Mpitsara 8
8
Tsy faly ny Efraîmita
1Ary hoy ny vatan-dehilahy efraîmita tamin’i Gidehôna:
–Nahoana no nanao izao fihetsika izao taminay ianao? Nahoana no tsy niantso anay ianao fony nandeha niady tamin’ny Midianita?
Dia nanome tsiny azy mafy ireo. 2Fa namaly azy i Gidehôna ka nanao hoe:
–Inona moa izay nataoko raha mitaha amin’ny zava-bitanareo? Moa tsy ny firotsahanareo Efraîmita na dia teo amin’ny sehatra kely aza ve no tsara lavitra noho ny nataon’ny tarika abihezerita fiaviako? 3Fa teo an-tananareo no nanoloran’Andriamanitra an’i Hôreba sy i Zeeba lehiben’ny Midianita. Koa inona izay vitako raha oharina amin’ny nataonareo?
Dia nitony ny fahatezeran’ireo Efraîmita, rehefa nandre izany tenin’i Gidehôna izany izy.
I Gidehôna tany ampita atsinanan’i Jôrdàna
4Ary tonga teo Jôrdàna i Gidehôna sy ireo telonjato lahy niaraka taminy ka niampita. Efa reraka izy ireo nefa mbola nanenjika ny fahavalony ihany. 5Nony tonga tao an-tanàna Sokôta izy, dia hoy i Gidehôna tamin’ny mponina tao:
–Mba omeo mofo ireto olona miaraka amiko ireto fa reraka; eo am-panenjehana an’i Zebaha sy i Tsalmonà mpanjaka midianita aho izao#8.5 Sokôta: jereo Gen 33.17 sy nta. I Zebaha (ilay hajedaka) sy i Tsalmonà (ilay aloka mirenireny) dia toa anaram-bositra fanesoan’ilay mpitantara an’ireo mpanjaka midianita roa..
6Fa novalian’ireo lehibe tao an-tanàna izy ka nataony hoe:
–Ahoana moa izahay no hanome hanina ny tafikao? Efa eo ambany fahefànao sahady angaha i Zebaha sy i Tsalmonà?
7Dia hoy i Gedehôna hoe:
–Ho hitanareo izany fa rehefa hatolotry ny TOMPO eo an-tanako i Zebaha sy i Tsalmonà, dia horovitiko amin’ny tsilo sy songosongo avy any an-taniefitra ny hoditrareo.
8Avy teo i Gidehôna nankany Peniela#8.8 Peniela: tanàna eny amin’ny faritra atsinanan’i Jôrdàna, sady eo akaikin’i Sokôta (jereo Gen 32.31-32)., ary nilaza fangatahana tahaka izany koa tamin’ny mponina tao. Kanefa ny mponina tao Peniela dia namaly tahaka izay nataon’ny olona tao Sokôta ihany. 9Koa niteny tamin’ny mponina tao Peniela i Gidehôna hoe:
–Rehefa hiverina avy mandresy soa aman-tsara aho, dia horavako ny tilikambon’ny tanànanareo.
10I Zebaha sy i Tsalmonà tamin’io dia tao Karkôra#8.10 Karkôra: toerana tsy fantatra izay misy azy. niaraka tamin’ny andian-tafiny 15 eo ho eo. Izay no sisa tamin’ny tafik’ireo mpifindrafindra lasy avy any atsinanana, satria nahafatesana andian-tafika 120 nisy vatan-dehilahy kinga famely sabatra avokoa. 11Ny lalan’ny mpifindrafindra lasy, teo atsinanan’ny faritra misy ny tarika Nôba sy ny tanàna Jôgbôhà#8.11 Nôba: anaran’ny tarika iray ao amin’ny antsasa-pokon’i Manase eny atsinanan’i Jôrdàna (jereo Nom 32.42). I Jôgbôhà dia tanàna gadita eo amin’ny 13 km avaratra andrefan’i Hamàna (jereo Nom 32.35)., no narahin’i Gidehôna ka namelezany ny tobin’ny fahavalony izay tsy nanampo akory. 12Nitsoaka nandositra i Zebaha sy i Tsalmonà, mpanjaka midianita roa lahy, nefa nenjehin’i Gidehôna ka azony sambo-belona; dia izany no nampihorohoroany ny tafika midianita manontolo.
