यूहन्ना 9
9
ईसु जनम का आंधा मनख न्अ नीका कर्यो
1जाती बगत वो एक जनम सुं आंधा मनख न्अ देख्यो। 2ई बात प, चेला बीन्अ पूछ्या, “गरूजी, यो मनख खुदका पाप की बजेसुं आंधो जनम्यो छ या फेर ईका माई-बाप का पाप की बजेसुं?”
3ईसु जुवाब दियो क, “न्अ तो यो पाप कर्यो अर न्अ ईका माई-बाप पाप कर्या, पण यो ई बजेसुं आन्धो जनम्यो छ क ईन्अ नीका कर परमेसर सक्ति दखा सक्अ। 4ज्यो मन्अ खन्दायो छ बीका कामा न्अ आपान्अ दन-दन ई पूरो करणी चायजे। बा रात आबाळी छ जद्या कोई बी काम कोन्अ कर सक्अलो। 5#मत्ती 5:14; यूहन्ना 8:12जद ताणी म संसार मं छु, म संसार को उजाळो छु।”
6अस्यान खेर ईसु जमी प्अ थुकर गार गीली करर बी आंधा की आंख्या म्अ लगा दियो। 7अर बीन्अ खियो, “जार सीलोह का कुण्ड मं धोल्अ।” सीलोह को मतबल “खन्दायेड़ो” छ। अर फेर वो आंधो जार आंख्या धो लियो। अर जद वो पाछो आयो तो बीन्अ दिखर्यो छो।
8बीका पाड़ोसी अर ज्यो लोगबाग बीन्अ मागतो देख्अ छा वे खिया, “कांई यो बोई मांगबाळो छ जीन्अ आपा देख्अ छा?”
9एकात मनख खिया, “यो बोई छ।”
अर दूसरा खिया, “यो वो कोन्अ पण बीकी जस्यान दिख्अ छ।”
पण वो खुद खियो, “म बोई छु।”
10फेर वे बीसुं पूछ्या, “तन्अ कस्यान दिखबा लागगो?”
11वो खियो, “ईसु नांऊ को एक मनख गार गीली करर म्हारी आंख्या माळ्अ लगा'र खियो क, ‘जा सीलोह का कुण्ड मं धोल्अ।’ अर म जार धो लियो अर देखबा लागगो।”
12फेर लोगबाग बिन्अ पूछ्या, “वो कढ्अ छ?”
वो बोल्यो, “मन्अ पतो कोन्अ।”
आंख्या नीका होबा की छाणबीण करबो
13ज्यो मनख पेली आंधो छो बीन्अ लोगबाग फरीस्या कन्अ लेगा। 14जी दन ईसु बी आंधा न्अ गार गीली करर नीका कर्यो छो वो यहूद्या को आरामहाळो दन छो। 15अस्यान फरीसी बीसुं एकबार फेर पूछबा लाग्या क, “थन्अ कस्यान दिखबा लागगो?”
वो बोल्यो, “वो म्हारी आंख्या माळ्अ गीली गार लगायो, अर म धोयो अर देखबा लागगो।”
16एकात फरीसी खिया, “यो मनख परमेसर की ओड़ी सुं कोन्अ क्युं क यो आरामहाळा दन को निम कोन्अ मान्अ।”
पण ओर दूसरा खिया क, “कोई पापी मनख अस्यान का चमत्कार कस्यान कर सक्अ छ?” अस्यान वाक्अ मायन्अ फूट पड़गी।
17एकबार फेर वे बी आंधा मनख सुं बोल्या, “बीका बारा मं तु कांई खेव्अ छ, क्युं क ई बात न्अ तूई जाण्अ छ क वो थारी आंख्या न्अ खोल्यो छ?”
वो मनख खियो, “वो परमेसर की ओड़ी सुं बोलबाळो छ।”
18यहूदी नेता बीक्अ माळ्अ बस्वास कोन्अ कर सक्या क वो आंधो छो अर अब देख सक्अ छ। जिसुं वे उंका माई-बाप न्अ बलाया, 19अर वे बान्अ पूछ्या, “यो थांको छोरो छ कांई, जिका बारा मं थे खेवो छो क वो जनम सुं आंधो छो? फेर अब वो कस्यान देखर्यो छ?”
