Isaià 2
2
1Ny toe-javatra hitan’i Isaià, zanakalahin’i Amôtsa, momba ny fanjakan’i Joda sy ny tanànan’i Jerosalema#2.1 Lohateny ho an’ny toko 2–4 na 2–11 mihitsy aza ity and 1 ity; ampit 1.1..
Ny vahoaka rehetra hirohotra hankao Jerosalema
(2.2-4; jereo Mik 4.1-3)
2Izao no hiseho amin’ny andro any aoriana:
Ny tendrombohitra misy ny tranon’ny TOMPO#2.2 And 2-4: jereo Mi 4.1-3. –Antsoina hoe Tsiôna kosa ny tendrombohitra misy ny tranon’ny Tompo eo amin’ny and 3.
dia hanerinerina ambonin’ny tendrombohitra sisa
ka hasandratra ho avo kokoa noho ireo havoana;
dia hitanjozotra hankany ny firenena rehetra.
3Handeha ho any ny firenena marobe ka hifampitaona hoe:
«Andeha isika hiakatra any an-tendrombohitry ny TOMPO,
ho any an-tranon’ilay Andriamanitr’i Jakôba;
dia hampianariny antsika ny sori-dàlany,
ary harahintsika ny lalana hatorony.»
Fa avy ao Tsiôna no ivoahan’ny fampianarana,
ary avy ao Jerosalema no iavian’ny tenin’ny TOMPO.
4Hitsara ny firenena maro Izy,
ary hampanaiky ny vahoaka rehetra
ka hanefy ny sabany ho angady ireny,
ary hanao ny lefony ho fanetezam-boaloboka#2.4 Ampit Jôb 4.10.
sady tsy hianatra hiady intsony.
5Ry taranak’i Jakôba, avia,
aoka isika handeha amin’ny fahazavàn’ny TOMPO!
Ny andron’ny Tompo dia andro fitsarana
6TOMPO ô, efa narianao ny vahoakanao,
dia ny taranak’i Jakôba,
satria nihahohaho tao aminy
ny mpimasy avy any atsinanana
sady betsaka tahaka ny an’ny Filistinina ny mpanandrony;
ary nifandray tendro tamin’ny vahiny izy.
7Feno volafotsy sy volamena ny taniny
sady tsy hita lany ny hareny;
ary feno soavaly ny taniny
sady tsy hita isa ny kalesiny.
8Feno andriamani-tsiizy koa ny taniny;
ary niankohoka amin’ny sampy natao tanana izy,
dia ny zavatra nataon’ny tanan’olona.
9Noho izany, dia tsy maintsy hihohoka
sy haetry amin’ny tany ny olombelona;
ka tsy hisy hampiarina azy intsony.#2.9 ka tsy... intsony: na hoe ka aza mamela ny helony, Tompo ô.
10Miafena any ambany vatolampy ianareo
ary misitriha any anaty tany,
mba ho lavitry ny TOMPO mahatahotra
sy ho lavitry ny fiandrianany mamirapiratra#2.10 Jereo Apôk 6.15..
11Hitanondrika ny olona mpiandranandrana,
ary hihohoka ny olona mpanandra-tena;
fa amin’izany andro izany,
dia ny TOMPO irery ihany no hasandratra.
12Eny, hisy andro omanin’ny TOMPOn’izao rehetra izao
hitsarana ny mpirehareha sy ny mpanandra-tena
ary koa ny mpiandranandrana rehetra
mba ho fampietrena azy ireo:
13dia ny sedera rehetra any Libano,
izay avo sady mijoalajoala,
sy ny hazo ôaka rehetra any Basàna;
14ny tendrombohitra avo
sy ny havoana manerinerina rehetra;
15ny tilikambo miringiringy
sy ny manda mafy rehetra;
16ary ny sambo vaventy
sy ny sambo marevaka rehetra.
17Hihohoka ny olona mpiandranandrana
ary haetry amin’ny tany ny olona mpanandra-tena;
fa amin’izany andro izany,
dia ny TOMPO irery ihany no hasandratra.
18Ho levona ny andriamani-tsiizy rehetra.
19Aoka hiditra any amin’ny lava-bato
sy ny zohy fierena ireo olona ireo,
mba ho lavitry ny TOMPO mahatahotra
sy ho lavitry ny fiandrianany mamirapiratra
rehefa hirotsaka an-tsehatra Izy
mba hampihorohoro ny tany.
20Amin’izany andro izany, dia harian’ny olona ho an’ny voalavo sy ny ramanavy ny sampy volafotsy sy volamena nataony hiankohofana; 21dia hiditra amin’ny hirika sy ny tsefatsefa-bato izy mba ho lavitry ny TOMPO mahatahotra azy sy ho lavitry ny fiandrianany mamirapiratra rehefa hirotsaka an-tsehatra ny Tompo hampihorohoro ny tany.
22Atsaharo ny fitokiana amin’olombelona
fa fofonaina miserana ihany izy
ka tsy misy lanjany akory!
Voafantina amin'izao fotoana izao:
Isaià 2: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.
