Genesỳ 32
32
1Nifoha maraina koa i Labàna ny ampitso, dia nanoroka ireo zanany vavy sy ireo zafikeliny, ka nanao veloma azy ary niverina nody#32.1 Amin’ny edisiona sasany io dia mitondra ny laharana 31.55; ireo andininy manaraka kosa dia mitondra ny laharana 32.1-32..
Ny fiomanan’i Jakôba hihaona amin’i Hesao
2Nanohy ny diany i Jakôba, ary nisy anjelin’Andriamanitra nifanena taminy. 3Rehefa nahita ireo i Jakôba, dia niteny hoe:
–Tobin’Andriamanitra ity!
Dia nantsoiny hoe Mahanaima izany toerana izany#32.3 Toby roa no hevitry ny hoe Mahanaima. Io toerana io dia any am-pitan’i Jôrdàna tsy lavitra ny ranon-driaka Jabôka, saingy tsy mbola fantatra mazava..
4Ary i Jakôba nandefa iraka hialoha azy ho any amin’i Hesao rahalahiny, any ambanivohitr’i Edôma, any amin’ny tany Sehira. 5Nanafatra an’ireo iraka izy hoe:
–Izao no holazainareo amin’i Hesao: «I Jakôba mpanomponao, tompokolahy, dia nanafatra anay hilaza hoe: Nivahiny tany amin’i Labàna aho ary nijanona tany hatramin’izao. 6Manana omby sy boriky sy ondry aman’osy aho ary koa mpanompo lahy sy vavy maro. Nandefa ireto irako ireto aho hampilaza aminao tompokolahy mba handraisanao ahy tsara.»
7Niverina tany amin’i Jakôba ireo iraka ka nilaza hoe:
–Tonga tany amin’i Hesao rahalahinao izahay; ary ny tenany mihitsy no tamy hitsena anao miaraka amin’ny olona efajato lahy.
8Dia raiki-tahotra mafy i Jakôba ka nangitakitaka; ary nozarainy ho antoko roa ny olona niaraka taminy sy ireo ondry aman’osy ary omby sy rameva, 9fa hoy izy anakampony: «Raha tonga hamely ny antoko iray i Hesao, dia afa-mandositra kosa ny antoko hafa.» 10Ary nivavaka i Jakôba nanao hoe:
–Ry Andriamanitr’i Abrahama raibeko sy Andriamanitr’i Itsehàka raiko ô, Ianao Ilay TOMPO efa nilaza tamiko hoe: «Miverena any amin’ny taninao sy ny fianakavianao, dia hanisy soa anao Aho.» 11Tsy mendrika an’ireo mari-pitiavana sy zavatra azo antoka rehetra izay nataonao tamiko mpanomponao akory aho, satria tsy nanana afa-tsy tehina ny tenako raha niampita an’ity Jôrdàna ity, ary ankehitriny kosa efa tonga antokony roa. 12Mba afaho amin’ny tanan’i Hesao rahalahiko aho, satria matahotra azy, fandrao tonga izy ka hamono ahy sy ny zaza amam-behivavy ho faty. 13Ianao manko efa nampanantena ahy hoe: «Hanisy soa anao tokoa Aho, ka hahatonga ny taranakao ho marobe tsy hita isa tahaka ny fasika eny amoron-dranomasina#32.13 Jereo ny 28.14; ampit 22.17..»
14Dia nandry teo i Jakôba tamin’iny alina iny. Ary naka avy tamin’izay teo an-tanany izy mba hatao fanomezana ho an’i Hesao rahalahiny, 15dia osivavy roanjato sy osilahy roapolo, ondrivavy roanjato sy ondrilahy roapolo, 16rameva telopolo ampianahany ombivavy efapolo sy ombilahy folo, borikivavy roapolo ary borikilahy folo. 17Dia natolony hiandraiketan’ireo mpanompony ireny, ka nozarainy ho andiany vitsivitsy; dia hoy izy tamin’ireo mpanompony: «Mandehana any alohako ka asio elanelany hatrany isaky ny andiany.»
