Matiu 6
6
Ainauya Lau Faꞌatana.
Matiu 6:1-4
1Bena ami ita komakoma'i yena <<emi laulau dudulaidi>> ami ginaulidi. Tabu dodoga ai matadi be ti itadi. Do'ata ibege maisa la'i au abi Tamamiu Galewa yai ai lisina.
2Yena tau gogo gesagesa wa ainauyai, tabu bwagigi u yufi doha tau lau bwalabwala sa ginauli ai aba oiꞌoigogo yo ai eda'eda la'ila'i be haba dodoga sa noꞌonoꞌoedi. E falibamiu, haꞌa maisadi mahudoꞌina sa abi. 3Inmoho, yena tau gogo gesagesa wa saguhi, mate somo sibam ya ginauli bena tabu seuseulim i sibai. 4Be em felefele simosimo yai wa ginauli. Tamam Galewa yai, ya ita haba ya famaisa.
Lauꞌuꞌula Lau Faꞌatana
Matiu 6:5-15
(Luka 11:2-4)
5Yena ami lauꞌuꞌula, tabu tau lau bwalabwala edi laulau au lau watanidi! Sa fanuha bena ai aba oigogo yo ai edaꞌeda giugiulidi sa obiyo na sa lauꞌuꞌula, be haba dodoga sa noꞌonoꞌoedi. E faliba dudulaimiu mate maisadi haꞌa sa abi. 6Yena ami lauꞌuꞌula, au lau emi ai bili. Edaꞌeda au gudu, na au lauꞌuꞌula lau Tamam hige ta ita lisina. Haba Tamamiu somo simisimo yai ami ginauli, ya famaisamiu.
7Yena wa lauꞌuꞌula, tabu em liba u falofadi, doha mulimuli tataudi edi laulau. Edi nuwatuhu mate, Yaubada haba ya atahiyedi, paꞌana edi lauꞌuꞌula mate sa lofa.
8Tabu umi doha, Tamam haꞌa ya siba bwaꞌi somo wa fanuha, muli yai habahim wa anꞌetai.
9Bena doha ite wa laulauꞌuꞌula: (Luka 11:2-4)
<<Tamamai Galewa yai wa miyamiya,
Hesam tabuna ti faꞌatitiyen,
10yo em Aba Baꞌisa bena wa fatubu dodoga ai lisidi
Em nuwatuhu tanohi yai ti ginauli
doha Galewa yai.
11Lahai esega-esega kalahena ama u felemai.
12Ema laulau heyaheyayadi lisimai yai u liba afuledi,
doha dodoga heyaheyaya lisimai sa ginauli ꞌe nuwa afuledi.
13Yena noho 'e fahoina, tabu u ita tuhumai,
be ai Tau Faheyayamai u fasagu fahimai.
(Aba Baꞌisa Nuꞌuna enehem, gigibwali enehem, loholoho diꞌoina enehem, fuyanina hige ana siga!) Wananaha.>>#6:13 Uliꞌuli haisa tiyen: <<Aba Baꞌisa enehem, gigibwali enehem, loholoho namanamalina enehem, fuyanina hige ana siga! Amen.>> Na uli'uli haisa hige lausoisoi te sa uli.
14Yena dodoga haisa heyaya lisimiu yai sa ginauli, na ami nuwa afuledi, Tamamiu Galewa yai hinaga haba emi heyaya ya nuwa afuledi. 15Na yena hige dodoga haisa edi heyaya au nuwa afuledi, Tamamiu hinaga ibege emi heyaya i nuwa afuledi.
Anhudi Lau Faꞌatana
Matiu 6:16-18
16Yena ami anhudi, tabu nenem au faheyayadi doha dodoga bwalabwaladi edi laulau. Laulau bwalabwaladi sa ginauli, be dodoga haisa, nenedi sa faheyaya fuyoꞌidi mate bena sa faꞌitadi, mate bena haga sa andabu. E falibamiu, maisadi haꞌa sa abi.
