Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">L&#225;zaro Bire</div><div class="p"> 1Ia imedu kogodure. Mugure Bet&#226;nia ba kurireu keje. Nou imedu iere L&#225;zaro. Uwie aredu iere Maria. Nou Maria utuie iere Marta. Eiamedu boe emugure nou Bet&#226;nia ba kurireu keje. 2Marigudu nou Maria ure roreboe pemegareu reko Jesus bure joki. Ure reko dukejere ure kidudo tao tabo pugeje. Mare aino &#269;are uwuri kogodure. 3Dukodire nou Maria, nou Marta ere boe erego tuwadaru tabo toro Jesus bagai. Egore nou boe egoiago nou Jesusji tuwuri kogoduie. Meardu kurire jiwu tuwuri kogoduie.</div><div class="p"> 4Nou boe etaregodure Jesus ae dukeje ere Jesus bie nou areme ewadaruji. Jesus meardure nou ewadaruji dukeje akore: &#8211; Iorduware nuba boe mode nou imedu Lazaruji. Kogodure mare bimodukare. Kogodure Pao Kurireu ie kuriwo. L&#225;zaro bimodukare dukodi Pao Kurireu ie kurimode boe emago pemegawo ji. L&#225;zaro bimodukare dukodi Pao Kurireu Onaregedu ie kurimode boe emago pemegawo ji jamedu.</div><div class="p"> 5Jesus meardu kurire Martaji, Mariaji, Lazaruji jamedu. 6-7Mare utukare toro ewai ka kuri je. Merire pobe ji nono dukejere makore nou ture jorduwadowugei. Akore: &#8211; Pugeje. Pawo pagirimi toro Jud&#233;ia moto ka L&#225;zaro uwai ka.</div><div class="p"> 8Mare etaidukare utuwo. Egore: &#8211; &#268;egimijera. Maibari nou jeture Jud&#233;ia moto kejewuge etaidure tuwo awido tori tabo. Atukaba toro pugeje.</div><div class="p"> 9Mare Jesus akore: &#8211; Meri oto padukare doze hora raga. Boe emerumode meriji dukeje ewure jetumodukare iaboeji erdure boeji kodi. Meri jire boe etaiwo pemegare. 10Mare boe emerumode boe&#269;oji dukeje ewure jetumode iaboeji rugadu jorugu bokware kodi.</div><div class="p"> 11Nono Jesus makore ei: &#8211; Pamedia L&#225;zaro unudunure mare itumode toro bagai iwo jetadudo.</div><div class="p"> 12Nou ure jorduwadowuge egore: &#8211; &#268;a unudure. &#268;are pemegagodumode.</div><div class="p"> 13Erduwakare Jesus ure tuwadaru inodudo pudui duji. Jesus akore L&#225;zaro unudunuie mare jorduware L&#225;zaro bire duji. Dujire akoino. Mare nou ure jorduwadowuge emeardaere L&#225;zaro unudunuie rugadu duji. Emeardaere bikaie raga. 14Dukodi &#269;are Jesus mako pemegare ei. Akore: &#8211; L&#225;zaro bire rugadu. 15Iragojekare toro apo iwo pemegago. Mare aino tardumode iraga rakare duji. Dukodi tameartorumode i rugadu. &#268;a paduwo toro bagai.</div><div class="p"> 16Nono Tom&#233; makore tumedagei. Akore: &#8211; Pagimijera bimode toro Jud&#233;ia moto keje. Paduwo toro pagimijerapo pawiwo apo jamedu.</div><div class="p">Boe egore &#8220;Tom&#233;&#8221; aino ji. Judeu doge ewadaru tabo egore &#8220;emegure puapowu&#8221;.</div><div class="s">Jesus Umode Boe Eewodudo Pugeje Ewikawo Pugeje</div><div class="p"> 17&#268;a Jesus uture toro Bet&#226;nia ba kurireu ka ture jorduwadowugebo. Etaregodure dukeje boe ere Jesus bie L&#225;zaro bie marigudu. Egore tuie merido pobe puibiji ji meture moto tada dukeje. Aino &#269;a Jesus aregodure.