 An Eadar-Theangachadh Ùr Gàidhlig 2017  Ann an 1993 sgrìobh an t-Àrd‑Oll. Dòmhnall Meek gun robh “an diofar a th' eadar ‘Gàidhlig a' Bhìobaill’ agus ‘Gàidhlig an latha an‑diugh’ air a bhith air fhaicinn gu ìre fada nas motha tro thìm – gu h‑àraid am measg luchd cleachdaidh na Gàidhlig a tha nas òige … – iadsan nach eil, ann an cumantas, cho eòlach air ‘Gàidhlig na cùbaid’ 's a bha an sinnsirean.” Ma bha sin fìor is follaiseach an uair sin, tha e nas motha buileach mar sin an‑diugh. 'S e sin an t‑adhbhar gu bheil sinne a' clò-bhualadh na h‑iris seo an‑dràsta. Bhruidhinn ar Tighearna 's ar Slànaighear Ìosa Crìosd gu pearsanta, na cànan fhèin, ri Màiri Magdalen às dèidh na h‑aiseirigh, airson dòchas a thoirt dhi (Eòin 20:16). Tha sinne cuideachd ag iarraidh gum bruidhinn Facal Dhè ri daoine sa chànan anns a bheil iad fhèin a' bruidhinn, a' sgrìobhadh, a' smaoineachadh 's ag aisling an‑diugh.  An Tiomnadh Nuadh 1767  Chaidh an Tiomnadh Nuadh eadar-theangachadh gu Gàidhlig na h-Alba on Ghreugais an toiseach leis an t-Urr. Seumas Stiùbhart, ministear Chill-Fhìnn, agus chaidh a chlò-bhualadh ann an 1767 – beagan 's fichead bliadhna an dèidh blàr Chùil Lodair. B' e a mhac, Iain, ministear Lus, am prìomh eadar-theangair airson an t-Seann Tiomnaidh, a chaidh a chrìochnachadh ann an 1801. O chionn ghoirid, tha suidheachadh na Gàidhlig san àm ri teachd air mòran aire fhaighinn, leis a' chànan a’ dèanamh adhartais agus a’ faighinn inbhe shònraichte ann am beatha na dùthcha. A dh'aindeoin sin tha an sgaradh eadar Gàidhlig làitheil agus an gnè Gàidhlig a tha ann an eadar-theagachadh 1801 a' leudachadh.   An Tiomnadh Nuadh 2017  Tha an eadar-theangachadh seo a' tighinn a-mach 250 bliadhna an dèidh a' chiad eadar-theagachadh dhen Tiomnadh Nuadh on Ghreugais gu Gàidhlig a bhith air a chlò-bhualadh.  Tha an eadar-theangachadh ùr ag amas air a bhith a' toirt ri chèile dìlseachd dhan Ghreugais thùsail le briathrachas làitheal, agus soilleireachd le urram. Tha an obair seo a' nochdadh aig àm nuair a tha cothroman air leth ann airson adhartas na Gàidhlig. Agus tha sinn an dòchas gum bi e feumail airson fòghlaim agus airson nan eaglaisean, a thuilleadh air leughadh phearsanta. Le bhith ag eadar-theangachadh Facal Dhè a Ghàidhlig an latha an‑diugh tha an sgioba againn an dòchas gun cluinn iadsan uile a leughas 's a chluinneas e guth Dhè a' bruidhinn riutha gu soilleir, agus, mar sin, gun tig iad gu eòlas air an t‑sìth 's air an t‑slàinte a tha rim faotainn tro Chrìosd a‑mhàin. 'S e miann na sgioba gum biodh gach moladh, urram agus cliù a' dol thuigesan agus thuigesan a‑mhàin. © Comann Bhìoball na h-Alba 2017 New Gaelic Translation 2017  In 1993 Prof. Donald Meek wrote that “the difference between ‘Bible Gaelic’ and ‘Today’'sGaelic’ has increased over time – especially among young users of Gaelic – those who, for the most part, are not so used to ‘Pulpit Gaelic’, as their forebears were.” If that was apparent then, it is even more so today. That is the reason that we are publishing this translation now.  Our Lord and Saviour spoke personally and in her own language, to Mary Magdalen after the resurrection, to give her hope (John 20:16). We also desire that God’s Word would speak to people in their own language which they speak, write, think and dream in today.   New Testament 1767  The New Testament was first translated into Scottish Gaelic by Rev James Stuart, minister of Killin, and published in 1767 – barely 20 years after the battle of Culloden. His son John, minister of Luss, was the main translator of the Old Testament, completed in 1801. In recent years, the future of Gaelic in education and public life has received much attention as the language flourishes. However, the gap between everyday Gaelic in common use and the Gaelic in the most recent Bible edition continues to widen.   New Testament 2017  This new translation comes 250 years after the first translation of the New Testament from Greek into Gaelic was published.  This new translation aims to combine faithfulness to the Greek original with vocabulary in normal use, and clarity with dignity. The work comes at a time of opportunity in the development of Gaelic. It is our desire that this new translation will be useful in education and for the churches, as well as for personal use. In translating God's Word into the today's Gaelic, our translation team hope that all who read will hear the voice of God speaking clearly to them, and, in that way, that they will know the peace and the salvation that are found only in Christ. It is the desire of the team, that all praise, honour, and glory be God’s and his alone.  © Scottish Bible Society 2017

