यूहन्ना 9
9
क्येएँ यिहन्ज्युराङ मी़ मेहथोङगेन मिह च्यी़ टा़हक्यो
1ओ़ह ग्या़ले फेप्केराङ जेकेमु येशूगी क्येएँ यिहन्ज्युराङ मी़ मेहथोङगेन मिह च्यी़ला ज़ी़ नाङसीन। 2येशूगी स्याहप्च्यीया़गी येशूला स्युहसीन, “लोबेन ला़ह, सुगी तिहक्पागी पेहती दि मिह क्येएँ यिहन्ज्युराङ मी़ मेहथोङगेन काहल्ग्यो यिहम्बा? खोराङगी तिहक्पागी पेहती यिहम्बानी खोगी फामागी तिहक्पागी पेहती यिहम्बा?” 3ओहले येशूगी सुङ नाङसीन, “खोराङगी तिहक्पागी पेहतीॱआङ मिहन ओहले खोगी फामागी तिहक्पागी पेहतीॱआङ मिहन, यिहॱनाङ किन्ज्योगी छ्या़ले दि मिहगी मिहजी लाहमले थोङ ख़ूज्यु म़ेदीराङ खो मी़ मेहथोङगेन काहल्ग्यो यिहम्बा। 4ङ्यिहमा येहकेमुराङ ङाहला ताङ नाङगेन याहपकी छ्या़लेया़ ओहराङगी पेह कोहकें। ता़ह ना़-जुबे डोज्ये पेहती येह ओहले ना़-जुबे काहल फान्ज्योनी सुगीॱआङ ल़ेह पेह मी़हखुएँ। 5ङाह जाम्बुलीङला तेहकें थु ङाहराङ जाम्बुलीङगी क्या-साङे यिहन।”#मत्ती ५:१४; यूह ८:१२
6दि स्याहल सुङदी येशूगी साला थुक्स्याल क्याहप नाङसीन, ओहले सासाकी दाक्पा जे़दी ओ़ह मिहगी मी़ला टुहल्दी सुङ नाङसीन, 7“ता़हनी सोङ, सिलोआमकी छोला काहल्दी तोहङबा ठी़दोङ।” (सिलोआम माएँगी तेहन्दा, “ताङ नाङग्यो” यिहम्बा।) ओहले ओ़ह मिहगी सिलोआम छोला काहल्दी तोहङबा ठुसीन ओहले खो मी़ थोङगेन काहल्दी लो़ह ओहङसीन।
8ओहले खोगी ख्यिम्जीया़ दाङ तोहङले खोला लाङदी तेहक्यो थोङगेनया़गी मासीन, “लाहमला तेहती लाङगे मिह च्यि दि मिहराङ मिहम्बा ले?” 9ओहले रेहरेगी मासीन, “यिहम्बा, खोराङ यिहम्बा।” ओहले लाहलागी मासीन, “थोङज्येनी, ओ़ह मिह ल़ेहमुराङ थोङगो दु, यिहॱनाङ खोनी मिहम्बा।” ओहले खो राहङगीराङ मासीन, “यिहम्बा, ङाह ओ़ह मिहराङ यिहन।” 10ओहले खुङया़गी खोला टी़हसीन, “ख्ये काह-ठि पेहती मी़ थोङ ख़ूएँ काहल्बा ले?” 11ओहले खोगी मासीन, “येशू मिहन थो़क्यो मिह च्यी़गी सासागी दाक्पा जे़दे ङाहगी मी़ला टुहल्दी सुङ नाङसीन, ‘सिलोआम छोला सोङ ओहले छ्युगी स्याल्दोङ।’ ओहले ङाह काहल्दी छ्युगी स्याल्सीन, ओहले ङाह थोङ ख़ूएँ काहल्सीन।” 12ओहजेला मिहया़गी खोला मासीन, “खो नाहरे का़हला येहबा ले?” खोगी मासीन, “ङाहला क्यी़ह म़ेह।”