</div><div class="p"> 18-19&#268;a Jud&#233;ia moto kejewuge etaregodure nou L&#225;zaro uwiemage ewai ka tuwo uwie Marta, uwie Maria ewudugugo. Nou boe emagare rugadu. Etaregodure Maria ae Marta ae tuwo etaora butugugo ewiagoduwo nou tuwuri piji. Nou Bet&#226;nia ba kurireu padu puredure Jerusal&#233;m ba kurireuji. Du ure tr&#234;s quil&#244;metros.</div><div class="p"> 20&#268;a Marta jorduware Jesus aregodure duji dukeje ure tudawuje tuwai piji Jesus togi. Mare Maria ukare tudawuje. 21Marta aregodure Jesus ae dukeje makore ji. Akore: &#8211; Aragojemode woe &#269;edabo &#269;ewuri bimodukare. 22Mare iorduware Pao Kurireu umode amagore bagaiboe maku akai rugadu duji.</div><div class="p"> 23Jesus makore Martaji. Akore: &#8211; Awuri jewodumode pugeje.</div><div class="p"> 24Marta akore: &#8211; Iorduware. Ia meri keje awu moto akedumode dukeje iwuri jewodumode pugeje turuduwo baruto.</div><div class="p"> 25Nono Jesus makore ji. Akore: &#8211; Imire ire boe etowuje. Imire imode boe eewodudo rugadu. Meartorure iwuge ewimode mare eewodumode pugeje. 26Meartorure iwuge ewimodukare pugeje jamedu. Meartorure iwadaru jiwuge ewimodukare pugeje rugadu. Ameartorure nou inoduji?</div><div class="p"> 27Marta akore: &#8211; Uu! Imeartorure rugadu. &#268;ebagare bagaiwu umode boe ekinorudowu nure aki. Pao Kurireu Onaregedu nure aki. Pao Kurireu ure jawu pawobe ewie marigudu akaregodumoduie mato moto ka duji.</div><div class="s">Jesus Ragudure L&#225;zaro Joki</div><div class="p"> 28Marta ure tuwadaru akedudo Jesusji dukeje ure tugirimi tuwai ka. Makore tuwie Maria bagai. Makore tu ji. Akore: &#8211; Pagimijera aregodu. Makore awagai.</div><div class="p"> 29Maria meardure nou tuduie bataruji dukeje ure tuie bu ta&#269;i je. Ure tumara tabo pudui toro Jesus togi. 30Jesus aregodukare nou Bet&#226;nia ba kurireu ka raga mare rakoje kimore toro tuiordure Marta jiwu awara keje. 31Nou rakojere Maria uwai tadawuge erdure Maria uture toro duji. Dukeje eture rekodaji. Emeardaere Maria utumoduie toro bireu bagai traguduwo joki. 32Mare Maria uture Jesus togi. Jordure Jesus jitu keje ure tuwududo moto keje Jesus bure paru. Makore Jesusji. Akore: &#8211; &#268;egimijera. Aragojemode woe dukeje iwuri bimodukare.</div><div class="p"> 33Jesus aiwore ji akoe tragudu tabo duji. Nono jordure nouia boe etragudure jamedu duji. Okudugodure ebo rugadu. 34Nono makore ei. Akore: &#8211; Kaiba tare tugu?</div><div class="p">Egore: &#8211; Mato ka.</div><div class="p"> 35Eture apo toro ture L&#225;zaro tugu towu tori poro ka. Nono Jesus ragudure. 36Nou boe erdure Jesus ragudure duji dukeje emagore pui. Egore: &#8211; &#268;a Jesus meardu kurire Lazaruji rugadu.</div><div class="p"> 37Mare iage egore: &#8211; Ko&#269;are. Ure joku bokwareuge etaiwodo pugeje. Kodiba aregodukare kuri je tuwo L&#225;zaro pemegago bikawo?</div><div class="s">Jesus Ure L&#225;zaro Jewodudo Pugeje</div><div class="p"> 38Jesus okudugodure nou L&#225;zaro uwobebo rugadu. Dukejere ure tuburedo nou bireu padure tadawu tori poroji. Ia tori kurireu padure nou tori poro je keje. 39Dukeje Jesus makore nou boei. Akore: &#8211; Nou tori kurireu tawuje tori poro je piji.