Salamo 37
37
SALAMO (Volgata 36)#37 Ity Salamo ity dia ialohavan’ny litera iray amin’ny abidy isaky ny andininy rehetra.
Ny anjaran’ny olo-marina sy ny meloka
1 Nataon’i Davida.
Alef
Aza tezitra noho ny amin’ny mpanao ratsy,
na mitsiriritra ny toetr’izay mpanao heloka.
2Fa hojinjaina faingana tahaka ny ahitra ireny,
ka halazo tahaka ny ahi-maitso.
Bet
3Matokia an’i Iaveh, ary manaova soa;
monena amin’ny tany#37,3 Monena amin’ny tany, tsy amin’ahiahy, ka miadàna tsara ao, fa mandry feizay. Ny Jody voababo ao Babilôna angamba, izay naniry fatratra ny hody any amin’ny taniny no nilaza izany. Voasan’ny Ray ao amin’ny Fiangonana izany ho milaza ny tanindrazantsika any an-danitra. ary manaràna fo amin’ny fahatokiany.
4I Iaveh no ataovy firavoravoanao,
dia omeny anao izay irin’ny fonao.
Gimel
5Ankino amin’i Iaveh ny anjaranao,
dia matokia Azy, fa dia hanao Izy;
6hataony mamirapiratra toy ny mazava ny fahamarinanao;
ary tahaka ny andro mitatao vovonana ny fanananao ny rariny.
Dalet
7Mitoera amim-panginana, eo anatrehan’i Iaveh ary manantenà Azy;
aza tezitra noho ny amin’izay ambinina amin’ny lalany,
dia ny olona mahomby amin’ny tetikadiny.
He
8Atsaharo ny hatezerana, halaviro ny havinirana;
aza misafoaka foana ka hipaka amin’ny ratsy.
9Fa ny ratsy fanahy hofongorana;
ary izay matoky an’i Iaveh no hanana ny tany.
Vao
10Raha afaka kelikely foana dia tsy ho eo intsony ny ratsy fanahy;
mijery ny fitoerany ianao, fa efa nanjavona izy.
11Ny malemy fanahy no hanana ny tany;
ka ho finaritra mankafỳ fiadanana lehibe.
Jain
12Ny ratsy fanahy namoron-tsain-dratsy, hamelezana ny marina,
sady manidy vazana aminy.
13Fa ny Tompo kosa mihomehy ny ratsy fanahy,
satria hitany fa tonga ny androny#37,13 Ho tonga ny androny. Ny andron’ny Tompo dia ny farandron’izao tontolo izao, izay hitsarany ny olon-drehetra sy hamaliany azy..
Het
14Ny ratsy fanahy manatsoaka ny sabany, manenjana ny tsipìkany
handavo ny ory sy ny malahelo,
hamono izay mahitsy lalana.
15Ny sabany hiditra amin’ny fony ihany;
ary ny tsipìkany ho tapatapaka!
Tet
16Aleo ny kely ananan’ny olo-marina,
toy izay ny be ananan’ny olon-dratsy maro;
17fa ny sandrin’ny mpanao ratsy, ho tapatapaka;
ary ny olo-marina kosa hotohanan’i Iaveh.
Iôd
18Fantatr’i Iaveh ny andron’ny marina#37,18 Fantatr’i Iaveh ny andron’ny marina. Izy dia mahalala ny toe-piainana sy fitondran-tenan’ny olo-marina, ka mankasitraka azy. Mitandrina sy mitondra azy amim-pitiavana Izy eto an-tany koa, ka omeny izay ilainy.;
ary ny lovany haharitra mandrakizay.
19Tsy mba menatra izy amin’ny andron’ny fahoriany;
ary ho voky amin’ny taona mosarena.
Kaf
20Fa ny ratsy fanahy kosa ho levona;
ny fahavalon’i Iaveh hanahaka ny voninahitry ny tanim-bilona;
ho lasan-ko setroka ireny, dia ho levona.
Lamed
21Ny ratsy fanahy misambotra, nefa tsy mamerina,
fa ny marina kosa be antra ka manome.
22Izay tahin’i Iaveh hanana ny tany;
izay ozoniny dia hofongorana.
Mem
23I Iaveh no mahamafy ny dian’ny olo-marina;
ary mankasitraka ny lalany.
24Raha lavo izy tsy mba miampatra amin’ny tany;
fa i Iaveh mitantana azy.
Non
25Efa tanora ihany aho; ary indro antitra ankehitriny;
fa tsy mba hitako nafoy izay olo-marina,
na ny taranany nangataka hanina.
