ማርቆሳ ታባኖ
ታባኖ
ካማርቆሳ ዎንጋላ፥ “ሂክ ኤረ ካዋ የሱሳ ክርስቶሳኮክ ካገጌሎ ሃፉራ ካሆራርጄያ” አመ ሀጋአባራ፥ ሂካ ዎንጋላ ኦሮ የሱሳ ካፈሎና ኦዶናት ካአቦ እባዶት ሌ ኤመተራ፤ ኦዶናትኬሳና አጋልስስኬሳ፥ ዱርሳ ጉት ኡሱ ካአቦ ሁናና ጩቦ ካእባዶ ሀሄሶ አማኖይ አዴሳመራ። የሱሳ፥ “አን እባዶ ታጩቦ ድዩማኮ ባልቹማ ቤሳኖይ ኔፎቴ ዎዶ የላይ ስሳይን ካኤመየሮ ኤረ ካእባዶያ” አማ ኡሱ እሲ አዬሰራ።
ማርቆሳ ጅርት ታየሱሳ ካኮአዬሰራ፥ ቱኩልና ሁና ካኮአማጋመሮ ራድ ጎሌሮ ኡሱ ኢል ካኮካየራ ካየሱሳ ሃፉራይና አጋልስስ ጉት አንሌኖን ግራን ኡሱ ኦፈለሮ ኦሳዳምራን ፈሎይ ጉቲየ። ካጣማቃሮ ጋራ ካያንሳኮት ጅርት፥ ካየሱሳ ጣማቃማኖኮክ ጋራና ጫፋማኖ ጋባቢና ታባኖ ስሰ አባባተረ ጻፍት ካየሱሳ አጋልስሳኖና ፋይሳኖኮክ ጋራ ሀንዳኖ ሰሰጋራ። ጎራታ ክጫርኮ አባባተረ የሱሳ ዴበ ኦሰሴታራን የሱሳ ኣሎ አዴሳ ታኮሴቴን የሱሳ ኦኔባታራና ኣሎ ኡሱ ዲዳ ሴተን። ካጋቾ ፎልሲጆል ግር ካየሱሳ ካጋቾ አልማይ ኦሮ ኦፈላመራን ፈሎይ፥ ካካለኮና ሱዋማኖኬሳና ጎይኮ ክያኖኬሳኮክ ጋራ ኦማማካራንያን።
ካጋቾ ዎንጋላኬሳ ጉት ሆጎግ ታኮካመራ ባንኤ ላማ ኮኮ ካሆርኮ ማጻፋጆል ካላሊ ኦግራንያን።
ራቶ ሂክ ማጻፋ ካአበራ
ዎንጋላኮክ ሀጋአባማኖ 1፡1-13
የሱሳ ካጋሊላ ኡሊ ሀንዳኖ ሀጋአባኖ 1፡14—9፡50
ኢየሩሳለም ካታማይ ሀንዳኖ 10፡1-52
ኢየሩሳለምና ጎቦብክሴይ ካጋቾ አልማይ 11፡1—15፡47
ካጎታ ጎይኮ ክያኖ 16፡1-8
ጎታኮክ ጎይኮ ክያኖና ኡሱኮ ኦአጋልሳታራዉን አድአድ ሙታኖና ዳሩር ቶስ ብያኖ 16፡9-20
Voafantina amin'izao fotoana izao:
ማርቆሳ ታባኖ: BayNTEth
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra