Lukas 4
4
Yesus nosobae Kafeompuꞌando seetani we pandaso bhalano
4:1-13
Mat 4:1-11; Mrk 1:12-13
1Yesus nokabhintiemo Rohino Lahataꞌala. Nosuli maiꞌao we umeleno Yordan noatoemo Rohino Lahataꞌala we pandaso bhalano. 2Ne itu neate fato fuluꞌa kaomponano bhe nosoba-sobae Kafeompuꞌando seetani. Kaomponano neate ne itu miina sepaliꞌa naomaaꞌa. Panda-pandano noꞌahomo. 3Nopugaumo Kafeompuꞌando seetani ambano, “Ane hintu ini Anano Lahataꞌala, soba tududa kontu ini daembali roti.” 4Yesus tanotobhoosi ambano, “Nandoo notibuhi weo Kitabi, ‘Suano kaowu taꞌo roti kaoꞌuhiꞌando manusia.’ ” #Ul 8:3
5Pada aitu Kafeompuꞌando seetani nowowoꞌomo Yesus te melangkeꞌano maka setolindaꞌa nofotiwohaane kosasawiꞌae kakolakiꞌano dhunia. 6Nopugaumo ne Yesus ambano, “Kosasawiꞌae kuasa bhe kahangkaeano ini amaꞌangkoe hintu, kapaꞌamo kosasawiꞌae ini padamo dowaꞌa kanaꞌe idi maka akokuasa dua amaꞌane ne mepoindaloku. 7Dadiꞌanomo ane sumudhu tumaohao sombamu ne idi, kosasawiꞌae ini amaꞌangkoe hintu so fehebuaꞌamu.” 8Tamaka Yesus tanotobhoosi ambano, “Nandoo notibuhi weo Kitabi, ‘Taohao sombamu ne Ompu Lahataꞌalamu, ampamo kaowu Anoa so nefeompuniꞌimua!’ ” #Ul 6:13
9Pada aitu nowowoꞌomo toha Yesus we Yerusalem, noampee te kabubuno Lambuno Lahataꞌala maka nopugau ambano, “Ane hintu Anano Lahataꞌala oho wutomu we panda watu, 10kapaꞌamo nandoo notibuhi weo Kitabi, ‘Lahataꞌala natumudu malaꞌekatino dadhumaganiko; 11andoa dakumantafeko keana notompalo aꞌemu ne kontu.’ ” #Mzm 91:11-12 12Yesus notobhoosimo ambano, “Nandoo bhoasaono Kitabi, ‘Koe sobaea Ompu Lahataꞌalamu.’ ” #Ul 6:16
13Nopalusi sabhaha kasobano naꞌa Kafeompuꞌando seetani nokalamo maka neanta-antagi kasalawa metaa.
Yesus nosuli we Galilea
4:14-15
Mat 4:12-17; Mrk 1:14-15
14Weo kuasano Rohino Lahataꞌala, Yesus nosulimo we Galilea. Bhihitano nolelemo ne kosekaꞌewaꞌae kadie aitu. 15Yesus nofofoinaꞌu ne lambu-lambu kasambaheaꞌa ne itu, maka kosasawindo metingkeno dopudhi-pudhie.
Yesus dobansie we Nasaret
4:16-30
Mat 13:53-58; Mrk 6:1-6
16Yesus nohato dua we Nasaret, liwunomo ampa nobhala. Peda kaneano ne oleono Sabat nopesuamo weo lambu kasambaheaꞌa maka noehe naebasa Kitabi. 17Dowaꞌanemo Kitabino anabii Yesaya. Hato nolengka kaluluno Kitabi aitu, noꞌawamo aeati peda ini,
18“Rohino Ompu nokabhinti kanau,
mbaꞌinomo padamo nosangke kanau
so amosampeꞌao Bhihita Metaa ne mie ngkumaasi-asino.
Anoa notudu kanaumo aefolele bhihita
putae mie netohongku damobebasida,
o kabunto sumuli dafowoha.
