Jôba 33:15-18 - Ampitahao ny Dikanteny Rehetra

Hizara

Rehefa sondrian-tory amin’ny alina ny olona ka renoka tanteraka eo am-pandriany, dia amin’ny nofy sy fahitana no fomba itenenan’Andriamanitra; anaovany fanambaràna ireo amin’izay, ary asiany tombokase ny fampitandremany, mba hampiala azy amin’ny fanaony sy hampifady azy ny fiavonavona. Toy izany no iarovan’Andriamanitra ny olona tsy ho hankany amin’ny fahaverezana ary amonjeny ny ainy tsy hiharan-tsabatra.

Dia ny nofy sy ny tsindrimandry amin'ny alina, raha sondrian-tory ny olona ka renoka eo am-pandriana, Dia manokatra ny sofin'ny olona Izy ka manisy tombo-kase ny fananarany azy, Mba hampiala ny olona amin'ny fanaony, sy hampifady azy ny fireharehana. Miaro ny fanahiny tsy ho any an-davaka Izy, ary ny ainy mba tsy ho voan'ny fiadiana.

Dia ny nofy sy ny tsindrimandry amin’ny alina, Raha sondrian-tory ny olona Ka renoka eo am-pandriana, Dia manokatra ny sofin’ny olona Izy Ka manisy tombo-kase ny fananarany azy, Mba hampiala ny olona amin’ny fanaony, Sy hampifady azy ny fireharehana. Miaro ny fanahiny tsy ho any an-davaka Izy, Ary ny ainy mba tsy ho voan’ny fiadiana.

dia ny nofy sy ny tsindrimandry amin’ny alina. Raha sondrian-tory iny ny olona ka renoka eo am-pandriana dia manokatra ny sofin’ny olona Izy ka manisy tombo-kase ny fananarany azy mba hampiala ny olona amin’ny fanaony sy hiaro azy amin’ny fireharehana. Miaro ny fanahiny tsy ho any an-davaka Izy ary ny ainy mba tsy ho voan’ny fiadiana atoraka.

Miteny amin’ny nofy, na amin’ny fahitana amin’ny alina Izy, raha ilay sondrian-tory mafy iny ny olona; ka matory eo am-pandriany. Amin’izany no anokafany ny sofin’ny olona, ka ny fananarany dia ataony voatombokase ao, mba hampialany ny olona amin’ny asany tsy mety sy hanesorany azy amin’ny avonavony, mba hamonjeny ny fanahiny amin’ny fahafatesana, sy ny ainy tsy ho voan’ny zana-tsipìka.