Ohabolana 28
28
1Mandositra ny olon-dratsy na dia tsy misy manenjika azy,
fa ny olo-marina kosa matoky tena toy ny liona tanora.
2Rehefa mikorontana ny tany,
dia maro mpitondra mifanolosolo.
Fa manjaka kosa ny filaminana
noho ny olona iray manan-tsaina sy mahay.
3Tahaka ny oram-batravatra izay mandrava vokatra
ny olon-dozabe#28.3 olon-dozabe: araka ny dkt tranainy grika; ny RM kosa manao hoe olo-mahantra. izay mampahory ny mahantra.
4Izay mahafoy ny lalàna dia mandoka ny olon-dratsy,
fa izay mitandrina izany kosa miady aminy.
5Ny olon-dratsy tsy mahafantatra ny rariny,
fa izay mitady ny TOMPO mahalala ny zava-drehetra.
6Aleo ny mahantra mizotra tsy misy tsiny,
toy izay ny mpanankarena miolikolika fitondrantena.
7Ny zanaka manana fahaiza-manavaka
dia mitandrina ny lalànan’ny Tompo;
fa izay misakaiza amin’ny naman-dratsy
dia manome henatra ny rainy.
8Izay mitombo harena amin’ny zana-bola mihoa-pampana
dia manangona ho an’izay miantra ny mahantra.
9Izay manampin-tsofina tsy hihaino ny lalàna,
na ny vavaka ataony aza dia maharikoriko ny Tompo.
10Izay mitarika ny olo-mahitsy amin’ny lalan-dratsy
dia mamarin-tena amin’ny fandrika nataony;
fa hahazo hasambarana kosa ny olona tsy misy tsiny.
11Mihevi-tena ho hendry ny mpanankarena,
fa hamaky bantsilana azy ny mahantra mahay manavaka.
12Rehefa mandresy ny olo-marina, dia ankalazain’ny besinimaro;
fa rehefa ny olon-dratsy no mahery, dia ieren’ny olona.
13Izay manafina ny fahotany tsy mba hahita fahombiazana,
fa izay miaiky izany ka miala aminy no hahazo indrafo.
14Sambatra ny olona izay manaja ny Tompo mandrakariva,
fa izay manamafy ny fony kosa hidiran-doza.
15Tahaka ny liona mierona sy orsa noana ny olon-dratsy
izay manapaka amin’ny vahoaka mahantra.
16Mampitombo famoretana ny mpanapaka tsy ampy saina;
fa ho ela velona kosa izay mankahala fierenana.
17Handositra hatrany am-pasana
ny olona izay enjehin’ny eritreriny
noho izy nahafaty olona:
aoka tsy hisy hisakana azy!
18Izay mizotra tsy misy tsiny no ho voavonjy
fa izay miolikolika fitondrantena no ho lavo tampoka.
19Izay miasa ny taniny ho voky hanina,
fa izay mamboly hevidravina kosa ho voky fahantrana.
20Ho ampoky ny fitahiana ny olona mahatoky
fa tsy hieren-doza kosa ny maika hanan-karena.
21Tsy tsara ny mizaha tavan’olona;
kanefa na dia sombi-mofo ihany aza
dia mety hanotan’ny olona amin’izany.
22Maika ny hanan-karena ny mpitsiriritra
saingy tsy fantany fa ho avy aminy ny fahantrana.
23Izay mananatra olona dia hahazo sitraka
bebe kokoa amin’ny farany
noho izay manao teny mandodoka azy.
24Izay mandroba ny rainy sy ny reniny
ka manao hoe: «Tsy fahotana izany»,
dia naman’ny jiolahy.
25Ny olona tia tena loatra no manetsika ady;
fa izay matoky ny TOMPO kosa ho tretrika.
26Adala izay mitompo teny fantatra,
fa izay mandeha amim-pahendrena no ho voavonjy.
27Izay manome ny mahantra tsy hanan-java-mahory,
fa izay mikimpy tsy mijery azy kosa ho rakotra ozona.
28Rehefa mahery ny olon-dratsy, dia ieren’ny olona;
fa rehefa ringana kosa ireo, dia ny olo-marina no mitondra.
Voafantina amin'izao fotoana izao:
Ohabolana 28: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.