13ओहले मिहया़गी ओ़ह मिहला फरिसीया़साला ख्येर्सीन। 14येशूगी सासागी दाक्पा ज़ो नाङदी ओ़ह मिहगी मी़ खा फे़ नाङग्योदी थाङ सोएँ ङ्यिहमाला यिहम्बा यिहन्गे। 15फरिसीया़गी ओ़ह मिहला टी़हसीन, “ख्ये काह-ठि पेहती थोङ ख़ूएँ काहल्बा ले?” खोगी खुङया़ला मासीन, “येशूगी ङाहती मी़ला सासागी दाक्पा टुहल नाङसीन, ओहले ङाहगी छ्युगी स्याल फान्ज्यो ङाह थोङ ख़ूएँ काहल्सीन।” 16लाहला फरिसीया़गी मासीन, “ओ़ह मिह किन्ज्यो लाहमले ओहङग्यो मिहन, च्यिबेमाना खोगी थाङ सोएँ ङ्यिहमागी ठिम मी़हचीएँ दु।” यिहॱनाङ लेहमेनया़गी मासीन, “तिहक्च्येम्बा मिहगी काह-ठि पेहती दि ल़ेहमु याहम्जेन छ्येवागी ल़ेहया़ पेह ख़ूएँ ले?” दि ल़ेहमु पेहती खुङ नाहङदोङराङ ठ़ूस्यी काहल्सीन।
17फरिसीया़गी येहपाराङ खोला टी़हसीन, “ओ़ह मिहगी ख्येती मी़ थोङ ख़ूएँ जे तेर्सीन दु, ता़ह खोगी तेहन्दाला ख्ये च्यि माएँ ले?” खोगी मासीन, “मिहरोनी लुहङतेम्बा यिहम्बा।” 18यहूदीया़गी खो तेहम्बाराङ मी़ मेहथोङ येहकें ओहले ताहन्दा थोङ ख़ूएँ काहल्सीन दु माएँ ताम यिह मा़हछ्ये। ओ़ह सोङबे खुङया़गी खोगी आबा-आमाला क़े क्याहप्ती टी़हसीन, 19ओहले फरिसीया़गी खुङला टी़हसीन, “च्यि दि ख्याती पुहराङ यिहम्बा ले? च्यि खो क्येएँ यिहन्ज्युराङ मी़ मेहथोङगेन येहकें ले? ओ़हठी यिहन्सीमानानी खो ताहन्दा काह-ठि पेहती मी़ थोङगेन काहल्बा ले?” 20ओहले खोगी आबा-आमागी मासीन, “यिहम्बा, खो ङ्यिहगी पुहराङ यिहम्बा, ओहले खो क्येएँ यिहन्ज्युराङ मी़ मेहथोङ येहकें। 21यिहॱनाङ ताहन्दा खो काह-ठि पेहती मी़ थोङगेन काहल्बा ओहले खोती मी़ सुगी खा फे़ तेर्पा ओ़हनी ङ्यिहला क्यी़ह म़ेह। ख्या फे़बेया़गीराङ खोला टी़ह नाङदोङ, ता़ह खो पेहजा फेमानी मिहन, खो राहङगीॱआङ स्ये ख़ूएँ।” 22यहूदीया़की ज्यी़सुगी पेहती खोती आबा-आमागी दि ल़ेहमु माक्यो येहकें। च्यिबेमाना सुगी येशूला थार्पा नाङगेन्गी क्याहल्बु मास्यीका म़ेदी लोक पेहकें, खोला छो़खाङले फिला तेन तेर कोहएँ म़ेदी यहूदीया़की तोहङलेराङ टे़ह क्याहप सिहन्दी येहकें। 23ओ़ह सोङबे खोगी आबा-आमागी, “खो पेहजानी मिहन, खोलाराङ टी़ह नाङदोङ” म़ेदी माक्यो येहकें।
24ओहले यहूदीया़गी येहपाराङ ओ़ह मिहला क़े क्याहप्ती मासीन, “किन्ज्योला त़ेरा तेच्या फुल्दोङ। ओ़ह मिह तिहक्च्येम्बाराङ यिहन म़ेदी ङ्यिहला क्यी़ह येह।”
25ओहले खोगी मासीन, “मिहरो तिहक्च्येम्बा यिहम्बानी मिहम्बा ओ़हदीनी ङाहला क्यी़ह म़ेह। यिहॱनाङ ङाहला ताम च्यी़दी क्यी़ह येह ओ़हदी च्यि यिहम्बा माना ङाह मी़ मेहथोङ येहकें, ताहन्दा ङाह थोङ ख़ूएँ काहल्सीन।”
26ओहले खुङया़गी खोला टी़हसीन, “खोगी ख्येला च्यि पेहपा? खोगी ख्येला काह-ठि पेहती मी़ थोङगे जेबा?”
