Genesỳ 46
46
Nidina nankany Ejipta i Jakôba
1Niainga i Jakôba sy izay rehetra azy ka tonga tao Beera-Seba; dia nanao sorona teo izy ho an’ilay Andriamanitr’i Itsehàka rainy. 2Nony alina dia niteny taminy tao anaty fahitana Andriamanitra ka nanao hoe:
–Ry Jakôba! Ry Jakôba!
Ary hoy ny navalin’i Jakôba Azy:
–Inty aho!
3Dia hoy indray Izy hoe:
–Izaho no Andriamanitra, dia ilay Andriamanitry ny rainao. Aza matahotra hidina any Ejipta ianao; fa hataoko firenena lehibe any. 4Hidina hiaraka aminao any Ejipta Aho, ary Izaho koa no mbola hampiakatra anao avy any indray; ary ny tanan’i Jôsefa no hanirina ny masonao, rehefa maty ianao.
5Dia niala tao Beera-Seba i Jakôba. Ary ireo zanakalahiny dia nitondra an’i Jakôba rainy sy ireo zaza amam-behivavy tao anatin’ny sarety izay efa nalefan’ny Farao hitondrana azy. 6Nentin’ireo koa ny biby fiompiny mbamin’ny fananana hafa izay noharîny tao amin’ny tany Kanahàna. Dia tonga tany Ejipta i Jakôba sy ny taranany rehetra niaraka taminy#46.6 Ampit Asa 7.15., 7fa nasainy nentina tany Ejipta avokoa ny zanany lahy sy ny zanany vavy mbamin’ny zafikeliny.
Ny fianakavian’i Jakôba
8Ireto no anaran’ny Israelita tonga tany Ejipta, dia i Jakôba sy ny zanaka aman-jafiny:
I Reobena, lahimatoan’i Jakôba, 9ary ireo zanany lahy, dia i Hanôka, i Palò ary i Hetsirôna sy i Karmỳ.
10I Simehôna sy ireo zanany lahy, dia i Jemoela sy i Jamìna, i Ohada sy i Jakìna ary i Tsôhara sy i Saola; io Saola io dia zanak’ilay vehivavy kanahanita.
11I Levỳ sy ireo zanany lahy dia i Gersôna sy i Kehata ary i Merary.
12I Joda sy ireo zanany lahy, dia i Selà sy i Peretsa ary i Zera; fa ny zanany roa lahy, i Hera sy i Onàna, dia efa maty tany amin’ny tany Kanahàna. Ary ny zanakalahin’i Peretsa dia i Hetsirôna sy i Hamola.
13I Jisakara sy ireo zanany lahy, dia i Tôlà sy i Povà ary i Jasoba#46.13 Jasoba: araka ny rijan-teny Samaritanina sy ny dkt grika tranainy ary ny Nom 26.24; 1 Tan 7.1; ny RM dia manao hoe Jôba. sy i Simrôna.
14I Zebolòna sy ireo zanany lahy, dia i Sereda sy i Elôna ary i Jahiliela.
15Ireo no zanakalahin’i Jakôba naterak’i Leà tany Mezôpôtamia ambony, miampy an’i Dinà anabaviny. Ny isan’izy rehetra mbamin’ny zanany na lahy na vavy dia telo amby telopolo.
16I Gada sy ireo zanany lahy, dia i Tsifiôna sy i Hagỳ, i Sonỳ sy i Etsibôna, i Herỳ sy Arôdỳ ary i Arelỳ.
17I Asera sy ireo zanany lahy, dia i Jimnà sy i Jisvà ary i Jisvỳ sy i Berihà, fa i Serà kosa no anabaviny. Ary ny zanakalahin’i Berihà dia i Hebera sy i Malkiela.
18Ireo telo ambin’ny folo lahy ireo no taranak’i Jakôba tamin’i Zilpà izay nomen’i Labàna ho mpanompovavin’i Leà.
19Ary ny zanakalahin’i Rahely vadin’i Jakôba kosa dia i Jôsefa sy i Benjamîna. 20Tany Ejipta i Jôsefa dia niteraka zanaka roa lahy, i Manase sy i Efraîma#46.20 Jereo 41.45 sy nta. –i Manase sy i Efraîma: jereo 41.50-52., tamin’i Asenata vadiny, izay zanakavavin’i Pôtifera mpisorona tao Ona. 21Folo no zanakalahin’i Benjamîna: i Bela sy i Bekera, i Asbela sy i Gerà, i Nahamàna sy i Ehỳ, i Rôsy sy i Hopima ary i Mopîma sy i Arda. 22Ireo izy efatra ambin’ny folo lahy taranak’i Rahely sy i Jakôba.
23Dia ao koa i Dana sy i Hosima zanany lahy. 24I Naftalỳ sy ireo zanany lahy, dia i Jahatsiela sy i Gonỳ ary i Jetsera sy i Silema. 25Ireo fito lahy ireo no taranak’i Jakôba tamin’i Bilehà izay nomen’i Labàna ho mpanompovavin’i Rahely.
