Bokin’i Daniela 11
11
1«Izaho koa tamin’ny taona voalohany nanjakan’i Dariosa ilay Meda no nitsangana teo anilany hanohana sy hankahery azy.
2Ankehitriny, indro haharihariko aminao ny marina.»
Ireo ady voalohan’ny Seleosida sy ny Lazida X
Mbola hisy mpanjaka telo koa hitsangana amin’i Persa; ary ny fahefatra#11,2 Mpanjaka telo...ny fahefatra, sns. Dia i Sirosa, i Kambiza, i Dariosa, i Kserksesa. hanan-karena mihoatra noho izy rehetra, ka rehefa mahery noho ny hareny izy, dia hanainga ny zavatra rehetra hamely ny fanjakan’i Javàna. 3Ary hisy mpanjaka mahery fo#11,3 Mpanjaka telo...ny fahefatra, sns. Dia i Sirosa, i Kambiza, i Dariosa, i Kserksesa. hanam-pahefana lehibe, ka hanao izay mahafinaritra azy. 4Raha vao tafatsangana izy dia ho voatorotoro ny fanjakany, ka hozarazaraina#11,4 Hozarazaraina: Ny fanjakan’i Aleksandra no hozaraina ho fanjakana efatra (jereo Dan 8,8-22). ho amin’ny rivotra efatry ny lanitra, fa tsy ho an’ny taranany, sady tsy hanam-pahefana tahaka izay nananany, satria ho rovitra ny fanjakany, ka lasan’ny hafa fa tsy ho an’ireo.
5Ho tonga mahery ny mpanjakan’ny Atsimo#11,5 Mpanjakan’ny Atsimo: Ny mpanjakan’i Ejipta. Ny mpanjakan’ny Avaratra dia ny mpanjakan’i Siria. Ny mpanjakan’ny Atsimo, dia i Ptôlomeo., sy ny iray amin’ny jeneraliny#11,5 Iray amin’ny jeneraliny: i Seleokosa Nikatora, mpamorona ny fanjakana vaovaon’i Siria., izay ho tonga mahery noho izy, ho mahefa; ary ho fahefana lehibe ny fahefany. 6Rehefa afaka taona vitsivitsy, hihavana izy ireo, ary ho tonga any amin’ny mpanjakan’ny Avaratra, ny zanaka vavin’ny mpanjakan’ny Avaratra, hanao fanekena. Tsy hahatana ilay tohan-tsandriny anefa razazavavy; fa tsy haharitra izy io, na ny sandrin’ny tenany aza tsy haharitra amin’ny heriny, ka hatolotra razazavavy, dia izy sy ireo nitondra azy, ny rainy niteraka azy mbamin’ilay nanohana azy nandritra ny fotoana vitsivitsy. 7Fa hisy solofo iray avy amin’ny fotony, hitsangana handimby azy; ho tonga ao amin’ny tafika izy, hiditra ny tanàna mimandan’ny mpanjakan’ny Avaratra, ary hataony amin’izay itiavany azy ireny, dia hahery izy. 8Hoentiny ho babo any Ejipta hatramin’ny andriamaniny, ny sarin-javatra anidiny, ny fanaka sarobidiny, na ny volamena na ny volafotsy; ary hahombiazany ny mpanjakan’ny Avaratra mandritra ny taona maro, 9vao mba hiditra any amin’ny fanjakan’ny Atsimo kosa, dia niverina any amin’ny taniny ihany indray.