17Yena wa anhudi u matabui yo kulum u suwali.#6:17 Alina Giliki lausoisoi te, aniyona mate: <<Matam u ankaisu yo kulum u famaꞌi.>>
18Haba haidam haisa ibege ti sibai mate, um wa anhudi. Yaubada ibona, in hige ta ita, In ya sibai, yo Tamam, somo simosimo yai wa ginauli ya ita wa, maisam haba ya felem.
Loholoho Galewa yai
Matiu 6:19-21
(Luka 12:33-34)
19Tabu tanoꞌubu ginaulidi lisidi yai u fagogo. Gonowana haba sa masi, kwalikwali haba sa andi, yo tau angafu haba sa abidi.
20Bena, Galewa enehena wa nonoha, hige gonowana haba kwalikwali yo masi ti faheyayadi, yo tau angafu ti abidi. 21Emi gogo somo yai ami toledi, haba nuwamiu hinaga ainiya.
Tauda ana Mala
Matiu 6:22-23
(Luka 11:34-36)
22Matada mate tauda ana mala. Yena matam sa loholoho, mate taum mahudo'ina haba mala ya famohafu. 23Na yena matam sa heyaya, taum haba ya kamumu. Be yena mala ganahewam yai ya kamumu mate, kamumu haba ya laꞌi wananaha.
Babaꞌisa Luwaga
Matiu 6:24
(Luka 16:13)
24Hige gonowana bena doga esega, na ena babaꞌisa luwaga. Hesa haba ya fanuha na hesa ya ꞌwaiyoꞌoen. Hesa haba ya awaꞌabiyen na hesa ya moꞌa peiyen. Hige gonowana moni yo Yaubada enehedi u paisowa. (1 Kolinto 10:20)
Tabu u Mode
Matiu 6:25-34
(Luka 12:22-31)
25Lisina yai E falibamiu mate, tabu tanoꞌubu miyamiyana au modeꞌen wananahai. Somo haba ami an yo ami nom, o taumiu yai haba somo ami liꞌo. Kalahe ya loholoho wananahana habahim mwahuli?! O leli ginaulidi sa loholoho habahim tauda?!
26Ataiꞌa sa lofolofo taꞌiꞌili haga au itadi. Hige ti umaꞌuma yo ti lau gabu be ti peinidi. Inmoho Tamamiu Galewa yai ya ita watanidi! Doga mate ya hasai wananaha, habahim atai'a.
27Sai wa mode wananaha wa sibai haba em mwahuli begana wa falofa?
28Sidohana be leli lisidi yai ami mode? Mula sa in, hola au itadi, iti hige ti paisowa o ibodi edi leli ti ginaulidi. 29Inmoho, E falibamiu mate, Kin Solomon ena gogo ganahewadi yai, hige ena leli ginaulidi laꞌi nenena i loholoho doha mula laꞌi te. 30Yena hawahawa tanohi yai sa inꞌin, Yaubada ya falelidi, aho, sa taya na bobon sa hohoya be sa gabudi. Lisina emi nuwatuhu bena umi ibege i modemiu? Umi emi kawawananaha haꞌa ti kiu?
31Tabu au mode wananaha, auwen,
<<Ama kalahe, ama hoꞌowa yo ema leli, haba ai somo sa laoma?>>
32Mulimuli dodogadi ginaulidi te sa gadolelehiyedi. Inmoho Tamamiu Galewa yai, emi fanufanuha haꞌa ya sibaidi. 33Bena moho, Yaubada ena Aba Baꞌisa yo somo Yaubada ya fanuha ami yoꞌoi bwaꞌiyedi, habahim ginauli haisa te haba ya felemiu.
34Be tabu bobon modena au nuwanuwatuhu. Paꞌana bobon ibona modena haba ya ginauli. Lahai esega-esega maꞌana mode dumaduma.
Voafantina amin'izao fotoana izao:
Matiu 6: Buhutu
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2024, SIL Global. All Rights Reserved.
