Genesỳ 49
49
Notsofin’i Jakôba rano ireo zanany roa ambin’ny folo
1Nantsoin’i Jakôba ireo zanany ka nilazany hoe:
–Mivoria ianareo, fa hambarako aminareo
izay zavatra hiseho aminareo any aoriana.
2Mivoria ianareo ka mihainoa, ry zanakalahin’i Jakôba,
eny, mihainoa an’i Israely rainareo.
3Ianao, ry Reobena, no lahimatoako,
voalohan-terako tao anatin’ny heriko.
Ihoaranao ny rahalahinao
amin’ny fahamendrehana sy ny hery.
4Misamboaravoara toy ny ranon-driaka ianao;
kanefa tsy ho lohalaharana intsony ianao,
satria niakatra teo am-pandriako
ka nandoto ny farafarako tamin’ny vadiko#49.4 Jereo 35.22..
5I Simehôna sy i Levỳ dia mpirahalahy
niray tetika hanao herisetra;
6kanefa tsy te handray anjara amin’ny fiokoany aho
ary tsy te hanatrika ny fivoriany,
satria nentanim-pahatezerana#49.6 Jereo 34.25. izy
ka namono olona ho faty
ary tia setrasetra ka nitraingo ombilahy.
7Ho voaozona anie ny hatezerany tafahoatra
ary ny havinirany tsy mifaditrovana.
Haparitako ny taranany
ka haeliko eran’i Israely.
8Ry Joda#49.8 Joda amin’ny teny hebreo dia mampahatsiaro ny matoanteny izay nadika hoe hidera anao ireo eto; ampit 29.35 sy nta., hidera anao ireo rahalahinao;
Hofolahinao kosa ny hatok’ireo fahavalonao,
ka hiankohoka eo anatrehanao ireo ralahahinao.
9Ry Joda zanako, toy ny liona tanora ianao,
dia liona avy niremby ka mamonjy fierena;
mitorevaka toy ny lion-dahy i Joda ka matory,
ary mamitsaka toy ny liom-bavy,
ka iza no hampitsangana azy?
10Tsy hiala amin’i Joda ny tehim-panjakana,
ary tsy hiala amin’ny taranany ny tehim-pibaikoana
mandra-pahatongan’ilay tena tompony#49.10 tena tompo: iadian-kevitra dia iadian-kevitra ny dikan’ny teny hebreo voadika eto toy izany.
izay hankatoavin’ny firenena rehetra.
11Hihanaka dia hihanaka ny voaloboka,
ka hafatony amin’ny tahom-boaloboka ny borikiny
ary amin’ny sampam-boaloboka ny zana-borikiny;
divay no hanasany akanjo
ary ranom-boaloboka no hanasany fitafiana.
12Ny divay no hampibaliaka tsara ny masony;
ny ronono kosa no hampibotsiaka ny nifiny#49.12 Ny voaloboka sy ny biby fiompy no foto-karena teo amin’ny faritanin’i Joda..
13I Zebolòna dia honina eo amoron-dranomasina,
dia eo amin’izay hisy seranan-tsambo;
hivelatra hatrany Tsidôna ny faritaniny.
14I Jisakara dia toy ny boriky matanjaka,
mandry eo anivon’ny valany
izay misy fefy roa sosona.
15Hitany fa tsara ny toerana
ary mahafinaritra ny tany.
Nanongilan-tsoroka hampitondraina entana izy,
ka tonga miasa mafy toy ny mpanompo.
16I Dana dia hifehy ny vahoakany#49.16 Ny anarana hoe Dana amin’ny teny hebreo dia mampahatsiaro ny matoanteny izay nadika hoe hanapaka eto, nefa indraindray dia mitsara koa (jereo 30.6 sy nta).
tahaka ny foko hafa ao amin’i Israely.
17Toa bibilava mamitsaka eny an-dalana izy,
ary tahaka ny menarana eo amoron-dalana;
kaikerin’ny menarana ny traingon-tsoavaly
ka mianjera mitsilany ny mpitaingina azy.
18Manantena ny famonjenao aho, TOMPO ô!
19I Gada dia notafihin’andia-mpandroba#49.19 Ny anarana hoe Gada amin’ny teny hebreo dia mampahatsiaro ny teny izay nadika hoe notafihina sy valim-panafihana eto.,
koa manao valim-panafihana sy manenjika azy.