Ohabolana 28
28
1Mandositra ny olon-dratsy na dia tsy misy manenjika azy,
fa ny olo-marina kosa matoky tena toy ny liona tanora.
2Rehefa mikorontana ny tany,
dia maro mpitondra mifanolosolo.
Fa manjaka kosa ny filaminana
noho ny olona iray manan-tsaina sy mahay.
3Tahaka ny oram-batravatra izay mandrava vokatra
ny olon-dozabe#28.3 olon-dozabe: araka ny dkt tranainy grika; ny RM kosa manao hoe olo-mahantra. izay mampahory ny mahantra.
4Izay mahafoy ny lalàna dia mandoka ny olon-dratsy,
fa izay mitandrina izany kosa miady aminy.
5Ny olon-dratsy tsy mahafantatra ny rariny,
fa izay mitady ny TOMPO mahalala ny zava-drehetra.
6Aleo ny mahantra mizotra tsy misy tsiny,
toy izay ny mpanankarena miolikolika fitondrantena.
7Ny zanaka manana fahaiza-manavaka
dia mitandrina ny lalànan’ny Tompo;
fa izay misakaiza amin’ny naman-dratsy
dia manome henatra ny rainy.
8Izay mitombo harena amin’ny zana-bola mihoa-pampana
dia manangona ho an’izay miantra ny mahantra.
9Izay manampin-tsofina tsy hihaino ny lalàna,
na ny vavaka ataony aza dia maharikoriko ny Tompo.
10Izay mitarika ny olo-mahitsy amin’ny lalan-dratsy
dia mamarin-tena amin’ny fandrika nataony;
fa hahazo hasambarana kosa ny olona tsy misy tsiny.
11Mihevi-tena ho hendry ny mpanankarena,
fa hamaky bantsilana azy ny mahantra mahay manavaka.
12Rehefa mandresy ny olo-marina, dia ankalazain’ny besinimaro;
fa rehefa ny olon-dratsy no mahery, dia ieren’ny olona.
13Izay manafina ny fahotany tsy mba hahita fahombiazana,
fa izay miaiky izany ka miala aminy no hahazo indrafo.
14Sambatra ny olona izay manaja ny Tompo mandrakariva,
fa izay manamafy ny fony kosa hidiran-doza.
15Tahaka ny liona mierona sy orsa noana ny olon-dratsy
izay manapaka amin’ny vahoaka mahantra.
16Mampitombo famoretana ny mpanapaka tsy ampy saina;
fa ho ela velona kosa izay mankahala fierenana.
17Handositra hatrany am-pasana
ny olona izay enjehin’ny eritreriny
noho izy nahafaty olona:
aoka tsy hisy hisakana azy!
18Izay mizotra tsy misy tsiny no ho voavonjy
fa izay miolikolika fitondrantena no ho lavo tampoka.
19Izay miasa ny taniny ho voky hanina,
fa izay mamboly hevidravina kosa ho voky fahantrana.
20Ho ampoky ny fitahiana ny olona mahatoky
fa tsy hieren-doza kosa ny maika hanan-karena.
21Tsy tsara ny mizaha tavan’olona;
kanefa na dia sombi-mofo ihany aza
dia mety hanotan’ny olona amin’izany.
22Maika ny hanan-karena ny mpitsiriritra
saingy tsy fantany fa ho avy aminy ny fahantrana.
23Izay mananatra olona dia hahazo sitraka
bebe kokoa amin’ny farany
noho izay manao teny mandodoka azy.
24Izay mandroba ny rainy sy ny reniny
ka manao hoe: «Tsy fahotana izany»,
dia naman’ny jiolahy.
25Ny olona tia tena loatra no manetsika ady;
fa izay matoky ny TOMPO kosa ho tretrika.
26Adala izay mitompo teny fantatra,
fa izay mandeha amim-pahendrena no ho voavonjy.
27Izay manome ny mahantra tsy hanan-java-mahory,
fa izay mikimpy tsy mijery azy kosa ho rakotra ozona.
28Rehefa mahery ny olon-dratsy, dia ieren’ny olona;
fa rehefa ringana kosa ireo, dia ny olo-marina no mitondra.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.