Jôba 40
40
An’i Jôba indray no mamaly
1Dia nanontany an’i Jôba ny Tompo ka nanao hoe:
2Izaho Andriamanitra Tsitoha
no niadianao sy nifandiranao, ry Jôba.
Raha mbola hitsikera Ahy ianao,
dia valio izay rehetra voalazako izay?
3Fa namaly ny Tompo i Jôba ka nanao hoe:
4Tsinontsinona aho ka tsy manan-kavaly Anao.
Hitampim-bava no ataoko izao.
5Efa sahy niteny matetika aho,
ka tsy hamaly intsony, fa aoka izay.
Mihevitra ny tenany ho Andriamanitra ve i Jôba?
6Avy ao anaty tafio-drivotra ny Tompo no namaly an’i Jôba ka nanao hoe:
7Misikîna àry ho tena lehilahy,
fa hanontany anao Aho ka valio.
8Sahinao lavina tokoa ve ny fitsaràko
ka Izaho no diso fa ianao no marina?
9Manan-kery tahaka Ahy ve ianao
na mitalakotro-peo tahaka Ahy?
10Koa miravaha voninahitra sy fahalehibeazana
ary mitafia famirapiratana sy fiandrianana#40.10 famirapiratana sy fiandrianana: ampit Sal 96.6; 104.1; 111.3..
11Fijery mitsipalotra no amafazo
ny fahatezeranao misamboaravoara
dia ampietreo ny mpiavonavona rehetra.
12Eny, fijery mitsipalotra no anongany
an’ireo mpiavonavona rehetra;
ary eo amin’ny toerany eo ihany
no ataovy montsana ny olon-dratsy.
13Asitriho ao amin’ny tany miaraka izy rehetra
ary hidio ao amin’ny tranomaizim-pahafatesana.
14Fa Izaho mihitsy no hiarahaba anao
satria ny herinao no nampandresy anao.
Ny lalomena
15Jereo ange ny lalomena
fa samy noarîko na izy na ianao!
Mihinana ahitra tahaka ny omby izy;
16kanefa jereo ity hery ananany eo an-tehezany
ary koa ity tanjany eo amin’ny hoza-kibony.
17Henjaniny toa hazo sedera ny rambony;
mifaniditra eo amin’ny feny kosa ny hozabe.
18Ny taolany dia mafy toa fantsom-barahina
ary ny taolan-tehezany dia miendrika baravy.
19Anisan’ny sangan’asako izy
ka Izaho Andriamanitra nanao azy
no nanome sabatra azy.
20Mamoka-bilona ho an’ny lalomena ireo havoana
izay filalaovan’ny bibidia rehetra.
21Mandry anaty kirihitra feno tsilo izy
ary miafina anaty zozoro eny an-keniheny.
22Manalokaloka azy ny kirihitra
ary manarona azy ny hazomalahelo
eny amoron’ny ranon-driaka eny.
23Fa na dia misafoaka aza ny onjan-drano
dia tsy mba mihetsika akory ny lalomena;
tsy mampiraika azy akory i Jôrdàna
na dia mitroatra hatreny am-bavany aza.
24Fa iza moa no hahasambotra azy
ka hanapotsitra ny masony?
Iza moa no hahavoafandrika azy
ka hahaketoka ny orony?
Ny voay na ny dragona lehibe
25Mahajono ny voay#40.25 ny voay: na ny dragona lehibe, jereo 3.8 sy nta. amin’ny fintana va ianao
na mahafatotra ny lelany amin’ny tadim-pintana?
26Mahatsofoka harefo amin’ny orony va ianao
na mahagorobaka ny valanoranony amim-parango?
27Hifon-jato hifona arivo aminao va izy
na hanambitamby anao amin’ny teny mamy?
28Hanao fifanekena aminao ve izy
ka ho azonao andevozina mandra-pahafatiny?
29Hilalao azy toy ny filalao voronkely ve ianao
ka hamatotra azy ho fialambolin’ny zanakavavinao?
*
30Hikambana hivarotra ny voay ve ny mpanjono
ka hitsinjara azy amin’ny mpivarotra?
31Mahaloadoaka ny hodiny amin’ny tsilo ve ianao
na mahatrobaka ny lohany amin’ny firombaka?
32Fa kasiho tanana ange izy
dia hotsaroanao ny ady taminy
ary tsy hanindroa intsony ianao.
Voafantina amin'izao fotoana izao:
Jôba 40: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.
