Lucas 23
23
Pilatuman Jesústa apapäkushqan
Mateo 27.1-2, 11-14; Marcos 15.1-5; Juan 18.28-38
1Tsaypitanami Pilatuman lapan autoridäkuna Jesústa apapäkurqan. 2Tsaychönami Pilatuta kayno nipäkurqan: <<Kay runatami taripäkushqä nacionnintsipa contran sharkunanpaq runakunata shimita jatipaykaqta. Manami munantsu impuestuta mandaq Césarpaq pägapäkunanta. Tsaynöpis niykan Cristo kar rey kashqantami>>.
3Tsaymi Jesústa Pilato kayno tapurqan: <<¿Rasunpaku Israel runakunapa mandaqnin rey kaykanki?>>
Tsawraqa Jesús kayno nirqan: <<Rasun kaqtami niykanki>>.
4Tsawraqa mandaq cürakunata y tsaycho juntaraykaq runakunata Pilato kayno nirqan: <<Kay runapa ima jutsantapis manami tarïtsu>>.
5Tsayno niptin masraqmi nipäkurqan: <<¡Kay runaqa autoridäkunapa contran sharkapäkunanpaqmi runakunata shimita jatipaykan! Galileapita qalaykur kay Judeachönami shimita jatipaykan>>.
Herodesman Jesústa apapäkushqan
6Tsayta mayar Pilato kayno tapurqan: <<¿Galileapitaku kay runa?>>
7<<Awmi>> nipäkuptinmi Galileacho mandaq Herodesman Jesústa apatsirqan juzgananpaq. Tsay junaqkunaqa Herodespis Jerusalénchömi kaykarqan.
8Jesúspita parlashqanta mayashpanmi y milagru ruraykaqta rikayta munarmi nawpapita patsa Herodes reqiyta munarqan. Tsaymi Jesústa rikaykur kushikurqan. 9Tsaycho yaparir yaparir Herodes tapuptinpis Jesús manami imatapis rimakurqantsu. 10Tsaychömi mandaq cürakuna y ley yachatsiqkunapis Jesúspa contran imaykatapis nipäkurqan. 11Tsawraqa reypa cäpanta ayluparkurmi soldädunkunawan Herodes asipashpan Jesústa manakaqman churapäkurqan. Nirkurnami Pilato kaqman kutitsirqan. 12Tsay junaqmi Herodeswan Pilato chikinakushqanpita amistarqan.
Jesústa wanutsinanpaq Pilato mandashqan
Mateo 27.15-26; Marcos 15.6-15; Juan 18.39—19.16
13Jesústa kutitsiptinnami mandaq cürakunata, autoridäkunata y lapan runakunata qayaykatsir 14Pilato kayno nirqan: <<Qamkunaqa kay runata apamushqanki kayno nipäkushpaykimi: <Autoridäkunapa contran sharkapäkunanpaq runakunata shimita jatipaykan>. Tsayno niptikipis nawpaykicho tapur manami ima jutsantapis tarishqätsu nipäkushqaykinöqa. 15Herodespis ima jutsantapis mana tarirmi kayman kutitsimushqa. Kay runa manami ima jutsatapis rurashqatsu wanutsishqa kananpaq. 16Tsaymi astarkatsilar kacharishaq>>.
17[Cada watami Pascua fiestacho Pilato juk prësuta kachariq.#Mat. 27.15; Mar. 15.6.] 18Jesústa kachariyta munaptinmi lapan qaparparqan kayno nir: <<¡Tsay runaqa wanutsun! ¡Barrabásta kachariyqa!>>
19Barrabásqa carcilcho wichqaraykarqan gobiernupa contran Jerusaléncho sharkushqanpita y runata wanutsishqanpitami.
20Tsaymi runakunata Pilato yapay nirqan Jesústa kacharinanpaq. 21Niptinpis masraqmi qaparar kayno nipäkurqan: <<¡Crucificay! ¡Crucificay!>>
22Tsawraqa Pilato yapay kayno nirqan: <<Kay runa ¿ima mana alitataq rurashqa? Wanunanpaqqa manami ima jutsantapis tarïtsu. Astarkatsilar kacharishaq>>.