10Fa hamonona fiadiana indray ireo zanany, sady hanangona miaramila maro be, ka ho avy ny anankiray amin’izy ireo hanenika toy ny ranobe, hibosesika vao hiverina, ary hikirizany hasiana ny tanàna mimanda. 11Hisafoaka ny mpanjakan’ny Atsimo, ka hivoaka hiady aminy, dia amin’ny fanjakan’ny Avaratra; hamory miaramila betsaka izy, ary hatolotra azy ny miaramilan’ny mpanjakan’ny Avaratra. 12Hitombo ny herim-pony manoloana ity vahoaka be voavory hamely azy; haharipaka arivoarivo izy, nefa tsy hitombo ny heriny amin’izany. 13Fa hamory miaramila maro noho ny teo indray ny mpanjakan’ny Avaratra, ka rehefa afaka taona vitsivitsy dia hiainga mitondra tafika lehibe sy fitaovana be dia be. 14Amin’izany andro izany, maro no hitsangan-kamely ny mpanjakan’ny Atsimo; ary hitsangan-kanatanteraka ny fahitana ny olo-masina amin’ny firenenao, nefa ho lavo izy ireo. 15Ho avy ny mpanjakan’ny Avaratra, ka hanandratra tovon-tany, hanafaka ny tanàna mimanda, tsy hotohan’ny sandrin’ny Atsimo, na ny miaramilany voafantina, ary tsy hisy hery hanohitra. 16Izay nandroso hamely azy, no hanao izay rehetra sitrany, ary tsy hisy olona hahatoha eo anoloany; hijanona eo amin’ny tany be voninahitra izy, ary fandringanana no ho eny an-tanany. 17Hanapa-kevitra ny handroso mitondra ny herin’ny fanjakany rehetra izy, ary hanao izay hifanarahana aminy, ka hanome azy tovovavy anankiray hitari-doza hanjò azy; tsy hahomby anefa izany, fa tsy ho azy izany fanjakana izay. 18Dia any amin’ireo nosy indray no hotodihiny, ka hahalasa be amin’ireo izy; kanjo hisy kapiteny hampitsahatra ny latsa ataony kosa, ka tsy mba ho voalatsa, fa hampitsingerina aminy izay nataony aza. 19Hitodika mankany amin’ny tanàna mimanda any amin’ny taniny izy, nefa ho tafintohina, ka ho lavo, dia tsy ho hita intsony. 20Hisy anankiray hitsangana handimby azy; handefa mpiharaka izy, ho any amin’ny fitoerana izay voninahitry ny fanjakana; nefa andro vitsy foana io dia ho voatorotoro, ka tsy avy amin’ny fahatezerana na amin’ny ady.
I Antiôkosy Epifana
21Hisy olona famingavinga#11,21 Olona famingavinga: I Antiôkosa faha-4 Epifana, rahalahin’i Seleokosa Filôpatora, hovingavingaina noho ny toetrany fetsy ratsy sy mpihatsaravelatsihy. handimby io indray, tsy nomena ny fiandrianam-panjakana; dia hisosoka an-tsokosoko ka hahazo ny fanjakana amin’ny fitetehana mangingina. 22Ireo miaramila nibosesika ho safotra foana eo anatrehany, sady ho voatorotoro mbamin’ilay mpanapaka vita fanekena aminy koa. 23Tsy hasiany raharaha akory, ny fanekena natao taminy, fa hanao an-kafetsena izy, ka hiainga sy handresy amin’olom-bitsy foana. 24Hiditra an-tsokosoko amin’ny faritany mahavokatra indrindra amin’ny tany izy; ka izay tsy vitan’ny razany na ny razan’ny razany dia hovitainy, ka hozarainy amin’ireny ny remby, ny babo, ny harena; ary hamoron-tsaina hamely ny tanàna mimanda izy, ka haharitra fotoana sasantsasany izany. 25Hanainga ny heriny aman-kerim-pony izy, hitari-tafika lehibe hamely ny mpanjakan’ny Atsimo. Ary ho rafitra ady aminy, ny mpanjakan’ny Atsimo, hitondra tafika maro sady mahery indrindra, nefa tsy hahatoha fa hisy firaisan-tetika hiforona hamely azy. 26Izay mihinan-kanina avy amin’ny latabany hanorotoro azy; ny miaramilany hihahaka; ary olona maro no hiampatrampatra maty. 27Samy hisaintsaina ao am-pony hifanimba ireo mpanjaka roa ireo, ka hiray latabatra fa hifamitaka amin’ny resaka; nefa tsy hahomby izany, fa amin’ny fotoana voatendry ihany vao hidona ny farany.
