Romblomanon: Bag-o nga Kasugtanan (New Testament)

Bag-o nga Kasugtanan

<div class="version vid2244 iso6393rol" data-vid="2244" data-iso6393="rol">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s">Ang Pagwali ni Juan nga Miyugbawtismo</div><div class="r"> Marcos 1:1-8; Lucas 3:1-18; Juan 1:19-28</div><div class="p"> 1Nang adto nga tyempo nga nagaistar pa sina Hesus sa Nazaret, nagtun&#224; si Juan nga Miyugbawtismo sa pagwali sa tiway nga lugar ng Judea. 2Hambay niya, &#8220;Talikuri nindo ang indo mga kasal-anan, kay malapit na ang oras nga magahar&#236; ang Dios.&#8221; 3Si Juan imaw ang ginghambay ni Propeta Isaias nang naghambay siya:</div><div class="q1">&#8220;May magasinggit sa tiway nga lugar. Magahambay siya sa mga tawo,</div><div class="q2">&#8216;Ipreparar nindo ang agihan para sa Ginoo,</div><div class="q2">tadlunga ang dayan nga iya pagaagihan!&#8217; &#8221;#Isaias 40:3</div><div class="p"> 4Ang bar&#242; ni Juan#3:4 Si Juan imaw si Propeta Elias. Ini hay para matuman ang propesiya nga si Elias hay mabalik diri bago mag-abot si Kristo. Basaha ang Mateo 11:11-14. hay him&#242; sa buyboy ng kamelyo kag ang iya sinturon hay panit ng hayop. Ang iya pagkaon hay apan kag dugos.#2 Har&#236; 1:8 5Madam&#242; nga tawo ang nagkadto sa iya halin sa Jerusalem, sa tanan nga banwa nga sakop ng Judea kag sa tanan nga lugar sa palibot ng Sub&#224; ng Jordan. 6Ging-ak&#242; ninda ang inda mga sal&#224; kag gingbawtismuhan niya sinda sa Sub&#224; ng Jordan.</div><div class="p"> 7Pero nang makit&#224; ni Juan nga kadam&#242; nga Pariseo* kag Saduceo* ang nagakadto sa iya para magpabawtismo, naghambay siya sa inda, &#8220;Mga inapo kamo ng sawa! Sin-o ang naghambay sa indo nga makalikaw kamo sa paabuton nga parusa ng Dios? 8Kung matuod nga ginatalikuran nindo ang indo kasal-anan, pamatuuri ini paagi sa indo paghuman ning maayo. 9Kag ayaw maghambay nga mga inapo kamo ni Abraham, makalikaw kamo sa parusa. Pero matuod ang akon ginahambay sa indo nga aber ang mga bato nga yari diri puydi humanon ng Dios nga mga inapo ni Abraham. 10Tandai nindo ini: ang wasay hay preparado na sa pagpukan ng mga kahoy. Ngan&#236; ang kada kahoy nga way&#224; nagapamunga ning maayo hay pagapukanon kag ipilak sa kalayo.</div><div class="p"> 11&#8220;Nagabawtismo ako sa indo sa tub&#236; nga nagapakilaya nga nagatalikod na kamo sa indo mga sal&#224;, pero may maabot nga masunod sa akon nga mas makagagahom pa kaysa sa akon kag ind&#236; gid ako angay aber magbitbit ng iya mga sandalyas. Siya ang magabawtismo sa indo sa Espiritu Santo kag sa kalayo. 12Pareho siya sa miyug-ani nga nagapapalid ng iya inani para lainon ang matinggas sa upa. Ang matinggas tipunon niya kag ibutang sa kamalig, pero ang upa hay sunugon niya sa kalayo nga ind&#236; gid mamatay.&#8221;</div><div class="s">Ang Pagbawtismo kay Hesus</div><div class="r"> Marcos 1:9-11; Lucas 3:21-22</div><div class="p"> 13Niyan, naghalin si Hesus sa probinsya ng Galilea kag nagkadto sa Sub&#224; ng Jordan kay Juan para magpabawtismo. 14Ind&#236; kunt&#224; magbawtismo si Juan sa iya. Hambay niya, &#8220;Bas&#236; magpabawtismo ka sa akon? Ako ngan&#236; ang kahinangyan nga magpabawtismo sa imo.&#8221; 15Pero nagsabat si Hesus sa iya, &#8220;Sige lang tuo, kay imaw ini ang dapat naton humanon para matuman ang tanan nga kabubut-on ng Dios.&#8221; Ngan&#236; nagsugot si Juan nga bawtismuhan si Hesus. 16Nang mabawtismuhan na si Hesus, naghaw-as nga daan siya sa tub&#236;. Niyan, gulpi lang nga nag-abri ang langit kag nakit&#224; niya ang Espiritu ng Dios nga daw salampati hay nagabab&#224; kag naghuyon sa iya. 17Kag igwa ning boses nga nabatian halin sa langit nga naghambay, &#8220;Ini ang akon pinalangg&#224; nga Ung&#224;, nalilipay gid ako sa iya.&#8221;</div>
 </div>
 </div>
</div>

