John 3
3
Jesus Nicodemus yúlhni doo cha za honleh huba ꞌuhoontꞌoh
1ꞋIlhoghun dune Pharisee bulh dizulh-un, ꞌen ꞌilhoghun Lizwifne butso whudilhdzulh-un, ꞌen Nicodemus huyulhni. 2ꞋEn ꞌulhdzis ꞌet Jesus ghu ninya ꞌinkꞌez uyúlhni, “Rabbi, Yakꞌusda yulh ꞌuntꞌoh-un dune, ꞌen za njan huwa ꞌítꞌen-un tuneꞌ ootꞌen huba ꞌuhoontꞌoh. ꞋEt huwa soo tꞌetsꞌonínzun dune hodulꞌeh-un Yakꞌusda tsꞌu haínya-un inli whe ꞌintꞌoh.”
3ꞋEt Jesus yúlhni, “Soo tsꞌihꞌun unꞌa nyudúsni, dune doo cha za whuzdli de, ꞌet de za Yakꞌusda lerwe unli-un whutiꞌelh.”
4ꞋEt Nicodemus uyúlhni, “Ntsꞌenꞌa suba ꞌilhoghun dune tube yoo ꞌun uzulh-un, ꞌen doo cha za hooleh wheꞌ dini? ꞋAw whulh nat duloo yuchan naoojaꞌ ꞌinkꞌez doo cha hooleh ꞌaítꞌoh!” yúlhni.
5ꞋEt Jesus uyúlhni, “Soo tsꞌihꞌun unꞌa nyudúsni, dune too ꞌinkꞌez Ndoni be cha whuzdli de, ꞌet de za ntsꞌe la dune Yakꞌusda bulerwe unline ꞌet ꞌaw dahóoya ꞌaitꞌoh. 6Mbe la dune gha whuzdlí-un, ꞌen dune chꞌeꞌ ꞌuntꞌoh, ꞌinkꞌez mbe la Ndoni be whuzdlí-un, ꞌen Ndoni oochꞌeꞌ ꞌuntꞌoh. 7ꞋEt nyudásniꞌ, ‘Nohni doo cha za hoohleh huba ꞌuhoontꞌoh.’ Khun te ꞌet huwa mba hócha junih! 8Nilhtsꞌi ntsꞌoh hukwaꞌ nininzun te nudultsꞌut. Nilhtsꞌi dintsꞌo ꞌet hoontsꞌi ntsꞌez de ha díltsꞌut kꞌus ntsꞌe dutiltsꞌulh-un ꞌaw tꞌéoonuzínzun. ꞋEt whuz unꞌa za dune Ndoni be huwhuzdlí,” yúlhni.
9ꞋEt Nicodemus uyúlhni, “ꞋEt ntsꞌenꞌa ꞌuwhutatꞌelh?”
10ꞋEt Jesus uyúlhni, “ꞋEt nyun Israel ootsꞌu haindene whubodilhꞌeh-un inli, ꞌinkꞌez ntsꞌenꞌa njan tꞌéoonuzínzun? 11Soo tsꞌihꞌun unꞌa njan nyudúsni, tꞌétsꞌonínzun ndet howu yatsꞌulhduk-un ꞌinkꞌez tsꞌihꞌun unꞌa nohtsꞌútni ndai la tsꞌanꞌen ꞌi ghun ꞌinkꞌez nohni ꞌaw neghuni nohba ꞌalhaꞌ lheꞌítꞌoh. 12Ndi yun kꞌut ntsꞌoh tula néꞌwhutꞌen-un, ꞌet huwun nohdúsni ꞌet hoontsꞌi nohba ꞌálhaꞌ lheꞌhóotꞌoh de, ntsꞌenꞌa suba ndo yakꞌuz néꞌwhutꞌen-un, ꞌet huwun nohdúsni de, ꞌet nohba ꞌalhaꞌ ꞌuhotꞌeꞌ? 13ꞋAw ꞌilhoghun dune ndo yakꞌuz whenya-un hooloh, ꞌaw ꞌilhoghun za ꞌuja-un ndus de yakꞌuz haínya. ꞋEn ꞌuntꞌoh Yinka Dune Yeꞌ unli, ꞌen ꞌuntꞌoh yakꞌuz ookeyoh whuzꞌai. 14ꞋUdaꞌ ꞌaw dune lhuhootꞌih-un tsꞌe whe Moses ꞌen tlꞌughus kꞌeltsi dubeꞌ yudilhtsi inleꞌ, whuz unꞌa za Yinka Dune Yeꞌ dubeꞌ hidutálhtsih huba ꞌuhoontꞌoh. 15ꞋEt huwa mbene la ꞌen ghun ooba ꞌalha ꞌuhoontꞌoh-un, ꞌen ꞌaw dalhótisa,#3:15 Njan dalhótisa ní-un, ꞌaw neyustꞌe iloh, nezul ꞌinkꞌez neyughi ghu yalhduk whe ꞌutni. ꞌilhiz ooleꞌ wheni hutinalh.