℗ Comann Bhìoball na h‑Alba 2022 ℗ Scottish Bible Society 2022

An Tiomnadh Nuadh anns an Eadar-Theangachadh Ùr Gàidhlig 2017

<div class="version vid1562 iso6393gla" data-vid="1562" data-iso6393="gla">
 <div class="book bkMAT">
 <div class="chapter ch18" data-usfm="MAT.18">
 <div class="label">18</div><div class="s1">An Neach as Motha ann an R&#236;oghachd N&#232;imh</div><div class="p"> 1Aig an &#224;m sin th&#224;inig na deisciobail gu &#204;osa, ag r&#224;dh, &#8220;C&#242; as motha ann an r&#236;oghachd n&#232;imh?&#8221;</div><div class="p"> 2Agus a' gairm leanaibh thuige, chuir e nam meadhan e, 3agus thuirt e, &#8220;Gu f&#236;rinneach tha mi ag r&#224;dh ribh, mura tionndaidh sibh, agus mura f&#224;s sibh coltach ri leanabanan, cha t&#232;id sibh idir a&#8209;steach do r&#236;oghachd n&#232;imh. 4Mar sin, ge b' e a dh'&#236;slicheas e fh&#232;in mar an leanaban seo, is e as motha ann an r&#236;oghachd n&#232;imh. 5Agus ge b' e a ghabhas aon leanabh dhen leithid seo nam ainm&#8209;sa, gabhaidh e mise.</div><div class="s1">Ag Adhbhrachadh Tuislidh</div><div class="p"> 6&#8220;Ach ge b' e c&#242; a dh'adhbhraicheas do dh'aon dhen mhuinntir bhig seo a tha a' creidsinn annamsa gum peacaich iad, b' fhe&#224;rr dha gum biodh clach&#8209;mhuilinn mh&#242;r#18:6 Gu lit.: &#8220;clach&#8209;mhuilinn asail&#8221; nas motha na chleachdadh neach. air a ceangal ma amhaich, agus gum biodh e air a bh&#224;thadh ann an doimhne na fairge. 7Is mairg dhan t&#8209;saoghal air sg&#224;th cheapan&#8209;tuislidh! Oir feumaidh gun tig ceapan&#8209;tuislidh, ach is mairg dhan neach sin tron tig an ceap&#8209;tuislidh! 8Ma dh'adhbhraicheas do l&#224;mh no do chas gun tuislich thu, ge&#224;rr dh&#236;ot i, agus tilg uat i. Tha e nas fhe&#224;rr dhut a dhol a&#8209;steach dhan bheatha ciorramach no cuagach na d&#224; l&#224;imh no d&#224; chois a bhith agad, agus thu a bhith air do thilgeil dhan teine sh&#236;orraidh. 9Agus ma dh'adhbhraicheas do sh&#249;il gum peacaich thu, sp&#236;on asad i, agus tilg uat i. Is fhe&#224;rr dhut a dhol a&#8209;steach dhan bheatha le aon t&#8209;s&#249;il na d&#224; sh&#249;il a bhith agad, agus thu a bhith air do thilgeil ann an teine Ifrinn.</div><div class="s1">Cosamhlachd na Caorach Chaillte</div><div class="p"> 10&#8220;Thugaibh an aire nach d&#232;an sibh t&#224;ir air aon dhen fheadhainn bhig seo. Oir tha mise ag r&#224;dh ribh gu bheil an ainglean&#8209;san ann an n&#232;amh an&#8209;c&#242;mhnaidh a' faicinn aghaidh m' Athar&#8209;sa a tha ann an n&#232;amh. 11Oir th&#224;inig mac an duine a shaoradh an n&#236; sin a bha caillte.#18:11 Chan eil an rann seo ann an cuid dhe na l&#224;mh&#8209;sgr&#236;obhainnean.</div><div class="p"> 12&#8220;D&#232; ur barail&#8209;sa? Ma tha ceud caora aig duine, agus gu bheil aon dhiubh air a dhol air seachran, nach f&#224;g e na naochad 's a naoi air na beanntan agus nach t&#232;id e a lorg na t&#232; a chaidh air seachran? 13Agus ma lorgas e i, gu deimhinn tha mi ag r&#224;dh ribh, tha e a' d&#232;anamh barrachd g&#224;irdeachais airson na t&#232; sin na airson nan naochad 's a naoi, nach deach air seachran. 14Mar seo chan i toil ur n&#8209;Athar&#8209;se a th' air n&#232;amh gun deigheadh aon neach dhen fheadhainn bhig seo a chall.</div><div class="s1">Br&#224;thair a Pheacaicheas nad Aghaidh</div><div class="p"> 15&#8220;Ma pheacaicheas do bhr&#224;thair nad aghaidh, thalla agus innis a choire dha eadar thu fh&#232;in 's e fh&#232;in a&#8209;mh&#224;in. Ma dh'&#232;isteas e riut, choisinn thu do bhr&#224;thair. 16Ach mura h&#8209;&#232;ist e riut, thoir leat aon no dithis eile, airson 's tro bheul dhithis no thri&#249;ir fhianaisean gum bi gach facal air a dh&#232;anamh seasmhach.