26Ny isan’ny ankohonan’i Jakôba rehetra, izany hoe ireo taranany mivantana izay tonga tany Ejipta, dia 66 ankoatra ireo vinantovaviny. 27Ampian’ireo zanakalahin’i Jôsefa anankiroa teraka tany Ejipta izany, dia fitopolo no isan’ny ankohonan’i Jakôba rehetra tonga tany Ejipta#46.27 Ny tontalin’ny olona hoe fitopolo dia azo avy amin’ny fifamenoan’ny isa voalaza eo amin’ny and 15, 18, 22 ary 25. Ny isa 66 eo amin’ny and 26 kosa dia sarotra hazavaina. Ampit Eks 1.5 sy nta; Asa 7.14..
I Jakôba tany Ejipta
28Nirahin’i Jakôba hialoha azy any amin’i Jôsefa i Joda mba hiangavy azy hankany Gôsena. Rehefa tonga tany Gôsena i Jakôba sy ny ankohonany, 29dia nanomana ny kalesiny i Jôsefa ka nandeha hihaona amin’ny rainy tany Gôsena. Raha vao nahita an’i Jakôba izy, dia niantoraka teny am-bozony ary nitomany ela teo sady namihina azy. 30Dia hoy i Jakôba taminy:
–Mahazo modimandry amin’izay aho, satria mbola velona ihany ianao sady nifanatri-tava tamiko.
31Dia hoy i Jôsefa tamin’ny rahalahiny sy ny olon-kafa ankohonan-drainy:
–Handeha hampandre ny Farao aho ka hilaza aminy fa ireo rahalahiko sy ny olon-kafa ankohonan-draiko izay tany amin’ny tany Kanahàna dia efa tonga eto amiko. 32Holazaiko aminy fa lehilahy mpiandry ondry sy mpiompy ianareo, ka nentinareo koa ny omby sy ny ondry aman’osinareo ary izay rehetra anananareo. 33Koa rehefa mampiantso anareo ny Farao ka manontany hoe: «Inona no raharahanareo?», 34dia hovalianareo hoe: Olona mpiompy toy ireo razanay izahay mpanomponao, nanomboka hatramin’ny fahazazànay ka mandraka izao. Amin’izay dia hahazo mipetraka ao amin’ny faritr’i Gôsena ianareo, satria maharikoriko ny Ejiptianina ny mpiandry ondry rehetra.
Voafantina amin'izao fotoana izao:
Genesỳ 46: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.
Genesỳ 46
46
Nidina nankany Ejipta i Jakôba
1Niainga i Jakôba sy izay rehetra azy ka tonga tao Beera-Seba; dia nanao sorona teo izy ho an’ilay Andriamanitr’i Itsehàka rainy. 2Nony alina dia niteny taminy tao anaty fahitana Andriamanitra ka nanao hoe:
–Ry Jakôba! Ry Jakôba!
Ary hoy ny navalin’i Jakôba Azy:
–Inty aho!
3Dia hoy indray Izy hoe:
–Izaho no Andriamanitra, dia ilay Andriamanitry ny rainao. Aza matahotra hidina any Ejipta ianao; fa hataoko firenena lehibe any. 4Hidina hiaraka aminao any Ejipta Aho, ary Izaho koa no mbola hampiakatra anao avy any indray; ary ny tanan’i Jôsefa no hanirina ny masonao, rehefa maty ianao.
5Dia niala tao Beera-Seba i Jakôba. Ary ireo zanakalahiny dia nitondra an’i Jakôba rainy sy ireo zaza amam-behivavy tao anatin’ny sarety izay efa nalefan’ny Farao hitondrana azy. 6Nentin’ireo koa ny biby fiompiny mbamin’ny fananana hafa izay noharîny tao amin’ny tany Kanahàna. Dia tonga tany Ejipta i Jakôba sy ny taranany rehetra niaraka taminy#46.6 Ampit Asa 7.15., 7fa nasainy nentina tany Ejipta avokoa ny zanany lahy sy ny zanany vavy mbamin’ny zafikeliny.
Ny fianakavian’i Jakôba
8Ireto no anaran’ny Israelita tonga tany Ejipta, dia i Jakôba sy ny zanaka aman-jafiny:
I Reobena, lahimatoan’i Jakôba, 9ary ireo zanany lahy, dia i Hanôka, i Palò ary i Hetsirôna sy i Karmỳ.
10I Simehôna sy ireo zanany lahy, dia i Jemoela sy i Jamìna, i Ohada sy i Jakìna ary i Tsôhara sy i Saola; io Saola io dia zanak’ilay vehivavy kanahanita.
11I Levỳ sy ireo zanany lahy dia i Gersôna sy i Kehata ary i Merary.
12I Joda sy ireo zanany lahy, dia i Selà sy i Peretsa ary i Zera; fa ny zanany roa lahy, i Hera sy i Onàna, dia efa maty tany amin’ny tany Kanahàna. Ary ny zanakalahin’i Peretsa dia i Hetsirôna sy i Hamola.