28Hody any amin’ny taniny mitondra harem-be izy; mieritreritra ny hanisy ratsy ny fanekena masina#11,28 Mihevitra ny hanisy ratsy ny fanekena masina izy. Hanisy ratsy ny Jody, vahoakan’ny Fanekena masina. ny fony, ka manatanteraka izany izy vao miverina any amin’ny taniny indray. 29Ho tonga any Atsimo indray izy, amin’ny fotoana voatendry; nefa tsy ho toy ny voalohany, ity diany farany. 30Ho avy hamely azy ny sambon’i Setima ka hanary toky izy, dia hody izy ary ny fanekena masina indray no hampahatezitra azy; ka hamely izy sady hifanao tsikombakomba amin’ireo izay nahafoy ny fanekena. 31Hisy miaramila halefany, ka hipetraka ao ireo: handoto ny fitoerana masina#11,31 Handoto ny fitoerana masina. Ny miaramilan’i Antiôkosa nipetraka teo Jerosalema, ary nanangana ny sarin’ny sampy tao anatin’ny Tempoly., ny tranomimanda, hampitsangana ny sorona tsy tapaka, ary hanangana ny fahavetavetan’ny mpandringana. 32Ry zareo mpivadika ny fanekena, hambosiny#11,32 Ry zareo mpivadika hambosiny. Ny Jody nivadika tamin’ny lalàn’i Môizy dia notarihin’i Apôlôniosa hanaraka ny fomban’ny Jentily. amin’ny fandroboana mba ho amin’ny fanompoan-tsampy, fa ilay vahoaka misy olona mahalala ny Andriamaniny kosa hahatoha sady hiasa. 33Hampianatra ny ankapobem-bahoaka#11,33 Hampianatra ny ankapobem-bahoaka: I Matatiasa sy ny zanany, Eleazara... no nampianatra ny vahoaka hifikitra amin’ny fanompoana an’Andriamanitra. Dia nenjehina izy ireo; nefa nahazo famonjena kely, tamin’ny andron-dry Makabeo. ireo izay manan-tsaina amin’ny vahoaka; nefa ho lavon’ny sabatra aman-delafo sy ny famaboana amam-pandrobana izy ireo, mandritra ny fotoana sasantsasany. 34Amin’ny hahalavoany toy izany, dia hahazo famonjena kely izy, sady misimisy ihany koa no hikambana aminy, nefa amim-pihatsarambelatsihy fotsiny. 35Ary amin’ireo manan-tsaina, ny sasany no ho lavo mba hozahan-toetra sy hanadiovana ary hamotsiana azy, mandra-pahatongan’ny fotoana farany, fa mbola tsy ho amin’ny fotoana voatendry amin’izany.
36Ny mpanjaka hanao izay sitrany, hanandra-tena sady hanavoavo ny tenany ho ambony noho ny andriamanitra rehetra, ary hilaza zavatra mihoa-pampana manohitra ny Andriamanitry ny andriamanitra; ary hambinina izy, mandra-pahafenon’ny fahatezerana; satria tsy maintsy ho tanteraka izay efa tapaka. 37Tsy misy hahoany akory na ny andriamanitry ny razany#11,37 Andriamanitry ny razany: Dia ny andriamanitry ny Sirianina. Ny andriamanitra mamin’i Antiôkosa anefa dia i Jopitera Olimpianina izay tompoin’ny Rômanina., na ny andriamanitra tsizy lalain’ny vehivavy; tsy hahoany akory izay Andriamanitra, fa hanavoavo ny tenany ho ambony noho ny zavatra rehetra izy. 38Ny andriamanitry ny tanàna mimanda#11,38 Andriamanitry ny tanàna mimanda: I Jopitera Kapitôlinina izay manambara ny herin’ny foloalindahy; naraikitr’i Antiôkosa fa ny fivavahana aminy dia atao any Siria sy any Jodea. no hany hankalazainy ao amin’ny fitoerany; izany andriamanitra tsy fantatry ny razany izany no hankalazainy amin’ny volamena, ny volafotsy, ny vatosoa ary ny firavaka. 39Hamely ny mandan’ny trano mimanda izy, omban’ny andriamani-kafa; ka izay hanaiky azy homeny voninahitra be, hataony mpanapaka ny maro, ary hizarany tany ho valisoa.