#Deut. 19:15 17Ach ma dhi&#249;ltas e &#232;isteachd riuthasan, innis dhan eaglais e. Agus ma dhi&#249;ltas e fi&#249; 's &#232;isteachd ris an eaglais, biodh e dhut mar Chinneach agus mar ch&#236;s&#8209;mhaor.</div><div class="p"> 18&#8220;Gu deimhinn, tha mi ag r&#224;dh ribh, ge b' e na rudan a cheanglas sibhse air thalamh, bidh iad ceangailte air n&#232;amh; agus ge b' e na rudan a dh'fhuaisgleas sibhse air thalamh, bidh iad fuasgailte air n&#232;amh.</div><div class="p"> 19&#8220;A&#8209;rithist tha mi ag r&#224;dh ribh, ma dh'aontaicheas dithis agaibh air thalamh mun a h&#8209;uile rud a dh'iarras iad, th&#232;id a dh&#232;anamh dhaibh lem Athair&#8209;sa a th' air n&#232;amh. 20Oir far a bheil dithis no tri&#249;ir air an cruinneachadh nam ainm&#8209;sa, an sin tha mise nam measg.&#8221;</div><div class="s1">Cosamhlachd an t&#8209;Seirbheisich Mh&#236;&#8209;Thr&#242;cairich</div><div class="p"> 21An uair sin th&#224;inig Peadar thuige agus thuirt e ris, &#8220;A Thighearna, d&#232; cho tric 's a pheacaicheas mo bhr&#224;thair nam aghaidh, agus a bheir mi mathanas dha? Suas ri seachd uairean?&#8221;</div><div class="p"> 22Thuirt &#204;osa ris, &#8220;Chan eil mise ag r&#224;dh suas ri seachd uairean riut, ach suas ri seachd air iomadachadh seachdad uair.#18:22 No &#8220;seachdad uair a seachd&#8221;</div><div class="p"> 23&#8220;Mar sin faodaidh r&#236;oghachd n&#232;imh a bhith air a coimeas ri r&#236;gh a bha ag iarraidh cunntasan a chur an &#242;rdugh le a sheirbheisich. 24Agus nuair a th&#242;isich e a' cur an &#242;rdugh, chaidh neach&#8209;fiach a thoirt thuige a bha fo fhiachan deich m&#236;le t&#224;lann#18:24 10 m&#236;le t&#224;lann &#8211; b' fhiach gach t&#224;lann mu 20 bliadhna de thuarastal neach&#8209;obrach dha. 25Agus air sg&#224;th 's nach robh dad aige leis am p&#224;igheadh e, dh'&#224;ithn a thighearna gum biodh e air a reic, c&#242;mhla ri bhean 's a chlann 's a h&#8209;uile s&#236;on a bh' aige, agus gum biodh p&#224;igheadh air a dh&#232;anamh.</div><div class="p"> 26&#8220;Mar sin, thuit an seirbheiseach s&#236;os, a' guidhe air, &#8216;Bi foighidneach leam, agus p&#224;ighidh mi a h&#8209;uile s&#236;on dhut.&#8217; 27Agus a' gabhail truas, shaor tighearna an t&#8209;seirbheisich e agus mhath e na fiachan dha.</div><div class="p"> 28&#8220;Ach nuair a chaidh an seirbheiseach sin fh&#232;in a&#8209;mach, fhuair e aon dhe a cho&#8209;sheirbheisich a bh' ann am fiachan ceud denarius#18:28 100 denarius &#8211; bha denarius na thuarastal&#8209;latha neach&#8209;obrach dha, agus ga ghlacadh, th&#242;isich e ri thachdadh, ag r&#224;dh, &#8216;P&#224;igh air ais d' fhiachan!&#8217;</div><div class="p"> 29&#8220;Mar sin thuit a cho&#8209;sheirbheiseach s&#236;os agus ghuidh e air, &#8216;Bi foighidneach leam, agus p&#224;ighidh mi air ais thu.&#8217;</div><div class="p"> 30&#8220;Ach cha robh e de&#242;nach agus dh'fhalbh e is thilg e ann am pr&#236;osan e gus am p&#224;igheadh e na fiachan. 31Nuair a chunnaic a cho&#8209;sheirbheisich d&#232; a bh' air tachairt, bha iad f&#236;or bhr&#242;nach, agus chaidh iad agus dh'innis iad dhan tighearna aca a h&#8209;uile rud a bh' air tachairt.</div><div class="p"> 32&#8220;An uair sin ghairm a thighearna air agus thuirt e ris, &#8220;A sheirbheisich uilc! Mhath mi d' fhiachan uile dhut, air sg&#224;th 's gun do ghuidh thu orm. 33Nach bu ch&#242;ir dhutsa cuideachd a bhith air tr&#242;cair a dh&#232;anamh air do cho&#8209;sheirbheiseach, mar a rinn mise tr&#242;cair ortsa?&#8221; 34Agus na fheirg thug a thighearna dhan luchd&#8209;cr&#224;idh e gus am p&#224;igheadh e na fiachan aige gu l&#232;ir.</div><div class="p"> 35&#8220;Agus mar sin cuideachd n&#236; m' Athair n&#232;amhaidh ri gach aon agaibhse, mura math sibh ur br&#224;thair o ur cridheachan.&#8221;</div>
 </div>
 </div>
</div>

