Fitomaniana 2
2
Nirotsaka ho fahavalon’i Jerosalema ny Tompo
1Indrisy! Tezitra ny Tompo
ka nanaron-draho-mainty an’i Tsiôna.
Avy any an-danitra no nanjerany amin’ny tany
izay natao ho voninahitr’i Israely.
Tamin’ny androm-pahatezerany dia hadinony
fa i Tsiôna no fandiavan-tongony#2.1 fandiavan-tongony (ampit Sal 99.5; Mt 5.35): na hoe fonenany masina. .
2Naripaky ny Tompo tsy nisy indrafo avokoa
ny fonenan’ireo taranak’i Jakôba.
Noravany tam-pahavinirana
ny tanànamimandan’i Joda.
Nazerany amin’ny tany sy nalany baràka
ny fanjakana sy ny mpitondrany.
3Tamim-pahatezerana mirehitra no nanapotehany
izay rehetra nampirehareha an’i Israely.
Nihemotra tsy niditra an-tsehatra Izy
teo anatrehan’ny fahavalo.
Nandrehitra afom-pahatezerana Izy
hamelezana ireo taranak’i Jakôba,
ka toa afo miredareda nandevona manodidina.
4Nanenjan-tsipîka toy ny fahavalo Izy
ary naninji-tanana ankavanana hitifitra.
Niseho toy ny rafilahy Izy ka nandripaka
ny zavatra rehetra mahafinaritra ny masonay.
Ny fahatezerany dia nararany toy ny afo
teo ambonin’ny tempolin’i Tsiôna.
5Tonga toy ny fahavalonay ny Tompo,
ka nandripaka an’i Israely;
nandripaka ireo lapany rehetra Izy
ary nandrodana ireo mandany
ka nampitombo sento sy taraina
manerana ny vahoakan’i Joda.
6Noravany ny zaridaina sy ny tranobongony,
nosimbany ny toeram-pihaonany#2.6 Izao no tian-kambara: ny zaridaina dia i Palestinina; ny tranobongony dia i Jerosalema; ary ny toeram-pihaonany dia ao an-tempoly eo akaikin’ny Vatamasina mirakitra ny Fanekempihavanana..
Nataon’ny TOMPO hadino tao Tsiôna
ny andro fety sy ny sabata.
Tamin-katezerana mirehitra no nanesorany
ny mpanjaka mbamin’ny mpisorona.
7Nolavin’ny Tompo ny alitarany,
nilaozany ny Toeramasiny,
ary natolony ho eo an-tanam-pahavalo
ny mandan’ireo lapan’i Tsiôna.
Nisy akora lava tao an-tranon’ny TOMPO
tahaka ny amin’ny andro fety!
8Nanapa-kevitra ny TOMPO
fa handrava ny mandan’i Tsiôna.
Nampitoviany tantana ny rindrina voazera,
ka tsy nisalasala nandrodana Izy.
Nitrosina ny manda roa sosona
izay samy miara-mihasimba.
9Tototry ny tany ireo vavahadin’i Tsiôna;
nopotehina sy nomontsanina ny hidiny.
Ny mpanjaka sy ireo mpitondra
dia eo an-tanan’ny hafa firenena.
Tsy misy fampianaran’ny mpisorona intsony;
ary na ny mpaminany aza tsy mandray
hafatra avy amin’ny TOMPO.
10Mitorovoka amin’ny tany
sady mangina ny loholon’i Tsiôna;
norarahany vovoka ny lohany
sady mitafy gony izy.
Mitanondrika amin’ny tany
ireo tovovavin’i Jerosalema.
*
11Jembin-dranomaso ny masoko
ary mandevilevy ny fiontanako;
azon’ny famoizam-po aho
noho ny fahavoazan’ilay firenena mamiko,
fa matin-ketaheta ny zaza madinika sy minono
eny amin’ny kianjan’ny tanàna eny.