Matiu 6
6
Ainauya Lau Faꞌatana.
Matiu 6:1-4
1Bena ami ita komakoma'i yena <<emi laulau dudulaidi>> ami ginaulidi. Tabu dodoga ai matadi be ti itadi. Do'ata ibege maisa la'i au abi Tamamiu Galewa yai ai lisina.
2Yena tau gogo gesagesa wa ainauyai, tabu bwagigi u yufi doha tau lau bwalabwala sa ginauli ai aba oiꞌoigogo yo ai eda'eda la'ila'i be haba dodoga sa noꞌonoꞌoedi. E falibamiu, haꞌa maisadi mahudoꞌina sa abi. 3Inmoho, yena tau gogo gesagesa wa saguhi, mate somo sibam ya ginauli bena tabu seuseulim i sibai. 4Be em felefele simosimo yai wa ginauli. Tamam Galewa yai, ya ita haba ya famaisa.
Lauꞌuꞌula Lau Faꞌatana
Matiu 6:5-15
(Luka 11:2-4)
5Yena ami lauꞌuꞌula, tabu tau lau bwalabwala edi laulau au lau watanidi! Sa fanuha bena ai aba oigogo yo ai edaꞌeda giugiulidi sa obiyo na sa lauꞌuꞌula, be haba dodoga sa noꞌonoꞌoedi. E faliba dudulaimiu mate maisadi haꞌa sa abi. 6Yena ami lauꞌuꞌula, au lau emi ai bili. Edaꞌeda au gudu, na au lauꞌuꞌula lau Tamam hige ta ita lisina. Haba Tamamiu somo simisimo yai ami ginauli, ya famaisamiu.
7Yena wa lauꞌuꞌula, tabu em liba u falofadi, doha mulimuli tataudi edi laulau. Edi nuwatuhu mate, Yaubada haba ya atahiyedi, paꞌana edi lauꞌuꞌula mate sa lofa.
8Tabu umi doha, Tamam haꞌa ya siba bwaꞌi somo wa fanuha, muli yai habahim wa anꞌetai.
9Bena doha ite wa laulauꞌuꞌula: (Luka 11:2-4)
<<Tamamai Galewa yai wa miyamiya,
Hesam tabuna ti faꞌatitiyen,
10yo em Aba Baꞌisa bena wa fatubu dodoga ai lisidi
Em nuwatuhu tanohi yai ti ginauli
doha Galewa yai.
11Lahai esega-esega kalahena ama u felemai.
12Ema laulau heyaheyayadi lisimai yai u liba afuledi,
doha dodoga heyaheyaya lisimai sa ginauli ꞌe nuwa afuledi.
13Yena noho 'e fahoina, tabu u ita tuhumai,
be ai Tau Faheyayamai u fasagu fahimai.
(Aba Baꞌisa Nuꞌuna enehem, gigibwali enehem, loholoho diꞌoina enehem, fuyanina hige ana siga!) Wananaha.>>#6:13 Uliꞌuli haisa tiyen: <<Aba Baꞌisa enehem, gigibwali enehem, loholoho namanamalina enehem, fuyanina hige ana siga! Amen.>> Na uli'uli haisa hige lausoisoi te sa uli.
14Yena dodoga haisa heyaya lisimiu yai sa ginauli, na ami nuwa afuledi, Tamamiu Galewa yai hinaga haba emi heyaya ya nuwa afuledi. 15Na yena hige dodoga haisa edi heyaya au nuwa afuledi, Tamamiu hinaga ibege emi heyaya i nuwa afuledi.
Anhudi Lau Faꞌatana
Matiu 6:16-18
16Yena ami anhudi, tabu nenem au faheyayadi doha dodoga bwalabwaladi edi laulau. Laulau bwalabwaladi sa ginauli, be dodoga haisa, nenedi sa faheyaya fuyoꞌidi mate bena sa faꞌitadi, mate bena haga sa andabu. E falibamiu, maisadi haꞌa sa abi.