16Yakꞌusda ndi yun kꞌut dunene bukꞌensiꞌ kꞌet ꞌaw ꞌilhoghun duYeꞌ ꞌen bugha ínilhti. Mbene la ꞌen ghun ooba ꞌalhaꞌ yintꞌohne ꞌaw dalhótisa, ꞌilhiz wheni huhutinalh. 17ꞋAw dune ba nahutiyeh wheni íloh Yakꞌusda duYeꞌ ndi yun kꞌuz yutilhꞌaꞌ. ꞋEn gha ndi yun kꞌut whutꞌenne tsꞌiyawh hudoojih, ꞌet wheni ndi yun kꞌuz yutilhꞌaꞌ. 18Mbene la buba ꞌálhaꞌ yintꞌohne ꞌaw buba nalhotisde. ꞋEt mbene la ꞌaw ooba ꞌálhaꞌ lheꞌyítꞌohne, ꞌenne ꞌudaꞌ buba nahisda wheꞌ hintꞌoh, ꞌaw Yakꞌusda ooYeꞌ booziꞌ ꞌaw buba ꞌalhaꞌ lheꞌyítꞌoh ꞌet huwa. 19ꞋEn ꞌuntꞌoh be hóotꞌen-i unli whe ndi yun kꞌeínya. ꞋEt hoontsꞌi ndi yun kꞌut dunene tsalhgus yo tsꞌe haínya-un, ꞌen ndi be hóotꞌen-i anus hikꞌentsiꞌ, njan neꞌhutꞌen-un ꞌon nus hoontsiꞌ tsꞌe za hitꞌelh ꞌet huwa. ꞋEt huwa la buba nahoodeh. 20Mbene la hoontsiꞌ te neꞌútꞌenne, ꞌenne ndi be hóotꞌen-i hitsꞌu dutni. ꞋEt huwa ndi be hóotꞌen-i, ꞌaw hitsꞌun tóoyaꞌ ꞌaítꞌoh, doo ka la tankꞌus ꞌúhutꞌen-un tsꞌet ha hóoltsꞌit ꞌet whuchꞌa. 21ꞋEt hoontsꞌi mbe la tsꞌihꞌun unꞌa ꞌitꞌelh-un, ꞌen ndi be hóotꞌen-i tsꞌu tiyalh, ꞌet whe la tsꞌiyanne tꞌehonózin, ntsꞌoh tula neꞌútꞌen-un, Yakꞌusda ꞌen gha za ꞌitꞌen.”
John dune too be ꞌulhꞌen-un Jesus yuba whudílhtiꞌ
22Njan ꞌoh túneꞌ whustꞌen hukwꞌelhꞌaz Jesus ꞌinkꞌez yugha hodulꞌehne te Judea yun kꞌut tsꞌe hoozdil. ꞋEt yugha hodulꞌehne te ꞌet hudáltsꞌiꞌ ꞌinkꞌez dune too beꞌ balhꞌen. 23ꞋOh daꞌ John ꞌen cha keyoh Aenon huwhútni-un keyoh Salem huwhútni-un whenghoh whuzꞌai-un, ꞌet dune too be ꞌúlhꞌen, tube ꞌet too lhai ꞌinka. Dune hitsꞌu lhodulh ꞌinkꞌez whulohne dune too beꞌ binla. 24ꞋAwhuz John ꞌalhuháyusꞌai daꞌ ꞌet huwa. 25John yugha hodulꞌehne Lizwifne bulh howun lhdulhyoh ꞌuhudutni, Lizwifne bube ꞌutꞌen kꞌoh hukwꞌunꞌa lanaꞌhuldoh ꞌet huwun. 26ꞋInkꞌez John highu nindil ꞌinkꞌez huyoodulhkut, “Rabbi ndun dune ꞌilhoghun ngha hodulꞌeh-un, Jordan koh nyaz tsꞌe, ꞌen ghun dune bubulh yaílhduk ínleꞌ, ꞌawet ꞌen dune too be ꞌúlhꞌen ꞌinkꞌez tsꞌiyanne hitsꞌú lhodulh,” huyúlhni.
