Lukas 13
13
Dhosa bhe kakadee-dee
13:1-5
1Wakutuu anaꞌa dohatomo seemie hodua ne Yesus. Andoa ini deowaane bhihita miendo Galilea nepongkono Pilatus tangasano deowa kapopanga ne Lahataꞌala, heando noposalomo bhe heano kadadi nesumbelendo mbali kapopanga. 2Notobhoosimo Yesus ambano, “Kunaꞌemiu miendo Galilea naꞌa nofoliu kabhieno dhosando bhe kosasawindo miendo Galilea sigaoꞌano hampano kadaino kolaundo naꞌa? 3Amohatokoomu, miina sepaliꞌa. Ampamo kaowu, ane pae metompaꞌao dhosamiu, kosasawimiu itu binasaomu dua nada andoa naꞌa. 4Pedamo dua mie ompulu aluno mateno notabuhikida menara kontu we owano Siloam. Kunaꞌemiu nofoliu kabhalano kaꞌalando bhe kosasawindo meateno we Yerusalem? 5Amohatokoomu, miina sepaliꞌa. Ampamo kaowu, ane paise metompaꞌao dhosamiu, kosasawimiu itu binasaomu dua nada andoa naꞌa.”
Kapalendano puꞌuno ara tapa kobhake
13:6-9
6Pada anaꞌa Yesus nepakeanda kapalenda ambano, “Nandoo seemie bhe puꞌuno arano notumbu weo kaampono angguruno. Seꞌoleo nomai noꞌondo bhakeno gahaꞌa miina naewohaa maumo naseꞌonu. 7Nopugaumo ne dhagano kaampono angguruno, ‘Tolu taꞌumo amai aꞌondo bhakeno puꞌuno ara aini, tamaka miina akoniꞌawaa. Naetaa tuꞌoemo, ingka nefekatembe kaowu wite.’ 8Ambano dhagano kaampono naꞌa, ‘Waompu, hunsaꞌanomo kadeki taꞌu aini. Madaꞌo asumaꞌerae witeno maka ahumewutie, 9bhahaꞌi kaowu taꞌu te wise ini nakobhakemo. Ane paise ingka datumuꞌoemo.’ ”
Yesus nefekaꞌosa mie mosaki ne oleono Sabat
13:10-17
10Sewakutuu ne oleono Sabat Yesus tangasano nofofoinaꞌu ne seꞌonu lambu kasambaheaꞌa. 11Ne itu nandoo seemie hobhine ompulu alu taꞌumo nopesuakie seetani sampe nosaki. Nobungkumo towuno, miinamo sepaliꞌa namoolia noehe nofekalaa. 12Nowoha hobhine amaitu Yesus noloꞌoiꞌemo bhe nopugau ambano, “Waꞌina moꞌosaanemo sakimu itu.” 13Pada aitu noteimo limano ne hobhine anaꞌa. Hobhine aitu lasao noehe nofekalaa maka nofekakalabhia Lahataꞌala.
14Tamaka mie mandeꞌaono lambu kasambaheaꞌa naꞌa nohehewu lalono mbaꞌinomo Yesus nefekaꞌosa mie mosaki ne oleono Sabat. Anoa nopugaumo ne mie bhahi ambano, “Nandoo nomo oleo so dakogunaꞌao, dadiꞌanomo maiꞌomu damekaꞌosakoomu ne nomo oleono naꞌa, sumanomo koise ne oleono Sabat.” 15Tamaka Ompu Yesus notobhoosiemo ambano, “Hintimiu mie mehaaꞌulano! Ingka kosasawimiu ini sadhia lenseomu sapi tawa keledaimiu maka tondaeꞌomu we simbali fefohoꞌutieꞌomu, mahingga ne oleono Sabat. 16Ingka hobhine aini sampuꞌano dua Abraham. Gahaꞌa ompulu alu taꞌumo nogogantue Kafeompuꞌando seetani. Dadiꞌanomo dalumensee tabeano, mahingga ne oleono Sabat.” 17Pugauno Yesus naꞌa doambanoane kosasawindo mewangie, tamaka mie bhahi doꞌia sepaliꞌa mbaꞌinomo sabhaha kakalabhia nehabuno.
