Salamo 22
22
SALAMO Antso ataon’ny efa trotraka
1 Tao amin’ny tahirin-kiran’ny filohan’antoko-mpihira. Hohiraina araka ny feon’ny hoe «Ny dieravavy, fony mazavatsinanana». Salamo nataon’i Davida.
2Andriamanitro ô, Andriamanitro ô
nahoana no dia nilaozanao aho#22.2 Ny fiandohan’ny and 2 dia voatsiahin’i Jesoa voahombo teo ambony hazofijaliana araka ny Mt 27.46; Mk 15.34.?
Nahoana no mijanona eny lavitra eny Ianao
ka tsy mamonjy ahy na mihaino ny tarainako?
3Mandritra ny andro aho miantso Anao
saingy tsy valianao, Andriamanitro ô;
ary miantso koa aho amin’ny alina,
saingy tsy mahazo fiononana.
4Kanefa mipetraka an-tsezafiandrianana
Ianao, ry ilay Andriamanitra masina
Izay fidèran’i Israely vahoakanao.
5Nitoky taminao ireo razanay;
natoky Anao izy ka tsy diso fanantenana,
6niantso vonjy taminao ka nafahanao,
natoky Anao ka tsy diso fanantenana.
7Efa toy ny kankana aho fa tsy olona intsony,
ka sady voaompa no lavin’ny vahoaka;
8izay mahita ahy dia maneso avokoa,
manondro molotra, mihifikifi-doha#22.8 Jereo Mt 27.39; Mk 15.29; ampit Sal 109.25..
9Ka hoy izy ireo ny amiko hoe:
«Ny TOMPO no itokiany ka aoka hanavotra;
eny tia azy Izy, ka aoka hanafaka#22.9 Momba ny and manontolo, jereo Mt 27.43.!»
10Ianao, Tompo ô, no namoaka ahy
mba hiala avy tao an-kibon-dreniko
ka nampandry ahy teo an-trotroany.
11Vao teraka aho, dia nankinina taminao;
mbola tany am-bohoka aho, efa Andriamanitro Ianao.
12Koa aza manalavitra ahy fa akaiky izao ny loza;
ary izay hamonjy ahy dia tsy misy mihitsy.
13Ireo fahavaloko no mitangorona amiko
toa ombilahy maro manemitra ahy,
toa ombilahy masiaka avy any Basàna.
14Misanasana vava hamely ahy ireny,
mova tsy liona mandrotika sy mierona.
15Very hery toy ny rano mihanaka aho,
ary mivahavaha ny taolako rehetra;
toa savoka ny foko ka miempo ato anatiko.
16Maina toy ny tavim-bilany ny tendako;
miraikitra amin’ny lanilaniko ny lelako.
Toa ao amin’ny vovoky ny fahafatesana
no efa ametrahan’ny fahavaloko ahy.
17Andian’olon-dratsy no mitangorona amiko
toa alika maromaro manodidina ahy;
nafatotr’ireo ny tongotra aman-tanako.
18Ny taolako rehetra no sisa hita, satria mahia aho
ka jeren’ireo fotsiny sady angarihany;
19ifampizaràny ny fitafiako
ary ataony antsapaka ny akanjoko#22.19 Jereo Mt 27.35; Mk 15.24; Lk 23.34; Jôh 19.24..
20Ianao kosa, TOMPO ô, aza manalavitra ahy;
Ianao, ry heriko, faingàna re hamonjy.
21Afaho tsy ho ritra tankina ny aiko,
arovy aho tsy ho rembin’ireo alika,
22vonjeo tsy ho rotidrotiky ny liona,
ary tsy ho voan’ireo tandrok’ombimanga.
Dia namaly ny vavaka nataoko Ianao!
23Koa hanambara ny lazanao amin’ireo namako aho
ary hidera Anao, rehefa miangona izahay#22.23 And voatsiahy ao amin’ny Heb 2.12.:
24«Miderà ny TOMPO, ianareo mpanaja Azy.
Aoka hanome voninahitra Azy
ianareo rehetra taranak’i Jakôba;
aoka hangovitra eo anatrehany
ianareo rehetra taranak’i Israely!
25Fa tsy nohamavoiny na notebahiny
ity mahantra izay vesaram-pahoriana;
tsy nandà ny hifanatri-tava aminy Izy,
fa nihaino tokoa ny tarainany.»
26Tompo ô, Ianao no ahazoako midera Anao
rehefa tafangona maro ny vahoakanao;
eo anatrehan’ireo mpanaja Anao
no hanefako ny voadiko taminao.
27Hasaiko amin’ny sakafon-tsorona ny ory:
hihinana anie izy ka ho voky!
Hidera ny TOMPO anie ireo mitady Azy
ka ho finaritra ho ela velona!
28Aoka ny vahoaka hatrany am-paran’ny tany
hahatsiaro ny TOMPO ka hiverina aminy;
aoka ny fianakaviamben’ny firenen-drehetra
samy ho tonga hiankohoka eo anatrehany!
29Fa ny TOMPO no mpanjaka,
Izy no manapaka amin’ireo firenena.
30Eny, hiankohoka eo anoloany aza
ireo rehetra matory ao ambanin’ny tany#22.30 ireo rehetra... tany: jereo Dan 12.2.:
handohalika avokoa eo anatrehany
izay rehetra miverina ho vovoka
satria efa tsy nisy aina intsony.
31Hanompo Azy ny taranak’ireny;
ny taranaka manaraka hilazana ny Tompo.
32Ireo olona vao ho teraka hitantarana
izay nataony hanafahana ny vahoakany.
Voafantina amin'izao fotoana izao:
Salamo 22: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.
