Genesisy 35
35
Ny nankanesan’i Jakoba tany Betela, sy ny nisehoan’Andriamanitra taminy indray.
1ARY hoy Andriamanitra tamin’i Jakoba: Miaingà, miakara any Betela hianao ka monena any; ary manorena alitara any ho an’Andriamanitra Izay niseho taminao, fony hianao nandositra ny tavan’i Esao rahalahinao. 2Dia hoy Jakoba tamin’izay tao an-tranony mbamin’izay rehetra nomba azy: Ario ireo andriamani-kafa, izay ao aminareo, dia madiova, sady ovay ny fitafianareo;
3ary andeha hiainga isika ka hiakatra any Betela; ary hanao alitara any aho ho an’Andriamanitra, Izay nihaino#35.3 Heb. namaly. ahy tamin’ny andron’ny fahoriako ary nomba ahy tamin’ny làlana izay nalehako. 4Dia natolony teo amin’i Jakoba ny andriamani-kafa rehetra izay notanany sy ny kavina izay teny an-tsofiny; ary dia nalevin’i Jakoba tao am-pototry ny hazo terebinta izay tao akaikin’i Sekema ireo.
5Dia lasa nandeha izy; ary nisy tahotra avy amin’Andriamanitra nahazo ny tanàna manodidina azy, ka tsy nanenjika ny zanak’i Jakoba izy.
6Ary Jakoba dia tonga tany Lozy (Betela izany), izay any amin’ny tany Kanana, dia izy sy ny olona rehetra izay nomba azy. 7Ary nanorina alitara teo izy, ka nataony hoe El-betela#35.7 El-betela = Andriamanitr’i Betela. no anaran’izany tany izany; fa teo no nisehoan’Andriamanitra taminy, fony izy nandositra ny tavan’ny rahalahiny.
8Ary maty Debora, mpitaiza an-dRebeka, ka naleviny tao am-pototr’i Betela, teo ambanin’ny hazo ôka; ary ny anaran’io dia nataony hoe Alona-bakota.#35.8 Alona-bakota = Hazo ôka fitomaniana.
9Ary Andriamanitra niseho indray tamin’i Jakoba, raha tonga avy tany Mesopotamia#35.9 Heb. Padan-arama. izy, ka nitahy azy. 10Ary hoy Andriamanitra taminy: Jakoba no anaranao; nefa tsy hatao hoe Jakoba intsony ny anaranao, fa Isiraely no anaranao; dia nataony hoe Isiraely no anarany. 11Ary hoy Andriamanitra taminy: Izaho no Andriamanitra Tsitoha; maroa fara sy mihabetsaha; firenena maro#35.11 Heb. fikambanam-pirenena. no hiseho avy aminao, ary hisy mpanjaka amin’ny haterakao; 12ary ny tany izay nomeko an’i Abrahama sy Isaka dia homeko anao; ary ny taranakao mandimby anao koa no homeko ny tany.
13Ary Andriamanitra niakatra niala taminy, teo amin’ilay niresahany taminy. 14Ary Jakoba dia nanorina tsangam-bato teo amin’ny fitoerana izay niresahany taminy ka nanidina fanatitra aidina teo aminy sady nampidina diloilo teo aminy koa. 15Ary ny anaran’ny tany izay niresahan’Andriamanitra taminy dia nataon’i Jakoba hoe Betela.
Ny nialan’i Jakoba tany Betela, sy ny nahafatesan-dRahely tany andàlana, ary ny anaran’ny zanakalahin’i Jakoba roa ambin’ny folo.
16DIA nifindra niala tany Betela izy; ary nony efa kely foana#35.16 Heb. kibra iray, anaram-pandrefesana tokony ho maily iray. no sisa tsy nahatongavany tao Efrata, dia nihetsi-jaza Rahely sady sarotiny. 17Ary nony sarotiny toy izany izy, dia hoy ny mpampivelona taminy: Aza matahotra hianao; fa izato koa no zazalahy ho anao. 18Ary rehefa hiala aina (fa maty izy), dia nataony hoe Benony#35.18 Benony = Zanaky ny fahoriako. ny anarany; fa ny rainy kosa nanao azy hoe Benjamina.#35.18 Benjamina = Zanaky ny havanana. 19Dia maty Rahely ka nalevina teo amin’ny làlana mankany Efrata (Betlehema izany). 20Ary Jakoba nanorina tsangam-bato teo ambonin’ny fasany, dia ilay tsangam-bato ao amin’ny fasan-dRahely mandraka andro-any.