</div><div class="p">Mare Marta akore: &#8211; Merire pobe puibiji ji meture nou tori poro tada duji. Dukodire kigogodure rugadu.</div><div class="p"> 40Mare Jesus makore ji. Akore: &#8211; Ire awie. Ameartorumode i dukeje ardumode Pao Kurireu ro rakare duji.</div><div class="p"> 41Nono nou boe ere nou tori kurireu tawuje nou tori poro je piji. Nono Jesus aiwore baruto dukeje akore: &#8211; Iogwa Kurireu. Awiapagare iwadaruji. Dukodire itaidure imago pemegawo ai rugadu. 42Iorduware awiapagare iwadaru jituji rugadu mare itaidure iwo awu boe erduwado nou inoduji jamedu emeartoruwo i, emeartoruwo aki aigoiare are itarego mato rugadu duji.</div><div class="p"> 43Jesus ure tuwadaru akedudo tuo bagai dukeje makore toro nou L&#225;zaro bagai. Akore: &#8211; L&#225;zaro! Ae bu mato nou tori poro piji!</div><div class="p"> 44&#268;a L&#225;zaro ure tudawuje nou tori poro piji rugadu! Bikare pugeje. Jewodure pugeje rugadu. Nou boe ere upodo tabowu areia upo kimore apo. Upo kimore je tabo jamedu. Nono Jesus makore nou boei. Akore: &#8211; Nou areia tawuje piji utuwo tuwai ka.</div><div class="s">Boe Eimijerage Ere Tumeardae Pegareu Tawuje Turo Pegawo Jesusji</div><div class="p"> 45Nou rakojere nonowu boe eiamedu boe erdure Jesus rore aino duji. Dukodire emeartorure Jesusji. 46Mare iagere tugirimi tuibagi Jerusal&#233;m ba kurireu ka. Eture tugimijerage fariseu doge etae tuwo ewie Jesus rore jiboeji. 47Dukodire nou fariseu doge ere bato pui nou Judeu doge eimijeragebo. Nou ure Judeu doge enomea maku Pao Kurireu aiwuge eimijerage edure nono jamedu. Emororamagadure rugadu boe emeartorumodukare pudui pugeje duji. Emagore pui. Egore: &#8211; Nuba paromode? Nou imedu Jesus ro rakare rugadu. 48Boe eiamedu boe emeartorumodukare pai pugeje tumeartoruwo awu imedu Jesusji. Nono Roma kejewuge boe eimijerage erdu pegamode boe eroino duji jamedu. Dukodire Roma kejewuge boe eimijerage etaidumode turo pegawo pai. Emode awu Pao Kurireu uwai pegado. Emode pawobe etagedudo.</div><div class="p"> 49Awu joruji nou ure Judeu doge enomea maku Pao Kurireu aiwuge boe eimijera kurireu iere Caif&#225;s. Rakojere nono nou boe eimijeragebo jamedu. Makore nou tumedagei. Akore: &#8211; Tarduwa bokware. 50Boe pegakawo pai pawo nou imedu bito pawobe ewo &#269;inorudo Roma kejewu boe eimijerage pegareuge epiji. Pamodukare bito paiamedu boe pawimode.</div><div class="p"> 51Nou Caif&#225;s nou ure Judeu doge enomea maku Pao Kurireu aiwuge eimijera kurireu nure ema nou joruji. Dukodire Pao Kurireu ure tumeardae maku ai makowo nou tuwadaruji nou boe eimijerage ewiagai. Mare nou Caif&#225;s jorduwakare Pao Kurireu bataru taboie tagoino duji. Akomode pudumie tagoino. Mare ema karega akoino. Pao Kurireure akoino. Ainore Pao Kurireu rore tuwo boe ewie Jesus bimoduie duji Judeu doge ero pegareu boe mori&#269;e. 52Jesus bimode boe eiamedu boe ero pegareu mori&#269;e jamedu. Dukodire meartorure Jesus jiwuge eiamedu boe Pao Kurireu oremode emage. Etuwobe mode pugi.</div><div class="p"> 53Nou meri otobiji nou Judeu doge eimijerage ere tumeardae pegareu tawuje tuwo Jesus bito. 54Jesus jorduware emeardaeji. Dukodire merukare Jud&#233;ia motoji pugeje mare utu jaere ia moto akurugudu maereu ka. Uture ture jorduwadowugebo toro ia boe eda ka. Nou boe eda iere Efraim. Nonore rakojere ture jorduwadowugebo pugeje.