23Tsayno niptinpis crucificashqa kananta munarmi masraq qaparparqan. [Mandaq cürakuna y] tsaycho kaq runakuna tsayno qaparpaptinmi Pilato awnirqan. 24Tsaymi runakuna manakushqanno Jesústa wanutsinanpaq nirqan. 25Gobiernupa contran sharkushqa kaykaptinpis y runata wanutsishqa kaykaptinpis runakuna munashqannölami Barrabásta kacharirqan. Jesústami itsanqa wanutsinanpaq paykunapa makinman kachaykurqan.
Jesústa crucificashqan
Mateo 27.32-44; Marcos 15.21-32; Juan 19.17-27
26Jesústa crucificananpaq aparkaykaptinmi chakrapita kutiykämurqan Simón jutiyuq runa. Payqa Cirene nacionpitami karqan. Paytami nirqan Jesús apaykashqan cruzta umrurkur Jesúspa qepanpa apananpaq.
27Atska runakunami Jesúspa qepanta aywapäkurqan. Tsaynölami atska warmikunapis lakikushpan waqaraykar aywapäkurqan. 28Tsay warmikunata rikaykurmi Jesús kayno nirqan: <<Jerusalén warmikuna, ama noqapaqqa waqapäkuytsu. Tsaypa trukanqa kikikikunapaq y wawaykikunapaq waqapäkuy. 29Fiyupa nakay junaqkuna chayamunqanami. Tsay witsanmi runakuna kayno nipäkunqa: <¡Ima kushishqaraq kaykan qoluq warmikuna y itita mana chuchuq warmikuna!> 30Tsay witsanmi runakuna pasaypa nakar puntakunata kayno nipäkunqa: <¡Jukla ushakänäpaq janäman juchumuy!> Qaqakunatapis kaynömi nipäkunqa: <¡Jukla nitipäkamay!>#Ose. 10.8. 31Loqyuraykaq yörata kayno ruraykarqa tsakishqa qerutaqa ¡imataraq rurapäkunqa!>>#23.31 Tsayno parlarqa Jesús kaynömi nirqan: Jutsaynaq kaykaptïpis kayno nakaykätsimarqa ¡ima fiyuparaq qamkunata y wakin Israel runakunatapis nakatsishunkipaq!
32Jesústawanmi ishkay jutsasapa runakunatapis crucificananpaq apapäkurqan. 33Calavëra nishqanman chayaykatsirnami Jesústa crucificarqan. Apashqan jutsasapa runakunatami juknin kaqta Jesúspa alawqanman y jukaqtana itsuqninman crucificarqan.
34[Tsay hörami Jesús kayno nirqan: <<Kay runakunata perdonaykulay, papä. Manami musyapäkuntsu imata ruraykashqantapis>>.]
Soldädukunanami Jesúspa röpanpaq suertita jitapäkurqan mayqanpis gänaq kaq apakunanpaq.#Sal. 22.18.
35Tsaycho runakuna rikarpaykaptinmi autoridäkuna Jesústa asipar kayno nipäkurqan: <<Tayta Dios akrashqan Cristo kaykarqa jukta salvashqannöla mä kanan kikinpis salvakutsun>>.
36Tsaynölami soldädukunapis asipashpan pochquq vïnuta shoqutsiyta munar 37kayno nipäkurqan: <<Israel runakunapa mandaqnin rey kaykarqa mä kikiki salvakuy>>.
38Cruzpa puntanchömi juk letrëru kayno nirqan: <<Kay runaqa Israel runakunapa mandaqnin reymi>>. [Tsay qelqararqan griëgucho, latíncho y hebreo idiömakunachömi.#Juan 19.20.]
