Nomerỳ 11
11
Ny Israelita tao Tabiherà
1Indray andro dia nanao fitarainana tamin’ny TOMPO ireo Israelita. Rehefa nahare izany ny TOMPO, dia tezitra mafy ary nandefa ny afony ka nandoro ny vahoaka sy nandevona ny sisin’ny toby. 2Dia nitalaho sy nikiakiaka tamin’i Mosesy ny vahoaka; koa nifona tamin’ny TOMPO i Mosesy, dia maty ny afo. 3Ny anaran’izany toerana izany dia natao hoe Tabiherà na Fandoroana, satria teo ny Israelita no voadoron’ny afon’ny TOMPO.
Nitaky hena ny vahoaka
4Nisy vahiny maro samy hafa fiaviana tafaharo tamin’ny Israelita izay liana te hihinan-kena aoka izany; ary ny Israelita koa dia nanomboka nitaraina indray ka nitomany hoe: «Iza no hanome hena hohaninay? 5Tsaroanay ny trondro nohanina maimaimpoana tany Ejipta, ny voatango, ny voanketsihetsy, ny tongolobe, ny tongolo isan-karazany. 6Izao anefa maina ny tenda; tsy misy na inona na inona mba hitanay afa-tsy ny mana ihany!»
7Ny mana dia mitovy amin’ny voan-drafy sady miloko mavofotsy tahaka ny bideliôma#11.7 Momba ny mana dia jereo Eks 16.31 sy nta. –Ny rafy etoana dia anaran-kazo madinika misy voany; ny bideliôma dia hazo madinika fahita any Arabia ary mamokatra dity manitra tena ankafizin’ny olona; ampit Gen 2.12.. 8-9Amin’ny alina no nilatsaka teo amin’ny toby miaraka amin’ando izy#11.9 Jereo Eks 16.13-15.. Amin’ny maraina kosa dia miparitaka manangona azy ny olona; totoina amin’ny vatobe fikosehana na amin’ny laona izany, dia ahandroina amin’ny vilany na atao mofo. Mitovy amin’ny an’ny mofomamy misy menaka ny tsirony.
10Ren’i Mosesy fa samy nitomany isam-pianakaviany teo am-baravaran’ny lainy avy ny vahoaka. Nirehitra aoka izany ny fahatezeran’ny TOMPO. Ary nalahelo mafy i Mosesy 11ka niteny tamin’ny TOMPO hoe:
–Nahoana izaho mpanomponao no ampahorianao toy izao? ary nahoana no tsy anehoanao hatsarampo aho fa ampitondrainao enta-mavesatra amin’ny fitondrana ity firenena manontolo ity? 12Moa ve izaho no torontoronina an’ireo vahoaka rehetra ireo! Sa izaho ve no niteraka azy no ilazanao hoe: «Trotroy eo an-tratranao toy ny fitrotron’ny mpitaiza zaza izy, mandra-pahatonga azy any amin’ny tany izay nianianako tamin’ny razany fa homena azy». 13Aiza no hahitako hena homena ireo vahoaka rehetra ireo izay mitomany amiko hoe: «Omeo hena izahay hohaninay»? 14Tsy zakako samirery ireo vahoaka rehetra ireo fa mavesatra loatra amiko. 15Raha toy izany no hanaovanao ahy, dia vonoy mihitsy aho ho faty. Izany ahay no hanehoanao hatsarampo amiko; fa aza avela hahita ny fahoriako intsony aho.