18Nanome baiko ny mpanompo voalohany i Jakôba nanao hoe:
–Rehefa mifanena aminao i Hesao rahalahiko, ka manontany anao hoe: «An’iza moa ianao? Ho aiza ianao ary an’iza ireo biby fiompy mandeha eo alohanao?» 19dia hovalianao hoe: «An’i Jakôba mpanomponao ireo, ary fanomezana izay nalefany ho anao, tompokolahy; fa izy kosa manaraka ao aorianay ao.»
20Nomeny baiko toy ny teo ihany koa ny faharoa sy ny fahatelo ary izay rehetra nanaraka ny andiam-biby hoe:
–Izany teny izany no holazainareo amin’i Hesao, rehefa mifanena aminareo izy; 21sady hampianareo hoe: «Indro i Jakôba mpanomponao manaraka ao aorianay ao.»
I Jakôba manko dia niteny anakampo hoe: «Hampitoneko amin’ireo fanomezana alefako mialoha ahy ireo izy, ka aorian’izay vao hiseho eo anatrehany aho; antenaiko fa ho tsara fandray ahy izy.» 22Dia nalefan’i Jakôba nialoha azy ny andiam-biby fa ny tenany kosa mbola nijanona tao an-toby tamin’iny alina iny.
Ny tolona nataon’i Jakôba tamin’Andriamanitra
23Tamin’iny alina iny ihany no niainga i Jakôba, ka naka ny vadiny roa sy ny mpanompovaviny roa ary ny zanany iraika ambin’ny folo, dia lasa nita teo amin’ny fitana an’i Jabôka. 24Nalainy ary nampitainy teo avokoa izay rehetra azy. 25I Jakôba irery no sisa nijanona ary nisy lehilahy nifampitolona taminy mandra-pahazava ratsy ny andro#32.25 Momba ilay nifampitolona tamin’i Jakôba: jereo ny and 29, 31, Hôs 12.5.. 26Ary rehefa hitany fa tsy naharesy an’i Jakôba izy, dia nodoniny ny foto-pen’i Jakôba ka nipitsoka, raha izy mbola nifampitolona iny. 27Dia hoy izy hoe:
–Avelao aho handeha fa efa mazava ratsy ny andro.
Hoy kosa i Jakôba taminy:
–Tsy havelako ianao, raha tsy tsofinao rano aho.
28Dia nanontany izy hoe:
–Iza moa no anaranao?
Ka hoy ny navaliny azy:
–Jakôba.
29Dia nanohy ny teniny izy hoe:
–Tsy hantsoina hoe Jakôba intsony ianao fa hatao hoe Israely, satria efa nitolona tamin’Andriamanitra#32.29 Ny anarana hoe Israely amin’ny teny hebreo dia mampahatsiaro ny fomba fiteny izay midika hoe nitolona tamin’Andriamanitra eto. Jereo koa 35.10. sy tamin’ny olona ianao ka nandresy.
30Dia nanontany kosa i Jakôba hoe:
–Mba lazao ahy, azafady, ny anaranao!
Ary hoy izy hoe#32.30 Ampit Mpits 13.17-18.:
–Ahoana no anontanianao ny anarako?
Dia notsofiny rano teo i Jakôba.
31Ka hoy i Jakôba hoe:
–Efa nahita an’Andriamanitra nifanatri-tava tamiko aho, nefa tsy maty fo aman’aina.
Izany no niantsoany io toerana io hoe Peniela, na hoe Tavan’Andriamanitra. 32Efa niposaka ny masoandro raha niala teo Peniela i Jakôba, ary nandringa izy noho ny feny. 33Izany no tsy ihinanan’ny Israelita ny hozatra eo amin’ny foto-pe mandraka androany, satria voadona teo amin’io hozatra io i Jakôba.
Voafantina amin'izao fotoana izao:
Genesỳ 32: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.