20I Asera dia hanan-tany mahavokatra tokoa,
ka hahazoana mofo mendrika mpanjaka#49.20 Ny anarana hoe Asera (sambatra) dia mampahatsiaro ny fahatsaram-piainan’ny foko izay nipetraka tamin’ny tany lemaka mahavokatra eo amoron-tsiraka ao avaratry ny tendrombohitra Karmela..
21I Naftalỳ dia toy ny osivavy mikarenjy
izay manan-janaka tsara tarehy#49.21 dkt hafa: i Naftalỳ dia hazo iray lehibe misy rantsany tsara tarehy. Nisy ala tokoa tao amin’ny faritanin’i Naftalỳ. Koa ny rijan-teny dia mamohafoha ny amin’ireny ala ireny na ny amin’ny osivavy dia izay nonina tao amin’ireny ala ireny..
22I Jôsefa dia toy ny zava-maniry mahavokatra
izay mirobona eo akaikin-doharano
ka manan-drantsana tafahoatra ny fefy#49.22 Tsy azo antoka ny hevitry ny and 22. Ny rantsana dia azo heverina ho ny fivelaran’ny fokon’i Joda sy ny fitomboan’ny anjara toerany..
23Nampahory azy imbetsaka ireo mpitifitra tsipîka,
ka nandefa zana-tsipîka hamelivelezana azy.
24Kanjo nateza mafy ny tsipîkan’i Jôsefa,
ary kinga hatrany ny sandry aman-tanany.
Noho ny fiarovan’ilay Andriamanitra maherin’i Jakôba,
noho ny anaran’ilay Mpiandry#49.24 noho ny anaran’ilay Mpiandry: araka ny dkt siriaka sy aramianina; fa ny RM dia manao hoe avy any ilay mpiandry.
izay vatolampy iankinan’i Israely,
25amin’ny alalan’ilay Andriamanitry ny rainao
izay mamonjy anao,
amin’ny alalan’ilay Andriamanitra Tsitoha
izay mitahy anao,
raiso ny fitahiana avy amin’ny orana
izay mirotsaka avy any an-danitra,
raiso ny fitahiana avy amin’ny rano
izay mihanaka ao amin’ny fanambanin’ny tany
ary raiso ny fitahiana izay hahamaro anaka
ny vehivavy sy ny biby fiompy.
26Ny tsodrano omen’ny rainao dia mihoatra
noho ny zava-tsoan’ireo tendrombohitra fahagola
sy ny zava-tsoan’ireo havoana tranainy.
Hirotsaka eo an-dohan’i Jôsefa anie izany tsodrano izany,
dia eo an-dohan’ilay voafidy teo anivon’ny rahalahiny!
27I Benjamîna dia toy ny amboadia masiaka:
Ny maraina izy homan-dremby;
ny hariva, mizara babo.
28Izy rehetra ireo no foko israelita roa ambin’ny folo. Izany no teny nolazain-drainy taminy, fony izy nitsodrano azy. Eny, samy nomeny tsodrano manokana ny foko tsirairay avy.
Ny nahafatesan’i Jakôba
29Taorian’izany dia nanafatra ireo zanany i Jakôba ka nanao taminy hoe:
–Rehefa maty aho, dia aleveno any am-pasan-drazako, dia ilay zohy ao amin’ny sahan’i Hefrôna izay hetita, 30ilay zohy ao Makpelà akaikin’i Mamre, any amin’ny tany Kanahàna. Novidîn’i Abrahama tamin’i Hefrôna izay hetita io saha io mba ho tany fandevenana#49.30 Jereo Gen 23.3-18.. 31Tao no nalevina i Abrahama sy i Sarà vadiny, i Itsehàka sy i Rebekà vadiny#49.31 Fasan’i Abrahama: jereo Gen 25.9-10; fasan’i Sarà: jereo Gen 23.19; fasan’i Itsehàka: 35.29., ary tao koa no nandevenako an’i Leà. 32Ny saha sy ny zohy ao aminy dia novidîna tamin’ny Hetita.
33Rehefa vitan’i Jakôba ny hafatrafatra farany tamin’ireo zanany lahy, dia nandry teo am-parafara indray izy. Ary niala aina izy ka nakambana tamin’ny razany#49.33 Jereo Asa 7.15..
Voafantina amin'izao fotoana izao:
Genesỳ 49: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.