39Tsaynölami crucificaraykaq jukaq runapis Jesústa manakaqman churar kayno nirqan: <<Tayta Dios kachamushqan Cristo karqa mä kikiki salvakurir noqakunatapis salvapäkamay>>.
40Tsayno niptinmi juknin kaq olqüparqan kayno nir: <<Qampis payno nakaykarqa ¿manaku Tayta Diosta mantsakunki? 41Noqantsiqa jutsantsikunapitami nakaykantsi. Payqa manami ima jutsatapis rurashqatsu>>.
42Nirkur Jesústa kayno nirqan: <<Mandayta qalaykurqa noqata yarparkalämanki, tayta>>.
43Tsayno niptinmi Jesús kayno nirqan: <<Rasunpami kayno nï: Kananpitaqa paraísuchömi noqawan kankipaq>>.
Jesús wanushqan
Mateo 27.45-56; Marcos 15.33-41; Juan 19.28-30
44Pulan junaqpita malway intiyaqmi patsa tsakakurkurqan. 45Intipis manami atsikyarqantsu. Tsay hörami templu rurincho kaq cortïnapis pulanpa rachikäkurqan.#23.45 Tsay cortïna karqan Lugar Santïsimuman pipis mana yaykunanpaq tsaparaq rakta cortïnami. Tsaypita masta musyanaykipaq liyinki Éxo. 26.31-33; Heb. 9.1-10; 10.19-20. 46Tsaypitami lapan kalpanwan Jesús qayakur nirqan: <<¡Papä! ¡Makikimanmi almäta kachaykamü!>>#Sal. 31.5. Tsayno nirkushpanmi wanurqan.
47Tsaykunata rikaykurmi soldädukunapa capitannin Tayta Diosta alabar kayno nirqan: <<¡Rasunpami kay runaqa jutsaynaq kashqa!>>
48Tsaycho kaykaq runakunapis fiyupa lakikurmi pëchunta kutaraykar aywakärirqan.#23.48 Tsay witsanmi imapitapis lakikur runakuna pëchunta kutaq. 49Jesúswan reqinakuqkunami karulapita lakishqa rikarpaykarqan. Paykunawanmi Galileapita qatiraq warmikunapis karkaykarqan.
Jesústa pampapäkushqan
Mateo 27.57-61; Marcos 15.42-47; Juan 19.38-42
50Juk runami karqan José jutiyuq. Payqa Israel runakunapa autoridäninmi y Tayta Dios munashqanno kawaq ali runami karqan. 51Judeacho kaykaq Arimatea markapitami karqan. Paypis Tayta Dios mandaykashqantami shuyaraykarqan. Wakin autoridäkuna Jesústa wanutsinanpaq wilanakäriptinpis payqa manami munarqantsu. 52Paymi Pilato kaqman aywaykur manakurqan kayno nir: <<Jesúspa ayanta kachapaykalämay pampanäpaq>>.
53Awniptinmi Jesúspa ayanta cruzpita jorqurir lïnupita rurashqa säbanaswan piturqan. Nirkurmi manaraq pipis pampakushqan qaqacho uchkushqa sepultüraman pamparqan. 54Tsayno pamparqan jamay junaqpaq kamarikunan junaq ushaykaptinnami. Jamay junaq qalaykunanpaqna kaykarqan.#23.54 Israel runakunapaqqa cada junaq qalaykuq seis de la tardimi.
55Galileapita Jesúswan shamuq warmikunami Josépa qepanpa aywar sepultüra maycho kashqanta y Jesúspa ayanta imano pampashqantapis rikapäkurqan. 56Tsaypita wayinkunaman kutiykärishpanmi ali asyaq#23.56 Wakin runakunaqa mushkuq nipäkun. jachakunata y perfümita kamarikärirqan Jesúspa ayanman winapänanpaq. Kamarikurkurnami mandamientu nishqanno jamay junaq kaptin jamapäkurqan.
Voafantina amin'izao fotoana izao:
Lucas 23: qvmB
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2003, Wycliffe Bible Translators, Inc. All rights reserved.