Notudu kanau dua amobebasi mie nefompina-mpina,
19aefolele bhihitano putae tempono kabarakatino Ompu nohatomo.” #Yes 61:1-2
20Pada nebasa nosongkoemo, #4:20 Sakotuꞌuno: noluluemo . nofosulie ne dhagano lambu kasambaheaꞌa naꞌa maka nengkoha nafofoinaꞌu. Kosasawindo mie weo lambu kasambaheaꞌa dosemata-mata ne Anoa. 21Netandakimo nofoinaꞌuda ambano, “Seꞌoleo itu aeatino Kitabi ini nokoꞌulamo wakutuuno fetingkeeꞌomu.”
22Kosasawindo mie naꞌa doꞌuumbetie, domenteꞌao pugau mokesa nekobhoasaꞌaono. Ambado, “Ingka anoa ini anano Yusuf.” 23Yesus nopugaumo dua ne andoa ambano, “Teteweimo patudhumiu malenda kanauꞌomu peda ini, ‘Hintu foagono, fekaꞌosa wutomu! Ingka padamo tafetingke mehabu sabhaha tanda timenteꞌaono we Kapernaum; dadiꞌanomo habue dua ne liwu kamaiꞌaoꞌamu ini.’ ” 24Ambano dua Yesus, “Amohatokoomu, kotu-kotuꞌu miina bhe anabiia nefosibhala ne liwu kamaiꞌaoꞌano. 25Amohatokoomu dua bhe pugauku ini nokotuꞌu, ne dhamanino anabii Elia o lani notisongko ⸤ miina nakoꞌusea⸥ tolu taꞌu nomo wula, maka kosekaꞌewaꞌae witeno Israel nofindaꞌie gaba bhalano. Wakutuu anaꞌa nobhahi hobhine ne Israel bhihinandano. 26Mahinggamo pedamo aitu anabii Elia miina natumudue Lahataꞌala ne andoa maitu, tamaka ne seemie bhihinanda we Sarfat ne kadieno Sidon. #1Raj 17:1-16 27Pedamo dua aitu, ne dhamanino anabii Elisa dobhahi mie kokuli modaino ne witeno Israel, tamaka bhe seemie miina bhe tifekaꞌosaꞌano, mpahinomo Naaman miendo Siria.” #2Raj 5:1-14
28Dofetingke peda naꞌa kosasawindo mie weo lambu kasambaheaꞌa anaꞌa nopaꞌi sepaliꞌa lalondo. 29Andoa dosiehe-eheꞌamo dogihasi Yesus we sembalino kota maka dowowoꞌoe se wiwino pimpi, kaengkohaꞌano kotando, patudhundo daꞌumohoe we panda. 30Tamaka Yesus tanoangka ne olotando maka nokala.
Yesus weo lambu kasambaheaꞌa we Kapernaum
4:31-37
Mrk 1:21-28
31Pada aitu Yesus nosampumo we Kapernaum, seꞌonu kota we kadieno Galilea maka ne oleono Sabat nofofoinaꞌu ne itu. 32Mie metingkeno kafoinaꞌuno tadomente mbaꞌinomo pugauno noponoꞌao kuasa. 33Gahaꞌa weo lambu kasambaheaꞌa naꞌa nandoo seemie nepesuakino seetani. Mie naꞌa nokei nofekabhala-bhala ambano, 34“Haa hintu Yesus miendo Nasaret! O ae patudhumu ne insaodi ini, mai mobinasa kainsami gahaꞌa? Apandeꞌaangko hintu itu mie mongkilo maiꞌao ne Lahataꞌala.” 35Tamaka Yesus nohandapie ambano, “Koise mohobhoa, limbaꞌo toha maiꞌao ne mie aini!” Gahaꞌa seetani anaꞌa nohambitaꞌiao mie aitu ne wunta-wuntando mie bhahi maka nolimba bhe miina namekolea-leaꞌiea.
36Kosasawindo mie tadomente maka dopugau sapada-pada andoa ambado, “Pahasili pugauno maitua! Ingka nokokuasa mpuu sampe nepahintangi seetani dalumimba, lasao dua dolimba.” 37Maka bhihitano nolelemo ne neꞌamai-neꞌamai liwu ne kadie aitu.