13Ary rehefa niverina avy niady i Gidehôna ka mby teo amin’ny fiakaran’i Heresa#8.13 Heresa: toerana tsy fantatra izay misy azy., 14dia nisambotra tovolahy iray avy ao Sokôta ary nanontany azy. Dia nomen’ilehio azy an-tsoratra ny anaran’ireo lehibe sy loholona tao Sokôta ka nisy 77 no isany. 15Avy eo dia nankany amin’ny mponina tao Sokôta i Gidehôna ka nanao taminy hoe:
–Indreto i Zebaha sy i Tsalmonà izay nanesoanareo ahy hoe: «Ahoana moa izahay no hanome hanina ny tafikao efa reraka? Efa eo ambany fahefànao sahady angaha i Zebaha sy i Tsalmonà?»
16Dia nalain’i Gidehôna ny tsilo sy ny songosongo avy tany an-taniefitra ka nofaiziny tamin’ireny ireo loholona tao Sokôta. 17Noravany koa ny tilikambon’i Peniela ary novonoiny ny mponina tao.
18Avy eo dia nanontany an’i Zebaha sy i Tsalmonà i Gidehôna hoe:
–Tahatahaka ny ahoana moa ireo lehilahy izay novonoinareo tao Tabôra#8.18 Tabôra: jereo Jos 19.22 sy nta. I Gidehôna dia mampahatsiahy ady iray tsy fantatra sady tsy mitovy amin’ilay voatantaran’ny toko faha-7.?
Dia novaliany hoe:
–Mitovy aminao izy. Miendrika zanak’andriamanjaka avokoa izy rehetra.
19Fa hoy i Gidehôna taminy:
–Rahalahiko, zanakalahin’ny reniko mihitsy ireny. Velona ny TOMPO ka mianiana aho fa raha tsy novonoinareo ho faty ireny, dia tsy hovonoiko ho faty koa ianareo!
20Ary nandidy an’i Jetera zanany lahimatoa i Gidehôna hoe:
–Mitsangàna, vonoy ho faty ireo#8.20 Ny havana akaikin’ny lehilahy matin’olon-kafa dia manana adidy hamono hahafaty an’ilay mpamono, jereo ohatra Nom 35.19-29; 2 Sam 3.27,30.!
Fa tsy sahy nanatsoaka ny sabany ilay zatovolahy, satria mbola tanora loatra izy ka natahotra. 21Dia hoy i Zebaha sy i Tsalmonà tamin’i Gidehôna:
–Aoka ny tenanao mihitsy no hamono hahafaty anay, satria adidin’ny lehilahy mahery fo ny manao izany!
Dia nitsangana i Gidehôna ka namono hahafaty ireo mpanjaka roa lahy; ary nalainy ny firavaka nihantona teny am-bozon’ireo ramevany.
Ny fiafaran’ny fiainan’i Gidehôna
22Taorian’izany dia hoy ny Israelita tamin’i Gidehôna:
–Aoka ianao no hanjaka aminay ary ny zanakalahinao sy ny zafinao no handimby anao, satria ianao no nanafaka anay tamin’ny Midianita.
23Fa novalian’i Gidehôna hoe:
–Tsia, tsy ho mpanjakanareo na ny tenako na ny zanakalahiko, fa ny TOMPO no ho mpanjakanareo.
24Saingy hoy indray i Gidehôna taminy:
–Izaho anefa te hangataka zavatra aminareo: aoka ianareo samy hanome ahy haba iray, nalaina tamin’ny babonareo avy!
Ny Midianita manko dia nitondra haba volamena toy ny lehilahy rehetra monina any an-taniefitra.
25Ka hoy ny navalin’ny Israelita an’i Gidehôna:
–Eny, fa homenay anao tokoa izany.