Lucas 23
23
Pilatuman Jesústa apapäkushqan
Mateo 27.1-2, 11-14; Marcos 15.1-5; Juan 18.28-38
1Tsaypitanami Pilatuman lapan autoridäkuna Jesústa apapäkurqan. 2Tsaychönami Pilatuta kayno nipäkurqan: <<Kay runatami taripäkushqä nacionnintsipa contran sharkunanpaq runakunata shimita jatipaykaqta. Manami munantsu impuestuta mandaq Césarpaq pägapäkunanta. Tsaynöpis niykan Cristo kar rey kashqantami>>.
3Tsaymi Jesústa Pilato kayno tapurqan: <<¿Rasunpaku Israel runakunapa mandaqnin rey kaykanki?>>
Tsawraqa Jesús kayno nirqan: <<Rasun kaqtami niykanki>>.
4Tsawraqa mandaq cürakunata y tsaycho juntaraykaq runakunata Pilato kayno nirqan: <<Kay runapa ima jutsantapis manami tarïtsu>>.
5Tsayno niptin masraqmi nipäkurqan: <<¡Kay runaqa autoridäkunapa contran sharkapäkunanpaqmi runakunata shimita jatipaykan! Galileapita qalaykur kay Judeachönami shimita jatipaykan>>.
Herodesman Jesústa apapäkushqan
6Tsayta mayar Pilato kayno tapurqan: <<¿Galileapitaku kay runa?>>
7<<Awmi>> nipäkuptinmi Galileacho mandaq Herodesman Jesústa apatsirqan juzgananpaq. Tsay junaqkunaqa Herodespis Jerusalénchömi kaykarqan.
8Jesúspita parlashqanta mayashpanmi y milagru ruraykaqta rikayta munarmi nawpapita patsa Herodes reqiyta munarqan. Tsaymi Jesústa rikaykur kushikurqan. 9Tsaycho yaparir yaparir Herodes tapuptinpis Jesús manami imatapis rimakurqantsu. 10Tsaychömi mandaq cürakuna y ley yachatsiqkunapis Jesúspa contran imaykatapis nipäkurqan. 11Tsawraqa reypa cäpanta ayluparkurmi soldädunkunawan Herodes asipashpan Jesústa manakaqman churapäkurqan. Nirkurnami Pilato kaqman kutitsirqan. 12Tsay junaqmi Herodeswan Pilato chikinakushqanpita amistarqan.
Jesústa wanutsinanpaq Pilato mandashqan
Mateo 27.15-26; Marcos 15.6-15; Juan 18.39—19.16
13Jesústa kutitsiptinnami mandaq cürakunata, autoridäkunata y lapan runakunata qayaykatsir 14Pilato kayno nirqan: <<Qamkunaqa kay runata apamushqanki kayno nipäkushpaykimi: <Autoridäkunapa contran sharkapäkunanpaq runakunata shimita jatipaykan>. Tsayno niptikipis nawpaykicho tapur manami ima jutsantapis tarishqätsu nipäkushqaykinöqa. 15Herodespis ima jutsantapis mana tarirmi kayman kutitsimushqa. Kay runa manami ima jutsatapis rurashqatsu wanutsishqa kananpaq. 16Tsaymi astarkatsilar kacharishaq>>.
17[Cada watami Pascua fiestacho Pilato juk prësuta kachariq.#Mat. 27.15; Mar. 15.6.] 18Jesústa kachariyta munaptinmi lapan qaparparqan kayno nir: <<¡Tsay runaqa wanutsun! ¡Barrabásta kachariyqa!>>
19Barrabásqa carcilcho wichqaraykarqan gobiernupa contran Jerusaléncho sharkushqanpita y runata wanutsishqanpitami.
