ମାତିଉ 2:12-13
ମାତିଉ 2:12-13 BFW
ଗୁଲାଇ କାମ୍ ଅ'ଡମ'ସେକ୍ ମା'ଏ ଉନ୍ତ୍କୁରୁଂ ଇ'ଡେଂକୁନୁଂବେଲା ଏରଦ୍ ରାଜାନ୍ବକ୍ ଆଗାଇଗା' ଡ'ସେକ୍ ମାପ୍ରୁ ଆମା'ଏ ମୁସୁକ୍ଡିମ୍ବକ୍ସୁଗ ସୁନ'ସା' ମା'ଏ ତିନ୍ଲକ୍ ପାଲ୍କୁରୁଂକୁରୁଂ ନିଜର୍ନା ଦେସ୍ବକ୍ ଉଇଗା' । ପନ୍ଡିତ୍ଲେ ଉଇଗା'ସା' ତିର୍ଗି', ପ୍ରବୁନା ଦୁତ ଆଜସେପ୍ଲା ମୁସୁକ୍ଡିମ୍ବକ୍ସୁଗ ଅ'ତୁନାକ୍ସେକ୍ ସୁନ' “ନ ମୁରାକ୍ସେକ୍ ଅାତୁନ୍ ଉଁ'ଉଁଗୁ ମାରି ଆମାଇନା ୟଂ ମିସର୍ ଦେସ୍ବକ୍ ରିଂଅଁ' ଉୟା । ନିଂ ଆନ ସୁଁସୁପନ୍ତେକ୍ ଆତାଉ ଡୁକୁଲା । ମାସା'ଡ'ନା ଏରଦ୍ଲା ଆତୁନ୍ ଉଁ'ଉଁଗୁ ତୁର'ସେକ୍ ଅଗୁଇ'ପୁଲେଇ ଏତ୍ଗୁତା” ଡ'ସେକ୍ ସୁନ' ।
Bible App
Bible App for Kids
