मत्ती 1

ईसु रेनकू खुटी खनदानकू

(लूका 3:23-38)

1ईसु मसीह रेनकू खुटी खनदानकू नेकू हवे, ईसु मसीह दाऊद खुटी खनदान रेनिय हवे, अवुर अबराहम#उत्प 22:1-19; गला 3:16 खुटी खनदान रेनिय हवे। 2अबराहम#1:2 अबराहम भगवान राः नँजेर रे धरमी हो-ड़िय दोहो एना कोड़ा होपोन इसहाक अवुर इसहाक#उत्प 21:1-12 कोड़ा होपोन एकूब, एकूब#उत्प 25:19-28 कोड़ा होपोन एहूदा#उत्प 29:35; 49:8-10 अवुर हेंय रेनकू मगत अवुर बोहोत एडकू होकू दोहो एना, 3एहूदा कोड़ा होपोन कींञ जोरह अवुर फिरिस दोहो एना, #उत्प 38:27-30(इंगत कींञ ञुमू तामार मेनते दोहो एना) फिरिस कोड़ा होपोन हिस्तोरोन, अवुर हिस्तोरोन कोड़ा होपोन एराम, 4एराम कोड़ा होपोन अम्मीनादाब, अम्मीनादाब कोड़ा होपोन नहसोन, नहसोन कोड़ा होपोन सलमोन, 5सलमोन कोड़ा होपोन बोअज,#रूत 4:13,21,22 नेय इंगत ञुमू राहब मेनते दोहो एना। बोअज कोड़ा होपोन ओबेद, नेय इंगत ञुमू रूत मेनते दोहो एना। अवुर ओबेद कोड़ा होपोन ईसेय, 6ईसेय कोड़ा होपोन दाऊद, नेय तयोम ते राजाय बनो एना।#1 समू 16:1; 17:12

अवुर दाऊद कोड़ा होपोन सुलेमान, सुलेमान इंगत पहील उरियाह कन्याँ दोहो एना#2 समू 12:24, 7सुलेमान कोड़ा होपोन रहबाम, रहबाम कोड़ा होपोन अबियाह, अबियाह कोड़ा होपोन आसा, 8आसा कोड़ा होपोन एहोसापात, एहोसापात कोड़ा होपोन जोराम, अवुर जोराम कोड़ा होपोन उजियाह#1 इति 3:10-14, 9उजियाह कोड़ा होपोन ओताम, ओताम कोड़ा होपोन आहाज#2 राजा 15:38, आहाज कोड़ा होपोन हिजकियाह, 10हिजकियाह#2 राजा 20:21 कोड़ा होपोन मनस्सिह, मनस्सिह कोड़ा होपोन अमोन, अवुर अमोन कोड़ा होपोन ओसियाह; 11इसराएल रेनकू होड़कू गुलामी बनो केकू ते बेबीलोन रेनकू अकू राः देस बेबीलोन कू गोःकू तोलोग ओसियाह#2 राजा 24:14,15; 2 इति 36:5-21; ईरिमयाह 27:20; 29:1-4; दानि 1:1-2, अकुन्याह, अवुर हेंय रेनकू भाई बंधू कुरेनिय अजत दोहो एना।