20Tsaymi runakunata Pilato yapay nirqan Jesústa kacharinanpaq. 21Niptinpis masraqmi qaparar kayno nipäkurqan: <<¡Crucificay! ¡Crucificay!>>
22Tsawraqa Pilato yapay kayno nirqan: <<Kay runa ¿ima mana alitataq rurashqa? Wanunanpaqqa manami ima jutsantapis tarïtsu. Astarkatsilar kacharishaq>>.
23Tsayno niptinpis crucificashqa kananta munarmi masraq qaparparqan. [Mandaq cürakuna y] tsaycho kaq runakuna tsayno qaparpaptinmi Pilato awnirqan. 24Tsaymi runakuna manakushqanno Jesústa wanutsinanpaq nirqan. 25Gobiernupa contran sharkushqa kaykaptinpis y runata wanutsishqa kaykaptinpis runakuna munashqannölami Barrabásta kacharirqan. Jesústami itsanqa wanutsinanpaq paykunapa makinman kachaykurqan.
Jesústa crucificashqan
Mateo 27.32-44; Marcos 15.21-32; Juan 19.17-27
26Jesústa crucificananpaq aparkaykaptinmi chakrapita kutiykämurqan Simón jutiyuq runa. Payqa Cirene nacionpitami karqan. Paytami nirqan Jesús apaykashqan cruzta umrurkur Jesúspa qepanpa apananpaq.
27Atska runakunami Jesúspa qepanta aywapäkurqan. Tsaynölami atska warmikunapis lakikushpan waqaraykar aywapäkurqan. 28Tsay warmikunata rikaykurmi Jesús kayno nirqan: <<Jerusalén warmikuna, ama noqapaqqa waqapäkuytsu. Tsaypa trukanqa kikikikunapaq y wawaykikunapaq waqapäkuy. 29Fiyupa nakay junaqkuna chayamunqanami. Tsay witsanmi runakuna kayno nipäkunqa: <¡Ima kushishqaraq kaykan qoluq warmikuna y itita mana chuchuq warmikuna!> 30Tsay witsanmi runakuna pasaypa nakar puntakunata kayno nipäkunqa: <¡Jukla ushakänäpaq janäman juchumuy!> Qaqakunatapis kaynömi nipäkunqa: <¡Jukla nitipäkamay!>#Ose. 10.8. 31Loqyuraykaq yörata kayno ruraykarqa tsakishqa qerutaqa ¡imataraq rurapäkunqa!>>#23.31 Tsayno parlarqa Jesús kaynömi nirqan: Jutsaynaq kaykaptïpis kayno nakaykätsimarqa ¡ima fiyuparaq qamkunata y wakin Israel runakunatapis nakatsishunkipaq!
32Jesústawanmi ishkay jutsasapa runakunatapis crucificananpaq apapäkurqan. 33Calavëra nishqanman chayaykatsirnami Jesústa crucificarqan. Apashqan jutsasapa runakunatami juknin kaqta Jesúspa alawqanman y jukaqtana itsuqninman crucificarqan.
34[Tsay hörami Jesús kayno nirqan: <<Kay runakunata perdonaykulay, papä. Manami musyapäkuntsu imata ruraykashqantapis>>.]
Soldädukunanami Jesúspa röpanpaq suertita jitapäkurqan mayqanpis gänaq kaq apakunanpaq.#Sal. 22.18.
35Tsaycho runakuna rikarpaykaptinmi autoridäkuna Jesústa asipar kayno nipäkurqan: <<Tayta Dios akrashqan Cristo kaykarqa jukta salvashqannöla mä kanan kikinpis salvakutsun>>.
36Tsaynölami soldädukunapis asipashpan pochquq vïnuta shoqutsiyta munar 37kayno nipäkurqan: <<Israel runakunapa mandaqnin rey kaykarqa mä kikiki salvakuy>>.
38Cruzpa puntanchömi juk letrëru kayno nirqan: <<Kay runaqa Israel runakunapa mandaqnin reymi>>. [Tsay qelqararqan griëgucho, latíncho y hebreo idiömakunachömi.#Juan 19.20.]