Kapalendano onuno wonoita bhe ragi
13:18-21
Mat 13:31-33; Mrk 4:30-32
18Yesus nopugaumo toha ambano, “Dapototoane bhe ae bhahaa Kafopahintaꞌano Lahataꞌala maitu? Amalendaane ae bhahaa so metaaꞌanoa? 19Kafopahintaꞌano Lahataꞌala tapedamo onuno sau wonoita seꞌonu #13:19 Sakotuꞌuno: onuno sawi. noalae mie maka nohooꞌe te kaampono. Hato notumbu nembalimo puꞌuno sau bhalano sampe kaꞌuhi lumola domai dofekaufe ne haꞌaꞌino.”
20Ambano dua, “Apototoane bhe ae dua Kafopahintaꞌano Lahataꞌala? 21Kafopahintaꞌano Lahataꞌala tapedamo ragi nealano seemie hobhine mbali kaefoꞌendeꞌano roti. Ragi aini nokunsaloe bhe tariguno fato fulu baa ampa noꞌende kosasawiꞌae.”
Mie so sumalamatino
13:22-30
22Weo kala-kalano nohope we Yerusalem, Yesus nopontaala-alaꞌao kota bhe liwu poowa nofofoinaꞌu. 23Nandoo seemie meenano ambano, “Ompu, naseendai kaowu bhahaa so sumalamatino?” 24Notobhoosimo Yesus ne mie bhahi ambano, “Uleiꞌomu lalomiu pesuaꞌomu ne fointo mosekeꞌano. Kapaꞌamo amohatokoomu dobhahi mie mesobano damesua, tamaka paise damoolia. 25Nahumato kaowu kolambuno namehemo maka naꞌumonto fointono, hintimiu tameehe-ehemoomu we simbali, mekate-katengkiomu fointo bhe pugauꞌomu, ‘Waompu, lengka kainsami fointo!’ Tamaka anoa tanamugau ambano, ‘Miina amandeꞌaangkoomua maiꞌaoꞌomu ne amai.’ 26Maka ambamiu dua, ‘Insaodi pada tahumaa tafohoꞌu tapombali bhe hintu, ingka hintu dua padamo fofoinaꞌu we kaangkaꞌano liwu mani.’ 27Tamaka anoa tanamugau ambano, ‘Miina amandeꞌaangkoomu maiꞌaoꞌomu ne amai, gampiomu ne wiseku ini hintimiu humabu modaino!’ #Mzm 6:8 28Wakutuu anaꞌa maka mohaomu Abraham, Ishak bhe Yakub bhe kosasawindo anabii weo Kafopahintaꞌano Lahataꞌala, gahaꞌa hintimiu daꞌumohokoomu we simbali, ne naꞌa taꞌo kangkoꞌae bhe kuꞌino wangka. 29O mie damaiꞌao te mata oleo bhe we kansoopa, te napa bhe we salata maka daengkoha daomaa weo Kafopahintaꞌano Lahataꞌala. 30Kotu-kotuꞌu dabhahi mie mbuhumaino sumuli damaꞌindulu, maꞌinduluno sumuli dambuhumai.”
Fedeeno Yesus ne kotano Yerusalem
13:31-35
Mat 23:37-39
31Ne wakutuu anaꞌa dohatomo seemie hodua miendo Farisi dopugau ne Yesus ambado, “Kalaꞌo toha, hunsamo liwu aini, hampano kolaki Herodes nokopatudhu namongkoko.” 32Notobhoosimo Yesus ambano, “Kalaomu, fohatoomu kilau naꞌa, ‘Idi aefolimba seetani bhe aefekaꞌosa mie mosaki seꞌoleo itu bhe naewine, naefua atumokaemo kahadhaaku.’ 33Ampamo kaowu oleo itu, naewine bhe naefua tetewei amopansuhu kala-kalaku, kapaꞌamo miina namantasia seemie anabii damongkoe we simbalino kotano Yerusalem. 34Yerusalem, Yerusalem! Hintumo mongkono ana-anabii bhe bhatumbulino mie netudu ne hintu. Nentuhumo nokamba laloku ne hintu, amohompu raꞌeatimu, kanggetu inano manu nofohompu anano we towawano panino, tamaka hintimiu mokiidoomu. 35Kotu-kotuꞌu lambumu ini natihunsamo bhe naolino, maka amohatokoomu paemo moha kanauꞌomua ampa mugauꞌomu,
‘Notibarakati maino weo neano Ompu!’ ” #Mzm 118:26
Voafantina amin'izao fotoana izao:
Lukas 13: mnbSD
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2022, Wycliffe Bible Translators, Inc. All rights reserved.