13I Jisakara sy ireo zanany lahy, dia i Tôlà sy i Povà ary i Jasoba#46.13 Jasoba: araka ny rijan-teny Samaritanina sy ny dkt grika tranainy ary ny Nom 26.24; 1 Tan 7.1; ny RM dia manao hoe Jôba. sy i Simrôna.
14I Zebolòna sy ireo zanany lahy, dia i Sereda sy i Elôna ary i Jahiliela.
15Ireo no zanakalahin’i Jakôba naterak’i Leà tany Mezôpôtamia ambony, miampy an’i Dinà anabaviny. Ny isan’izy rehetra mbamin’ny zanany na lahy na vavy dia telo amby telopolo.
16I Gada sy ireo zanany lahy, dia i Tsifiôna sy i Hagỳ, i Sonỳ sy i Etsibôna, i Herỳ sy Arôdỳ ary i Arelỳ.
17I Asera sy ireo zanany lahy, dia i Jimnà sy i Jisvà ary i Jisvỳ sy i Berihà, fa i Serà kosa no anabaviny. Ary ny zanakalahin’i Berihà dia i Hebera sy i Malkiela.
18Ireo telo ambin’ny folo lahy ireo no taranak’i Jakôba tamin’i Zilpà izay nomen’i Labàna ho mpanompovavin’i Leà.
19Ary ny zanakalahin’i Rahely vadin’i Jakôba kosa dia i Jôsefa sy i Benjamîna. 20Tany Ejipta i Jôsefa dia niteraka zanaka roa lahy, i Manase sy i Efraîma#46.20 Jereo 41.45 sy nta. –i Manase sy i Efraîma: jereo 41.50-52., tamin’i Asenata vadiny, izay zanakavavin’i Pôtifera mpisorona tao Ona. 21Folo no zanakalahin’i Benjamîna: i Bela sy i Bekera, i Asbela sy i Gerà, i Nahamàna sy i Ehỳ, i Rôsy sy i Hopima ary i Mopîma sy i Arda. 22Ireo izy efatra ambin’ny folo lahy taranak’i Rahely sy i Jakôba.
23Dia ao koa i Dana sy i Hosima zanany lahy. 24I Naftalỳ sy ireo zanany lahy, dia i Jahatsiela sy i Gonỳ ary i Jetsera sy i Silema. 25Ireo fito lahy ireo no taranak’i Jakôba tamin’i Bilehà izay nomen’i Labàna ho mpanompovavin’i Rahely.
26Ny isan’ny ankohonan’i Jakôba rehetra, izany hoe ireo taranany mivantana izay tonga tany Ejipta, dia 66 ankoatra ireo vinantovaviny. 27Ampian’ireo zanakalahin’i Jôsefa anankiroa teraka tany Ejipta izany, dia fitopolo no isan’ny ankohonan’i Jakôba rehetra tonga tany Ejipta#46.27 Ny tontalin’ny olona hoe fitopolo dia azo avy amin’ny fifamenoan’ny isa voalaza eo amin’ny and 15, 18, 22 ary 25. Ny isa 66 eo amin’ny and 26 kosa dia sarotra hazavaina. Ampit Eks 1.5 sy nta; Asa 7.14..
I Jakôba tany Ejipta
28Nirahin’i Jakôba hialoha azy any amin’i Jôsefa i Joda mba hiangavy azy hankany Gôsena. Rehefa tonga tany Gôsena i Jakôba sy ny ankohonany, 29dia nanomana ny kalesiny i Jôsefa ka nandeha hihaona amin’ny rainy tany Gôsena. Raha vao nahita an’i Jakôba izy, dia niantoraka teny am-bozony ary nitomany ela teo sady namihina azy. 30Dia hoy i Jakôba taminy:
–Mahazo modimandry amin’izay aho, satria mbola velona ihany ianao sady nifanatri-tava tamiko.
31Dia hoy i Jôsefa tamin’ny rahalahiny sy ny olon-kafa ankohonan-drainy:
–Handeha hampandre ny Farao aho ka hilaza aminy fa ireo rahalahiko sy ny olon-kafa ankohonan-draiko izay tany amin’ny tany Kanahàna dia efa tonga eto amiko. 32Holazaiko aminy fa lehilahy mpiandry ondry sy mpiompy ianareo, ka nentinareo koa ny omby sy ny ondry aman’osinareo ary izay rehetra anananareo. 33Koa rehefa mampiantso anareo ny Farao ka manontany hoe: «Inona no raharahanareo?», 34dia hovalianareo hoe: Olona mpiompy toy ireo razanay izahay mpanomponao, nanomboka hatramin’ny fahazazànay ka mandraka izao. Amin’izay dia hahazo mipetraka ao amin’ny faritr’i Gôsena ianareo, satria maharikoriko ny Ejiptianina ny mpiandry ondry rehetra.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.