21Dia lasa nifindra Isiraely ka nanorina ny lainy tao ankoatr’i Migdaledera. 22Ary raha nonina teo amin’izany tany izany Isiraely, dia avy Robena ka nandry tamin’i Bila, vadi-tsindranon-drainy; ary nahare izany Isiraely.
23Ary ny zanakalahin’i Jakoba dia roa ambin’ny folo mirahalahy: ny zanak’i Lea dia Robena, lahimatoan’i Jakoba, sy Simeona sy Levy sy Joda sy Isakara ary Zebolona; 24ny zana-dRahely kosa dia Josefa sy Benjamina; 25ary ny zanak’i Bila, ankizivavin-dRahely, kosa dia Dana sy Naftaly; 26ary ny zanak’i Zilpa, ankizivavin’i Lea, kosa dia Gada sy Asera. Ireo no zanakalahin’i Jakoba izay naterany tany Mesopotamia.#35.26 Heb. Padan-arama.
27Ary Jakoba nankany amin’Isaka rainy tany Mamre, any Kiriat-arba (Hebrona izany), izay nivahinian’i Abrahama sy Isaka.
28Ary ny andro niainan’Isaka dia valo-polo amby zato taona. 29Dia niala aina Isaka ka maty, ary voangona any amin’ny razany, rehefa tratrantitra sady ela niainana#35.29 Heb. voky andro, na afa-pon’ny miaina. izy; ary dia nandevina azy Esao sy Jakoba zanani-lahy.
Voafantina amin'izao fotoana izao:
Genesisy 35: MBP
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Protestanta Malagasy © Malagasy Bible Society, 1965, 2019.
Genesisy 35
35
Ny nankanesan’i Jakoba tany Betela, sy ny nisehoan’Andriamanitra taminy indray.
1ARY hoy Andriamanitra tamin’i Jakoba: Miaingà, miakara any Betela hianao ka monena any; ary manorena alitara any ho an’Andriamanitra Izay niseho taminao, fony hianao nandositra ny tavan’i Esao rahalahinao. 2Dia hoy Jakoba tamin’izay tao an-tranony mbamin’izay rehetra nomba azy: Ario ireo andriamani-kafa, izay ao aminareo, dia madiova, sady ovay ny fitafianareo;
3ary andeha hiainga isika ka hiakatra any Betela; ary hanao alitara any aho ho an’Andriamanitra, Izay nihaino#35.3 Heb. namaly. ahy tamin’ny andron’ny fahoriako ary nomba ahy tamin’ny làlana izay nalehako. 4Dia natolony teo amin’i Jakoba ny andriamani-kafa rehetra izay notanany sy ny kavina izay teny an-tsofiny; ary dia nalevin’i Jakoba tao am-pototry ny hazo terebinta izay tao akaikin’i Sekema ireo.
5Dia lasa nandeha izy; ary nisy tahotra avy amin’Andriamanitra nahazo ny tanàna manodidina azy, ka tsy nanenjika ny zanak’i Jakoba izy.
6Ary Jakoba dia tonga tany Lozy (Betela izany), izay any amin’ny tany Kanana, dia izy sy ny olona rehetra izay nomba azy. 7Ary nanorina alitara teo izy, ka nataony hoe El-betela#35.7 El-betela = Andriamanitr’i Betela. no anaran’izany tany izany; fa teo no nisehoan’Andriamanitra taminy, fony izy nandositra ny tavan’ny rahalahiny.
8Ary maty Debora, mpitaiza an-dRebeka, ka naleviny tao am-pototr’i Betela, teo ambanin’ny hazo ôka; ary ny anaran’io dia nataony hoe Alona-bakota.#35.8 Alona-bakota = Hazo ôka fitomaniana.