</div><div class="p"> 55Boe puredugodure Judeu dogei ewaduwo ia tuwadaeji. Nou ewadae iere P&#225;scoa. Dukodire boe emagare tudu tabo Jerusal&#233;m ka Jud&#233;ia moto piji tuwo tubemegado turowo nou to bakaru tadawu turo boeji tuwaduwo nou tuwadae Pascoaji. 56-57Nou fariseu doge, nou ure Judeu doge enomea maku Pao Kurireu aiwuge eimijerage emagore boe eiamedu boei ewo Jesus maku pudai. Boe erdumode Jesusji dukeje ewo nou boe eimijerage ewie nou boe eimijerage ewo tugeragu Jesusji. Dukodire nou boe etaiwore Jesus bagai nono Pao Kurireu uwai tada. Emagore pui. Egore: &#8211; Nuba tameardaere? Jesus aregodumokana?</div><div class="p">Iage egore: &#8211; Aregodumodukare. Jorduware pagimijerage etaidure turo pegawo pudui duji.</div>
 </div>
 </div>
</div>

Ia imedu kogodure. Mugure Betânia ba kurireu keje. Nou imedu iere Lázaro. Uwie aredu iere Maria. Nou Maria utuie iere Marta. Eiamedu boe emugure nou Betânia ba kurireu keje. Marigudu nou Maria ure roreboe pemegareu reko Jesus bure joki. Ure reko dukejere ure kidudo tao tabo pugeje. Mare aino čare uwuri kogodure. Dukodire nou Maria, nou Marta ere boe erego tuwadaru tabo toro Jesus bagai. Egore nou boe egoiago nou Jesusji tuwuri kogoduie. Meardu kurire jiwu tuwuri kogoduie.
Nou boe etaregodure Jesus ae dukeje ere Jesus bie nou areme ewadaruji. Jesus meardure nou ewadaruji dukeje akore: – Iorduware nuba boe mode nou imedu Lazaruji. Kogodure mare bimodukare. Kogodure Pao Kurireu ie kuriwo. Lázaro bimodukare dukodi Pao Kurireu ie kurimode boe emago pemegawo ji. Lázaro bimodukare dukodi Pao Kurireu Onaregedu ie kurimode boe emago pemegawo ji jamedu.
Jesus meardu kurire Martaji, Mariaji, Lazaruji jamedu. Mare utukare toro ewai ka kuri je. Merire pobe ji nono dukejere makore nou ture jorduwadowugei. Akore: – Pugeje. Pawo pagirimi toro Judéia moto ka Lázaro uwai ka.
Mare etaidukare utuwo. Egore: – Čegimijera. Maibari nou jeture Judéia moto kejewuge etaidure tuwo awido tori tabo. Atukaba toro pugeje.
Mare Jesus akore: – Meri oto padukare doze hora raga. Boe emerumode meriji dukeje ewure jetumodukare iaboeji erdure boeji kodi. Meri jire boe etaiwo pemegare. Mare boe emerumode boečoji dukeje ewure jetumode iaboeji rugadu jorugu bokware kodi.
Nono Jesus makore ei: – Pamedia Lázaro unudunure mare itumode toro bagai iwo jetadudo.
Nou ure jorduwadowuge egore: – Ča unudure. Čare pemegagodumode.
Erduwakare Jesus ure tuwadaru inodudo pudui duji. Jesus akore Lázaro unudunuie mare jorduware Lázaro bire duji. Dujire akoino. Mare nou ure jorduwadowuge emeardaere Lázaro unudunuie rugadu duji. Emeardaere bikaie raga. Dukodi čare Jesus mako pemegare ei. Akore: – Lázaro bire rugadu. Iragojekare toro apo iwo pemegago. Mare aino tardumode iraga rakare duji. Dukodi tameartorumode i rugadu. Ča paduwo toro bagai.
Nono Tomé makore tumedagei. Akore: – Pagimijera bimode toro Judéia moto keje. Paduwo toro pagimijerapo pawiwo apo jamedu.
Boe egore “Tomé” aino ji. Judeu doge ewadaru tabo egore “emegure puapowu”.