16Dia hoy ny TOMPO tamin’i Mosesy:
–Anangòny fitopolo lahy amin’ny loholon’i Israely aho, dia izay fantatrao fa loholona sy tompon’andraikitra amin’ny vahoaka. Ento miaraka aminao ao amin’ny Tranolay fihaonana izy. 17Fa hidina eo Aho ka hiteny aminao; ary haka amin’ny fanahy izay nomeko anao Aho ka hametraka izany amin’izy ireo mba hiarahany mitondra aminao ity firenena ity; koa tsy ianao irery intsony no hitondra azy. 18Ny amin’ny vahoaka kosa dia izao no holazainao azy: «Diovy ny tenanareo ho amin’ny rahampitso, fa hahazo hena hohanina ianareo, satria ny TOMPO efa nandre ny fitarainanareo hoe: ‹Iza no hanome hena hohaninay? Fa sambatra izahay tany Ejipta›. Homen’ny TOMPO hena ianareo, ka hihinana tokoa ianareo. 19Tsy andro iray na roa na koa andro dimy na folo na roapolo aza no hihinananareo izany, 20fa iray volana maninjitra manda-pahafeno hatreny am-bavoronareo ka hampaharikoriko anareo. Ho sazinareo izany noho ny nandavanareo ny TOMPO Izay eo aminareo sy ny nitomanianareo teo anatrehany hoe: ‹Nahoana re no niala tany Ejipta izahay?› »
21Dia hoy i Mosesy hoe:
–Ireo vahoaka manodidina ahy ireo dia ahitana miaramila mpandeha an-tongotra misy andiany eninjato#11.21 misy andiany eninjato: misy manao hoe miisa enina hetsy kanefa toa be loatra, raha oharina amin’ny tokony ho isan’ny Israelita fahizay. Jereo 1.45 sy nta., ka hoy Ianao hoe: «Homeko hena izy ka hihinana izany iray volana maninjitra!» 22Fa na dia ny ondry aman’osy ary ny ombiny rehetra aza no hovonoina ho azy ireo, dia tsy ho ampy azy izany. Na ny trondro rehetra any an-dranomasina aza no haratoina ho azy ireo, dia mbola tsy ho ampy azy koa.
23Fa hoy ny TOMPO tamin’i Mosesy:
–Ary ny heriko, moa mba misy fetrany va? Ho hitanao izao ankehitriny izao na ho tanteraka aminao ny teniko na tsia.
Nomen’Andriamanitra ny fanahiny ny loholona fitopolo lahy
24Nisinda kely i Mosesy ka nilaza ny tenin’ny TOMPO tamin’ny vahoaka. Nangoniny avy eo ireo fitopolo lahy tamin’ny loholom-bahoaka, dia napetrany nanodidina ny Tranolay fihaonana. 25Ary nidina teo amin’ny rahona ny TOMPO#11.25 Jereo Eks 13.21 sy nta. ka niresaka tamin’i Mosesy. Nangalany ny fanahy tamin’i Mosesy ka nanomezany ho an’ny loholona fitopolo lahy. Ary raha vao nipetraka tamin’izy ireo ny fanahy, dia nanomboka naminany izy ireo, nefa tsy notohizany izany.
26Fa nisy olona anankiroa nijanona tao an-toby, i Eldada no anaran’ny iray ary i Medada kosa ny iray; anisan’ny loholona fitopolo lahy izy ireo, nefa tsy mba lasa nankany amin’ny Tranolay. Nahazo ny fanahy koa izy ireo ary dia naminany tao an-toby. 27Nihazakazaka nampandre an’i Mosesy ny tovolahy iray ka nanao hoe:
–Maminany ao an-toby i Eldada sy i Medada.
28Dia loa-bolana i Josoa, zanakalahin’i Nona sady mpanompon’i Mosesy hatramin’ny fahatanorany, ka nanao hoe:
–Ry Mosesy tompoko, mba rarao re izy roa lahy.
29Fa hoy i Mosesy taminy:
–Moa mialona azy noho ny amiko ve ianao? Enga anie homen’ny TOMPO ny Fanahiny avokoa ny vahoakany rehetra ka ho tonga mpaminany!
30Dia niverina nankao an-toby indray i Mosesy sy ireto loholona.
Tao Kibrôty-Taavà: ny papelika
31Fa ny TOMPO nampitsoka rivotra mifofofofo avy any an-dranomasina izay nitondra papelika ka nampihahaka ireny teo amin’ny toby. Feno azy avokoa ny manodidina ny toby tokony ho lalana indray andro ary tokony ho iray metatra miala amin’ny tany ny hateviny. 32Dia nitsangana tontolo andro sy tontolo alina ary koa ny ampitso tontolo ny vahoaka mba hanangona papelika; ary izay nahangona kely indrindra no nanana aman-taonina. Dia nahahiny ho maina manodidina ny toby ireny. 33Fa raha mbola tsy voatsako tao am-bavany akory ny hena, dia nirehi-pahatezerana tamin’ny vahoaka ny TOMPO, ka namely azy tamin’ny areti-mandringana. 34Dia natao hoe Kibrôty-Taavà na hoe Fasan’ny Fahalian-kanina ny anaran’izany toerana izany, satria teo no nandevenana ireo olona lian-kena.
35Dia niala tao Kibrôty-Taavà ny Israelita ka nankany Hatserôta ary nitoby tao.
Voafantina amin'izao fotoana izao:
Nomerỳ 11: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.