27ꞋEt John ubúlhni, “Yakꞌusda yugha óoninꞌai de za, ꞌet huwa hoonliyaz ootꞌeꞌ ꞌaítꞌoh. 28Nohnichꞌoh hoontsꞌi la daja dusni-un la tꞌéoonáhzun, si ꞌaw Christ ꞌen iloh ꞌustꞌoh. ꞋEt hoontsꞌi ꞌilhoghun yutso whusálꞌaꞌ-un, ꞌen ꞌustꞌoh. 29ꞋEt ndóohoontꞌoh whe, ꞌilhoghun dune tsꞌeke yughusda-un, ꞌen ꞌat utꞌí-un ꞌuntꞌoh. ꞋEt ooyadan yuzih usyin-un ꞌinkꞌez yughuni yoozílhtsꞌai whe la tube yuba hóontꞌiꞌ. ꞋEt huwa nohdúsni si cha whuz unꞌa tube cho hoonústꞌiꞌ.#3:29 Ndun dune ꞌat utꞌí-un, ꞌen Jesus Christ ndultꞌoh, ꞌinkꞌez ooyadan ꞌen John dune too be ꞌulhꞌen-un ndultꞌoh ni whe ꞌutni. 30ꞋOn nus tube cho hidólhtiꞌ ꞌinkꞌez si hukwꞌelhꞌi le sba hodólhtiꞌ, ꞌet whuz unꞌa ꞌuhótꞌeꞌ hubaꞌ hoontꞌoh.
31Ndun yoo dus de haínya-un, ꞌen tsꞌiyanne ando ꞌuntꞌoh ꞌinkꞌez ndun yinka tsꞌu haínya-un, ꞌen yinka dune unli, ꞌet huwa ndi yun kꞌut hoonli-i, ꞌi za ghu yalhduk. ꞋEt ndun yakꞌuz tsꞌe haínya-un, ꞌen tsꞌiyanne ando ꞌuntꞌoh. 32ꞋInkꞌez ndet la ndun whunalhꞌen ꞌinkꞌez whudántsꞌo-un, ꞌet ꞌuyoonne cha ubúlhni, ꞌet hoontsꞌi daja ubúlhni-un ꞌaw highuni lhulhchoot. 33Mbe la yughuni ilhchoot-un daja ni-un, ꞌen ꞌutni ndun Yakꞌusda ꞌen ooba ꞌalhaꞌ yintꞌoh, ni. 34Ndun ꞌen Yakꞌusda whusayálhꞌaꞌ-un, ꞌen ꞌinkꞌez didut Ndoni be yudilhbun, ꞌet huwa Yakꞌusda ooghuni za be yálhduk. 35Yakꞌusda ꞌen duYeꞌ yukꞌensiꞌ ꞌet huwa tsꞌiyaitsuk kꞌúneꞌ hoolꞌen-un, ꞌet yugha óoninꞌai. 36Mbene la Yakꞌusda ooYeꞌ ooba ꞌalhaꞌ yintꞌohne, ꞌilhiz wheni be tsꞌúkhuna-i, ꞌi huyutꞌi, ꞌinkꞌez mbene la ooba ꞌalhaꞌ lheꞌyitꞌohne, ꞌenne ꞌaw huhooꞌen ꞌaítꞌoh, Yakꞌusda yé bubulh húnilchꞌe-i ꞌahoolhyiz wheni bukꞌut uyitátꞌelh,” ni John.
Voafantina amin'izao fotoana izao:
John 3: crx
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2019, Wycliffe Bible Translators, Inc. All rights reserved.