27ओ़ह मिहगी मासीन, “ङाहगी राहङ फे़बेया़ला तोहङलेराङ मा सिहन्सीन, यिहॱनाङ राहङ फे़बेया़गी सेन माहनाङ। ता़ह च्यिबे येहपाराङ ओ़ह तामया़ॱराङ टी़ह नाङगे ले? राहङ फ़ेबेॱयाॱआङ मिहरोगी स्याहप्च्यी डोज्ये थुला येहबानी च्यि यिहम्बा?”
28खुङया़गी खोला बार्ता लाङगेनराङ मासीन, “ख्ये गा खोती स्याहप्च्यी यिहन्डो नाह, ङ्यिहनी मोशाकी स्याहप्च्यी यिहम्बा। 29ङ्यिहला क्यी़ह येह मोशा ङ्याम्बु किन्ज्योगी स्याहल सुङ नाङग्यो येहकें, यिहॱनाङ खोनी का़ह ग्या़दी गा यिहम्बा, ओ़ह ङ्यिहला क्यी़ह म़ेह।”
30ओहले ओ़ह मिहगी मासीन, “दि काहन्डुमु ह्अ ल़ेहबाकी ताम! मिहरो का़हले फेप नाङग्यो यिहम्बा म़ेदी राहङ फे़बेया़ला थुयी़ म़ेहबा, यिहॱनाङ ङाहती मी़ मिहरोगीॱराङ थोङगेन ज़ो नाङसीन? 31किन्ज्योगी तिहक्च्येम्बा मिहया़गी ताम सेन मेहनाङगे म़ेदी ङ्यिहला क्यी़ह येह, यिहॱनाङ किन्ज्योगी ज्यिक्पा खुर्के दाङ मिहरोगी थु ङ्ये़बाकी ल़ेहया़ पेहकें मिहगी ताम किन्ज्योगी सेन नाङगे। 32क्येएँ यिहन्ज्युराङ मी़ मेहथोङगेन मिहला सुज्यीगी टा़ह च्य़ूक्योकी तामनी ताहन्दा थु सुज्यीगीॱआङ थे़दी म़ेह। 33का़हलेॱआङ दि मिह किन्ज्यो लाहमले ओहङग्यो मिहम्बा यिहन्सीमानानी मिहरोगी दि छ्या़ले जे थुप्च्ये म़ेहबा येहकें।”
34खुङया़गी खोला ल़ेहन क्याहप्ती मासीन, “ख्येनी तेहम्बाराङ तिहक्पाला क्येक्यो यिहम्बा, ओहले च्यि ताहन्दा ख्ये ङ्यिहला लोप्च्ये छोल्गे?” म़ेदी खुङया़गी खोला फिला तेन चाहङसीन।
यिहक्तेन स्याहर्ना
35यहूदीया़गी ओ़ह मिहला तेन चाहङसीन माएँ ताम येशूगी सेन नाङसीन ओहले येशूगी खोला थू़दी सुङ नाङसीन, “च्यि ख्ये किन्ज्योगी स़ेबुला यिह छ्य़ेगे?”