Nomerỳ 11
11
Ny Israelita tao Tabiherà
1Indray andro dia nanao fitarainana tamin’ny TOMPO ireo Israelita. Rehefa nahare izany ny TOMPO, dia tezitra mafy ary nandefa ny afony ka nandoro ny vahoaka sy nandevona ny sisin’ny toby. 2Dia nitalaho sy nikiakiaka tamin’i Mosesy ny vahoaka; koa nifona tamin’ny TOMPO i Mosesy, dia maty ny afo. 3Ny anaran’izany toerana izany dia natao hoe Tabiherà na Fandoroana, satria teo ny Israelita no voadoron’ny afon’ny TOMPO.
Nitaky hena ny vahoaka
4Nisy vahiny maro samy hafa fiaviana tafaharo tamin’ny Israelita izay liana te hihinan-kena aoka izany; ary ny Israelita koa dia nanomboka nitaraina indray ka nitomany hoe: «Iza no hanome hena hohaninay? 5Tsaroanay ny trondro nohanina maimaimpoana tany Ejipta, ny voatango, ny voanketsihetsy, ny tongolobe, ny tongolo isan-karazany. 6Izao anefa maina ny tenda; tsy misy na inona na inona mba hitanay afa-tsy ny mana ihany!»
7Ny mana dia mitovy amin’ny voan-drafy sady miloko mavofotsy tahaka ny bideliôma#11.7 Momba ny mana dia jereo Eks 16.31 sy nta. –Ny rafy etoana dia anaran-kazo madinika misy voany; ny bideliôma dia hazo madinika fahita any Arabia ary mamokatra dity manitra tena ankafizin’ny olona; ampit Gen 2.12.. 8-9Amin’ny alina no nilatsaka teo amin’ny toby miaraka amin’ando izy#11.9 Jereo Eks 16.13-15.. Amin’ny maraina kosa dia miparitaka manangona azy ny olona; totoina amin’ny vatobe fikosehana na amin’ny laona izany, dia ahandroina amin’ny vilany na atao mofo. Mitovy amin’ny an’ny mofomamy misy menaka ny tsirony.
10Ren’i Mosesy fa samy nitomany isam-pianakaviany teo am-baravaran’ny lainy avy ny vahoaka. Nirehitra aoka izany ny fahatezeran’ny TOMPO. Ary nalahelo mafy i Mosesy 11ka niteny tamin’ny TOMPO hoe:
–Nahoana izaho mpanomponao no ampahorianao toy izao? ary nahoana no tsy anehoanao hatsarampo aho fa ampitondrainao enta-mavesatra amin’ny fitondrana ity firenena manontolo ity? 12Moa ve izaho no torontoronina an’ireo vahoaka rehetra ireo! Sa izaho ve no niteraka azy no ilazanao hoe: «Trotroy eo an-tratranao toy ny fitrotron’ny mpitaiza zaza izy, mandra-pahatonga azy any amin’ny tany izay nianianako tamin’ny razany fa homena azy». 13Aiza no hahitako hena homena ireo vahoaka rehetra ireo izay mitomany amiko hoe: «Omeo hena izahay hohaninay»? 14Tsy zakako samirery ireo vahoaka rehetra ireo fa mavesatra loatra amiko. 15Raha toy izany no hanaovanao ahy, dia vonoy mihitsy aho ho faty. Izany ahay no hanehoanao hatsarampo amiko; fa aza avela hahita ny fahoriako intsony aho.