26Antra olona mandrakariva izy ka mampisambotra;
ary mahazo fanambinana ny taranany.
Samek
27Halaviro ny ratsy ary manaova ny tsara,
dia mitoera mandrakizay ao am-ponenanao.
28Fa tian’i Iaveh ny rariny,
ary tsy foiny ny olo-miraiki-po aminy.
Eo ambany fiambenany mandrakariva ireny,
fa ny taranaky ny ratsy fanahy kosa hofongorana.
29Hanana ny tany ny olo-marina,
dia honina eo mandrakizay.
Fe
30Milaza fahendrena ny vavan’ny marina;
ary manambara ny rariny ny lelany,
31ny lalàn’ny Andriamaniny dia ao am-pony,
tsy mba solafaka ny diany.
Tsade
32Ny ratsy fanahy mitsikilo ny marina,
ka mitady izay hahafaty azy;
33fa i Iaveh tsy mahafoy azy ho eo an-tanany;
ary tsy manameloka azy, raha avy izay hitsarana azy.
Kôf
34Miandrasa an’i Iaveh, ary araho ny lalany,
dia hanandratra anao Izy, ka hanana ny tany ianao;
raha avy izay hamongorana ny ratsy fanahy, dia ho hitanao izany#37,34 Ho hitanao izany; izay vao voalaza teo, dia ny handringanana ny ratsy, sy ny hanomezana ny tany hiadanan’ny tsara fanahy..
Resh
35Nahita ny tsy mpivavaka efa mby eo amin’ny fanaperam-pahefana aho,
nisandrahaka tahaka ny hazo maitso maniry izy.
36Nandalo aho dia tsy teo intsony izy;
nitady azy aho fa tsy hita intsony izy.
Shin
37Mba diniho kosa ange ny marina, ka jereo ny mahitsy:
fa manam-para mandimby ny olona tia fihavanana,
38Fa ny mpikomy kosa haringana avokoa;
ny taranaky ny ratsy fanahy hofongorana.
Tao
39Avy tamin’i Iaveh no iavian’ny famonjena ny marina;
mpiaro azy amin’ny andron’ny fahoriana Izy.
40I Iaveh no tonga manampy sy manafaka azy;
manafaka amin’ny ratsy fanahy sy mamonjy azy Izy,
satria Izy no nataony fototry ny fitokiany.
Voafantina amin'izao fotoana izao:
Salamo 37: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.
Salamo 37
37
SALAMO (Volgata 36)#37 Ity Salamo ity dia ialohavan’ny litera iray amin’ny abidy isaky ny andininy rehetra.
Ny anjaran’ny olo-marina sy ny meloka
1 Nataon’i Davida.
Alef
Aza tezitra noho ny amin’ny mpanao ratsy,
na mitsiriritra ny toetr’izay mpanao heloka.
2Fa hojinjaina faingana tahaka ny ahitra ireny,
ka halazo tahaka ny ahi-maitso.
Bet
3Matokia an’i Iaveh, ary manaova soa;
monena amin’ny tany#37,3 Monena amin’ny tany, tsy amin’ahiahy, ka miadàna tsara ao, fa mandry feizay. Ny Jody voababo ao Babilôna angamba, izay naniry fatratra ny hody any amin’ny taniny no nilaza izany. Voasan’ny Ray ao amin’ny Fiangonana izany ho milaza ny tanindrazantsika any an-danitra. ary manaràna fo amin’ny fahatokiany.
4I Iaveh no ataovy firavoravoanao,
dia omeny anao izay irin’ny fonao.
Gimel
5Ankino amin’i Iaveh ny anjaranao,
dia matokia Azy, fa dia hanao Izy;
6hataony mamirapiratra toy ny mazava ny fahamarinanao;
ary tahaka ny andro mitatao vovonana ny fanananao ny rariny.
Dalet
7Mitoera amim-panginana, eo anatrehan’i Iaveh ary manantenà Azy;
aza tezitra noho ny amin’izay ambinina amin’ny lalany,
dia ny olona mahomby amin’ny tetikadiny.
He
8Atsaharo ny hatezerana, halaviro ny havinirana;
aza misafoaka foana ka hipaka amin’ny ratsy.
9Fa ny ratsy fanahy hofongorana;
ary izay matoky an’i Iaveh no hanana ny tany.
Vao
10Raha afaka kelikely foana dia tsy ho eo intsony ny ratsy fanahy;
mijery ny fitoerany ianao, fa efa nanjavona izy.
11Ny malemy fanahy no hanana ny tany;
ka ho finaritra mankafỳ fiadanana lehibe.
Jain
12Ny ratsy fanahy namoron-tsain-dratsy, hamelezana ny marina,
sady manidy vazana aminy.