36ओहले खोगी मासीन, “लाहसो लाह, मिहरो सु यिहम्बा ङाहला सुङ नाङदोङ ओहले ङाह मिहरोला यिह छ्य़ेगे।”
37ओहले येशूगी खोला सुङ नाङसीन, “ख्येगी खोला थोङ सिहन्दी येह, ओहले ख्ये ङ्याम्बु ताम माएँदी ओ़हदीॱराङ यिहन।”
38ओहले खोगी मासीन, “चो़वो, ङाह राहङला यिह छ्य़ेगे” ओहले खोगी येशूला छ्या़ छाल्सीन।
39ओहले येशूगी सुङ नाङसीन, “मी़ मेहथोङगेनया़गी मी़ थोङज्यु ओहले मी़ थोङगेनया़गी मी़ माहथोङज्यु म़ेदी ङाह जाम्बुलीङला ठिम ताङज्येला ओहङग्यो यिहम्बा।”
40दि केच्या थे़दी येशू पोहला तेहक्योगी लाहला फरिसीया़गी येशूला मासीन, “च्यि ङ्यिहॱआङ मी़ मेहथोङगे मिहया़ यिहम्बा ले?”
41ओहले येशूगी खुङया़ला सुङ नाङसीन, “ख्या तेहम्बाराङ स्याहर्ना काहल्ग्यो यिहम्बा यिहनानी ख्याला तिहक्पागी ङ्य़ेहबा फो़ज्ये म़ेहबा येहकें यिहॱनाङ ख्याया़गी ‘ङ्यिहगीनी थोङगे’ म़ेदी माएँ, ओ़ह सोङबे ख्याला तिहक्पा येहॱराङ येहबा।”
Voafantina amin'izao fotoana izao:
यूहन्ना 9: HYLM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023 (Active), Wycliffe Bible Translators, Inc. All rights reserved.
यूहन्ना 9
9
क्येएँ यिहन्ज्युराङ मी़ मेहथोङगेन मिह च्यी़ टा़हक्यो
1ओ़ह ग्या़ले फेप्केराङ जेकेमु येशूगी क्येएँ यिहन्ज्युराङ मी़ मेहथोङगेन मिह च्यी़ला ज़ी़ नाङसीन। 2येशूगी स्याहप्च्यीया़गी येशूला स्युहसीन, “लोबेन ला़ह, सुगी तिहक्पागी पेहती दि मिह क्येएँ यिहन्ज्युराङ मी़ मेहथोङगेन काहल्ग्यो यिहम्बा? खोराङगी तिहक्पागी पेहती यिहम्बानी खोगी फामागी तिहक्पागी पेहती यिहम्बा?” 3ओहले येशूगी सुङ नाङसीन, “खोराङगी तिहक्पागी पेहतीॱआङ मिहन ओहले खोगी फामागी तिहक्पागी पेहतीॱआङ मिहन, यिहॱनाङ किन्ज्योगी छ्या़ले दि मिहगी मिहजी लाहमले थोङ ख़ूज्यु म़ेदीराङ खो मी़ मेहथोङगेन काहल्ग्यो यिहम्बा। 4ङ्यिहमा येहकेमुराङ ङाहला ताङ नाङगेन याहपकी छ्या़लेया़ ओहराङगी पेह कोहकें। ता़ह ना़-जुबे डोज्ये पेहती येह ओहले ना़-जुबे काहल फान्ज्योनी सुगीॱआङ ल़ेह पेह मी़हखुएँ। 5ङाह जाम्बुलीङला तेहकें थु ङाहराङ जाम्बुलीङगी क्या-साङे यिहन।”#मत्ती ५:१४; यूह ८:१२