Dia namelatra lamba iray tamin’ny tany ireo ka samy nanipy haba volamena iray teo, dia haba nalain’ny isan’olona tamin’ny babony avy. 26Ny lanjan’ny volamena nangatahin’i Gidehôna dia nahatratra roapolo kilao. Nahazo izay firavaka sy kavina ary fitafiana jaky nentin’ireo mpanjaka midianita koa izy, ankoatra ireo rojo nandravaka ny vozon’ny ramevany. 27Ary ny volamena dia nanamboaran’i Gidehôna efôda izay napetrany tao Hofrà tanànany. Ary notompoin’ny Israelita rehetra toy ny sampy izany efôda izany, ka tonga fandrika ho an’i Gidehôna sy ny ankohonany.
28Resin’ny Israelita hatreo ny Midianita ka tsy nahatraka tamin’ny fahareseny intsony; koa nandry fahalemana ny tany nandritra ny efapolo taona nahaveloman’i Gidehôna.
29Ary i Jerobahala#8.29 Jerobahala: jereo 6.32. na hoe Gidehôna, zanakalahin’i Jôasy, dia niverina nonina tany an-tranony. 30Nanan-janakalahy fitopolo izy satria maro vady. 31Nisy vadikeliny tao Sekema, izay niterahany zanakalahy nantsoina hoe Abimelèka. 32Ary maty i Gidehôna rehefa tratra antitra tsara ka nalevina tao Hofrà, tanànan’ny tarika abihezerita, tao amin’ny fasan’i Jôasy rainy.
33Rehefa maty i Gidehôna, dia nanompo an’i Bahala indray ny Israelita ary nanao an’i Bahala-Berita#8.33 I Bahala-Berita dia toa andriamanitra sampy nivavahana tao Sekema (jereo 9.4) ho andriamaniny. 34Hadinony ny TOMPO Andriamaniny Izay nanafaka azy tamin’ny fahavalony rehetra nanodidina azy. 35Tsy nanehoany fitiavana koa ny ankohonan’i Jerobahala na Gidehôna, araka ny soa rehetra vitan’i Gidehôna tamin’i Israely.
Voafantina amin'izao fotoana izao:
Mpitsara 8: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.
Mpitsara 8
8
Tsy faly ny Efraîmita
1Ary hoy ny vatan-dehilahy efraîmita tamin’i Gidehôna:
–Nahoana no nanao izao fihetsika izao taminay ianao? Nahoana no tsy niantso anay ianao fony nandeha niady tamin’ny Midianita?
Dia nanome tsiny azy mafy ireo. 2Fa namaly azy i Gidehôna ka nanao hoe:
–Inona moa izay nataoko raha mitaha amin’ny zava-bitanareo? Moa tsy ny firotsahanareo Efraîmita na dia teo amin’ny sehatra kely aza ve no tsara lavitra noho ny nataon’ny tarika abihezerita fiaviako? 3Fa teo an-tananareo no nanoloran’Andriamanitra an’i Hôreba sy i Zeeba lehiben’ny Midianita. Koa inona izay vitako raha oharina amin’ny nataonareo?
Dia nitony ny fahatezeran’ireo Efraîmita, rehefa nandre izany tenin’i Gidehôna izany izy.
I Gidehôna tany ampita atsinanan’i Jôrdàna
4Ary tonga teo Jôrdàna i Gidehôna sy ireo telonjato lahy niaraka taminy ka niampita. Efa reraka izy ireo nefa mbola nanenjika ny fahavalony ihany. 5Nony tonga tao an-tanàna Sokôta izy, dia hoy i Gidehôna tamin’ny mponina tao:
–Mba omeo mofo ireto olona miaraka amiko ireto fa reraka; eo am-panenjehana an’i Zebaha sy i Tsalmonà mpanjaka midianita aho izao#8.5 Sokôta: jereo Gen 33.17 sy nta. I Zebaha (ilay hajedaka) sy i Tsalmonà (ilay aloka mirenireny) dia toa anaram-bositra fanesoan’ilay mpitantara an’ireo mpanjaka midianita roa..
6Fa novalian’ireo lehibe tao an-tanàna izy ka nataony hoe:
–Ahoana moa izahay no hanome hanina ny tafikao? Efa eo ambany fahefànao sahady angaha i Zebaha sy i Tsalmonà?