9Ary Andriamanitra niseho indray tamin’i Jakoba, raha tonga avy tany Mesopotamia#35.9 Heb. Padan-arama. izy, ka nitahy azy. 10Ary hoy Andriamanitra taminy: Jakoba no anaranao; nefa tsy hatao hoe Jakoba intsony ny anaranao, fa Isiraely no anaranao; dia nataony hoe Isiraely no anarany. 11Ary hoy Andriamanitra taminy: Izaho no Andriamanitra Tsitoha; maroa fara sy mihabetsaha; firenena maro#35.11 Heb. fikambanam-pirenena. no hiseho avy aminao, ary hisy mpanjaka amin’ny haterakao; 12ary ny tany izay nomeko an’i Abrahama sy Isaka dia homeko anao; ary ny taranakao mandimby anao koa no homeko ny tany.
13Ary Andriamanitra niakatra niala taminy, teo amin’ilay niresahany taminy. 14Ary Jakoba dia nanorina tsangam-bato teo amin’ny fitoerana izay niresahany taminy ka nanidina fanatitra aidina teo aminy sady nampidina diloilo teo aminy koa. 15Ary ny anaran’ny tany izay niresahan’Andriamanitra taminy dia nataon’i Jakoba hoe Betela.
Ny nialan’i Jakoba tany Betela, sy ny nahafatesan-dRahely tany andàlana, ary ny anaran’ny zanakalahin’i Jakoba roa ambin’ny folo.
16DIA nifindra niala tany Betela izy; ary nony efa kely foana#35.16 Heb. kibra iray, anaram-pandrefesana tokony ho maily iray. no sisa tsy nahatongavany tao Efrata, dia nihetsi-jaza Rahely sady sarotiny. 17Ary nony sarotiny toy izany izy, dia hoy ny mpampivelona taminy: Aza matahotra hianao; fa izato koa no zazalahy ho anao. 18Ary rehefa hiala aina (fa maty izy), dia nataony hoe Benony#35.18 Benony = Zanaky ny fahoriako. ny anarany; fa ny rainy kosa nanao azy hoe Benjamina.#35.18 Benjamina = Zanaky ny havanana. 19Dia maty Rahely ka nalevina teo amin’ny làlana mankany Efrata (Betlehema izany). 20Ary Jakoba nanorina tsangam-bato teo ambonin’ny fasany, dia ilay tsangam-bato ao amin’ny fasan-dRahely mandraka andro-any.
21Dia lasa nifindra Isiraely ka nanorina ny lainy tao ankoatr’i Migdaledera. 22Ary raha nonina teo amin’izany tany izany Isiraely, dia avy Robena ka nandry tamin’i Bila, vadi-tsindranon-drainy; ary nahare izany Isiraely.
23Ary ny zanakalahin’i Jakoba dia roa ambin’ny folo mirahalahy: ny zanak’i Lea dia Robena, lahimatoan’i Jakoba, sy Simeona sy Levy sy Joda sy Isakara ary Zebolona; 24ny zana-dRahely kosa dia Josefa sy Benjamina; 25ary ny zanak’i Bila, ankizivavin-dRahely, kosa dia Dana sy Naftaly; 26ary ny zanak’i Zilpa, ankizivavin’i Lea, kosa dia Gada sy Asera. Ireo no zanakalahin’i Jakoba izay naterany tany Mesopotamia.#35.26 Heb. Padan-arama.
27Ary Jakoba nankany amin’Isaka rainy tany Mamre, any Kiriat-arba (Hebrona izany), izay nivahinian’i Abrahama sy Isaka.
28Ary ny andro niainan’Isaka dia valo-polo amby zato taona. 29Dia niala aina Isaka ka maty, ary voangona any amin’ny razany, rehefa tratrantitra sady ela niainana#35.29 Heb. voky andro, na afa-pon’ny miaina. izy; ary dia nandevina azy Esao sy Jakoba zanani-lahy.
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Protestanta Malagasy © Malagasy Bible Society, 1965, 2019.