Yesus nofekaꞌosa ponia hobhineno Simon Petrus bhe mie sigaoꞌano
4:38-41
Mat 8:14-17; Mrk 1:29-34
38Pada aitu nohunsamo lambu kasambaheaꞌa naꞌa maka nokala se lambuno Simon. Gahaꞌa ponia hobhineno Simon nosaki, nodaha sepaliꞌa sodono maka desalo ne Yesus natumulumie. 39Yesus noehemo ne sohihino kamungkula aitu, maka nobhoohai sodono naꞌa, lasao nopada. Hobhine aitu lasao nowanu maka netaganaanda daomaa.
40Nosoo kaowu oleo, kosasawindo miendo liwu deowaꞌianemo mie mosakino; saki nenamisindo tanofegiu. Yesus noteimo limano te wawondo seemie-seemie maka nofekaꞌosada. 41Dobhahi dua seetani dolimba domaiꞌao ne mie bhe dokei ambado, “Hintumo Anano Lahataꞌala.” Yesus noꞌeleꞌaanda sepaliꞌa damugau, mbaꞌinomo dopandeꞌaanemo putae Yesus Omputo Fosalamatino.
Yesus nofofoinaꞌu we liwu-liwu sigaoꞌano
4:42-44
Mrk 1:35-39
42Hato nomentae Yesus nokalamo we simbalino kota, we molinoꞌano. Gahaꞌa mie bhahi doꞌondofie. Hato dopoꞌawaane, doꞌuleimo lalondo desalo keana nohunsada. 43Tamaka Yesus tanopugau ambano, “Bhihita Metaa Kafopahintaꞌano Lahataꞌala tabeano amolelee dua we liwu-liwu sigaoꞌano, kapaꞌamo aituꞌaemo patudhuno Lahataꞌala notudu kanau we dhunia ini.” 44Dadiꞌanomo Yesus nefolelemo Bhihita Metaa weo lambu-lambu kasambaheaꞌa ne kadieno Yudea.
Voafantina amin'izao fotoana izao:
Lukas 4: mnbSD
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2022, Wycliffe Bible Translators, Inc. All rights reserved.
Lukas 4
4
Yesus nosobae Kafeompuꞌando seetani we pandaso bhalano
4:1-13
Mat 4:1-11; Mrk 1:12-13
1Yesus nokabhintiemo Rohino Lahataꞌala. Nosuli maiꞌao we umeleno Yordan noatoemo Rohino Lahataꞌala we pandaso bhalano. 2Ne itu neate fato fuluꞌa kaomponano bhe nosoba-sobae Kafeompuꞌando seetani. Kaomponano neate ne itu miina sepaliꞌa naomaaꞌa. Panda-pandano noꞌahomo. 3Nopugaumo Kafeompuꞌando seetani ambano, “Ane hintu ini Anano Lahataꞌala, soba tududa kontu ini daembali roti.” 4Yesus tanotobhoosi ambano, “Nandoo notibuhi weo Kitabi, ‘Suano kaowu taꞌo roti kaoꞌuhiꞌando manusia.’ ” #Ul 8:3
5Pada aitu Kafeompuꞌando seetani nowowoꞌomo Yesus te melangkeꞌano maka setolindaꞌa nofotiwohaane kosasawiꞌae kakolakiꞌano dhunia. 6Nopugaumo ne Yesus ambano, “Kosasawiꞌae kuasa bhe kahangkaeano ini amaꞌangkoe hintu, kapaꞌamo kosasawiꞌae ini padamo dowaꞌa kanaꞌe idi maka akokuasa dua amaꞌane ne mepoindaloku. 7Dadiꞌanomo ane sumudhu tumaohao sombamu ne idi, kosasawiꞌae ini amaꞌangkoe hintu so fehebuaꞌamu.” 8Tamaka Yesus tanotobhoosi ambano, “Nandoo notibuhi weo Kitabi, ‘Taohao sombamu ne Ompu Lahataꞌalamu, ampamo kaowu Anoa so nefeompuniꞌimua!’ ” #Ul 6:13
9Pada aitu nowowoꞌomo toha Yesus we Yerusalem, noampee te kabubuno Lambuno Lahataꞌala maka nopugau ambano, “Ane hintu Anano Lahataꞌala oho wutomu we panda watu, 10kapaꞌamo nandoo notibuhi weo Kitabi, ‘Lahataꞌala natumudu malaꞌekatino dadhumaganiko; 11andoa dakumantafeko keana notompalo aꞌemu ne kontu.’ ” #Mzm 91:11-12 12Yesus notobhoosimo ambano, “Nandoo bhoasaono Kitabi, ‘Koe sobaea Ompu Lahataꞌalamu.’ ” #Ul 6:16
13Nopalusi sabhaha kasobano naꞌa Kafeompuꞌando seetani nokalamo maka neanta-antagi kasalawa metaa.