6दि स्याहल सुङदी येशूगी साला थुक्स्याल क्याहप नाङसीन, ओहले सासाकी दाक्पा जे़दी ओ़ह मिहगी मी़ला टुहल्दी सुङ नाङसीन, 7“ता़हनी सोङ, सिलोआमकी छोला काहल्दी तोहङबा ठी़दोङ।” (सिलोआम माएँगी तेहन्दा, “ताङ नाङग्यो” यिहम्बा।) ओहले ओ़ह मिहगी सिलोआम छोला काहल्दी तोहङबा ठुसीन ओहले खो मी़ थोङगेन काहल्दी लो़ह ओहङसीन।
8ओहले खोगी ख्यिम्जीया़ दाङ तोहङले खोला लाङदी तेहक्यो थोङगेनया़गी मासीन, “लाहमला तेहती लाङगे मिह च्यि दि मिहराङ मिहम्बा ले?” 9ओहले रेहरेगी मासीन, “यिहम्बा, खोराङ यिहम्बा।” ओहले लाहलागी मासीन, “थोङज्येनी, ओ़ह मिह ल़ेहमुराङ थोङगो दु, यिहॱनाङ खोनी मिहम्बा।” ओहले खो राहङगीराङ मासीन, “यिहम्बा, ङाह ओ़ह मिहराङ यिहन।” 10ओहले खुङया़गी खोला टी़हसीन, “ख्ये काह-ठि पेहती मी़ थोङ ख़ूएँ काहल्बा ले?” 11ओहले खोगी मासीन, “येशू मिहन थो़क्यो मिह च्यी़गी सासागी दाक्पा जे़दे ङाहगी मी़ला टुहल्दी सुङ नाङसीन, ‘सिलोआम छोला सोङ ओहले छ्युगी स्याल्दोङ।’ ओहले ङाह काहल्दी छ्युगी स्याल्सीन, ओहले ङाह थोङ ख़ूएँ काहल्सीन।” 12ओहजेला मिहया़गी खोला मासीन, “खो नाहरे का़हला येहबा ले?” खोगी मासीन, “ङाहला क्यी़ह म़ेह।”
13ओहले मिहया़गी ओ़ह मिहला फरिसीया़साला ख्येर्सीन। 14येशूगी सासागी दाक्पा ज़ो नाङदी ओ़ह मिहगी मी़ खा फे़ नाङग्योदी थाङ सोएँ ङ्यिहमाला यिहम्बा यिहन्गे। 15फरिसीया़गी ओ़ह मिहला टी़हसीन, “ख्ये काह-ठि पेहती थोङ ख़ूएँ काहल्बा ले?” खोगी खुङया़ला मासीन, “येशूगी ङाहती मी़ला सासागी दाक्पा टुहल नाङसीन, ओहले ङाहगी छ्युगी स्याल फान्ज्यो ङाह थोङ ख़ूएँ काहल्सीन।” 16लाहला फरिसीया़गी मासीन, “ओ़ह मिह किन्ज्यो लाहमले ओहङग्यो मिहन, च्यिबेमाना खोगी थाङ सोएँ ङ्यिहमागी ठिम मी़हचीएँ दु।” यिहॱनाङ लेहमेनया़गी मासीन, “तिहक्च्येम्बा मिहगी काह-ठि पेहती दि ल़ेहमु याहम्जेन छ्येवागी ल़ेहया़ पेह ख़ूएँ ले?” दि ल़ेहमु पेहती खुङ नाहङदोङराङ ठ़ूस्यी काहल्सीन।