FOTOANA FARANY
Ny hiafaran’ny mpanenjika
40Amin’ny fotoana farany#11,40 Amin’ny fotoana farany: Rehefa antomotra ny hahafatesan’i Antiôkosa sy ny hiafaran’ny fanenjehana. ny mpanjakan’ny Atsimo hanoto azy; ny mpanjakan’ny Avaratra hiantonta aminy, hitondra kalesy sy mpitaingin-tsoavaly aman-tsambo maro, handroso any afovoan-tany izy, ka handalo hoatra ny ranobe manafotra. 41Hiditra amin’ny tany be voninahitra izy, ka maro no ho ripaka; ho afa-mandositra ny tanany anefa ireto: i Edôma sy i Moaba ary ny lohan’ny taranak’i Amôna. 42Haninjitra ny tanany amin’ny tany sasany izy, ka tsy ho afa-mandositra ny tany Ejipta. 43Ho lasany avokoa ny rakitra volamena sy volafotsy mbamin’ny zava-tsoan’i Ejipta rehetra; handeha hanaraka azy ny Libianina sy ny Etiôpianina. 44Ho voatebitebin’ny vaovao#11,44 Ho voatebitebin’ny vaovao, sns. Nony niantafika tany Ejipta i Antiôkosa dia nilazana fa nikomy ny firenena, fa efa nanaiky azy, ny Armenianina sy ny Parta; ka niverina izy hanasazy azy. avy any atsinanana sy avy any avaratra anefa izy ka hiainga an-katezerana mafy handrava sy handringana olona maro. 45Haoriny eo anelanelan’ireo ranomasina eo akaikin’ny tendrombohitra masina sy be voninahitra ny tranolain’ny#11,45 Haorina ny tranolainy, sns. Hitoby ao Jerosalema. lapany. Dia hihatra aminy ny fiafaràny#11,45 Hihatra amin’ny fiafaràny: Avy nanafika ny Parta sy ny Armenianina i Antiôkosa no maty tao Tabesa, any Persa, taona 164 talohan’i Jesoa Kristy (1Mak 6; 2Mak 9,5-29)., ary tsy hisy olona hamonjy azy.
Voafantina amin'izao fotoana izao:
Bokin’i Daniela 11: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.
Bokin’i Daniela 11
11
1«Izaho koa tamin’ny taona voalohany nanjakan’i Dariosa ilay Meda no nitsangana teo anilany hanohana sy hankahery azy.
2Ankehitriny, indro haharihariko aminao ny marina.»
Ireo ady voalohan’ny Seleosida sy ny Lazida X
Mbola hisy mpanjaka telo koa hitsangana amin’i Persa; ary ny fahefatra#11,2 Mpanjaka telo...ny fahefatra, sns. Dia i Sirosa, i Kambiza, i Dariosa, i Kserksesa. hanan-karena mihoatra noho izy rehetra, ka rehefa mahery noho ny hareny izy, dia hanainga ny zavatra rehetra hamely ny fanjakan’i Javàna. 3Ary hisy mpanjaka mahery fo#11,3 Mpanjaka telo...ny fahefatra, sns. Dia i Sirosa, i Kambiza, i Dariosa, i Kserksesa. hanam-pahefana lehibe, ka hanao izay mahafinaritra azy. 4Raha vao tafatsangana izy dia ho voatorotoro ny fanjakany, ka hozarazaraina#11,4 Hozarazaraina: Ny fanjakan’i Aleksandra no hozaraina ho fanjakana efatra (jereo Dan 8,8-22). ho amin’ny rivotra efatry ny lanitra, fa tsy ho an’ny taranany, sady tsy hanam-pahefana tahaka izay nananany, satria ho rovitra ny fanjakany, ka lasan’ny hafa fa tsy ho an’ireo.