12Raha mitolefika toy ny olona maratra
eny an-kianjan’ny tanàna eny izy
na koa miala aina
eo am-pofoan-dreniny,
dia manontany an-dreniny hoe:
«Aiza izay hanina e?»
*
13Tsy haiko intsony izay holazaiko anao,
ry Jerosalema mamiko;
fa tsy misy azo anoharana izay manjo anao!
Inona no hampitahaiko aminao
mba hampiononako anao, ry Tsiôna mahonena?
Midadasika toy ny ranomasina ny ratranao;
ka tsy misy mahasitrana anao amin’izany.
14Hafatra mamitaka sy poaka aty
no nambaran’ny mpaminaninao taminao.
Tsy namaky bantsilana ny helokao izy
mba hiarovana anao tsy ho babo;
fa hafatra mamitaka sy manodoka
no nambarany taminao.
15Mitehaka noho ny faharavanao
izay rehetra mandalo amin’ity lalana ity,
velon-tsioka sy mihifikifi-doha izy#2.15 Momba ny fihetsika maneso; jereo Sal 22.8; 109.25.
maneso anao, ry Jerosalema mamiko:
«Ity tokoa ve ilay tanàna natao hoe
‹fanaperana amin’ny hatsaran-tarehy›
sy ‹fifalian’ny tany tontolo›?»
16Misoka-bava hankaloza anao
ny fahavalonao rehetra,
velon-tsioka sy mihidy vazana izy
ary miteny hoe: «Nataontsika levona io!
Tonga izao ny andro nandrasantsika;
tratrantsika izany ary hitantsika ihany!»
17Nataon’ny TOMPO izay efa nosaintsaininy,
notanterahiny izay nambarany,
dia izay efa notapahiny hatry ny ela:
nandravarava Izy ka tsy niantra.
Nampitotorebika ny fahavalo Izy noho ny nanjo anao
ary nampiakatra ny reharehan’ny mpandrafy anao#2.17 rehareha: dkt hafa hery. .
*
18Ny fon’ireo mponin’i Jerosalema
dia mitaraina amin’ny Tompo.
Andro aman’alina, ry mandan’i Tsiôna,
avelao ny ranomasonao hikoriana toy ny riaka.
Aza miato mihitsy ianao;
ary aza atsahatrao ny tomany#2.18 Ny mandan’i Tsiôna eto dia tsy rindrina fitomanian’ny olona fa rindrina mitomany: ekena fa ohatra matavy tapaka izany aseho an-tsary izay..
19Mitsangàna, miantsoantsoa fitarainana
isan’ora fiambenana amin’ny alina.
Toy ny rano atosaka no amborahy
ny ao am-ponao eo anatrehan’ny Tompo.
Asandrato aminy ny tananao#2.19 Asandrato aminy ny tananao: fihetsika fanao amin’ny vavaka; Jereo Sal 28.2 sy nta.
hiangavy ho an’ny ain’ireo zanakao madinika
izay manary aina noho ny hanoanana
eny an-joron-dalana rehetra eny.
*
20TOMPO ô, jereo ka diniho
ity nanaovanao ny vahoakanao!
Vehivavy ve no handeha hihinana
ny zanany naterany sy nokoloiny?
Ny mpisorona sy ny mpaminany ve
dia hovonoina eo amin’ny Toeramasinao?
21Na antitra na tanora dia maty
mitsitsitra eny an-dalambe.
Ny tovolahiko sy ny tovovaviko
dia samy matin’ny sabatra.
Novonoinao tamin’ny androm-pahatezeranao izy,
naringanao tsy nisy fiantrana.
22Toy ny amin’ny andro fety, TOMPO ô,
dia nantsoinao ireo mpampihorohoro manodidina ahy;
ka tamin’ny androm-pahatezeranao
dia tsy nisy sisa velona na afa-nitsoaka,
fa ireo ankizy notezaiko sy nokoloiko
dia naripaky ny fahavaloko avokoa.
Voafantina amin'izao fotoana izao:
Fitomaniana 2: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.
