Salamo 40:1-4
Salamo 40:1-4 Malagasy Bible (MG1865)
Ho an'ny mpiventy hira. Salamo nataon'i Davida. Niandry dia niandry an'i Jehovah aho; ary nitodika nitsinjo ahy Izy ka nandre ny fitarainako. Dia nampakatra ahy avy tao amin'ny lavaka fandringanana Izy, eny, tamin'ny fotaka mandrevo; ary nampitoetra ny tongotro teo ambony vatolampy Izy ka nampijoro ahy. Ary nanisy fihiram-baovao teo am-bavako Izy, dia fideràna an'Andriamanitsika; maro no hahita sy hatahotra ary hatoky an'i Jehovah. Sambatra izay olona manao an'i Jehovah ho tokiny, ka tsy mivily ho naman'ny mpiavonavona na ny mpivadika ho amin'ny lainga.
Salamo 40:1-4 La Bible en Malgache (MRV)
Niandry fatratra NY TOMPO aho dia niondrika nitsinjo ahy Izy ka nandre ny fitarainako. Nampiakatra ahy avy tao amin’ny lavaka fandringanana Izy; eny, tamin’ny fotaka mandrevo; nampitoetra ny tongotro teo ambony vatolampy Izy ka nampijoro ahy. Nanisy hira vaovao teo am-bavako Izy, dia fiderana an’Andriamanitsika; maro no hahita sy hatahotra ary hatoky NY TOMPO. Sambatra ny olona izay manana NY TOMPO ho tokiny ka tsy mivily ho naman’ny mpiavonavona na ny mpiampanga lainga!
Salamo 40:1-4 Baiboly Protestanta Malagasy (MBP)
Ho an’ny mpiventy hira. Salamo nataon’i Davida. NIANDRY dia niandry an’i Jehovah aho; Ary nitodika nitsinjo ahy Izy ka nandre ny fitarainako. Dia nampakatra ahy avy tao amin’ny lavaka fandringanana Izy, eny, tamin’ny fotaka mandrevo; Ary nampitoetra ny tongotro teo ambony vatolampy Izy ka nampijoro ahy. Ary nanisy fihiram-baovao teo am-bavako Izy, dia fiderana an’Andriamanitsika; Maro no hahita sy hatahotra ary hatoky an’i Jehovah. Sambatra izay olona manao an’i Jehovah ho tokiny Ka tsy mivily ho naman’ny mpiavonavona na ny mpivadika ho amin’ny lainga.
Salamo 40:1-4 DIEM PROTESTANTA (DIEM)
Tao amin’ny tahirin-kiran’ny filohan’antoko-mpihira. Salamo nataon’i Davida. Niandry ny Tompo am-paharetana aho ka niondrehany ary nohenoiny taraina; nosintoniny avy tao an-davaka lalina aho, nakariny avy tao amin’ny fota-mandrevo; ny tongotro najorony tambony vatolampy ka indro azo antoka sy matotra ny diako. Nasiany hira vaovao teo am-bavako, dia hira fiderana an’Andriamanitsika! Maro tokoa no hahita izany, ka hanaja sy hatoky ny TOMPO.
Salamo 40:1-4 Baiboly Katolika (MBC)
Ho an’ny mpampianatra hira. Nataon’i Davida. Salamo. I Iaveh no nametrahako ny fanantenako rehetra; nitongilana tamiko Izy, nihaino ny fitarainako. Notsoahany tamin’ny lavaka fahaverezana aho, sy tamin’ny fotaka mandrevo; najorony tamin’ny vatolampy ny tongotro, nataony matotra ny diako. Nanisy fihiram-baovao teo am-bavako Izy, hira fiderana ny Andriamanitsika; maro no mahita izany ka manaja an’i Iaveh, sy matoky Azy.