17फरिसीया़गी येहपाराङ खोला टी़हसीन, “ओ़ह मिहगी ख्येती मी़ थोङ ख़ूएँ जे तेर्सीन दु, ता़ह खोगी तेहन्दाला ख्ये च्यि माएँ ले?” खोगी मासीन, “मिहरोनी लुहङतेम्बा यिहम्बा।” 18यहूदीया़गी खो तेहम्बाराङ मी़ मेहथोङ येहकें ओहले ताहन्दा थोङ ख़ूएँ काहल्सीन दु माएँ ताम यिह मा़हछ्ये। ओ़ह सोङबे खुङया़गी खोगी आबा-आमाला क़े क्याहप्ती टी़हसीन, 19ओहले फरिसीया़गी खुङला टी़हसीन, “च्यि दि ख्याती पुहराङ यिहम्बा ले? च्यि खो क्येएँ यिहन्ज्युराङ मी़ मेहथोङगेन येहकें ले? ओ़हठी यिहन्सीमानानी खो ताहन्दा काह-ठि पेहती मी़ थोङगेन काहल्बा ले?” 20ओहले खोगी आबा-आमागी मासीन, “यिहम्बा, खो ङ्यिहगी पुहराङ यिहम्बा, ओहले खो क्येएँ यिहन्ज्युराङ मी़ मेहथोङ येहकें। 21यिहॱनाङ ताहन्दा खो काह-ठि पेहती मी़ थोङगेन काहल्बा ओहले खोती मी़ सुगी खा फे़ तेर्पा ओ़हनी ङ्यिहला क्यी़ह म़ेह। ख्या फे़बेया़गीराङ खोला टी़ह नाङदोङ, ता़ह खो पेहजा फेमानी मिहन, खो राहङगीॱआङ स्ये ख़ूएँ।” 22यहूदीया़की ज्यी़सुगी पेहती खोती आबा-आमागी दि ल़ेहमु माक्यो येहकें। च्यिबेमाना सुगी येशूला थार्पा नाङगेन्गी क्याहल्बु मास्यीका म़ेदी लोक पेहकें, खोला छो़खाङले फिला तेन तेर कोहएँ म़ेदी यहूदीया़की तोहङलेराङ टे़ह क्याहप सिहन्दी येहकें। 23ओ़ह सोङबे खोगी आबा-आमागी, “खो पेहजानी मिहन, खोलाराङ टी़ह नाङदोङ” म़ेदी माक्यो येहकें।
24ओहले यहूदीया़गी येहपाराङ ओ़ह मिहला क़े क्याहप्ती मासीन, “किन्ज्योला त़ेरा तेच्या फुल्दोङ। ओ़ह मिह तिहक्च्येम्बाराङ यिहन म़ेदी ङ्यिहला क्यी़ह येह।”
25ओहले खोगी मासीन, “मिहरो तिहक्च्येम्बा यिहम्बानी मिहम्बा ओ़हदीनी ङाहला क्यी़ह म़ेह। यिहॱनाङ ङाहला ताम च्यी़दी क्यी़ह येह ओ़हदी च्यि यिहम्बा माना ङाह मी़ मेहथोङ येहकें, ताहन्दा ङाह थोङ ख़ूएँ काहल्सीन।”
26ओहले खुङया़गी खोला टी़हसीन, “खोगी ख्येला च्यि पेहपा? खोगी ख्येला काह-ठि पेहती मी़ थोङगे जेबा?”
27ओ़ह मिहगी मासीन, “ङाहगी राहङ फे़बेया़ला तोहङलेराङ मा सिहन्सीन, यिहॱनाङ राहङ फे़बेया़गी सेन माहनाङ। ता़ह च्यिबे येहपाराङ ओ़ह तामया़ॱराङ टी़ह नाङगे ले? राहङ फ़ेबेॱयाॱआङ मिहरोगी स्याहप्च्यी डोज्ये थुला येहबानी च्यि यिहम्बा?”