Fitomaniana 2
2
Nirotsaka ho fahavalon’i Jerosalema ny Tompo
1Indrisy! Tezitra ny Tompo
ka nanaron-draho-mainty an’i Tsiôna.
Avy any an-danitra no nanjerany amin’ny tany
izay natao ho voninahitr’i Israely.
Tamin’ny androm-pahatezerany dia hadinony
fa i Tsiôna no fandiavan-tongony#2.1 fandiavan-tongony (ampit Sal 99.5; Mt 5.35): na hoe fonenany masina. .
2Naripaky ny Tompo tsy nisy indrafo avokoa
ny fonenan’ireo taranak’i Jakôba.
Noravany tam-pahavinirana
ny tanànamimandan’i Joda.
Nazerany amin’ny tany sy nalany baràka
ny fanjakana sy ny mpitondrany.
3Tamim-pahatezerana mirehitra no nanapotehany
izay rehetra nampirehareha an’i Israely.
Nihemotra tsy niditra an-tsehatra Izy
teo anatrehan’ny fahavalo.
Nandrehitra afom-pahatezerana Izy
hamelezana ireo taranak’i Jakôba,
ka toa afo miredareda nandevona manodidina.
4Nanenjan-tsipîka toy ny fahavalo Izy
ary naninji-tanana ankavanana hitifitra.
Niseho toy ny rafilahy Izy ka nandripaka
ny zavatra rehetra mahafinaritra ny masonay.
Ny fahatezerany dia nararany toy ny afo
teo ambonin’ny tempolin’i Tsiôna.
5Tonga toy ny fahavalonay ny Tompo,
ka nandripaka an’i Israely;
nandripaka ireo lapany rehetra Izy
ary nandrodana ireo mandany
ka nampitombo sento sy taraina
manerana ny vahoakan’i Joda.
6Noravany ny zaridaina sy ny tranobongony,
nosimbany ny toeram-pihaonany#2.6 Izao no tian-kambara: ny zaridaina dia i Palestinina; ny tranobongony dia i Jerosalema; ary ny toeram-pihaonany dia ao an-tempoly eo akaikin’ny Vatamasina mirakitra ny Fanekempihavanana..
Nataon’ny TOMPO hadino tao Tsiôna
ny andro fety sy ny sabata.
Tamin-katezerana mirehitra no nanesorany
ny mpanjaka mbamin’ny mpisorona.
7Nolavin’ny Tompo ny alitarany,
nilaozany ny Toeramasiny,
ary natolony ho eo an-tanam-pahavalo
ny mandan’ireo lapan’i Tsiôna.
Nisy akora lava tao an-tranon’ny TOMPO
tahaka ny amin’ny andro fety!
8Nanapa-kevitra ny TOMPO
fa handrava ny mandan’i Tsiôna.
Nampitoviany tantana ny rindrina voazera,
ka tsy nisalasala nandrodana Izy.
Nitrosina ny manda roa sosona
izay samy miara-mihasimba.
9Tototry ny tany ireo vavahadin’i Tsiôna;
nopotehina sy nomontsanina ny hidiny.
Ny mpanjaka sy ireo mpitondra
dia eo an-tanan’ny hafa firenena.
Tsy misy fampianaran’ny mpisorona intsony;
ary na ny mpaminany aza tsy mandray
hafatra avy amin’ny TOMPO.
10Mitorovoka amin’ny tany
sady mangina ny loholon’i Tsiôna;
norarahany vovoka ny lohany
sady mitafy gony izy.
Mitanondrika amin’ny tany
ireo tovovavin’i Jerosalema.
*
11Jembin-dranomaso ny masoko
ary mandevilevy ny fiontanako;
azon’ny famoizam-po aho
noho ny fahavoazan’ilay firenena mamiko,
fa matin-ketaheta ny zaza madinika sy minono
eny amin’ny kianjan’ny tanàna eny.