Genesỳ 32
32
1Nifoha maraina koa i Labàna ny ampitso, dia nanoroka ireo zanany vavy sy ireo zafikeliny, ka nanao veloma azy ary niverina nody#32.1 Amin’ny edisiona sasany io dia mitondra ny laharana 31.55; ireo andininy manaraka kosa dia mitondra ny laharana 32.1-32..
Ny fiomanan’i Jakôba hihaona amin’i Hesao
2Nanohy ny diany i Jakôba, ary nisy anjelin’Andriamanitra nifanena taminy. 3Rehefa nahita ireo i Jakôba, dia niteny hoe:
–Tobin’Andriamanitra ity!
Dia nantsoiny hoe Mahanaima izany toerana izany#32.3 Toby roa no hevitry ny hoe Mahanaima. Io toerana io dia any am-pitan’i Jôrdàna tsy lavitra ny ranon-driaka Jabôka, saingy tsy mbola fantatra mazava..
4Ary i Jakôba nandefa iraka hialoha azy ho any amin’i Hesao rahalahiny, any ambanivohitr’i Edôma, any amin’ny tany Sehira. 5Nanafatra an’ireo iraka izy hoe:
–Izao no holazainareo amin’i Hesao: «I Jakôba mpanomponao, tompokolahy, dia nanafatra anay hilaza hoe: Nivahiny tany amin’i Labàna aho ary nijanona tany hatramin’izao. 6Manana omby sy boriky sy ondry aman’osy aho ary koa mpanompo lahy sy vavy maro. Nandefa ireto irako ireto aho hampilaza aminao tompokolahy mba handraisanao ahy tsara.»
7Niverina tany amin’i Jakôba ireo iraka ka nilaza hoe:
–Tonga tany amin’i Hesao rahalahinao izahay; ary ny tenany mihitsy no tamy hitsena anao miaraka amin’ny olona efajato lahy.
8Dia raiki-tahotra mafy i Jakôba ka nangitakitaka; ary nozarainy ho antoko roa ny olona niaraka taminy sy ireo ondry aman’osy ary omby sy rameva, 9fa hoy izy anakampony: «Raha tonga hamely ny antoko iray i Hesao, dia afa-mandositra kosa ny antoko hafa.» 10Ary nivavaka i Jakôba nanao hoe:
–Ry Andriamanitr’i Abrahama raibeko sy Andriamanitr’i Itsehàka raiko ô, Ianao Ilay TOMPO efa nilaza tamiko hoe: «Miverena any amin’ny taninao sy ny fianakavianao, dia hanisy soa anao Aho.» 11Tsy mendrika an’ireo mari-pitiavana sy zavatra azo antoka rehetra izay nataonao tamiko mpanomponao akory aho, satria tsy nanana afa-tsy tehina ny tenako raha niampita an’ity Jôrdàna ity, ary ankehitriny kosa efa tonga antokony roa. 12Mba afaho amin’ny tanan’i Hesao rahalahiko aho, satria matahotra azy, fandrao tonga izy ka hamono ahy sy ny zaza amam-behivavy ho faty. 13Ianao manko efa nampanantena ahy hoe: «Hanisy soa anao tokoa Aho, ka hahatonga ny taranakao ho marobe tsy hita isa tahaka ny fasika eny amoron-dranomasina#32.13 Jereo ny 28.14; ampit 22.17..»
14Dia nandry teo i Jakôba tamin’iny alina iny. Ary naka avy tamin’izay teo an-tanany izy mba hatao fanomezana ho an’i Hesao rahalahiny, 15dia osivavy roanjato sy osilahy roapolo, ondrivavy roanjato sy ondrilahy roapolo, 16rameva telopolo ampianahany ombivavy efapolo sy ombilahy folo, borikivavy roapolo ary borikilahy folo. 17Dia natolony hiandraiketan’ireo mpanompony ireny, ka nozarainy ho andiany vitsivitsy; dia hoy izy tamin’ireo mpanompony: «Mandehana any alohako ka asio elanelany hatrany isaky ny andiany.»