12गुलामी बनो केडकू ते बेबीलोन इदी केडकुः राः बाद रे अकुन्याह#1 इति 3:17 कोड़ा होपोन सालतिएल जनम एना, अवुर सालतिएल कोड़ा होपोन जरूब्बाबिल#एजरा 3:2,8, 13जरूब्बाबिल कोड़ा होपोन अबीहूद, अबीहूद कोड़ा होपोन इल्याकीम, इल्याकीम कोड़ा होपोन अजोर, 14अजोर कोड़ा होपोन सदोक, सदोक कोड़ा होपोन अखीम, अखीम कोड़ा होपोन इलीहूद, 15इलीहूद कोड़ा होपोन इलियाजार, इलियाजार कोड़ा होपोन मत्तान, मत्तान कोड़ा होपोन एकूब, 16अवुर एकूब कोड़ा होपोन उसुफ, नेय मरियोम अपत कू दोहो एना। अवुर मरियोम वरी ईसु जनम एना, नेय मसीहा#1:16 मसीहा मतलोब भगवान चुनो केडिया राजा। #लूका 2:11; एहुन्‍ना 4:25-26मेनतेय कू कहनी वया। 17नेन घयते अबराहम वरी दाऊद अँगम चेवदह पिढ़ी होया एना, अवुर दाऊद वरी बेबीलोन रे गुलामी बनो केकू तेकू इदी तेडकुआ, हेना अँगम चेवदह पिढ़ी, अवुर गुलामी केनते बेबीलोन कू इदी तेडकुः वरी मसीहा जनम एन अँगम चेवदह पिढ़ी होया एना।

ईसु जनम एन हेना

(लूका 1:26-38; 2:1-7)

18 # लूका 1:27 ईसु मसीह राः जनम न घयते होया एना। ईसु इंगत मरियोम राः मला मठी उसुफ सुदा होया एना, तहाँ हेंकीञ जवारुः वरी#1:18 मतलोब जुमोः वरी पहिल ते पहिल ते, हेंय पवितर आत्मा राः सक्‍ति तेय असापति एना,#लूका 1:35 अवुर असापति केनाय मेनाआ होड़कू पपाड़ियन कू। 19मरियोम उसुफ थरे कू असी तडिया, अवुर उसुफ धरमी हो-ड़िय दोहो एना, अवुर मरियोम बदनामिय लगड मेनेय चहोः दोहो एनु, तहाँ हेंय कलेकल ते बगिवय मेनते पसींद तडा। 20हेंय नआँ टेबोईय पनासींदे दोहो एनु कि हेंय गितीज यनु, तहाँ परभु रेनिय सरगदूत सपन रेय मेजकेन तेय कहनी वडियू, “ओ दाऊद खनदान रेनिय उसुफ! मरियोम अम थरे अगेय लगड अलोम बो-रू, कहेकि हेंय लाज रे जे इदानिया, हेंय पवितर आत्मा हनवरिया। 21हेंय चोंडीजिय जनामा, अवुर अम हेंय ञुमू ईसु#लूका 1:31; 2:21 मेनतेम रखोवे, कहेकि हेंय अनेज रेनकू होड़कू, अनाकू राः पाप वरिय उबर#1:21 एहोवा बबंच्‍चोवय कुआ।”#सिरिंग 130:8; लूका 2:11; एहुन्‍ना 3:17; तीतुस 2:14

22जे टेबोः परभु अनेज रेनकू भविस्यवक्‍ताकू राः दोवारा ते पहील तेय कहनी तडा, हेना पूरा होयाः लगड नआँ सींड़ होया एना। हेंय भविस्यवक्‍ता न याःतेय कहनी तेडा, 23“अँजोम पे, मियाँहोड़ कुँवारिअय#1:23 कबोह कनय कोड़ाहोन सुदा बेगर गितीजय। असापतिआ, अवुर मियाँटंग चोंडीजिय जनामा, अवुर हेंय इम्मानवेल मेनते कू ञुमूया,” हेना राः मतलोब हवे, भगवान अबू सुदाया।#एसा 7:14; 9:6,7 24तहाँ उसुफ गितीज तन वरिय जगो एना, अवुर जेयसे परभु रेनिय सरगदूत हुकूम वडिया, हेन घयते मरियोम अनेज ओड़ाः रेय अगतेडिया। 25अवुर मरियोम चोंडिज अनायीनिय हँबुडिय मेन दिन, उसुफ हेंय सुदा मेनेय गितीज गना, अवुर चोंडिज होया एना, तहाँ उसुफ, ईसु#लूका 2:21 मेनतेय ञुमू तेडिया।

Voafantina amin'izao fotoana izao:

मत्ती 1: ksz

Asongadina

Hizara

Dika mitovy