Salamo 75
75
SALAMO Andriamanitra no mpitsara
1 Tao amin’ny tahirin-kiran’ny filohan’antoko-mpihira. Hohiraina araka ny feon’ny hoe: «Aza ravana...#75.1 Hohiraina... ravana: jereo Sal 57.1 sy nta; Sal 58–59.». Salamo nataon’i Asafa. Tononkira.
2Andriamanitra ô, midera Anao izahay;
eny, midera Anao tokoa izahay.
Ataonay antso avo ny lazanao#75.2 Ataonay... lazanao: dkt araka ny dkt tranainy grika izany.
ary tantarainay ny zava-mahagaga vitanao.
3Hoy ny Tompo hoe: «Amin’ny fotoana hotondroiko
dia hanao fitsarana araka ny hitsiny Aho.
4Hihorohoro ny tany mbamin’ireo mponina eo aminy,
nefa Izaho mbola hihazona ny andry iorenany.»
Fiatoana
5Hoy aho aminareo mpirehareha hoe:
«Aoka izay ny fireharehànareo!»;
ary aminareo olon-dratsy hoe:
«Aza miandranandrana intsony!
6Eny, aza miandranandrana intsony;
aza mafy hatoka miteniteny foana.
7Fantaro fa ny didim-pitsarana havoaka
dia tsy avy any atsinanana na avy any andrefana,
tsy avy any avaratra na avy any atsimo;
8satria Andriamanitra no mpitsara,
ka mampietry ny sasany Izy
ary manandratra ny hafa kosa.»
9Misy tsangambava iray eo an-tanan’ny TOMPO,
dia tsangambava feno divay mifangaroharo
izay tandindon’ny hatezerany mandroatra.
Asainy sotroin’ny olon-dratsy rehetra amin’ny tany izany
ka tsy maintsy trohin’ireo hatramin’ny faikany#75.9 Ny amin’izany sary an’ohatra momba ny fitsarana izany, dia jereo ny Sal 60.5 sy nta..
10Izaho kosa tsy hitsahatra hanambara izany,
ka dia ilay Andriamanitr’i Jakôba
no hankalazaiko amin-kira hoe:
11«Hopotehiny avokoa ny fahefàn’ny olon-dratsy
fa hasandrany kosa ny fahefàn’ny olo-marina.»
Voafantina amin'izao fotoana izao:
Salamo 75: DIEM
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.
Salamo 75
75
SALAMO Andriamanitra no mpitsara
1 Tao amin’ny tahirin-kiran’ny filohan’antoko-mpihira. Hohiraina araka ny feon’ny hoe: «Aza ravana...#75.1 Hohiraina... ravana: jereo Sal 57.1 sy nta; Sal 58–59.». Salamo nataon’i Asafa. Tononkira.
2Andriamanitra ô, midera Anao izahay;
eny, midera Anao tokoa izahay.
Ataonay antso avo ny lazanao#75.2 Ataonay... lazanao: dkt araka ny dkt tranainy grika izany.
ary tantarainay ny zava-mahagaga vitanao.
3Hoy ny Tompo hoe: «Amin’ny fotoana hotondroiko
dia hanao fitsarana araka ny hitsiny Aho.
4Hihorohoro ny tany mbamin’ireo mponina eo aminy,
nefa Izaho mbola hihazona ny andry iorenany.»
Fiatoana
5Hoy aho aminareo mpirehareha hoe:
«Aoka izay ny fireharehànareo!»;
ary aminareo olon-dratsy hoe:
«Aza miandranandrana intsony!
6Eny, aza miandranandrana intsony;
aza mafy hatoka miteniteny foana.
7Fantaro fa ny didim-pitsarana havoaka
dia tsy avy any atsinanana na avy any andrefana,
tsy avy any avaratra na avy any atsimo;
8satria Andriamanitra no mpitsara,
ka mampietry ny sasany Izy
ary manandratra ny hafa kosa.»
9Misy tsangambava iray eo an-tanan’ny TOMPO,
dia tsangambava feno divay mifangaroharo
izay tandindon’ny hatezerany mandroatra.
Asainy sotroin’ny olon-dratsy rehetra amin’ny tany izany
ka tsy maintsy trohin’ireo hatramin’ny faikany#75.9 Ny amin’izany sary an’ohatra momba ny fitsarana izany, dia jereo ny Sal 60.5 sy nta..
10Izaho kosa tsy hitsahatra hanambara izany,
ka dia ilay Andriamanitr’i Jakôba
no hankalazaiko amin-kira hoe:
11«Hopotehiny avokoa ny fahefàn’ny olon-dratsy
fa hasandrany kosa ny fahefàn’ny olo-marina.»
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Dikanteny Iombonana Eto Madagasikara © Malagasy Bible Society, 2004.