Eltibi 6
6
Ka yehke ntir kunu go afang
1Me n nyehn ebi ejum jehko go njini, li egburu elsol ka ane.
2Esowo kpo ka ane bandiki agburu afang, a nsol afang go ekpunu, wahnge bo limm elehng ejum ejehng ajehng ji eltim ebo sebe no, wo Esowo kpehme ka bo eko re bo li nsehng nyi nsol nyio, fvfo ajenne nya bahke lehke nsehng nyio. Jia ejumjum lohngem, egburu eyameltim ji.
3Nne li ma bel abon atahl alon, fere kang nya tvv, wo jol afii elkpin ene labe renan, á tohko ma li nsehng nyi afang enye, fvfo bo tohko ma lim elkv ene ana fuumu no, me n kp'bungu re, mmon no bo ejel ekpakv wo ga nob sehnge nne noo.
4Tibre á kpo ba ana ejum ji kii lohng ejumjum, fvfo mbing enye ebtob sa go ejannge.
5Jol mmon no ki nyehn ebare elbung, afii kahn ejumjum, ye wo ga kpi erekekv sehnge efange nne.
6Jol afii nne noo kange nnya atahltahl nkpel elon, wo á maam li nsehng nyi afang nya á bele no. Anv edi j'nehm sang bo kpee fi noa?
7Nne awohng awohng kpo nyennge lim eltum re a bel ejum alehke,
wo ga ekpidla nehm tiki wohngo.
8Nsehng anyii nnea ngbere kpi no sehnge egboolo nne?
Nsheng anyii akpak bahke bele go elkahne mbang ana nyi bo bahke jo fili elbo go ellong ane?
9Ellehke ji nne kp'nyehne go ege amahr ji ga nob, sehnge re nne jo tiiri bade ejum ji á kala nyehn go ege amarhr.
Jia fvfo ejumjum lohngem, nne kp'kame na toono elfeb.
10Ejum ajehng ajehng ji li no bob tohko gungu mbing, fvfo ji nne li no, bob tohko kahn bade;
nnene nehm ma yiimi abohng a nne no kp'tahne sehng-e.
11Ana alum kp'ruru, ano wo kil jo kpe lohng ejum jum,
fvfo nsehng anyii jio bahke ma ka nne awohng awohng?
12Tib anv, nne awoo kp'kahne ji kp'nobo ka nne go elkpin, go abon afung ba ki lohng ejumjum nya á li elkpin ni bahke sehnge ana etohko? Nne awoo bahk-e tongo ji bahke jolo go njini, go ngare nyi á ma kpo?
Voafantina amin'izao fotoana izao:
Eltibi 6: EKA-011
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
©️2024 Luke Initiative for Scripture Translation
Eltibi 6
6
Ka yehke ntir kunu go afang
1Me n nyehn ebi ejum jehko go njini, li egburu elsol ka ane.
2Esowo kpo ka ane bandiki agburu afang, a nsol afang go ekpunu, wahnge bo limm elehng ejum ejehng ajehng ji eltim ebo sebe no, wo Esowo kpehme ka bo eko re bo li nsehng nyi nsol nyio, fvfo ajenne nya bahke lehke nsehng nyio. Jia ejumjum lohngem, egburu eyameltim ji.
3Nne li ma bel abon atahl alon, fere kang nya tvv, wo jol afii elkpin ene labe renan, á tohko ma li nsehng nyi afang enye, fvfo bo tohko ma lim elkv ene ana fuumu no, me n kp'bungu re, mmon no bo ejel ekpakv wo ga nob sehnge nne noo.
4Tibre á kpo ba ana ejum ji kii lohng ejumjum, fvfo mbing enye ebtob sa go ejannge.
5Jol mmon no ki nyehn ebare elbung, afii kahn ejumjum, ye wo ga kpi erekekv sehnge efange nne.
6Jol afii nne noo kange nnya atahltahl nkpel elon, wo á maam li nsehng nyi afang nya á bele no. Anv edi j'nehm sang bo kpee fi noa?
7Nne awohng awohng kpo nyennge lim eltum re a bel ejum alehke,
wo ga ekpidla nehm tiki wohngo.
8Nsehng anyii nnea ngbere kpi no sehnge egboolo nne?
Nsheng anyii akpak bahke bele go elkahne mbang ana nyi bo bahke jo fili elbo go ellong ane?
9Ellehke ji nne kp'nyehne go ege amahr ji ga nob, sehnge re nne jo tiiri bade ejum ji á kala nyehn go ege amarhr.
Jia fvfo ejumjum lohngem, nne kp'kame na toono elfeb.
10Ejum ajehng ajehng ji li no bob tohko gungu mbing, fvfo ji nne li no, bob tohko kahn bade;
nnene nehm ma yiimi abohng a nne no kp'tahne sehng-e.
11Ana alum kp'ruru, ano wo kil jo kpe lohng ejum jum,
fvfo nsehng anyii jio bahke ma ka nne awohng awohng?
12Tib anv, nne awoo kp'kahne ji kp'nobo ka nne go elkpin, go abon afung ba ki lohng ejumjum nya á li elkpin ni bahke sehnge ana etohko? Nne awoo bahk-e tongo ji bahke jolo go njini, go ngare nyi á ma kpo?
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
©️2024 Luke Initiative for Scripture Translation