5Ho tonga mahery ny mpanjakan’ny Atsimo#11,5 Mpanjakan’ny Atsimo: Ny mpanjakan’i Ejipta. Ny mpanjakan’ny Avaratra dia ny mpanjakan’i Siria. Ny mpanjakan’ny Atsimo, dia i Ptôlomeo., sy ny iray amin’ny jeneraliny#11,5 Iray amin’ny jeneraliny: i Seleokosa Nikatora, mpamorona ny fanjakana vaovaon’i Siria., izay ho tonga mahery noho izy, ho mahefa; ary ho fahefana lehibe ny fahefany. 6Rehefa afaka taona vitsivitsy, hihavana izy ireo, ary ho tonga any amin’ny mpanjakan’ny Avaratra, ny zanaka vavin’ny mpanjakan’ny Avaratra, hanao fanekena. Tsy hahatana ilay tohan-tsandriny anefa razazavavy; fa tsy haharitra izy io, na ny sandrin’ny tenany aza tsy haharitra amin’ny heriny, ka hatolotra razazavavy, dia izy sy ireo nitondra azy, ny rainy niteraka azy mbamin’ilay nanohana azy nandritra ny fotoana vitsivitsy. 7Fa hisy solofo iray avy amin’ny fotony, hitsangana handimby azy; ho tonga ao amin’ny tafika izy, hiditra ny tanàna mimandan’ny mpanjakan’ny Avaratra, ary hataony amin’izay itiavany azy ireny, dia hahery izy. 8Hoentiny ho babo any Ejipta hatramin’ny andriamaniny, ny sarin-javatra anidiny, ny fanaka sarobidiny, na ny volamena na ny volafotsy; ary hahombiazany ny mpanjakan’ny Avaratra mandritra ny taona maro, 9vao mba hiditra any amin’ny fanjakan’ny Atsimo kosa, dia niverina any amin’ny taniny ihany indray.
10Fa hamonona fiadiana indray ireo zanany, sady hanangona miaramila maro be, ka ho avy ny anankiray amin’izy ireo hanenika toy ny ranobe, hibosesika vao hiverina, ary hikirizany hasiana ny tanàna mimanda. 11Hisafoaka ny mpanjakan’ny Atsimo, ka hivoaka hiady aminy, dia amin’ny fanjakan’ny Avaratra; hamory miaramila betsaka izy, ary hatolotra azy ny miaramilan’ny mpanjakan’ny Avaratra. 12Hitombo ny herim-pony manoloana ity vahoaka be voavory hamely azy; haharipaka arivoarivo izy, nefa tsy hitombo ny heriny amin’izany. 13Fa hamory miaramila maro noho ny teo indray ny mpanjakan’ny Avaratra, ka rehefa afaka taona vitsivitsy dia hiainga mitondra tafika lehibe sy fitaovana be dia be. 14Amin’izany andro izany, maro no hitsangan-kamely ny mpanjakan’ny Atsimo; ary hitsangan-kanatanteraka ny fahitana ny olo-masina amin’ny firenenao, nefa ho lavo izy ireo. 15Ho avy ny mpanjakan’ny Avaratra, ka hanandratra tovon-tany, hanafaka ny tanàna mimanda, tsy hotohan’ny sandrin’ny Atsimo, na ny miaramilany voafantina, ary tsy hisy hery hanohitra. 16Izay nandroso hamely azy, no hanao izay rehetra sitrany, ary tsy hisy olona hahatoha eo anoloany; hijanona eo amin’ny tany be voninahitra izy, ary fandringanana no ho eny an-tanany. 17Hanapa-kevitra ny handroso mitondra ny herin’ny fanjakany rehetra izy, ary hanao izay hifanarahana aminy, ka hanome azy tovovavy anankiray hitari-doza hanjò azy; tsy hahomby anefa izany, fa tsy ho azy izany fanjakana izay. 18Dia any amin’ireo nosy indray no hotodihiny, ka hahalasa be amin’ireo izy; kanjo hisy kapiteny hampitsahatra ny latsa ataony kosa, ka tsy mba ho voalatsa, fa hampitsingerina aminy izay nataony aza. 19Hitodika mankany amin’ny tanàna mimanda any amin’ny taniny izy, nefa ho tafintohina, ka ho lavo, dia tsy ho hita intsony. 20Hisy anankiray hitsangana handimby azy; handefa mpiharaka izy, ho any amin’ny fitoerana izay voninahitry ny fanjakana; nefa andro vitsy foana io dia ho voatorotoro, ka tsy avy amin’ny fahatezerana na amin’ny ady.