20बीका माई-बाप खिया, “म्हे या जाणा छा क यो म्हाको छोरो छ अर यो आंधो जनम्यो छो। 21पण म्हे या कोन्अ जाणा क यो अब कस्यान देख सक्अ छ अर ईकी आंख्या कुण नीका कर्यो छ? यो अब बड़ो हेग्यो अर योई ईका बारा मं नीका बता सक्अ छ।” 22बीका माई-बाप याई बजेसुं खिया क्युं क यहूदी नेता सुं डरप्अ छा। क्युं क वे पेलीई एको कर मेल्या छा क कोई बी ईसु न्अ मसी खेव्अ तो बीन्अ यहूद्या का परातना करबा की ठार सुं बारे नखाळ देव्अला। 23ई बजेसुं बीका माई-बाप खिया छा क, “यो बी समझदार होग्यो, ईन्अ ई पूछल्यो।”
24यहूदी नेता बी मनख न्अ दुबारा बलाया ज्यो पेली आंधो छो। अर खिया, “तु नीका होयो छ जी बेई परमेसर की महमा कर, ई मनख की मत कर। क्युं क म्हे जाणा छा वो मनख पापी छ।”
25वो बोल्यो, “म कोन्अ जाणू क वो पापी छ क कोन्अ, पण म या जरूर जाणू छु क म पेली आंधो छो अर अब देख सकुं छु।”
26वे पूछ्या, “वो कांई कर्यो छो? वो थारी आंख्या कस्यान खोल्यो छो?”
27वो बोल्यो, “म पेलीई खेदियो पण थे सुणोई कोन्अ। थे ईन्अ दुबारा क्युं सुणबो चावो छो? थे बी बीका चेला बणबो चावो छो कांई?”
28ईप्अ वे बीकी बेजती करर खिया, “तूई बीको चेलो छ, मे तो मूसा का चेला छा। 29म्हे जाणा छा क परमेसर मूसा सुं बाता कर्यो छो पण म्हे कोन्अ जाणा क यो मनख कढा सुं आयो छ?”
30वो मनख जुवाब दियो, “अचम्बा की बात छ क थे कोन्अ जाणो क वो कढा सुं आयो छ, पण वो म्हारी आंख्या नीका कर दियो। 31म्हे जाणा छा क परमेसर पाप्या की कोन्अ सुण्अ। पण बाकी सुण्अ छ ज्यो बीको आदरमान करअ छ अर बीकी मनसा प चाल्अ छ। 32संसार की सरूवात सुं या कद्या बी कोन्अ सुणबा मं आई क कोई जनम का आंधा न्अ नीका कर दियो। 33अर ज्यो यो मनख परमेसर की ओड़ी सुं कोन्अ होतो तो कांई कोन्अ कर सक्अ छो।”
34ईप्अ वे खिया, “तु तो जनम सुंई पापी छ। तु म्हान्अ कस्यान सखार्यो छ?” अर वे बीन्अ यहूद्या का परातना करबा की ठार सुं धक्को देर बारे नखाळ दिया।
मन का आंधा
35ईसु या सुण्यो क यहूदी नेता बीन्अ धक्को देर बारे नखाळ दिया। तो वो बीसुं मलर खियो, “कांई तु मनख का छोरा माळ्अ बस्वास करअ छ?”
36वो मनख खियो, “माराज, वो कुण छ, क म बी माळ्अ बस्वास कर सकूं?”
37ईसु बीन्अ खियो, “तु बीन्अ देख लियो अर वो बोई छ जिसुं तु अबार बतळार्यो छ।”
38वो बोल्यो, “परबु, म बस्वास करू छु।” अर वो बीक्अ आग्अ ढोक दियो।
39ईसु बोल्यो, “म ई संसार मं न्याऊ करबा आयो छु, जिसुं ज्यो आन्धा छ, वे देखबा लागजाव्अ अर ज्यो देख्अ छ, वे आंधा हो जाव्अ।”
40एकात फरीसी ज्यो ईसु की लार छा या सुण'र उन्अ बुज्या, “थारो मतबल म्हे बी आंधा छा कांई?”
41ईसु बान्अ खियो, “ज्यो थे आंधा होता तो पापी कोन्अ होता, पण थे या खेर्या छो क, ‘म्हे देख सकां छा’ तो थे हालताणी पापी छो।”
Voafantina amin'izao fotoana izao:
यूहन्ना 9: डि एच डि
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
(c) 2010-2017, New Life Computer Institute. All rights reserved