John 3
3
Jesus Nicodemus yúlhni doo cha za honleh huba ꞌuhoontꞌoh
1ꞋIlhoghun dune Pharisee bulh dizulh-un, ꞌen ꞌilhoghun Lizwifne butso whudilhdzulh-un, ꞌen Nicodemus huyulhni. 2ꞋEn ꞌulhdzis ꞌet Jesus ghu ninya ꞌinkꞌez uyúlhni, “Rabbi, Yakꞌusda yulh ꞌuntꞌoh-un dune, ꞌen za njan huwa ꞌítꞌen-un tuneꞌ ootꞌen huba ꞌuhoontꞌoh. ꞋEt huwa soo tꞌetsꞌonínzun dune hodulꞌeh-un Yakꞌusda tsꞌu haínya-un inli whe ꞌintꞌoh.”
3ꞋEt Jesus yúlhni, “Soo tsꞌihꞌun unꞌa nyudúsni, dune doo cha za whuzdli de, ꞌet de za Yakꞌusda lerwe unli-un whutiꞌelh.”
4ꞋEt Nicodemus uyúlhni, “Ntsꞌenꞌa suba ꞌilhoghun dune tube yoo ꞌun uzulh-un, ꞌen doo cha za hooleh wheꞌ dini? ꞋAw whulh nat duloo yuchan naoojaꞌ ꞌinkꞌez doo cha hooleh ꞌaítꞌoh!” yúlhni.
5ꞋEt Jesus uyúlhni, “Soo tsꞌihꞌun unꞌa nyudúsni, dune too ꞌinkꞌez Ndoni be cha whuzdli de, ꞌet de za ntsꞌe la dune Yakꞌusda bulerwe unline ꞌet ꞌaw dahóoya ꞌaitꞌoh. 6Mbe la dune gha whuzdlí-un, ꞌen dune chꞌeꞌ ꞌuntꞌoh, ꞌinkꞌez mbe la Ndoni be whuzdlí-un, ꞌen Ndoni oochꞌeꞌ ꞌuntꞌoh. 7ꞋEt nyudásniꞌ, ‘Nohni doo cha za hoohleh huba ꞌuhoontꞌoh.’ Khun te ꞌet huwa mba hócha junih! 8Nilhtsꞌi ntsꞌoh hukwaꞌ nininzun te nudultsꞌut. Nilhtsꞌi dintsꞌo ꞌet hoontsꞌi ntsꞌez de ha díltsꞌut kꞌus ntsꞌe dutiltsꞌulh-un ꞌaw tꞌéoonuzínzun. ꞋEt whuz unꞌa za dune Ndoni be huwhuzdlí,” yúlhni.
9ꞋEt Nicodemus uyúlhni, “ꞋEt ntsꞌenꞌa ꞌuwhutatꞌelh?”
10ꞋEt Jesus uyúlhni, “ꞋEt nyun Israel ootsꞌu haindene whubodilhꞌeh-un inli, ꞌinkꞌez ntsꞌenꞌa njan tꞌéoonuzínzun? 11Soo tsꞌihꞌun unꞌa njan nyudúsni, tꞌétsꞌonínzun ndet howu yatsꞌulhduk-un ꞌinkꞌez tsꞌihꞌun unꞌa nohtsꞌútni ndai la tsꞌanꞌen ꞌi ghun ꞌinkꞌez nohni ꞌaw neghuni nohba ꞌalhaꞌ lheꞌítꞌoh. 12Ndi yun kꞌut ntsꞌoh tula néꞌwhutꞌen-un, ꞌet huwun nohdúsni ꞌet hoontsꞌi nohba ꞌálhaꞌ lheꞌhóotꞌoh de, ntsꞌenꞌa suba ndo yakꞌuz néꞌwhutꞌen-un, ꞌet huwun nohdúsni de, ꞌet nohba ꞌalhaꞌ ꞌuhotꞌeꞌ? 13ꞋAw ꞌilhoghun dune ndo yakꞌuz whenya-un hooloh, ꞌaw ꞌilhoghun za ꞌuja-un ndus de yakꞌuz haínya. ꞋEn ꞌuntꞌoh Yinka Dune Yeꞌ unli, ꞌen ꞌuntꞌoh yakꞌuz ookeyoh whuzꞌai. 14ꞋUdaꞌ ꞌaw dune lhuhootꞌih-un tsꞌe whe Moses ꞌen tlꞌughus kꞌeltsi dubeꞌ yudilhtsi inleꞌ, whuz unꞌa za Yinka Dune Yeꞌ dubeꞌ hidutálhtsih huba ꞌuhoontꞌoh. 15ꞋEt huwa mbene la ꞌen ghun ooba ꞌalha ꞌuhoontꞌoh-un, ꞌen ꞌaw dalhótisa,#3:15 Njan dalhótisa ní-un, ꞌaw neyustꞌe iloh, nezul ꞌinkꞌez neyughi ghu yalhduk whe ꞌutni. ꞌilhiz ooleꞌ wheni hutinalh.