7Dia hoy i Gedehôna hoe:
–Ho hitanareo izany fa rehefa hatolotry ny TOMPO eo an-tanako i Zebaha sy i Tsalmonà, dia horovitiko amin’ny tsilo sy songosongo avy any an-taniefitra ny hoditrareo.
8Avy teo i Gidehôna nankany Peniela#8.8 Peniela: tanàna eny amin’ny faritra atsinanan’i Jôrdàna, sady eo akaikin’i Sokôta (jereo Gen 32.31-32)., ary nilaza fangatahana tahaka izany koa tamin’ny mponina tao. Kanefa ny mponina tao Peniela dia namaly tahaka izay nataon’ny olona tao Sokôta ihany. 9Koa niteny tamin’ny mponina tao Peniela i Gidehôna hoe:
–Rehefa hiverina avy mandresy soa aman-tsara aho, dia horavako ny tilikambon’ny tanànanareo.
10I Zebaha sy i Tsalmonà tamin’io dia tao Karkôra#8.10 Karkôra: toerana tsy fantatra izay misy azy. niaraka tamin’ny andian-tafiny 15 eo ho eo. Izay no sisa tamin’ny tafik’ireo mpifindrafindra lasy avy any atsinanana, satria nahafatesana andian-tafika 120 nisy vatan-dehilahy kinga famely sabatra avokoa. 11Ny lalan’ny mpifindrafindra lasy, teo atsinanan’ny faritra misy ny tarika Nôba sy ny tanàna Jôgbôhà#8.11 Nôba: anaran’ny tarika iray ao amin’ny antsasa-pokon’i Manase eny atsinanan’i Jôrdàna (jereo Nom 32.42). I Jôgbôhà dia tanàna gadita eo amin’ny 13 km avaratra andrefan’i Hamàna (jereo Nom 32.35)., no narahin’i Gidehôna ka namelezany ny tobin’ny fahavalony izay tsy nanampo akory. 12Nitsoaka nandositra i Zebaha sy i Tsalmonà, mpanjaka midianita roa lahy, nefa nenjehin’i Gidehôna ka azony sambo-belona; dia izany no nampihorohoroany ny tafika midianita manontolo.
13Ary rehefa niverina avy niady i Gidehôna ka mby teo amin’ny fiakaran’i Heresa#8.13 Heresa: toerana tsy fantatra izay misy azy., 14dia nisambotra tovolahy iray avy ao Sokôta ary nanontany azy. Dia nomen’ilehio azy an-tsoratra ny anaran’ireo lehibe sy loholona tao Sokôta ka nisy 77 no isany. 15Avy eo dia nankany amin’ny mponina tao Sokôta i Gidehôna ka nanao taminy hoe:
–Indreto i Zebaha sy i Tsalmonà izay nanesoanareo ahy hoe: «Ahoana moa izahay no hanome hanina ny tafikao efa reraka? Efa eo ambany fahefànao sahady angaha i Zebaha sy i Tsalmonà?»
16Dia nalain’i Gidehôna ny tsilo sy ny songosongo avy tany an-taniefitra ka nofaiziny tamin’ireny ireo loholona tao Sokôta. 17Noravany koa ny tilikambon’i Peniela ary novonoiny ny mponina tao.
18Avy eo dia nanontany an’i Zebaha sy i Tsalmonà i Gidehôna hoe:
–Tahatahaka ny ahoana moa ireo lehilahy izay novonoinareo tao Tabôra#8.18 Tabôra: jereo Jos 19.22 sy nta. I Gidehôna dia mampahatsiahy ady iray tsy fantatra sady tsy mitovy amin’ilay voatantaran’ny toko faha-7.?
Dia novaliany hoe:
–Mitovy aminao izy. Miendrika zanak’andriamanjaka avokoa izy rehetra.
19Fa hoy i Gidehôna taminy:
–Rahalahiko, zanakalahin’ny reniko mihitsy ireny. Velona ny TOMPO ka mianiana aho fa raha tsy novonoinareo ho faty ireny, dia tsy hovonoiko ho faty koa ianareo!