Yesus nosuli we Galilea
4:14-15
Mat 4:12-17; Mrk 1:14-15
14Weo kuasano Rohino Lahataꞌala, Yesus nosulimo we Galilea. Bhihitano nolelemo ne kosekaꞌewaꞌae kadie aitu. 15Yesus nofofoinaꞌu ne lambu-lambu kasambaheaꞌa ne itu, maka kosasawindo metingkeno dopudhi-pudhie.
Yesus dobansie we Nasaret
4:16-30
Mat 13:53-58; Mrk 6:1-6
16Yesus nohato dua we Nasaret, liwunomo ampa nobhala. Peda kaneano ne oleono Sabat nopesuamo weo lambu kasambaheaꞌa maka noehe naebasa Kitabi. 17Dowaꞌanemo Kitabino anabii Yesaya. Hato nolengka kaluluno Kitabi aitu, noꞌawamo aeati peda ini,
18“Rohino Ompu nokabhinti kanau,
mbaꞌinomo padamo nosangke kanau
so amosampeꞌao Bhihita Metaa ne mie ngkumaasi-asino.
Anoa notudu kanaumo aefolele bhihita
putae mie netohongku damobebasida,
o kabunto sumuli dafowoha.
Notudu kanau dua amobebasi mie nefompina-mpina,
19aefolele bhihitano putae tempono kabarakatino Ompu nohatomo.” #Yes 61:1-2
20Pada nebasa nosongkoemo, #4:20 Sakotuꞌuno: noluluemo . nofosulie ne dhagano lambu kasambaheaꞌa naꞌa maka nengkoha nafofoinaꞌu. Kosasawindo mie weo lambu kasambaheaꞌa dosemata-mata ne Anoa. 21Netandakimo nofoinaꞌuda ambano, “Seꞌoleo itu aeatino Kitabi ini nokoꞌulamo wakutuuno fetingkeeꞌomu.”
22Kosasawindo mie naꞌa doꞌuumbetie, domenteꞌao pugau mokesa nekobhoasaꞌaono. Ambado, “Ingka anoa ini anano Yusuf.” 23Yesus nopugaumo dua ne andoa ambano, “Teteweimo patudhumiu malenda kanauꞌomu peda ini, ‘Hintu foagono, fekaꞌosa wutomu! Ingka padamo tafetingke mehabu sabhaha tanda timenteꞌaono we Kapernaum; dadiꞌanomo habue dua ne liwu kamaiꞌaoꞌamu ini.’ ” 24Ambano dua Yesus, “Amohatokoomu, kotu-kotuꞌu miina bhe anabiia nefosibhala ne liwu kamaiꞌaoꞌano. 25Amohatokoomu dua bhe pugauku ini nokotuꞌu, ne dhamanino anabii Elia o lani notisongko ⸤ miina nakoꞌusea⸥ tolu taꞌu nomo wula, maka kosekaꞌewaꞌae witeno Israel nofindaꞌie gaba bhalano. Wakutuu anaꞌa nobhahi hobhine ne Israel bhihinandano. 26Mahinggamo pedamo aitu anabii Elia miina natumudue Lahataꞌala ne andoa maitu, tamaka ne seemie bhihinanda we Sarfat ne kadieno Sidon. #1Raj 17:1-16 27Pedamo dua aitu, ne dhamanino anabii Elisa dobhahi mie kokuli modaino ne witeno Israel, tamaka bhe seemie miina bhe tifekaꞌosaꞌano, mpahinomo Naaman miendo Siria.” #2Raj 5:1-14
28Dofetingke peda naꞌa kosasawindo mie weo lambu kasambaheaꞌa anaꞌa nopaꞌi sepaliꞌa lalondo. 29Andoa dosiehe-eheꞌamo dogihasi Yesus we sembalino kota maka dowowoꞌoe se wiwino pimpi, kaengkohaꞌano kotando, patudhundo daꞌumohoe we panda. 30Tamaka Yesus tanoangka ne olotando maka nokala.