Salamo 22
22
SALAMO Antso ataon’ny efa trotraka
1 Tao amin’ny tahirin-kiran’ny filohan’antoko-mpihira. Hohiraina araka ny feon’ny hoe «Ny dieravavy, fony mazavatsinanana». Salamo nataon’i Davida.
2Andriamanitro ô, Andriamanitro ô
nahoana no dia nilaozanao aho#22.2 Ny fiandohan’ny and 2 dia voatsiahin’i Jesoa voahombo teo ambony hazofijaliana araka ny Mt 27.46; Mk 15.34.?
Nahoana no mijanona eny lavitra eny Ianao
ka tsy mamonjy ahy na mihaino ny tarainako?
3Mandritra ny andro aho miantso Anao
saingy tsy valianao, Andriamanitro ô;
ary miantso koa aho amin’ny alina,
saingy tsy mahazo fiononana.
4Kanefa mipetraka an-tsezafiandrianana
Ianao, ry ilay Andriamanitra masina
Izay fidèran’i Israely vahoakanao.
5Nitoky taminao ireo razanay;
natoky Anao izy ka tsy diso fanantenana,
6niantso vonjy taminao ka nafahanao,
natoky Anao ka tsy diso fanantenana.
7Efa toy ny kankana aho fa tsy olona intsony,
ka sady voaompa no lavin’ny vahoaka;
8izay mahita ahy dia maneso avokoa,
manondro molotra, mihifikifi-doha#22.8 Jereo Mt 27.39; Mk 15.29; ampit Sal 109.25..
9Ka hoy izy ireo ny amiko hoe:
«Ny TOMPO no itokiany ka aoka hanavotra;
eny tia azy Izy, ka aoka hanafaka#22.9 Momba ny and manontolo, jereo Mt 27.43.!»
10Ianao, Tompo ô, no namoaka ahy
mba hiala avy tao an-kibon-dreniko
ka nampandry ahy teo an-trotroany.
11Vao teraka aho, dia nankinina taminao;
mbola tany am-bohoka aho, efa Andriamanitro Ianao.
12Koa aza manalavitra ahy fa akaiky izao ny loza;
ary izay hamonjy ahy dia tsy misy mihitsy.
13Ireo fahavaloko no mitangorona amiko
toa ombilahy maro manemitra ahy,
toa ombilahy masiaka avy any Basàna.
14Misanasana vava hamely ahy ireny,
mova tsy liona mandrotika sy mierona.
15Very hery toy ny rano mihanaka aho,
ary mivahavaha ny taolako rehetra;
toa savoka ny foko ka miempo ato anatiko.
16Maina toy ny tavim-bilany ny tendako;
miraikitra amin’ny lanilaniko ny lelako.
Toa ao amin’ny vovoky ny fahafatesana
no efa ametrahan’ny fahavaloko ahy.
17Andian’olon-dratsy no mitangorona amiko
toa alika maromaro manodidina ahy;
nafatotr’ireo ny tongotra aman-tanako.
18Ny taolako rehetra no sisa hita, satria mahia aho
ka jeren’ireo fotsiny sady angarihany;
19ifampizaràny ny fitafiako
ary ataony antsapaka ny akanjoko#22.19 Jereo Mt 27.35; Mk 15.24; Lk 23.34; Jôh 19.24..
20Ianao kosa, TOMPO ô, aza manalavitra ahy;
Ianao, ry heriko, faingàna re hamonjy.
21Afaho tsy ho ritra tankina ny aiko,
arovy aho tsy ho rembin’ireo alika,
22vonjeo tsy ho rotidrotiky ny liona,
ary tsy ho voan’ireo tandrok’ombimanga.
Dia namaly ny vavaka nataoko Ianao!
23Koa hanambara ny lazanao amin’ireo namako aho
ary hidera Anao, rehefa miangona izahay#22.23 And voatsiahy ao amin’ny Heb 2.12.:
24«Miderà ny TOMPO, ianareo mpanaja Azy.
Aoka hanome voninahitra Azy
ianareo rehetra taranak’i Jakôba;
aoka hangovitra eo anatrehany
ianareo rehetra taranak’i Israely!
25Fa tsy nohamavoiny na notebahiny
ity mahantra izay vesaram-pahoriana;
tsy nandà ny hifanatri-tava aminy Izy,
fa nihaino tokoa ny tarainany.»
26Tompo ô, Ianao no ahazoako midera Anao
rehefa tafangona maro ny vahoakanao;
eo anatrehan’ireo mpanaja Anao
no hanefako ny voadiko taminao.
27Hasaiko amin’ny sakafon-tsorona ny ory:
hihinana anie izy ka ho voky!
Hidera ny TOMPO anie ireo mitady Azy
ka ho finaritra ho ela velona!
28Aoka ny vahoaka hatrany am-paran’ny tany
hahatsiaro ny TOMPO ka hiverina aminy;
aoka ny fianakaviamben’ny firenen-drehetra
samy ho tonga hiankohoka eo anatrehany!
29Fa ny TOMPO no mpanjaka,
Izy no manapaka amin’ireo firenena.
30Eny, hiankohoka eo anoloany aza
ireo rehetra matory ao ambanin’ny tany#22.30 ireo rehetra... tany: jereo Dan 12.2.:
handohalika avokoa eo anatrehany
izay rehetra miverina ho vovoka
satria efa tsy nisy aina intsony.
31Hanompo Azy ny taranak’ireny;
ny taranaka manaraka hilazana ny Tompo.
32Ireo olona vao ho teraka hitantarana
izay nataony hanafahana ny vahoakany.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.