Jôba 40
40
An’i Jôba indray no mamaly
1Dia nanontany an’i Jôba ny Tompo ka nanao hoe:
2Izaho Andriamanitra Tsitoha
no niadianao sy nifandiranao, ry Jôba.
Raha mbola hitsikera Ahy ianao,
dia valio izay rehetra voalazako izay?
3Fa namaly ny Tompo i Jôba ka nanao hoe:
4Tsinontsinona aho ka tsy manan-kavaly Anao.
Hitampim-bava no ataoko izao.
5Efa sahy niteny matetika aho,
ka tsy hamaly intsony, fa aoka izay.
Mihevitra ny tenany ho Andriamanitra ve i Jôba?
6Avy ao anaty tafio-drivotra ny Tompo no namaly an’i Jôba ka nanao hoe:
7Misikîna àry ho tena lehilahy,
fa hanontany anao Aho ka valio.
8Sahinao lavina tokoa ve ny fitsaràko
ka Izaho no diso fa ianao no marina?
9Manan-kery tahaka Ahy ve ianao
na mitalakotro-peo tahaka Ahy?
10Koa miravaha voninahitra sy fahalehibeazana
ary mitafia famirapiratana sy fiandrianana#40.10 famirapiratana sy fiandrianana: ampit Sal 96.6; 104.1; 111.3..
11Fijery mitsipalotra no amafazo
ny fahatezeranao misamboaravoara
dia ampietreo ny mpiavonavona rehetra.
12Eny, fijery mitsipalotra no anongany
an’ireo mpiavonavona rehetra;
ary eo amin’ny toerany eo ihany
no ataovy montsana ny olon-dratsy.
13Asitriho ao amin’ny tany miaraka izy rehetra
ary hidio ao amin’ny tranomaizim-pahafatesana.
14Fa Izaho mihitsy no hiarahaba anao
satria ny herinao no nampandresy anao.
Ny lalomena
15Jereo ange ny lalomena
fa samy noarîko na izy na ianao!
Mihinana ahitra tahaka ny omby izy;
16kanefa jereo ity hery ananany eo an-tehezany
ary koa ity tanjany eo amin’ny hoza-kibony.
17Henjaniny toa hazo sedera ny rambony;
mifaniditra eo amin’ny feny kosa ny hozabe.
18Ny taolany dia mafy toa fantsom-barahina
ary ny taolan-tehezany dia miendrika baravy.
19Anisan’ny sangan’asako izy
ka Izaho Andriamanitra nanao azy
no nanome sabatra azy.
20Mamoka-bilona ho an’ny lalomena ireo havoana
izay filalaovan’ny bibidia rehetra.
21Mandry anaty kirihitra feno tsilo izy
ary miafina anaty zozoro eny an-keniheny.
22Manalokaloka azy ny kirihitra
ary manarona azy ny hazomalahelo
eny amoron’ny ranon-driaka eny.
23Fa na dia misafoaka aza ny onjan-drano
dia tsy mba mihetsika akory ny lalomena;
tsy mampiraika azy akory i Jôrdàna
na dia mitroatra hatreny am-bavany aza.
24Fa iza moa no hahasambotra azy
ka hanapotsitra ny masony?
Iza moa no hahavoafandrika azy
ka hahaketoka ny orony?
Ny voay na ny dragona lehibe
25Mahajono ny voay#40.25 ny voay: na ny dragona lehibe, jereo 3.8 sy nta. amin’ny fintana va ianao
na mahafatotra ny lelany amin’ny tadim-pintana?
26Mahatsofoka harefo amin’ny orony va ianao
na mahagorobaka ny valanoranony amim-parango?
27Hifon-jato hifona arivo aminao va izy
na hanambitamby anao amin’ny teny mamy?
28Hanao fifanekena aminao ve izy
ka ho azonao andevozina mandra-pahafatiny?
29Hilalao azy toy ny filalao voronkely ve ianao
ka hamatotra azy ho fialambolin’ny zanakavavinao?
*
30Hikambana hivarotra ny voay ve ny mpanjono
ka hitsinjara azy amin’ny mpivarotra?
31Mahaloadoaka ny hodiny amin’ny tsilo ve ianao
na mahatrobaka ny lohany amin’ny firombaka?
32Fa kasiho tanana ange izy
dia hotsaroanao ny ady taminy
ary tsy hanindroa intsony ianao.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.