12Raha mitolefika toy ny olona maratra
eny an-kianjan’ny tanàna eny izy
na koa miala aina
eo am-pofoan-dreniny,
dia manontany an-dreniny hoe:
«Aiza izay hanina e?»
*
13Tsy haiko intsony izay holazaiko anao,
ry Jerosalema mamiko;
fa tsy misy azo anoharana izay manjo anao!
Inona no hampitahaiko aminao
mba hampiononako anao, ry Tsiôna mahonena?
Midadasika toy ny ranomasina ny ratranao;
ka tsy misy mahasitrana anao amin’izany.
14Hafatra mamitaka sy poaka aty
no nambaran’ny mpaminaninao taminao.
Tsy namaky bantsilana ny helokao izy
mba hiarovana anao tsy ho babo;
fa hafatra mamitaka sy manodoka
no nambarany taminao.
15Mitehaka noho ny faharavanao
izay rehetra mandalo amin’ity lalana ity,
velon-tsioka sy mihifikifi-doha izy#2.15 Momba ny fihetsika maneso; jereo Sal 22.8; 109.25.
maneso anao, ry Jerosalema mamiko:
«Ity tokoa ve ilay tanàna natao hoe
‹fanaperana amin’ny hatsaran-tarehy›
sy ‹fifalian’ny tany tontolo›?»
16Misoka-bava hankaloza anao
ny fahavalonao rehetra,
velon-tsioka sy mihidy vazana izy
ary miteny hoe: «Nataontsika levona io!
Tonga izao ny andro nandrasantsika;
tratrantsika izany ary hitantsika ihany!»
17Nataon’ny TOMPO izay efa nosaintsaininy,
notanterahiny izay nambarany,
dia izay efa notapahiny hatry ny ela:
nandravarava Izy ka tsy niantra.
Nampitotorebika ny fahavalo Izy noho ny nanjo anao
ary nampiakatra ny reharehan’ny mpandrafy anao#2.17 rehareha: dkt hafa hery. .
*
18Ny fon’ireo mponin’i Jerosalema
dia mitaraina amin’ny Tompo.
Andro aman’alina, ry mandan’i Tsiôna,
avelao ny ranomasonao hikoriana toy ny riaka.
Aza miato mihitsy ianao;
ary aza atsahatrao ny tomany#2.18 Ny mandan’i Tsiôna eto dia tsy rindrina fitomanian’ny olona fa rindrina mitomany: ekena fa ohatra matavy tapaka izany aseho an-tsary izay..
19Mitsangàna, miantsoantsoa fitarainana
isan’ora fiambenana amin’ny alina.
Toy ny rano atosaka no amborahy
ny ao am-ponao eo anatrehan’ny Tompo.
Asandrato aminy ny tananao#2.19 Asandrato aminy ny tananao: fihetsika fanao amin’ny vavaka; Jereo Sal 28.2 sy nta.
hiangavy ho an’ny ain’ireo zanakao madinika
izay manary aina noho ny hanoanana
eny an-joron-dalana rehetra eny.
*
20TOMPO ô, jereo ka diniho
ity nanaovanao ny vahoakanao!
Vehivavy ve no handeha hihinana
ny zanany naterany sy nokoloiny?
Ny mpisorona sy ny mpaminany ve
dia hovonoina eo amin’ny Toeramasinao?
21Na antitra na tanora dia maty
mitsitsitra eny an-dalambe.
Ny tovolahiko sy ny tovovaviko
dia samy matin’ny sabatra.
Novonoinao tamin’ny androm-pahatezeranao izy,
naringanao tsy nisy fiantrana.
22Toy ny amin’ny andro fety, TOMPO ô,
dia nantsoinao ireo mpampihorohoro manodidina ahy;
ka tamin’ny androm-pahatezeranao
dia tsy nisy sisa velona na afa-nitsoaka,
fa ireo ankizy notezaiko sy nokoloiko
dia naripaky ny fahavaloko avokoa.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.