Aig an àm sin thàinig na deisciobail gu Ìosa, ag ràdh, “Cò as motha ann an rìoghachd nèimh?”
Agus a' gairm leanaibh thuige, chuir e nam meadhan e, agus thuirt e, “Gu fìrinneach tha mi ag ràdh ribh, mura tionndaidh sibh, agus mura fàs sibh coltach ri leanabanan, cha tèid sibh idir a‑steach do rìoghachd nèimh. Mar sin, ge b' e a dh'ìslicheas e fhèin mar an leanaban seo, is e as motha ann an rìoghachd nèimh. Agus ge b' e a ghabhas aon leanabh dhen leithid seo nam ainm‑sa, gabhaidh e mise.

“Ach ge b' e cò a dh'adhbhraicheas do dh'aon dhen mhuinntir bhig seo a tha a' creidsinn annamsa gum peacaich iad, b' fheàrr dha gum biodh clach‑mhuilinn mhòr air a ceangal ma amhaich, agus gum biodh e air a bhàthadh ann an doimhne na fairge. Is mairg dhan t‑saoghal air sgàth cheapan‑tuislidh! Oir feumaidh gun tig ceapan‑tuislidh, ach is mairg dhan neach sin tron tig an ceap‑tuislidh! Ma dh'adhbhraicheas do làmh no do chas gun tuislich thu, geàrr dhìot i, agus tilg uat i. Tha e nas fheàrr dhut a dhol a‑steach dhan bheatha ciorramach no cuagach na dà làimh no dà chois a bhith agad, agus thu a bhith air do thilgeil dhan teine shìorraidh. Agus ma dh'adhbhraicheas do shùil gum peacaich thu, spìon asad i, agus tilg uat i. Is fheàrr dhut a dhol a‑steach dhan bheatha le aon t‑sùil na dà shùil a bhith agad, agus thu a bhith air do thilgeil ann an teine Ifrinn.

“Thugaibh an aire nach dèan sibh tàir air aon dhen fheadhainn bhig seo. Oir tha mise ag ràdh ribh gu bheil an ainglean‑san ann an nèamh an‑còmhnaidh a' faicinn aghaidh m' Athar‑sa a tha ann an nèamh. Oir thàinig mac an duine a shaoradh an nì sin a bha caillte.
“Dè ur barail‑sa? Ma tha ceud caora aig duine, agus gu bheil aon dhiubh air a dhol air seachran, nach fàg e na naochad 's a naoi air na beanntan agus nach tèid e a lorg na tè a chaidh air seachran? Agus ma lorgas e i, gu deimhinn tha mi ag ràdh ribh, tha e a' dèanamh barrachd gàirdeachais airson na tè sin na airson nan naochad 's a naoi, nach deach air seachran. Mar seo chan i toil ur n‑Athar‑se a th' air nèamh gun deigheadh aon neach dhen fheadhainn bhig seo a chall.