Ča Jesus uture toro Betânia ba kurireu ka ture jorduwadowugebo. Etaregodure dukeje boe ere Jesus bie Lázaro bie marigudu. Egore tuie merido pobe puibiji ji meture moto tada dukeje. Aino ča Jesus aregodure.
Ča Judéia moto kejewuge etaregodure nou Lázaro uwiemage ewai ka tuwo uwie Marta, uwie Maria ewudugugo. Nou boe emagare rugadu. Etaregodure Maria ae Marta ae tuwo etaora butugugo ewiagoduwo nou tuwuri piji. Nou Betânia ba kurireu padu puredure Jerusalém ba kurireuji. Du ure três quilômetros.
Ča Marta jorduware Jesus aregodure duji dukeje ure tudawuje tuwai piji Jesus togi. Mare Maria ukare tudawuje. Marta aregodure Jesus ae dukeje makore ji. Akore: – Aragojemode woe čedabo čewuri bimodukare. Mare iorduware Pao Kurireu umode amagore bagaiboe maku akai rugadu duji.
Jesus makore Martaji. Akore: – Awuri jewodumode pugeje.
Marta akore: – Iorduware. Ia meri keje awu moto akedumode dukeje iwuri jewodumode pugeje turuduwo baruto.
Nono Jesus makore ji. Akore: – Imire ire boe etowuje. Imire imode boe eewodudo rugadu. Meartorure iwuge ewimode mare eewodumode pugeje. Meartorure iwuge ewimodukare pugeje jamedu. Meartorure iwadaru jiwuge ewimodukare pugeje rugadu. Ameartorure nou inoduji?
Marta akore: – Uu! Imeartorure rugadu. Čebagare bagaiwu umode boe ekinorudowu nure aki. Pao Kurireu Onaregedu nure aki. Pao Kurireu ure jawu pawobe ewie marigudu akaregodumoduie mato moto ka duji.

Marta ure tuwadaru akedudo Jesusji dukeje ure tugirimi tuwai ka. Makore tuwie Maria bagai. Makore tu ji. Akore: – Pagimijera aregodu. Makore awagai.
Maria meardure nou tuduie bataruji dukeje ure tuie bu tači je. Ure tumara tabo pudui toro Jesus togi. Jesus aregodukare nou Betânia ba kurireu ka raga mare rakoje kimore toro tuiordure Marta jiwu awara keje. Nou rakojere Maria uwai tadawuge erdure Maria uture toro duji. Dukeje eture rekodaji. Emeardaere Maria utumoduie toro bireu bagai traguduwo joki. Mare Maria uture Jesus togi. Jordure Jesus jitu keje ure tuwududo moto keje Jesus bure paru. Makore Jesusji. Akore: – Čegimijera. Aragojemode woe dukeje iwuri bimodukare.
Jesus aiwore ji akoe tragudu tabo duji. Nono jordure nouia boe etragudure jamedu duji. Okudugodure ebo rugadu. Nono makore ei. Akore: – Kaiba tare tugu?
Egore: – Mato ka.
Eture apo toro ture Lázaro tugu towu tori poro ka. Nono Jesus ragudure. Nou boe erdure Jesus ragudure duji dukeje emagore pui. Egore: – Ča Jesus meardu kurire Lazaruji rugadu.
Mare iage egore: – Kočare. Ure joku bokwareuge etaiwodo pugeje. Kodiba aregodukare kuri je tuwo Lázaro pemegago bikawo?

Jesus okudugodure nou Lázaro uwobebo rugadu. Dukejere ure tuburedo nou bireu padure tadawu tori poroji. Ia tori kurireu padure nou tori poro je keje. Dukeje Jesus makore nou boei. Akore: – Nou tori kurireu tawuje tori poro je piji.
Mare Marta akore: – Merire pobe puibiji ji meture nou tori poro tada duji. Dukodire kigogodure rugadu.
Mare Jesus makore ji. Akore: – Ire awie. Ameartorumode i dukeje ardumode Pao Kurireu ro rakare duji.
Nono nou boe ere nou tori kurireu tawuje nou tori poro je piji. Nono Jesus aiwore baruto dukeje akore: – Iogwa Kurireu. Awiapagare iwadaruji. Dukodire itaidure imago pemegawo ai rugadu. Iorduware awiapagare iwadaru jituji rugadu mare itaidure iwo awu boe erduwado nou inoduji jamedu emeartoruwo i, emeartoruwo aki aigoiare are itarego mato rugadu duji.