Lukas 13
13
Dhosa bhe kakadee-dee
13:1-5
1Wakutuu anaꞌa dohatomo seemie hodua ne Yesus. Andoa ini deowaane bhihita miendo Galilea nepongkono Pilatus tangasano deowa kapopanga ne Lahataꞌala, heando noposalomo bhe heano kadadi nesumbelendo mbali kapopanga. 2Notobhoosimo Yesus ambano, “Kunaꞌemiu miendo Galilea naꞌa nofoliu kabhieno dhosando bhe kosasawindo miendo Galilea sigaoꞌano hampano kadaino kolaundo naꞌa? 3Amohatokoomu, miina sepaliꞌa. Ampamo kaowu, ane pae metompaꞌao dhosamiu, kosasawimiu itu binasaomu dua nada andoa naꞌa. 4Pedamo dua mie ompulu aluno mateno notabuhikida menara kontu we owano Siloam. Kunaꞌemiu nofoliu kabhalano kaꞌalando bhe kosasawindo meateno we Yerusalem? 5Amohatokoomu, miina sepaliꞌa. Ampamo kaowu, ane paise metompaꞌao dhosamiu, kosasawimiu itu binasaomu dua nada andoa naꞌa.”
Kapalendano puꞌuno ara tapa kobhake
13:6-9
6Pada anaꞌa Yesus nepakeanda kapalenda ambano, “Nandoo seemie bhe puꞌuno arano notumbu weo kaampono angguruno. Seꞌoleo nomai noꞌondo bhakeno gahaꞌa miina naewohaa maumo naseꞌonu. 7Nopugaumo ne dhagano kaampono angguruno, ‘Tolu taꞌumo amai aꞌondo bhakeno puꞌuno ara aini, tamaka miina akoniꞌawaa. Naetaa tuꞌoemo, ingka nefekatembe kaowu wite.’ 8Ambano dhagano kaampono naꞌa, ‘Waompu, hunsaꞌanomo kadeki taꞌu aini. Madaꞌo asumaꞌerae witeno maka ahumewutie, 9bhahaꞌi kaowu taꞌu te wise ini nakobhakemo. Ane paise ingka datumuꞌoemo.’ ”
Yesus nefekaꞌosa mie mosaki ne oleono Sabat
13:10-17
10Sewakutuu ne oleono Sabat Yesus tangasano nofofoinaꞌu ne seꞌonu lambu kasambaheaꞌa. 11Ne itu nandoo seemie hobhine ompulu alu taꞌumo nopesuakie seetani sampe nosaki. Nobungkumo towuno, miinamo sepaliꞌa namoolia noehe nofekalaa. 12Nowoha hobhine amaitu Yesus noloꞌoiꞌemo bhe nopugau ambano, “Waꞌina moꞌosaanemo sakimu itu.” 13Pada aitu noteimo limano ne hobhine anaꞌa. Hobhine aitu lasao noehe nofekalaa maka nofekakalabhia Lahataꞌala.
14Tamaka mie mandeꞌaono lambu kasambaheaꞌa naꞌa nohehewu lalono mbaꞌinomo Yesus nefekaꞌosa mie mosaki ne oleono Sabat. Anoa nopugaumo ne mie bhahi ambano, “Nandoo nomo oleo so dakogunaꞌao, dadiꞌanomo maiꞌomu damekaꞌosakoomu ne nomo oleono naꞌa, sumanomo koise ne oleono Sabat.” 15Tamaka Ompu Yesus notobhoosiemo ambano, “Hintimiu mie mehaaꞌulano! Ingka kosasawimiu ini sadhia lenseomu sapi tawa keledaimiu maka tondaeꞌomu we simbali fefohoꞌutieꞌomu, mahingga ne oleono Sabat. 16Ingka hobhine aini sampuꞌano dua Abraham. Gahaꞌa ompulu alu taꞌumo nogogantue Kafeompuꞌando seetani. Dadiꞌanomo dalumensee tabeano, mahingga ne oleono Sabat.” 17Pugauno Yesus naꞌa doambanoane kosasawindo mewangie, tamaka mie bhahi doꞌia sepaliꞌa mbaꞌinomo sabhaha kakalabhia nehabuno.