28खुङया़गी खोला बार्ता लाङगेनराङ मासीन, “ख्ये गा खोती स्याहप्च्यी यिहन्डो नाह, ङ्यिहनी मोशाकी स्याहप्च्यी यिहम्बा। 29ङ्यिहला क्यी़ह येह मोशा ङ्याम्बु किन्ज्योगी स्याहल सुङ नाङग्यो येहकें, यिहॱनाङ खोनी का़ह ग्या़दी गा यिहम्बा, ओ़ह ङ्यिहला क्यी़ह म़ेह।”
30ओहले ओ़ह मिहगी मासीन, “दि काहन्डुमु ह्अ ल़ेहबाकी ताम! मिहरो का़हले फेप नाङग्यो यिहम्बा म़ेदी राहङ फे़बेया़ला थुयी़ म़ेहबा, यिहॱनाङ ङाहती मी़ मिहरोगीॱराङ थोङगेन ज़ो नाङसीन? 31किन्ज्योगी तिहक्च्येम्बा मिहया़गी ताम सेन मेहनाङगे म़ेदी ङ्यिहला क्यी़ह येह, यिहॱनाङ किन्ज्योगी ज्यिक्पा खुर्के दाङ मिहरोगी थु ङ्ये़बाकी ल़ेहया़ पेहकें मिहगी ताम किन्ज्योगी सेन नाङगे। 32क्येएँ यिहन्ज्युराङ मी़ मेहथोङगेन मिहला सुज्यीगी टा़ह च्य़ूक्योकी तामनी ताहन्दा थु सुज्यीगीॱआङ थे़दी म़ेह। 33का़हलेॱआङ दि मिह किन्ज्यो लाहमले ओहङग्यो मिहम्बा यिहन्सीमानानी मिहरोगी दि छ्या़ले जे थुप्च्ये म़ेहबा येहकें।”
34खुङया़गी खोला ल़ेहन क्याहप्ती मासीन, “ख्येनी तेहम्बाराङ तिहक्पाला क्येक्यो यिहम्बा, ओहले च्यि ताहन्दा ख्ये ङ्यिहला लोप्च्ये छोल्गे?” म़ेदी खुङया़गी खोला फिला तेन चाहङसीन।
यिहक्तेन स्याहर्ना
35यहूदीया़गी ओ़ह मिहला तेन चाहङसीन माएँ ताम येशूगी सेन नाङसीन ओहले येशूगी खोला थू़दी सुङ नाङसीन, “च्यि ख्ये किन्ज्योगी स़ेबुला यिह छ्य़ेगे?”
36ओहले खोगी मासीन, “लाहसो लाह, मिहरो सु यिहम्बा ङाहला सुङ नाङदोङ ओहले ङाह मिहरोला यिह छ्य़ेगे।”
37ओहले येशूगी खोला सुङ नाङसीन, “ख्येगी खोला थोङ सिहन्दी येह, ओहले ख्ये ङ्याम्बु ताम माएँदी ओ़हदीॱराङ यिहन।”
38ओहले खोगी मासीन, “चो़वो, ङाह राहङला यिह छ्य़ेगे” ओहले खोगी येशूला छ्या़ छाल्सीन।
39ओहले येशूगी सुङ नाङसीन, “मी़ मेहथोङगेनया़गी मी़ थोङज्यु ओहले मी़ थोङगेनया़गी मी़ माहथोङज्यु म़ेदी ङाह जाम्बुलीङला ठिम ताङज्येला ओहङग्यो यिहम्बा।”
40दि केच्या थे़दी येशू पोहला तेहक्योगी लाहला फरिसीया़गी येशूला मासीन, “च्यि ङ्यिहॱआङ मी़ मेहथोङगे मिहया़ यिहम्बा ले?”
41ओहले येशूगी खुङया़ला सुङ नाङसीन, “ख्या तेहम्बाराङ स्याहर्ना काहल्ग्यो यिहम्बा यिहनानी ख्याला तिहक्पागी ङ्य़ेहबा फो़ज्ये म़ेहबा येहकें यिहॱनाङ ख्याया़गी ‘ङ्यिहगीनी थोङगे’ म़ेदी माएँ, ओ़ह सोङबे ख्याला तिहक्पा येहॱराङ येहबा।”
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2023 (Active), Wycliffe Bible Translators, Inc. All rights reserved.