20Ary nandidy an’i Jetera zanany lahimatoa i Gidehôna hoe:
–Mitsangàna, vonoy ho faty ireo#8.20 Ny havana akaikin’ny lehilahy matin’olon-kafa dia manana adidy hamono hahafaty an’ilay mpamono, jereo ohatra Nom 35.19-29; 2 Sam 3.27,30.!
Fa tsy sahy nanatsoaka ny sabany ilay zatovolahy, satria mbola tanora loatra izy ka natahotra. 21Dia hoy i Zebaha sy i Tsalmonà tamin’i Gidehôna:
–Aoka ny tenanao mihitsy no hamono hahafaty anay, satria adidin’ny lehilahy mahery fo ny manao izany!
Dia nitsangana i Gidehôna ka namono hahafaty ireo mpanjaka roa lahy; ary nalainy ny firavaka nihantona teny am-bozon’ireo ramevany.
Ny fiafaran’ny fiainan’i Gidehôna
22Taorian’izany dia hoy ny Israelita tamin’i Gidehôna:
–Aoka ianao no hanjaka aminay ary ny zanakalahinao sy ny zafinao no handimby anao, satria ianao no nanafaka anay tamin’ny Midianita.
23Fa novalian’i Gidehôna hoe:
–Tsia, tsy ho mpanjakanareo na ny tenako na ny zanakalahiko, fa ny TOMPO no ho mpanjakanareo.
24Saingy hoy indray i Gidehôna taminy:
–Izaho anefa te hangataka zavatra aminareo: aoka ianareo samy hanome ahy haba iray, nalaina tamin’ny babonareo avy!
Ny Midianita manko dia nitondra haba volamena toy ny lehilahy rehetra monina any an-taniefitra.
25Ka hoy ny navalin’ny Israelita an’i Gidehôna:
–Eny, fa homenay anao tokoa izany.
Dia namelatra lamba iray tamin’ny tany ireo ka samy nanipy haba volamena iray teo, dia haba nalain’ny isan’olona tamin’ny babony avy. 26Ny lanjan’ny volamena nangatahin’i Gidehôna dia nahatratra roapolo kilao. Nahazo izay firavaka sy kavina ary fitafiana jaky nentin’ireo mpanjaka midianita koa izy, ankoatra ireo rojo nandravaka ny vozon’ny ramevany. 27Ary ny volamena dia nanamboaran’i Gidehôna efôda izay napetrany tao Hofrà tanànany. Ary notompoin’ny Israelita rehetra toy ny sampy izany efôda izany, ka tonga fandrika ho an’i Gidehôna sy ny ankohonany.
28Resin’ny Israelita hatreo ny Midianita ka tsy nahatraka tamin’ny fahareseny intsony; koa nandry fahalemana ny tany nandritra ny efapolo taona nahaveloman’i Gidehôna.
29Ary i Jerobahala#8.29 Jerobahala: jereo 6.32. na hoe Gidehôna, zanakalahin’i Jôasy, dia niverina nonina tany an-tranony. 30Nanan-janakalahy fitopolo izy satria maro vady. 31Nisy vadikeliny tao Sekema, izay niterahany zanakalahy nantsoina hoe Abimelèka. 32Ary maty i Gidehôna rehefa tratra antitra tsara ka nalevina tao Hofrà, tanànan’ny tarika abihezerita, tao amin’ny fasan’i Jôasy rainy.
33Rehefa maty i Gidehôna, dia nanompo an’i Bahala indray ny Israelita ary nanao an’i Bahala-Berita#8.33 I Bahala-Berita dia toa andriamanitra sampy nivavahana tao Sekema (jereo 9.4) ho andriamaniny. 34Hadinony ny TOMPO Andriamaniny Izay nanafaka azy tamin’ny fahavalony rehetra nanodidina azy. 35Tsy nanehoany fitiavana koa ny ankohonan’i Jerobahala na Gidehôna, araka ny soa rehetra vitan’i Gidehôna tamin’i Israely.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.