Kapalendano onuno wonoita bhe ragi
13:18-21
Mat 13:31-33; Mrk 4:30-32
18Yesus nopugaumo toha ambano, “Dapototoane bhe ae bhahaa Kafopahintaꞌano Lahataꞌala maitu? Amalendaane ae bhahaa so metaaꞌanoa? 19Kafopahintaꞌano Lahataꞌala tapedamo onuno sau wonoita seꞌonu #13:19 Sakotuꞌuno: onuno sawi. noalae mie maka nohooꞌe te kaampono. Hato notumbu nembalimo puꞌuno sau bhalano sampe kaꞌuhi lumola domai dofekaufe ne haꞌaꞌino.”
20Ambano dua, “Apototoane bhe ae dua Kafopahintaꞌano Lahataꞌala? 21Kafopahintaꞌano Lahataꞌala tapedamo ragi nealano seemie hobhine mbali kaefoꞌendeꞌano roti. Ragi aini nokunsaloe bhe tariguno fato fulu baa ampa noꞌende kosasawiꞌae.”
Mie so sumalamatino
13:22-30
22Weo kala-kalano nohope we Yerusalem, Yesus nopontaala-alaꞌao kota bhe liwu poowa nofofoinaꞌu. 23Nandoo seemie meenano ambano, “Ompu, naseendai kaowu bhahaa so sumalamatino?” 24Notobhoosimo Yesus ne mie bhahi ambano, “Uleiꞌomu lalomiu pesuaꞌomu ne fointo mosekeꞌano. Kapaꞌamo amohatokoomu dobhahi mie mesobano damesua, tamaka paise damoolia. 25Nahumato kaowu kolambuno namehemo maka naꞌumonto fointono, hintimiu tameehe-ehemoomu we simbali, mekate-katengkiomu fointo bhe pugauꞌomu, ‘Waompu, lengka kainsami fointo!’ Tamaka anoa tanamugau ambano, ‘Miina amandeꞌaangkoomua maiꞌaoꞌomu ne amai.’ 26Maka ambamiu dua, ‘Insaodi pada tahumaa tafohoꞌu tapombali bhe hintu, ingka hintu dua padamo fofoinaꞌu we kaangkaꞌano liwu mani.’ 27Tamaka anoa tanamugau ambano, ‘Miina amandeꞌaangkoomu maiꞌaoꞌomu ne amai, gampiomu ne wiseku ini hintimiu humabu modaino!’ #Mzm 6:8 28Wakutuu anaꞌa maka mohaomu Abraham, Ishak bhe Yakub bhe kosasawindo anabii weo Kafopahintaꞌano Lahataꞌala, gahaꞌa hintimiu daꞌumohokoomu we simbali, ne naꞌa taꞌo kangkoꞌae bhe kuꞌino wangka. 29O mie damaiꞌao te mata oleo bhe we kansoopa, te napa bhe we salata maka daengkoha daomaa weo Kafopahintaꞌano Lahataꞌala. 30Kotu-kotuꞌu dabhahi mie mbuhumaino sumuli damaꞌindulu, maꞌinduluno sumuli dambuhumai.”
Fedeeno Yesus ne kotano Yerusalem
13:31-35
Mat 23:37-39
31Ne wakutuu anaꞌa dohatomo seemie hodua miendo Farisi dopugau ne Yesus ambado, “Kalaꞌo toha, hunsamo liwu aini, hampano kolaki Herodes nokopatudhu namongkoko.” 32Notobhoosimo Yesus ambano, “Kalaomu, fohatoomu kilau naꞌa, ‘Idi aefolimba seetani bhe aefekaꞌosa mie mosaki seꞌoleo itu bhe naewine, naefua atumokaemo kahadhaaku.’ 33Ampamo kaowu oleo itu, naewine bhe naefua tetewei amopansuhu kala-kalaku, kapaꞌamo miina namantasia seemie anabii damongkoe we simbalino kotano Yerusalem. 34Yerusalem, Yerusalem! Hintumo mongkono ana-anabii bhe bhatumbulino mie netudu ne hintu. Nentuhumo nokamba laloku ne hintu, amohompu raꞌeatimu, kanggetu inano manu nofohompu anano we towawano panino, tamaka hintimiu mokiidoomu. 35Kotu-kotuꞌu lambumu ini natihunsamo bhe naolino, maka amohatokoomu paemo moha kanauꞌomua ampa mugauꞌomu,
‘Notibarakati maino weo neano Ompu!’ ” #Mzm 118:26
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2022, Wycliffe Bible Translators, Inc. All rights reserved.