Jesus ure tuwadaru akedudo tuo bagai dukeje makore toro nou Lázaro bagai. Akore: – Lázaro! Ae bu mato nou tori poro piji!
Ča Lázaro ure tudawuje nou tori poro piji rugadu! Bikare pugeje. Jewodure pugeje rugadu. Nou boe ere upodo tabowu areia upo kimore apo. Upo kimore je tabo jamedu. Nono Jesus makore nou boei. Akore: – Nou areia tawuje piji utuwo tuwai ka.

Nou rakojere nonowu boe eiamedu boe erdure Jesus rore aino duji. Dukodire emeartorure Jesusji. Mare iagere tugirimi tuibagi Jerusalém ba kurireu ka. Eture tugimijerage fariseu doge etae tuwo ewie Jesus rore jiboeji. Dukodire nou fariseu doge ere bato pui nou Judeu doge eimijeragebo. Nou ure Judeu doge enomea maku Pao Kurireu aiwuge eimijerage edure nono jamedu. Emororamagadure rugadu boe emeartorumodukare pudui pugeje duji. Emagore pui. Egore: – Nuba paromode? Nou imedu Jesus ro rakare rugadu. Boe eiamedu boe emeartorumodukare pai pugeje tumeartoruwo awu imedu Jesusji. Nono Roma kejewuge boe eimijerage erdu pegamode boe eroino duji jamedu. Dukodire Roma kejewuge boe eimijerage etaidumode turo pegawo pai. Emode awu Pao Kurireu uwai pegado. Emode pawobe etagedudo.
Awu joruji nou ure Judeu doge enomea maku Pao Kurireu aiwuge boe eimijera kurireu iere Caifás. Rakojere nono nou boe eimijeragebo jamedu. Makore nou tumedagei. Akore: – Tarduwa bokware. Boe pegakawo pai pawo nou imedu bito pawobe ewo činorudo Roma kejewu boe eimijerage pegareuge epiji. Pamodukare bito paiamedu boe pawimode.
Nou Caifás nou ure Judeu doge enomea maku Pao Kurireu aiwuge eimijera kurireu nure ema nou joruji. Dukodire Pao Kurireu ure tumeardae maku ai makowo nou tuwadaruji nou boe eimijerage ewiagai. Mare nou Caifás jorduwakare Pao Kurireu bataru taboie tagoino duji. Akomode pudumie tagoino. Mare ema karega akoino. Pao Kurireure akoino. Ainore Pao Kurireu rore tuwo boe ewie Jesus bimoduie duji Judeu doge ero pegareu boe moriče. Jesus bimode boe eiamedu boe ero pegareu moriče jamedu. Dukodire meartorure Jesus jiwuge eiamedu boe Pao Kurireu oremode emage. Etuwobe mode pugi.
Nou meri otobiji nou Judeu doge eimijerage ere tumeardae pegareu tawuje tuwo Jesus bito. Jesus jorduware emeardaeji. Dukodire merukare Judéia motoji pugeje mare utu jaere ia moto akurugudu maereu ka. Uture ture jorduwadowugebo toro ia boe eda ka. Nou boe eda iere Efraim. Nonore rakojere ture jorduwadowugebo pugeje.
Boe puredugodure Judeu dogei ewaduwo ia tuwadaeji. Nou ewadae iere Páscoa. Dukodire boe emagare tudu tabo Jerusalém ka Judéia moto piji tuwo tubemegado turowo nou to bakaru tadawu turo boeji tuwaduwo nou tuwadae Pascoaji. Nou fariseu doge, nou ure Judeu doge enomea maku Pao Kurireu aiwuge eimijerage emagore boe eiamedu boei ewo Jesus maku pudai. Boe erdumode Jesusji dukeje ewo nou boe eimijerage ewie nou boe eimijerage ewo tugeragu Jesusji. Dukodire nou boe etaiwore Jesus bagai nono Pao Kurireu uwai tada. Emagore pui. Egore: – Nuba tameardaere? Jesus aregodumokana?
Iage egore: – Aregodumodukare. Jorduware pagimijerage etaidure turo pegawo pudui duji.

Слушни за João 11