“Ma pheacaicheas do bhràthair nad aghaidh, thalla agus innis a choire dha eadar thu fhèin 's e fhèin a‑mhàin. Ma dh'èisteas e riut, choisinn thu do bhràthair. Ach mura h‑èist e riut, thoir leat aon no dithis eile, airson 's tro bheul dhithis no thriùir fhianaisean gum bi gach facal air a dhèanamh seasmhach. Ach ma dhiùltas e èisteachd riuthasan, innis dhan eaglais e. Agus ma dhiùltas e fiù 's èisteachd ris an eaglais, biodh e dhut mar Chinneach agus mar chìs‑mhaor.
“Gu deimhinn, tha mi ag ràdh ribh, ge b' e na rudan a cheanglas sibhse air thalamh, bidh iad ceangailte air nèamh; agus ge b' e na rudan a dh'fhuaisgleas sibhse air thalamh, bidh iad fuasgailte air nèamh.
“A‑rithist tha mi ag ràdh ribh, ma dh'aontaicheas dithis agaibh air thalamh mun a h‑uile rud a dh'iarras iad, thèid a dhèanamh dhaibh lem Athair‑sa a th' air nèamh. Oir far a bheil dithis no triùir air an cruinneachadh nam ainm‑sa, an sin tha mise nam measg.”

An uair sin thàinig Peadar thuige agus thuirt e ris, “A Thighearna, dè cho tric 's a pheacaicheas mo bhràthair nam aghaidh, agus a bheir mi mathanas dha? Suas ri seachd uairean?”
Thuirt Ìosa ris, “Chan eil mise ag ràdh suas ri seachd uairean riut, ach suas ri seachd air iomadachadh seachdad uair.
“Mar sin faodaidh rìoghachd nèimh a bhith air a coimeas ri rìgh a bha ag iarraidh cunntasan a chur an òrdugh le a sheirbheisich. Agus nuair a thòisich e a' cur an òrdugh, chaidh neach‑fiach a thoirt thuige a bha fo fhiachan deich mìle tàlann dha. Agus air sgàth 's nach robh dad aige leis am pàigheadh e, dh'àithn a thighearna gum biodh e air a reic, còmhla ri bhean 's a chlann 's a h‑uile sìon a bh' aige, agus gum biodh pàigheadh air a dhèanamh.
“Mar sin, thuit an seirbheiseach sìos, a' guidhe air, ‘Bi foighidneach leam, agus pàighidh mi a h‑uile sìon dhut.’ Agus a' gabhail truas, shaor tighearna an t‑seirbheisich e agus mhath e na fiachan dha.
“Ach nuair a chaidh an seirbheiseach sin fhèin a‑mach, fhuair e aon dhe a cho‑sheirbheisich a bh' ann am fiachan ceud denarius dha, agus ga ghlacadh, thòisich e ri thachdadh, ag ràdh, ‘Pàigh air ais d' fhiachan!’
“Mar sin thuit a cho‑sheirbheiseach sìos agus ghuidh e air, ‘Bi foighidneach leam, agus pàighidh mi air ais thu.’
“Ach cha robh e deònach agus dh'fhalbh e is thilg e ann am prìosan e gus am pàigheadh e na fiachan. Nuair a chunnaic a cho‑sheirbheisich dè a bh' air tachairt, bha iad fìor bhrònach, agus chaidh iad agus dh'innis iad dhan tighearna aca a h‑uile rud a bh' air tachairt.
“An uair sin ghairm a thighearna air agus thuirt e ris, “A sheirbheisich uilc! Mhath mi d' fhiachan uile dhut, air sgàth 's gun do ghuidh thu orm. Nach bu chòir dhutsa cuideachd a bhith air tròcair a dhèanamh air do cho‑sheirbheiseach, mar a rinn mise tròcair ortsa?” Agus na fheirg thug a thighearna dhan luchd‑cràidh e gus am pàigheadh e na fiachan aige gu lèir.
“Agus mar sin cuideachd nì m' Athair nèamhaidh ri gach aon agaibhse, mura math sibh ur bràthair o ur cridheachan.”

Слушни за Mata 18