I Antiôkosy Epifana
21Hisy olona famingavinga#11,21 Olona famingavinga: I Antiôkosa faha-4 Epifana, rahalahin’i Seleokosa Filôpatora, hovingavingaina noho ny toetrany fetsy ratsy sy mpihatsaravelatsihy. handimby io indray, tsy nomena ny fiandrianam-panjakana; dia hisosoka an-tsokosoko ka hahazo ny fanjakana amin’ny fitetehana mangingina. 22Ireo miaramila nibosesika ho safotra foana eo anatrehany, sady ho voatorotoro mbamin’ilay mpanapaka vita fanekena aminy koa. 23Tsy hasiany raharaha akory, ny fanekena natao taminy, fa hanao an-kafetsena izy, ka hiainga sy handresy amin’olom-bitsy foana. 24Hiditra an-tsokosoko amin’ny faritany mahavokatra indrindra amin’ny tany izy; ka izay tsy vitan’ny razany na ny razan’ny razany dia hovitainy, ka hozarainy amin’ireny ny remby, ny babo, ny harena; ary hamoron-tsaina hamely ny tanàna mimanda izy, ka haharitra fotoana sasantsasany izany. 25Hanainga ny heriny aman-kerim-pony izy, hitari-tafika lehibe hamely ny mpanjakan’ny Atsimo. Ary ho rafitra ady aminy, ny mpanjakan’ny Atsimo, hitondra tafika maro sady mahery indrindra, nefa tsy hahatoha fa hisy firaisan-tetika hiforona hamely azy. 26Izay mihinan-kanina avy amin’ny latabany hanorotoro azy; ny miaramilany hihahaka; ary olona maro no hiampatrampatra maty. 27Samy hisaintsaina ao am-pony hifanimba ireo mpanjaka roa ireo, ka hiray latabatra fa hifamitaka amin’ny resaka; nefa tsy hahomby izany, fa amin’ny fotoana voatendry ihany vao hidona ny farany.
28Hody any amin’ny taniny mitondra harem-be izy; mieritreritra ny hanisy ratsy ny fanekena masina#11,28 Mihevitra ny hanisy ratsy ny fanekena masina izy. Hanisy ratsy ny Jody, vahoakan’ny Fanekena masina. ny fony, ka manatanteraka izany izy vao miverina any amin’ny taniny indray. 29Ho tonga any Atsimo indray izy, amin’ny fotoana voatendry; nefa tsy ho toy ny voalohany, ity diany farany. 30Ho avy hamely azy ny sambon’i Setima ka hanary toky izy, dia hody izy ary ny fanekena masina indray no hampahatezitra azy; ka hamely izy sady hifanao tsikombakomba amin’ireo izay nahafoy ny fanekena. 31Hisy miaramila halefany, ka hipetraka ao ireo: handoto ny fitoerana masina#11,31 Handoto ny fitoerana masina. Ny miaramilan’i Antiôkosa nipetraka teo Jerosalema, ary nanangana ny sarin’ny sampy tao anatin’ny Tempoly., ny tranomimanda, hampitsangana ny sorona tsy tapaka, ary hanangana ny fahavetavetan’ny mpandringana. 32Ry zareo mpivadika ny fanekena, hambosiny#11,32 Ry zareo mpivadika hambosiny. Ny Jody nivadika tamin’ny lalàn’i Môizy dia notarihin’i Apôlôniosa hanaraka ny fomban’ny Jentily. amin’ny fandroboana mba ho amin’ny fanompoan-tsampy, fa ilay vahoaka misy olona mahalala ny Andriamaniny kosa hahatoha sady hiasa. 33Hampianatra ny ankapobem-bahoaka#11,33 Hampianatra ny ankapobem-bahoaka: I Matatiasa sy ny zanany, Eleazara... no nampianatra ny vahoaka hifikitra amin’ny fanompoana an’Andriamanitra. Dia nenjehina izy ireo; nefa nahazo famonjena kely, tamin’ny andron-dry Makabeo. ireo izay manan-tsaina amin’ny vahoaka; nefa ho lavon’ny sabatra aman-delafo sy ny famaboana amam-pandrobana izy ireo, mandritra ny fotoana sasantsasany. 34Amin’ny hahalavoany toy izany, dia hahazo famonjena kely izy, sady misimisy ihany koa no hikambana aminy, nefa amim-pihatsarambelatsihy fotsiny. 35Ary amin’ireo manan-tsaina, ny sasany no ho lavo mba hozahan-toetra sy hanadiovana ary hamotsiana azy, mandra-pahatongan’ny fotoana farany, fa mbola tsy ho amin’ny fotoana voatendry amin’izany.