Isaià 2
2
1Ny toe-javatra hitan’i Isaià, zanakalahin’i Amôtsa, momba ny fanjakan’i Joda sy ny tanànan’i Jerosalema#2.1 Lohateny ho an’ny toko 2–4 na 2–11 mihitsy aza ity and 1 ity; ampit 1.1..
Ny vahoaka rehetra hirohotra hankao Jerosalema
(2.2-4; jereo Mik 4.1-3)
2Izao no hiseho amin’ny andro any aoriana:
Ny tendrombohitra misy ny tranon’ny TOMPO#2.2 And 2-4: jereo Mi 4.1-3. –Antsoina hoe Tsiôna kosa ny tendrombohitra misy ny tranon’ny Tompo eo amin’ny and 3.
dia hanerinerina ambonin’ny tendrombohitra sisa
ka hasandratra ho avo kokoa noho ireo havoana;
dia hitanjozotra hankany ny firenena rehetra.
3Handeha ho any ny firenena marobe ka hifampitaona hoe:
«Andeha isika hiakatra any an-tendrombohitry ny TOMPO,
ho any an-tranon’ilay Andriamanitr’i Jakôba;
dia hampianariny antsika ny sori-dàlany,
ary harahintsika ny lalana hatorony.»
Fa avy ao Tsiôna no ivoahan’ny fampianarana,
ary avy ao Jerosalema no iavian’ny tenin’ny TOMPO.
4Hitsara ny firenena maro Izy,
ary hampanaiky ny vahoaka rehetra
ka hanefy ny sabany ho angady ireny,
ary hanao ny lefony ho fanetezam-boaloboka#2.4 Ampit Jôb 4.10.
sady tsy hianatra hiady intsony.
5Ry taranak’i Jakôba, avia,
aoka isika handeha amin’ny fahazavàn’ny TOMPO!
Ny andron’ny Tompo dia andro fitsarana
6TOMPO ô, efa narianao ny vahoakanao,
dia ny taranak’i Jakôba,
satria nihahohaho tao aminy
ny mpimasy avy any atsinanana
sady betsaka tahaka ny an’ny Filistinina ny mpanandrony;
ary nifandray tendro tamin’ny vahiny izy.
7Feno volafotsy sy volamena ny taniny
sady tsy hita lany ny hareny;
ary feno soavaly ny taniny
sady tsy hita isa ny kalesiny.
8Feno andriamani-tsiizy koa ny taniny;
ary niankohoka amin’ny sampy natao tanana izy,
dia ny zavatra nataon’ny tanan’olona.
9Noho izany, dia tsy maintsy hihohoka
sy haetry amin’ny tany ny olombelona;
ka tsy hisy hampiarina azy intsony.#2.9 ka tsy... intsony: na hoe ka aza mamela ny helony, Tompo ô.
10Miafena any ambany vatolampy ianareo
ary misitriha any anaty tany,
mba ho lavitry ny TOMPO mahatahotra
sy ho lavitry ny fiandrianany mamirapiratra#2.10 Jereo Apôk 6.15..
11Hitanondrika ny olona mpiandranandrana,
ary hihohoka ny olona mpanandra-tena;
fa amin’izany andro izany,
dia ny TOMPO irery ihany no hasandratra.
12Eny, hisy andro omanin’ny TOMPOn’izao rehetra izao
hitsarana ny mpirehareha sy ny mpanandra-tena
ary koa ny mpiandranandrana rehetra
mba ho fampietrena azy ireo:
13dia ny sedera rehetra any Libano,
izay avo sady mijoalajoala,
sy ny hazo ôaka rehetra any Basàna;
14ny tendrombohitra avo
sy ny havoana manerinerina rehetra;
15ny tilikambo miringiringy
sy ny manda mafy rehetra;
16ary ny sambo vaventy
sy ny sambo marevaka rehetra.
17Hihohoka ny olona mpiandranandrana
ary haetry amin’ny tany ny olona mpanandra-tena;
fa amin’izany andro izany,
dia ny TOMPO irery ihany no hasandratra.
18Ho levona ny andriamani-tsiizy rehetra.
19Aoka hiditra any amin’ny lava-bato
sy ny zohy fierena ireo olona ireo,
mba ho lavitry ny TOMPO mahatahotra
sy ho lavitry ny fiandrianany mamirapiratra
rehefa hirotsaka an-tsehatra Izy
mba hampihorohoro ny tany.
20Amin’izany andro izany, dia harian’ny olona ho an’ny voalavo sy ny ramanavy ny sampy volafotsy sy volamena nataony hiankohofana; 21dia hiditra amin’ny hirika sy ny tsefatsefa-bato izy mba ho lavitry ny TOMPO mahatahotra azy sy ho lavitry ny fiandrianany mamirapiratra rehefa hirotsaka an-tsehatra ny Tompo hampihorohoro ny tany.
22Atsaharo ny fitokiana amin’olombelona
fa fofonaina miserana ihany izy
ka tsy misy lanjany akory!
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.