13Fa ny Tompo kosa mihomehy ny ratsy fanahy,
satria hitany fa tonga ny androny#37,13 Ho tonga ny androny. Ny andron’ny Tompo dia ny farandron’izao tontolo izao, izay hitsarany ny olon-drehetra sy hamaliany azy..
Het
14Ny ratsy fanahy manatsoaka ny sabany, manenjana ny tsipìkany
handavo ny ory sy ny malahelo,
hamono izay mahitsy lalana.
15Ny sabany hiditra amin’ny fony ihany;
ary ny tsipìkany ho tapatapaka!
Tet
16Aleo ny kely ananan’ny olo-marina,
toy izay ny be ananan’ny olon-dratsy maro;
17fa ny sandrin’ny mpanao ratsy, ho tapatapaka;
ary ny olo-marina kosa hotohanan’i Iaveh.
Iôd
18Fantatr’i Iaveh ny andron’ny marina#37,18 Fantatr’i Iaveh ny andron’ny marina. Izy dia mahalala ny toe-piainana sy fitondran-tenan’ny olo-marina, ka mankasitraka azy. Mitandrina sy mitondra azy amim-pitiavana Izy eto an-tany koa, ka omeny izay ilainy.;
ary ny lovany haharitra mandrakizay.
19Tsy mba menatra izy amin’ny andron’ny fahoriany;
ary ho voky amin’ny taona mosarena.
Kaf
20Fa ny ratsy fanahy kosa ho levona;
ny fahavalon’i Iaveh hanahaka ny voninahitry ny tanim-bilona;
ho lasan-ko setroka ireny, dia ho levona.
Lamed
21Ny ratsy fanahy misambotra, nefa tsy mamerina,
fa ny marina kosa be antra ka manome.
22Izay tahin’i Iaveh hanana ny tany;
izay ozoniny dia hofongorana.
Mem
23I Iaveh no mahamafy ny dian’ny olo-marina;
ary mankasitraka ny lalany.
24Raha lavo izy tsy mba miampatra amin’ny tany;
fa i Iaveh mitantana azy.
Non
25Efa tanora ihany aho; ary indro antitra ankehitriny;
fa tsy mba hitako nafoy izay olo-marina,
na ny taranany nangataka hanina.
26Antra olona mandrakariva izy ka mampisambotra;
ary mahazo fanambinana ny taranany.
Samek
27Halaviro ny ratsy ary manaova ny tsara,
dia mitoera mandrakizay ao am-ponenanao.
28Fa tian’i Iaveh ny rariny,
ary tsy foiny ny olo-miraiki-po aminy.
Eo ambany fiambenany mandrakariva ireny,
fa ny taranaky ny ratsy fanahy kosa hofongorana.
29Hanana ny tany ny olo-marina,
dia honina eo mandrakizay.
Fe
30Milaza fahendrena ny vavan’ny marina;
ary manambara ny rariny ny lelany,
31ny lalàn’ny Andriamaniny dia ao am-pony,
tsy mba solafaka ny diany.
Tsade
32Ny ratsy fanahy mitsikilo ny marina,
ka mitady izay hahafaty azy;
33fa i Iaveh tsy mahafoy azy ho eo an-tanany;
ary tsy manameloka azy, raha avy izay hitsarana azy.
Kôf
34Miandrasa an’i Iaveh, ary araho ny lalany,
dia hanandratra anao Izy, ka hanana ny tany ianao;
raha avy izay hamongorana ny ratsy fanahy, dia ho hitanao izany#37,34 Ho hitanao izany; izay vao voalaza teo, dia ny handringanana ny ratsy, sy ny hanomezana ny tany hiadanan’ny tsara fanahy..
Resh
35Nahita ny tsy mpivavaka efa mby eo amin’ny fanaperam-pahefana aho,
nisandrahaka tahaka ny hazo maitso maniry izy.
36Nandalo aho dia tsy teo intsony izy;
nitady azy aho fa tsy hita intsony izy.
Shin
37Mba diniho kosa ange ny marina, ka jereo ny mahitsy:
fa manam-para mandimby ny olona tia fihavanana,
38Fa ny mpikomy kosa haringana avokoa;
ny taranaky ny ratsy fanahy hofongorana.
Tao
39Avy tamin’i Iaveh no iavian’ny famonjena ny marina;
mpiaro azy amin’ny andron’ny fahoriana Izy.
40I Iaveh no tonga manampy sy manafaka azy;
manafaka amin’ny ratsy fanahy sy mamonjy azy Izy,
satria Izy no nataony fototry ny fitokiany.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.