkʉŋ-ŋki ni ɛ́ Ŋɡɑlilɛɛ, ŋ́kɔ́Ꞌ tɛ ŋ́kúu ndǔ nɛŋkɔ́Ꞌ, ńnɑ́ŋ sɛ́. 30Nɔɔ-lɑ́Ꞌ tɔ́, ŋ́ɡɔ́ ńtɔ́, ńdɔk ɡɑŋpʉ̈ɔ́Ꞌtɛ mɛku, pɔ́p pɛfʉmík, ŋ́ɡɛ ɡɑŋ-kẅíꞋlɛ, pɔ́p cípúꞋ, mbɑ pɛcɔ́ ɡɑŋɡɔɔ tɛ ńzɑ́ɑ. Pɔ́p lɔk wɔ́p ńtɔ́ mbi Yɛ́su pɔ́Ꞌɔ, ɑ ɡɛ pɔ́p fíitɛ pɛtsʉʉ. 31CípúꞋ cú nu, ɡɑŋkẅíꞋlɛ fíitɛ, ɡɑŋpʉ̈ɔ́Ꞌtɛ mɛku nɛn sʉ́Ꞌnɛ, pɛfʉmík jʉ́ɔ zʉꞋ sʉ́Ꞌnɛ. Lɑ́Ꞌ jʉ́ɔ ḿmɑɑ tɛꞋ, ŋ́ɡɛ́mtɛ Sɛ́-pɑíslɑyɛ̂l.
Yɛ́su pɛn ḿbɔ́ ńzẅík mɑ́mɑ́ nɔɔ-lɑ́Ꞌ
(Mɑ́lɛ́kúshi 8.1-10)
32Yɛ́su fúŋ ɡɑŋku pɛ́, ńcú mbɔ̌ pɔ́p ŋɡɔ: «Mɛjʉ́ŋ lɑ́Ꞌ yɔ kɔ́ wɑ́ɑ tɛꞋ, mbíꞋŋɡɔ ɛ́ ŋkɔ̂ɔnɛ ḿbɔ́ lɛ́Ꞌ pɛtɑ́t, pɑ́Ꞌ pɔ́p kɛ́ ḿbɔ́ pɔ nɛjɔ́ŋ mɔ, ŋ́kɛ́ mbɔɔ pɛ́t ŋ́ɡẅɛɛ yɛcɔ́ yúu mi ɛ́ lɑɑ ḿbɔ́ pɔ́p kwɛ́t pɔ́, ḿbɔ́ yi n dɑɑ ńnɑ́ wɔ́p pɔ́p ɡʉ njí, mbɔ pɔ́p kɛ́ ɡẅɛɛ mɛtʉʉ nɛlɔk ŋ́ɡʉ tɛ ŋ́kúu pɔ́.» 33Gɑŋku pɛ́ cú mbɔ̌ wɛ́ ŋɡɔ: «Mbɔ pɛk lɔk mbɛlɛ̂ɛt ɡɔ́, kɔ̂ŋtɛt yɔ, ńdɔk ńzẅík ndɛn lɑ́Ꞌ yɔ tɛ pɔ́p zwɛ́t?» 34Yɛ́su píkŋɛ wɔ́p ŋɡɔ: «Pʉʉ ɡẅɛɛ mbɛlɛ̂ɛt zɑ́Ꞌɑ ntɑ́Ꞌ yɛsʉ́Ꞌʉ́?» Pɔ́p pʉ̈ɔt ŋɡɔ: «Pɛk ɡẅɛɛ mbɛlɛ̂ɛt ntɑ́Ꞌ sɑɑmbɑ́, ḿbɛn ŋ́ɡɛ mbɑ mbɔ́ntɑ́Ꞌ-mɛmbɑŋ shú.» 35Yɛ́su cú ŋɡɔ lɑ́Ꞌ nɑ́ŋ sɛ́, 36ŋ́ɡɔ́ɔ ŋ́kɛ́ ńcẅɛ́ɛ mbɛlɛ̂ɛt ɛ̂yɑ́ ntɑ́Ꞌ sɑɑmbɑ́ nɛ́ mɛshú mɑ́, ŋ́ɡɑ́ pɑꞋlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ ɡɑŋku pɛ́, pɔ́p ɡɑp mbɔ̌ lɑ́Ꞌ. 37Pʉɔtsʉʉ ŋ́kwɛ́t tɛ ńzwɛ́t, pɛ́ pɛn ńcúꞋlɛ pfuꞋ ɛ́ lúu pɛtúŋ sɑɑmbɑ́. 38Pʉɔ pínɛ pɔ́p kɑ kwɛ́tnɛ yúu m̄bɔ́ mbɛ́ɛnɛ ntsɑ́Ꞌ yɛ́nɛ́kwɑ, kɛ́ sɑ́ŋ pɑŋɡɛ́ pɔ́p mbɔ́ŋkʉ̈ɔ́. 39Yɛ́su cú lɑ́Ꞌ ɡʉ, ɑ kúu tsɛt kɑnúꞋ, ŋ́ɡʉ nɛ́ tsɛt pɑk-ŋɡɔŋ Mɑɡɑdɑŋ.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
CABTAL, 2017