16Dia hoy ny TOMPO tamin’i Mosesy:
–Anangòny fitopolo lahy amin’ny loholon’i Israely aho, dia izay fantatrao fa loholona sy tompon’andraikitra amin’ny vahoaka. Ento miaraka aminao ao amin’ny Tranolay fihaonana izy. 17Fa hidina eo Aho ka hiteny aminao; ary haka amin’ny fanahy izay nomeko anao Aho ka hametraka izany amin’izy ireo mba hiarahany mitondra aminao ity firenena ity; koa tsy ianao irery intsony no hitondra azy. 18Ny amin’ny vahoaka kosa dia izao no holazainao azy: «Diovy ny tenanareo ho amin’ny rahampitso, fa hahazo hena hohanina ianareo, satria ny TOMPO efa nandre ny fitarainanareo hoe: ‹Iza no hanome hena hohaninay? Fa sambatra izahay tany Ejipta›. Homen’ny TOMPO hena ianareo, ka hihinana tokoa ianareo. 19Tsy andro iray na roa na koa andro dimy na folo na roapolo aza no hihinananareo izany, 20fa iray volana maninjitra manda-pahafeno hatreny am-bavoronareo ka hampaharikoriko anareo. Ho sazinareo izany noho ny nandavanareo ny TOMPO Izay eo aminareo sy ny nitomanianareo teo anatrehany hoe: ‹Nahoana re no niala tany Ejipta izahay?› »
21Dia hoy i Mosesy hoe:
–Ireo vahoaka manodidina ahy ireo dia ahitana miaramila mpandeha an-tongotra misy andiany eninjato#11.21 misy andiany eninjato: misy manao hoe miisa enina hetsy kanefa toa be loatra, raha oharina amin’ny tokony ho isan’ny Israelita fahizay. Jereo 1.45 sy nta., ka hoy Ianao hoe: «Homeko hena izy ka hihinana izany iray volana maninjitra!» 22Fa na dia ny ondry aman’osy ary ny ombiny rehetra aza no hovonoina ho azy ireo, dia tsy ho ampy azy izany. Na ny trondro rehetra any an-dranomasina aza no haratoina ho azy ireo, dia mbola tsy ho ampy azy koa.
23Fa hoy ny TOMPO tamin’i Mosesy:
–Ary ny heriko, moa mba misy fetrany va? Ho hitanao izao ankehitriny izao na ho tanteraka aminao ny teniko na tsia.
Nomen’Andriamanitra ny fanahiny ny loholona fitopolo lahy
24Nisinda kely i Mosesy ka nilaza ny tenin’ny TOMPO tamin’ny vahoaka. Nangoniny avy eo ireo fitopolo lahy tamin’ny loholom-bahoaka, dia napetrany nanodidina ny Tranolay fihaonana. 25Ary nidina teo amin’ny rahona ny TOMPO#11.25 Jereo Eks 13.21 sy nta. ka niresaka tamin’i Mosesy. Nangalany ny fanahy tamin’i Mosesy ka nanomezany ho an’ny loholona fitopolo lahy. Ary raha vao nipetraka tamin’izy ireo ny fanahy, dia nanomboka naminany izy ireo, nefa tsy notohizany izany.
26Fa nisy olona anankiroa nijanona tao an-toby, i Eldada no anaran’ny iray ary i Medada kosa ny iray; anisan’ny loholona fitopolo lahy izy ireo, nefa tsy mba lasa nankany amin’ny Tranolay. Nahazo ny fanahy koa izy ireo ary dia naminany tao an-toby. 27Nihazakazaka nampandre an’i Mosesy ny tovolahy iray ka nanao hoe:
–Maminany ao an-toby i Eldada sy i Medada.
28Dia loa-bolana i Josoa, zanakalahin’i Nona sady mpanompon’i Mosesy hatramin’ny fahatanorany, ka nanao hoe:
–Ry Mosesy tompoko, mba rarao re izy roa lahy.
29Fa hoy i Mosesy taminy:
–Moa mialona azy noho ny amiko ve ianao? Enga anie homen’ny TOMPO ny Fanahiny avokoa ny vahoakany rehetra ka ho tonga mpaminany!
30Dia niverina nankao an-toby indray i Mosesy sy ireto loholona.
Tao Kibrôty-Taavà: ny papelika
31Fa ny TOMPO nampitsoka rivotra mifofofofo avy any an-dranomasina izay nitondra papelika ka nampihahaka ireny teo amin’ny toby. Feno azy avokoa ny manodidina ny toby tokony ho lalana indray andro ary tokony ho iray metatra miala amin’ny tany ny hateviny. 32Dia nitsangana tontolo andro sy tontolo alina ary koa ny ampitso tontolo ny vahoaka mba hanangona papelika; ary izay nahangona kely indrindra no nanana aman-taonina. Dia nahahiny ho maina manodidina ny toby ireny. 33Fa raha mbola tsy voatsako tao am-bavany akory ny hena, dia nirehi-pahatezerana tamin’ny vahoaka ny TOMPO, ka namely azy tamin’ny areti-mandringana. 34Dia natao hoe Kibrôty-Taavà na hoe Fasan’ny Fahalian-kanina ny anaran’izany toerana izany, satria teo no nandevenana ireo olona lian-kena.
35Dia niala tao Kibrôty-Taavà ny Israelita ka nankany Hatserôta ary nitoby tao.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.