17Yena wa anhudi u matabui yo kulum u suwali.#6:17 Alina Giliki lausoisoi te, aniyona mate: <<Matam u ankaisu yo kulum u famaꞌi.>>
18Haba haidam haisa ibege ti sibai mate, um wa anhudi. Yaubada ibona, in hige ta ita, In ya sibai, yo Tamam, somo simosimo yai wa ginauli ya ita wa, maisam haba ya felem.
Loholoho Galewa yai
Matiu 6:19-21
(Luka 12:33-34)
19Tabu tanoꞌubu ginaulidi lisidi yai u fagogo. Gonowana haba sa masi, kwalikwali haba sa andi, yo tau angafu haba sa abidi.
20Bena, Galewa enehena wa nonoha, hige gonowana haba kwalikwali yo masi ti faheyayadi, yo tau angafu ti abidi. 21Emi gogo somo yai ami toledi, haba nuwamiu hinaga ainiya.
Tauda ana Mala
Matiu 6:22-23
(Luka 11:34-36)
22Matada mate tauda ana mala. Yena matam sa loholoho, mate taum mahudo'ina haba mala ya famohafu. 23Na yena matam sa heyaya, taum haba ya kamumu. Be yena mala ganahewam yai ya kamumu mate, kamumu haba ya laꞌi wananaha.
Babaꞌisa Luwaga
Matiu 6:24
(Luka 16:13)
24Hige gonowana bena doga esega, na ena babaꞌisa luwaga. Hesa haba ya fanuha na hesa ya ꞌwaiyoꞌoen. Hesa haba ya awaꞌabiyen na hesa ya moꞌa peiyen. Hige gonowana moni yo Yaubada enehedi u paisowa. (1 Kolinto 10:20)
Tabu u Mode
Matiu 6:25-34
(Luka 12:22-31)
25Lisina yai E falibamiu mate, tabu tanoꞌubu miyamiyana au modeꞌen wananahai. Somo haba ami an yo ami nom, o taumiu yai haba somo ami liꞌo. Kalahe ya loholoho wananahana habahim mwahuli?! O leli ginaulidi sa loholoho habahim tauda?!
26Ataiꞌa sa lofolofo taꞌiꞌili haga au itadi. Hige ti umaꞌuma yo ti lau gabu be ti peinidi. Inmoho Tamamiu Galewa yai ya ita watanidi! Doga mate ya hasai wananaha, habahim atai'a.
27Sai wa mode wananaha wa sibai haba em mwahuli begana wa falofa?
28Sidohana be leli lisidi yai ami mode? Mula sa in, hola au itadi, iti hige ti paisowa o ibodi edi leli ti ginaulidi. 29Inmoho, E falibamiu mate, Kin Solomon ena gogo ganahewadi yai, hige ena leli ginaulidi laꞌi nenena i loholoho doha mula laꞌi te. 30Yena hawahawa tanohi yai sa inꞌin, Yaubada ya falelidi, aho, sa taya na bobon sa hohoya be sa gabudi. Lisina emi nuwatuhu bena umi ibege i modemiu? Umi emi kawawananaha haꞌa ti kiu?
31Tabu au mode wananaha, auwen,
<<Ama kalahe, ama hoꞌowa yo ema leli, haba ai somo sa laoma?>>
32Mulimuli dodogadi ginaulidi te sa gadolelehiyedi. Inmoho Tamamiu Galewa yai, emi fanufanuha haꞌa ya sibaidi. 33Bena moho, Yaubada ena Aba Baꞌisa yo somo Yaubada ya fanuha ami yoꞌoi bwaꞌiyedi, habahim ginauli haisa te haba ya felemiu.
34Be tabu bobon modena au nuwanuwatuhu. Paꞌana bobon ibona modena haba ya ginauli. Lahai esega-esega maꞌana mode dumaduma.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2024, SIL Global. All Rights Reserved.