16Yakꞌusda ndi yun kꞌut dunene bukꞌensiꞌ kꞌet ꞌaw ꞌilhoghun duYeꞌ ꞌen bugha ínilhti. Mbene la ꞌen ghun ooba ꞌalhaꞌ yintꞌohne ꞌaw dalhótisa, ꞌilhiz wheni huhutinalh. 17ꞋAw dune ba nahutiyeh wheni íloh Yakꞌusda duYeꞌ ndi yun kꞌuz yutilhꞌaꞌ. ꞋEn gha ndi yun kꞌut whutꞌenne tsꞌiyawh hudoojih, ꞌet wheni ndi yun kꞌuz yutilhꞌaꞌ. 18Mbene la buba ꞌálhaꞌ yintꞌohne ꞌaw buba nalhotisde. ꞋEt mbene la ꞌaw ooba ꞌálhaꞌ lheꞌyítꞌohne, ꞌenne ꞌudaꞌ buba nahisda wheꞌ hintꞌoh, ꞌaw Yakꞌusda ooYeꞌ booziꞌ ꞌaw buba ꞌalhaꞌ lheꞌyítꞌoh ꞌet huwa. 19ꞋEn ꞌuntꞌoh be hóotꞌen-i unli whe ndi yun kꞌeínya. ꞋEt hoontsꞌi ndi yun kꞌut dunene tsalhgus yo tsꞌe haínya-un, ꞌen ndi be hóotꞌen-i anus hikꞌentsiꞌ, njan neꞌhutꞌen-un ꞌon nus hoontsiꞌ tsꞌe za hitꞌelh ꞌet huwa. ꞋEt huwa la buba nahoodeh. 20Mbene la hoontsiꞌ te neꞌútꞌenne, ꞌenne ndi be hóotꞌen-i hitsꞌu dutni. ꞋEt huwa ndi be hóotꞌen-i, ꞌaw hitsꞌun tóoyaꞌ ꞌaítꞌoh, doo ka la tankꞌus ꞌúhutꞌen-un tsꞌet ha hóoltsꞌit ꞌet whuchꞌa. 21ꞋEt hoontsꞌi mbe la tsꞌihꞌun unꞌa ꞌitꞌelh-un, ꞌen ndi be hóotꞌen-i tsꞌu tiyalh, ꞌet whe la tsꞌiyanne tꞌehonózin, ntsꞌoh tula neꞌútꞌen-un, Yakꞌusda ꞌen gha za ꞌitꞌen.”
John dune too be ꞌulhꞌen-un Jesus yuba whudílhtiꞌ
22Njan ꞌoh túneꞌ whustꞌen hukwꞌelhꞌaz Jesus ꞌinkꞌez yugha hodulꞌehne te Judea yun kꞌut tsꞌe hoozdil. ꞋEt yugha hodulꞌehne te ꞌet hudáltsꞌiꞌ ꞌinkꞌez dune too beꞌ balhꞌen. 23ꞋOh daꞌ John ꞌen cha keyoh Aenon huwhútni-un keyoh Salem huwhútni-un whenghoh whuzꞌai-un, ꞌet dune too be ꞌúlhꞌen, tube ꞌet too lhai ꞌinka. Dune hitsꞌu lhodulh ꞌinkꞌez whulohne dune too beꞌ binla. 24ꞋAwhuz John ꞌalhuháyusꞌai daꞌ ꞌet huwa. 25John yugha hodulꞌehne Lizwifne bulh howun lhdulhyoh ꞌuhudutni, Lizwifne bube ꞌutꞌen kꞌoh hukwꞌunꞌa lanaꞌhuldoh ꞌet huwun. 26ꞋInkꞌez John highu nindil ꞌinkꞌez huyoodulhkut, “Rabbi ndun dune ꞌilhoghun ngha hodulꞌeh-un, Jordan koh nyaz tsꞌe, ꞌen ghun dune bubulh yaílhduk ínleꞌ, ꞌawet ꞌen dune too be ꞌúlhꞌen ꞌinkꞌez tsꞌiyanne hitsꞌú lhodulh,” huyúlhni.