18Nanome baiko ny mpanompo voalohany i Jakôba nanao hoe:
–Rehefa mifanena aminao i Hesao rahalahiko, ka manontany anao hoe: «An’iza moa ianao? Ho aiza ianao ary an’iza ireo biby fiompy mandeha eo alohanao?» 19dia hovalianao hoe: «An’i Jakôba mpanomponao ireo, ary fanomezana izay nalefany ho anao, tompokolahy; fa izy kosa manaraka ao aorianay ao.»
20Nomeny baiko toy ny teo ihany koa ny faharoa sy ny fahatelo ary izay rehetra nanaraka ny andiam-biby hoe:
–Izany teny izany no holazainareo amin’i Hesao, rehefa mifanena aminareo izy; 21sady hampianareo hoe: «Indro i Jakôba mpanomponao manaraka ao aorianay ao.»
I Jakôba manko dia niteny anakampo hoe: «Hampitoneko amin’ireo fanomezana alefako mialoha ahy ireo izy, ka aorian’izay vao hiseho eo anatrehany aho; antenaiko fa ho tsara fandray ahy izy.» 22Dia nalefan’i Jakôba nialoha azy ny andiam-biby fa ny tenany kosa mbola nijanona tao an-toby tamin’iny alina iny.
Ny tolona nataon’i Jakôba tamin’Andriamanitra
23Tamin’iny alina iny ihany no niainga i Jakôba, ka naka ny vadiny roa sy ny mpanompovaviny roa ary ny zanany iraika ambin’ny folo, dia lasa nita teo amin’ny fitana an’i Jabôka. 24Nalainy ary nampitainy teo avokoa izay rehetra azy. 25I Jakôba irery no sisa nijanona ary nisy lehilahy nifampitolona taminy mandra-pahazava ratsy ny andro#32.25 Momba ilay nifampitolona tamin’i Jakôba: jereo ny and 29, 31, Hôs 12.5.. 26Ary rehefa hitany fa tsy naharesy an’i Jakôba izy, dia nodoniny ny foto-pen’i Jakôba ka nipitsoka, raha izy mbola nifampitolona iny. 27Dia hoy izy hoe:
–Avelao aho handeha fa efa mazava ratsy ny andro.
Hoy kosa i Jakôba taminy:
–Tsy havelako ianao, raha tsy tsofinao rano aho.
28Dia nanontany izy hoe:
–Iza moa no anaranao?
Ka hoy ny navaliny azy:
–Jakôba.
29Dia nanohy ny teniny izy hoe:
–Tsy hantsoina hoe Jakôba intsony ianao fa hatao hoe Israely, satria efa nitolona tamin’Andriamanitra#32.29 Ny anarana hoe Israely amin’ny teny hebreo dia mampahatsiaro ny fomba fiteny izay midika hoe nitolona tamin’Andriamanitra eto. Jereo koa 35.10. sy tamin’ny olona ianao ka nandresy.
30Dia nanontany kosa i Jakôba hoe:
–Mba lazao ahy, azafady, ny anaranao!
Ary hoy izy hoe#32.30 Ampit Mpits 13.17-18.:
–Ahoana no anontanianao ny anarako?
Dia notsofiny rano teo i Jakôba.
31Ka hoy i Jakôba hoe:
–Efa nahita an’Andriamanitra nifanatri-tava tamiko aho, nefa tsy maty fo aman’aina.
Izany no niantsoany io toerana io hoe Peniela, na hoe Tavan’Andriamanitra. 32Efa niposaka ny masoandro raha niala teo Peniela i Jakôba, ary nandringa izy noho ny feny. 33Izany no tsy ihinanan’ny Israelita ny hozatra eo amin’ny foto-pe mandraka androany, satria voadona teo amin’io hozatra io i Jakôba.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.