Genesỳ 49
49
Notsofin’i Jakôba rano ireo zanany roa ambin’ny folo
1Nantsoin’i Jakôba ireo zanany ka nilazany hoe:
–Mivoria ianareo, fa hambarako aminareo
izay zavatra hiseho aminareo any aoriana.
2Mivoria ianareo ka mihainoa, ry zanakalahin’i Jakôba,
eny, mihainoa an’i Israely rainareo.
3Ianao, ry Reobena, no lahimatoako,
voalohan-terako tao anatin’ny heriko.
Ihoaranao ny rahalahinao
amin’ny fahamendrehana sy ny hery.
4Misamboaravoara toy ny ranon-driaka ianao;
kanefa tsy ho lohalaharana intsony ianao,
satria niakatra teo am-pandriako
ka nandoto ny farafarako tamin’ny vadiko#49.4 Jereo 35.22..
5I Simehôna sy i Levỳ dia mpirahalahy
niray tetika hanao herisetra;
6kanefa tsy te handray anjara amin’ny fiokoany aho
ary tsy te hanatrika ny fivoriany,
satria nentanim-pahatezerana#49.6 Jereo 34.25. izy
ka namono olona ho faty
ary tia setrasetra ka nitraingo ombilahy.
7Ho voaozona anie ny hatezerany tafahoatra
ary ny havinirany tsy mifaditrovana.
Haparitako ny taranany
ka haeliko eran’i Israely.
8Ry Joda#49.8 Joda amin’ny teny hebreo dia mampahatsiaro ny matoanteny izay nadika hoe hidera anao ireo eto; ampit 29.35 sy nta., hidera anao ireo rahalahinao;
Hofolahinao kosa ny hatok’ireo fahavalonao,
ka hiankohoka eo anatrehanao ireo ralahahinao.
9Ry Joda zanako, toy ny liona tanora ianao,
dia liona avy niremby ka mamonjy fierena;
mitorevaka toy ny lion-dahy i Joda ka matory,
ary mamitsaka toy ny liom-bavy,
ka iza no hampitsangana azy?
10Tsy hiala amin’i Joda ny tehim-panjakana,
ary tsy hiala amin’ny taranany ny tehim-pibaikoana
mandra-pahatongan’ilay tena tompony#49.10 tena tompo: iadian-kevitra dia iadian-kevitra ny dikan’ny teny hebreo voadika eto toy izany.
izay hankatoavin’ny firenena rehetra.
11Hihanaka dia hihanaka ny voaloboka,
ka hafatony amin’ny tahom-boaloboka ny borikiny
ary amin’ny sampam-boaloboka ny zana-borikiny;
divay no hanasany akanjo
ary ranom-boaloboka no hanasany fitafiana.
12Ny divay no hampibaliaka tsara ny masony;
ny ronono kosa no hampibotsiaka ny nifiny#49.12 Ny voaloboka sy ny biby fiompy no foto-karena teo amin’ny faritanin’i Joda..
13I Zebolòna dia honina eo amoron-dranomasina,
dia eo amin’izay hisy seranan-tsambo;
hivelatra hatrany Tsidôna ny faritaniny.
14I Jisakara dia toy ny boriky matanjaka,
mandry eo anivon’ny valany
izay misy fefy roa sosona.
15Hitany fa tsara ny toerana
ary mahafinaritra ny tany.
Nanongilan-tsoroka hampitondraina entana izy,
ka tonga miasa mafy toy ny mpanompo.
16I Dana dia hifehy ny vahoakany#49.16 Ny anarana hoe Dana amin’ny teny hebreo dia mampahatsiaro ny matoanteny izay nadika hoe hanapaka eto, nefa indraindray dia mitsara koa (jereo 30.6 sy nta).
tahaka ny foko hafa ao amin’i Israely.
17Toa bibilava mamitsaka eny an-dalana izy,
ary tahaka ny menarana eo amoron-dalana;
kaikerin’ny menarana ny traingon-tsoavaly
ka mianjera mitsilany ny mpitaingina azy.
18Manantena ny famonjenao aho, TOMPO ô!
19I Gada dia notafihin’andia-mpandroba#49.19 Ny anarana hoe Gada amin’ny teny hebreo dia mampahatsiaro ny teny izay nadika hoe notafihina sy valim-panafihana eto.,
koa manao valim-panafihana sy manenjika azy.