36Ny mpanjaka hanao izay sitrany, hanandra-tena sady hanavoavo ny tenany ho ambony noho ny andriamanitra rehetra, ary hilaza zavatra mihoa-pampana manohitra ny Andriamanitry ny andriamanitra; ary hambinina izy, mandra-pahafenon’ny fahatezerana; satria tsy maintsy ho tanteraka izay efa tapaka. 37Tsy misy hahoany akory na ny andriamanitry ny razany#11,37 Andriamanitry ny razany: Dia ny andriamanitry ny Sirianina. Ny andriamanitra mamin’i Antiôkosa anefa dia i Jopitera Olimpianina izay tompoin’ny Rômanina., na ny andriamanitra tsizy lalain’ny vehivavy; tsy hahoany akory izay Andriamanitra, fa hanavoavo ny tenany ho ambony noho ny zavatra rehetra izy. 38Ny andriamanitry ny tanàna mimanda#11,38 Andriamanitry ny tanàna mimanda: I Jopitera Kapitôlinina izay manambara ny herin’ny foloalindahy; naraikitr’i Antiôkosa fa ny fivavahana aminy dia atao any Siria sy any Jodea. no hany hankalazainy ao amin’ny fitoerany; izany andriamanitra tsy fantatry ny razany izany no hankalazainy amin’ny volamena, ny volafotsy, ny vatosoa ary ny firavaka. 39Hamely ny mandan’ny trano mimanda izy, omban’ny andriamani-kafa; ka izay hanaiky azy homeny voninahitra be, hataony mpanapaka ny maro, ary hizarany tany ho valisoa.
FOTOANA FARANY
Ny hiafaran’ny mpanenjika
40Amin’ny fotoana farany#11,40 Amin’ny fotoana farany: Rehefa antomotra ny hahafatesan’i Antiôkosa sy ny hiafaran’ny fanenjehana. ny mpanjakan’ny Atsimo hanoto azy; ny mpanjakan’ny Avaratra hiantonta aminy, hitondra kalesy sy mpitaingin-tsoavaly aman-tsambo maro, handroso any afovoan-tany izy, ka handalo hoatra ny ranobe manafotra. 41Hiditra amin’ny tany be voninahitra izy, ka maro no ho ripaka; ho afa-mandositra ny tanany anefa ireto: i Edôma sy i Moaba ary ny lohan’ny taranak’i Amôna. 42Haninjitra ny tanany amin’ny tany sasany izy, ka tsy ho afa-mandositra ny tany Ejipta. 43Ho lasany avokoa ny rakitra volamena sy volafotsy mbamin’ny zava-tsoan’i Ejipta rehetra; handeha hanaraka azy ny Libianina sy ny Etiôpianina. 44Ho voatebitebin’ny vaovao#11,44 Ho voatebitebin’ny vaovao, sns. Nony niantafika tany Ejipta i Antiôkosa dia nilazana fa nikomy ny firenena, fa efa nanaiky azy, ny Armenianina sy ny Parta; ka niverina izy hanasazy azy. avy any atsinanana sy avy any avaratra anefa izy ka hiainga an-katezerana mafy handrava sy handringana olona maro. 45Haoriny eo anelanelan’ireo ranomasina eo akaikin’ny tendrombohitra masina sy be voninahitra ny tranolain’ny#11,45 Haorina ny tranolainy, sns. Hitoby ao Jerosalema. lapany. Dia hihatra aminy ny fiafaràny#11,45 Hihatra amin’ny fiafaràny: Avy nanafika ny Parta sy ny Armenianina i Antiôkosa no maty tao Tabesa, any Persa, taona 164 talohan’i Jesoa Kristy (1Mak 6; 2Mak 9,5-29)., ary tsy hisy olona hamonjy azy.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.