39Tsaynölami crucificaraykaq jukaq runapis Jesústa manakaqman churar kayno nirqan: <<Tayta Dios kachamushqan Cristo karqa mä kikiki salvakurir noqakunatapis salvapäkamay>>.
40Tsayno niptinmi juknin kaq olqüparqan kayno nir: <<Qampis payno nakaykarqa ¿manaku Tayta Diosta mantsakunki? 41Noqantsiqa jutsantsikunapitami nakaykantsi. Payqa manami ima jutsatapis rurashqatsu>>.
42Nirkur Jesústa kayno nirqan: <<Mandayta qalaykurqa noqata yarparkalämanki, tayta>>.
43Tsayno niptinmi Jesús kayno nirqan: <<Rasunpami kayno nï: Kananpitaqa paraísuchömi noqawan kankipaq>>.
Jesús wanushqan
Mateo 27.45-56; Marcos 15.33-41; Juan 19.28-30
44Pulan junaqpita malway intiyaqmi patsa tsakakurkurqan. 45Intipis manami atsikyarqantsu. Tsay hörami templu rurincho kaq cortïnapis pulanpa rachikäkurqan.#23.45 Tsay cortïna karqan Lugar Santïsimuman pipis mana yaykunanpaq tsaparaq rakta cortïnami. Tsaypita masta musyanaykipaq liyinki Éxo. 26.31-33; Heb. 9.1-10; 10.19-20. 46Tsaypitami lapan kalpanwan Jesús qayakur nirqan: <<¡Papä! ¡Makikimanmi almäta kachaykamü!>>#Sal. 31.5. Tsayno nirkushpanmi wanurqan.
47Tsaykunata rikaykurmi soldädukunapa capitannin Tayta Diosta alabar kayno nirqan: <<¡Rasunpami kay runaqa jutsaynaq kashqa!>>
48Tsaycho kaykaq runakunapis fiyupa lakikurmi pëchunta kutaraykar aywakärirqan.#23.48 Tsay witsanmi imapitapis lakikur runakuna pëchunta kutaq. 49Jesúswan reqinakuqkunami karulapita lakishqa rikarpaykarqan. Paykunawanmi Galileapita qatiraq warmikunapis karkaykarqan.
Jesústa pampapäkushqan
Mateo 27.57-61; Marcos 15.42-47; Juan 19.38-42
50Juk runami karqan José jutiyuq. Payqa Israel runakunapa autoridäninmi y Tayta Dios munashqanno kawaq ali runami karqan. 51Judeacho kaykaq Arimatea markapitami karqan. Paypis Tayta Dios mandaykashqantami shuyaraykarqan. Wakin autoridäkuna Jesústa wanutsinanpaq wilanakäriptinpis payqa manami munarqantsu. 52Paymi Pilato kaqman aywaykur manakurqan kayno nir: <<Jesúspa ayanta kachapaykalämay pampanäpaq>>.
53Awniptinmi Jesúspa ayanta cruzpita jorqurir lïnupita rurashqa säbanaswan piturqan. Nirkurmi manaraq pipis pampakushqan qaqacho uchkushqa sepultüraman pamparqan. 54Tsayno pamparqan jamay junaqpaq kamarikunan junaq ushaykaptinnami. Jamay junaq qalaykunanpaqna kaykarqan.#23.54 Israel runakunapaqqa cada junaq qalaykuq seis de la tardimi.
55Galileapita Jesúswan shamuq warmikunami Josépa qepanpa aywar sepultüra maycho kashqanta y Jesúspa ayanta imano pampashqantapis rikapäkurqan. 56Tsaypita wayinkunaman kutiykärishpanmi ali asyaq#23.56 Wakin runakunaqa mushkuq nipäkun. jachakunata y perfümita kamarikärirqan Jesúspa ayanman winapänanpaq. Kamarikurkurnami mandamientu nishqanno jamay junaq kaptin jamapäkurqan.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2003, Wycliffe Bible Translators, Inc. All rights reserved.