20I Asera dia hanan-tany mahavokatra tokoa,
ka hahazoana mofo mendrika mpanjaka#49.20 Ny anarana hoe Asera (sambatra) dia mampahatsiaro ny fahatsaram-piainan’ny foko izay nipetraka tamin’ny tany lemaka mahavokatra eo amoron-tsiraka ao avaratry ny tendrombohitra Karmela..
21I Naftalỳ dia toy ny osivavy mikarenjy
izay manan-janaka tsara tarehy#49.21 dkt hafa: i Naftalỳ dia hazo iray lehibe misy rantsany tsara tarehy. Nisy ala tokoa tao amin’ny faritanin’i Naftalỳ. Koa ny rijan-teny dia mamohafoha ny amin’ireny ala ireny na ny amin’ny osivavy dia izay nonina tao amin’ireny ala ireny..
22I Jôsefa dia toy ny zava-maniry mahavokatra
izay mirobona eo akaikin-doharano
ka manan-drantsana tafahoatra ny fefy#49.22 Tsy azo antoka ny hevitry ny and 22. Ny rantsana dia azo heverina ho ny fivelaran’ny fokon’i Joda sy ny fitomboan’ny anjara toerany..
23Nampahory azy imbetsaka ireo mpitifitra tsipîka,
ka nandefa zana-tsipîka hamelivelezana azy.
24Kanjo nateza mafy ny tsipîkan’i Jôsefa,
ary kinga hatrany ny sandry aman-tanany.
Noho ny fiarovan’ilay Andriamanitra maherin’i Jakôba,
noho ny anaran’ilay Mpiandry#49.24 noho ny anaran’ilay Mpiandry: araka ny dkt siriaka sy aramianina; fa ny RM dia manao hoe avy any ilay mpiandry.
izay vatolampy iankinan’i Israely,
25amin’ny alalan’ilay Andriamanitry ny rainao
izay mamonjy anao,
amin’ny alalan’ilay Andriamanitra Tsitoha
izay mitahy anao,
raiso ny fitahiana avy amin’ny orana
izay mirotsaka avy any an-danitra,
raiso ny fitahiana avy amin’ny rano
izay mihanaka ao amin’ny fanambanin’ny tany
ary raiso ny fitahiana izay hahamaro anaka
ny vehivavy sy ny biby fiompy.
26Ny tsodrano omen’ny rainao dia mihoatra
noho ny zava-tsoan’ireo tendrombohitra fahagola
sy ny zava-tsoan’ireo havoana tranainy.
Hirotsaka eo an-dohan’i Jôsefa anie izany tsodrano izany,
dia eo an-dohan’ilay voafidy teo anivon’ny rahalahiny!
27I Benjamîna dia toy ny amboadia masiaka:
Ny maraina izy homan-dremby;
ny hariva, mizara babo.
28Izy rehetra ireo no foko israelita roa ambin’ny folo. Izany no teny nolazain-drainy taminy, fony izy nitsodrano azy. Eny, samy nomeny tsodrano manokana ny foko tsirairay avy.
Ny nahafatesan’i Jakôba
29Taorian’izany dia nanafatra ireo zanany i Jakôba ka nanao taminy hoe:
–Rehefa maty aho, dia aleveno any am-pasan-drazako, dia ilay zohy ao amin’ny sahan’i Hefrôna izay hetita, 30ilay zohy ao Makpelà akaikin’i Mamre, any amin’ny tany Kanahàna. Novidîn’i Abrahama tamin’i Hefrôna izay hetita io saha io mba ho tany fandevenana#49.30 Jereo Gen 23.3-18.. 31Tao no nalevina i Abrahama sy i Sarà vadiny, i Itsehàka sy i Rebekà vadiny#49.31 Fasan’i Abrahama: jereo Gen 25.9-10; fasan’i Sarà: jereo Gen 23.19; fasan’i Itsehàka: 35.29., ary tao koa no nandevenako an’i Leà. 32Ny saha sy ny zohy ao aminy dia novidîna tamin’ny Hetita.
33Rehefa vitan’i Jakôba ny hafatrafatra farany tamin’ireo zanany lahy, dia nandry teo am-parafara indray izy. Ary niala aina izy ka nakambana tamin’ny razany#49.33 Jereo Asa 7.15..
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.