Isaià 40:12-14
Isaià 40:12-14 Malagasy Bible (MG1865)
Iza no namatra ny rano teo am-pelatanany, ary nanjehy ny lanitra tamin'ny zehiny, sy namory ny vovo-tany tamin'ny vata, ary nandanja ny tendrombohitra tamin'ny fandanjana sy ny havoana tamin'ny mizana? Iza no nanome hevitra ny Fanahin'i Jehovah, ary iza no mpanolo-tsaina nampianatra Azy? Iza no nidinihany ka nanome saina Azy sy nanoro Azy ny lalan'ny fitsarana ary nampianatra fahalalana Azy sy nampahafantatra Azy ny lalan'ny fahendrena ?
Isaià 40:12-14 La Bible en Malgache (MRV)
Iza no nahafatra ny rano teo am-pelatanany sy naharefy ny lanitra tamin’ny zehiny ary nahavory ny vovo-tany ao anatin’ny famarana? Iza no nahalanja ny tendrombohitra tamin’ny fandanjana sy ny havoana tamin’ny mizana? Iza no nanome hevitra ny Fanahin’NY TOMPO ary iza no mpanolotsaina nampianatra Azy? Tamin’iza no nifampidinihany ka nahazoany fahalalana? Iza no nanoro Azy ny lalan’ny fitsarana sy nampianatra fahalalana Azy ary nampahafantatra Azy ny lalan’ny fahendrena?
Isaià 40:12-14 Baiboly Protestanta Malagasy (MBP)
Iza no namatra ny rano teo am-pelatànany, Ary nanjehy ny lanitra tamin’ny zehiny, Sy namory ny vovo-tany tamin’ny vata, Ary nandanja ny tendrombohitra tamin’ny fandanjana Sy ny havoana tamin’ny mizana? Iza no nanome hevitra ny Fanahin’i Jehovah, Ary iza no mpanolo-tsaina nampianatra Azy? Iza no nidinihany ka nanome saina Azy Sy nanoro Azy ny làlan’ny fitsarana Ary nampianatra fahalalana Azy Sy nampahafantatra Azy ny làlan’ny fahendrena?
Isaià 40:12-14 DIEM PROTESTANTA (DIEM)
Iza no nahafatra ny ranomasina teo am-pelatanany na naharefy ny lanitra tamin’ny irain-jehiny? Iza no nahangona ny vovotany tamin’ny vata famarana tokana ary nandanja ny tendrombohitra sy ny havoana tamin’ny mizana anankiray monja? Iza no naharefy ny Fanahin’ny TOMPO, iza no nahatakatra ny fikasany? Iza no nakany hevitra ka nampatsilo Azy na nampianatra Azy ny fahaiza-mitsara, sy nanoro Azy ny fahalalana ary nampahafantatra Azy ny fahaiza-manavaka?
Isaià 40:12-14 Baiboly Katolika (MBC)
Iza no namatra ny ranomasina tamin’ny tanana ilany, sy nanjehy ny lanitra tamin’ny zehiny? ary namatra ny vovo-tany rehetra tamin’ny vata, sy nandanja ny tendrombohitra tamin’ny farangom-pandanjana, ary ny havoana tamin’ny mizana? Iza no nitari-dalana ny Fanahin’i Iaveh, ary iza no nanolo-tsaina nampianatra Azy? Iza no nidinihany mba hanoro hevitra Azy sy hampianatra Azy ny lalan’ny fahamarinana? ary hampianatra Azy ny fahendrena sy hanoro Azy ny lalan-tsaina?