Nang adto nga tyempo nga nagaistar pa sina Hesus sa Nazaret, nagtunà si Juan nga Miyugbawtismo sa pagwali sa tiway nga lugar ng Judea. Hambay niya, “Talikuri nindo ang indo mga kasal-anan, kay malapit na ang oras nga magaharì ang Dios.” Si Juan imaw ang ginghambay ni Propeta Isaias nang naghambay siya:
“May magasinggit sa tiway nga lugar. Magahambay siya sa mga tawo,
‘Ipreparar nindo ang agihan para sa Ginoo,
tadlunga ang dayan nga iya pagaagihan!’ ”
Ang barò ni Juan hay himò sa buyboy ng kamelyo kag ang iya sinturon hay panit ng hayop. Ang iya pagkaon hay apan kag dugos. Madamò nga tawo ang nagkadto sa iya halin sa Jerusalem, sa tanan nga banwa nga sakop ng Judea kag sa tanan nga lugar sa palibot ng Subà ng Jordan. Ging-akò ninda ang inda mga salà kag gingbawtismuhan niya sinda sa Subà ng Jordan.
Pero nang makità ni Juan nga kadamò nga Pariseo* kag Saduceo* ang nagakadto sa iya para magpabawtismo, naghambay siya sa inda, “Mga inapo kamo ng sawa! Sin-o ang naghambay sa indo nga makalikaw kamo sa paabuton nga parusa ng Dios? Kung matuod nga ginatalikuran nindo ang indo kasal-anan, pamatuuri ini paagi sa indo paghuman ning maayo. Kag ayaw maghambay nga mga inapo kamo ni Abraham, makalikaw kamo sa parusa. Pero matuod ang akon ginahambay sa indo nga aber ang mga bato nga yari diri puydi humanon ng Dios nga mga inapo ni Abraham. Tandai nindo ini: ang wasay hay preparado na sa pagpukan ng mga kahoy. Nganì ang kada kahoy nga wayà nagapamunga ning maayo hay pagapukanon kag ipilak sa kalayo.
“Nagabawtismo ako sa indo sa tubì nga nagapakilaya nga nagatalikod na kamo sa indo mga salà, pero may maabot nga masunod sa akon nga mas makagagahom pa kaysa sa akon kag indì gid ako angay aber magbitbit ng iya mga sandalyas. Siya ang magabawtismo sa indo sa Espiritu Santo kag sa kalayo. Pareho siya sa miyug-ani nga nagapapalid ng iya inani para lainon ang matinggas sa upa. Ang matinggas tipunon niya kag ibutang sa kamalig, pero ang upa hay sunugon niya sa kalayo nga indì gid mamatay.”


Niyan, naghalin si Hesus sa probinsya ng Galilea kag nagkadto sa Subà ng Jordan kay Juan para magpabawtismo. Indì kuntà magbawtismo si Juan sa iya. Hambay niya, “Basì magpabawtismo ka sa akon? Ako nganì ang kahinangyan nga magpabawtismo sa imo.” Pero nagsabat si Hesus sa iya, “Sige lang tuo, kay imaw ini ang dapat naton humanon para matuman ang tanan nga kabubut-on ng Dios.” Nganì nagsugot si Juan nga bawtismuhan si Hesus. Nang mabawtismuhan na si Hesus, naghaw-as nga daan siya sa tubì. Niyan, gulpi lang nga nag-abri ang langit kag nakità niya ang Espiritu ng Dios nga daw salampati hay nagababà kag naghuyon sa iya. Kag igwa ning boses nga nabatian halin sa langit nga naghambay, “Ini ang akon pinalanggà nga Ungà, nalilipay gid ako sa iya.”

Слушни за Mateo 3