27ꞋEt John ubúlhni, “Yakꞌusda yugha óoninꞌai de za, ꞌet huwa hoonliyaz ootꞌeꞌ ꞌaítꞌoh. 28Nohnichꞌoh hoontsꞌi la daja dusni-un la tꞌéoonáhzun, si ꞌaw Christ ꞌen iloh ꞌustꞌoh. ꞋEt hoontsꞌi ꞌilhoghun yutso whusálꞌaꞌ-un, ꞌen ꞌustꞌoh. 29ꞋEt ndóohoontꞌoh whe, ꞌilhoghun dune tsꞌeke yughusda-un, ꞌen ꞌat utꞌí-un ꞌuntꞌoh. ꞋEt ooyadan yuzih usyin-un ꞌinkꞌez yughuni yoozílhtsꞌai whe la tube yuba hóontꞌiꞌ. ꞋEt huwa nohdúsni si cha whuz unꞌa tube cho hoonústꞌiꞌ.#3:29 Ndun dune ꞌat utꞌí-un, ꞌen Jesus Christ ndultꞌoh, ꞌinkꞌez ooyadan ꞌen John dune too be ꞌulhꞌen-un ndultꞌoh ni whe ꞌutni. 30ꞋOn nus tube cho hidólhtiꞌ ꞌinkꞌez si hukwꞌelhꞌi le sba hodólhtiꞌ, ꞌet whuz unꞌa ꞌuhótꞌeꞌ hubaꞌ hoontꞌoh.
31Ndun yoo dus de haínya-un, ꞌen tsꞌiyanne ando ꞌuntꞌoh ꞌinkꞌez ndun yinka tsꞌu haínya-un, ꞌen yinka dune unli, ꞌet huwa ndi yun kꞌut hoonli-i, ꞌi za ghu yalhduk. ꞋEt ndun yakꞌuz tsꞌe haínya-un, ꞌen tsꞌiyanne ando ꞌuntꞌoh. 32ꞋInkꞌez ndet la ndun whunalhꞌen ꞌinkꞌez whudántsꞌo-un, ꞌet ꞌuyoonne cha ubúlhni, ꞌet hoontsꞌi daja ubúlhni-un ꞌaw highuni lhulhchoot. 33Mbe la yughuni ilhchoot-un daja ni-un, ꞌen ꞌutni ndun Yakꞌusda ꞌen ooba ꞌalhaꞌ yintꞌoh, ni. 34Ndun ꞌen Yakꞌusda whusayálhꞌaꞌ-un, ꞌen ꞌinkꞌez didut Ndoni be yudilhbun, ꞌet huwa Yakꞌusda ooghuni za be yálhduk. 35Yakꞌusda ꞌen duYeꞌ yukꞌensiꞌ ꞌet huwa tsꞌiyaitsuk kꞌúneꞌ hoolꞌen-un, ꞌet yugha óoninꞌai. 36Mbene la Yakꞌusda ooYeꞌ ooba ꞌalhaꞌ yintꞌohne, ꞌilhiz wheni be tsꞌúkhuna-i, ꞌi huyutꞌi, ꞌinkꞌez mbene la ooba ꞌalhaꞌ lheꞌyitꞌohne, ꞌenne ꞌaw huhooꞌen ꞌaítꞌoh, Yakꞌusda yé bubulh húnilchꞌe-i ꞌahoolhyiz wheni bukꞌut uyitátꞌelh,” ni John.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
© 2019, Wycliffe Bible Translators, Inc. All rights reserved.