Yesus weo lambu kasambaheaꞌa we Kapernaum
4:31-37
Mrk 1:21-28
31Pada aitu Yesus nosampumo we Kapernaum, seꞌonu kota we kadieno Galilea maka ne oleono Sabat nofofoinaꞌu ne itu. 32Mie metingkeno kafoinaꞌuno tadomente mbaꞌinomo pugauno noponoꞌao kuasa. 33Gahaꞌa weo lambu kasambaheaꞌa naꞌa nandoo seemie nepesuakino seetani. Mie naꞌa nokei nofekabhala-bhala ambano, 34“Haa hintu Yesus miendo Nasaret! O ae patudhumu ne insaodi ini, mai mobinasa kainsami gahaꞌa? Apandeꞌaangko hintu itu mie mongkilo maiꞌao ne Lahataꞌala.” 35Tamaka Yesus nohandapie ambano, “Koise mohobhoa, limbaꞌo toha maiꞌao ne mie aini!” Gahaꞌa seetani anaꞌa nohambitaꞌiao mie aitu ne wunta-wuntando mie bhahi maka nolimba bhe miina namekolea-leaꞌiea.
36Kosasawindo mie tadomente maka dopugau sapada-pada andoa ambado, “Pahasili pugauno maitua! Ingka nokokuasa mpuu sampe nepahintangi seetani dalumimba, lasao dua dolimba.” 37Maka bhihitano nolelemo ne neꞌamai-neꞌamai liwu ne kadie aitu.
Yesus nofekaꞌosa ponia hobhineno Simon Petrus bhe mie sigaoꞌano
4:38-41
Mat 8:14-17; Mrk 1:29-34
38Pada aitu nohunsamo lambu kasambaheaꞌa naꞌa maka nokala se lambuno Simon. Gahaꞌa ponia hobhineno Simon nosaki, nodaha sepaliꞌa sodono maka desalo ne Yesus natumulumie. 39Yesus noehemo ne sohihino kamungkula aitu, maka nobhoohai sodono naꞌa, lasao nopada. Hobhine aitu lasao nowanu maka netaganaanda daomaa.
40Nosoo kaowu oleo, kosasawindo miendo liwu deowaꞌianemo mie mosakino; saki nenamisindo tanofegiu. Yesus noteimo limano te wawondo seemie-seemie maka nofekaꞌosada. 41Dobhahi dua seetani dolimba domaiꞌao ne mie bhe dokei ambado, “Hintumo Anano Lahataꞌala.” Yesus noꞌeleꞌaanda sepaliꞌa damugau, mbaꞌinomo dopandeꞌaanemo putae Yesus Omputo Fosalamatino.
Yesus nofofoinaꞌu we liwu-liwu sigaoꞌano
4:42-44
Mrk 1:35-39
42Hato nomentae Yesus nokalamo we simbalino kota, we molinoꞌano. Gahaꞌa mie bhahi doꞌondofie. Hato dopoꞌawaane, doꞌuleimo lalondo desalo keana nohunsada. 43Tamaka Yesus tanopugau ambano, “Bhihita Metaa Kafopahintaꞌano Lahataꞌala tabeano amolelee dua we liwu-liwu sigaoꞌano, kapaꞌamo aituꞌaemo patudhuno Lahataꞌala notudu kanau we dhunia ini.” 44Dadiꞌanomo Yesus nefolelemo Bhihita Metaa weo lambu-lambu kasambaheaꞌa ne kadieno Yudea.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2022, Wycliffe Bible Translators, Inc. All rights reserved.