If you have would like a copy of this version please contact info@davarpartners.org

The Kimeru Old Testament

<div class="version vid2929 iso6393mer" data-vid="2929" data-iso6393="mer">
 <div class="book bkGEN">
 <div class="chapter ch8" data-usfm="GEN.8">
 <div class="label">8</div><div class="s">M&#251;thia jwa ngai ya maburiko</div><div class="p"> 1&#206;nd&#238; M&#251;rungu n&#238; aaririkan&#238;re Noa na nyam&#251; cia k&#238;thaka cionthe na cia nd&#238;&#238;thia cionthe ir&#238;a ciaar&#238; amwe na Noa sabineene. M&#251;rungu arat&#251;ma ruuo ruurutana nth&#238;g&#251;r&#251;&#251;ne, naru r&#251;&#251;j&#238; r&#251;raamb&#238;r&#238;&#238;ria k&#251;wa. 2Ithima bir&#238;a biaum&#238;te nth&#238;g&#251;r&#251; birakun&#238;kwa na ndirica cia &#238;g&#251;r&#251; iraingwa. Nayo ngai &#238;r&#238;a yauraga &#238;rakea. 3R&#251;&#251;j&#238; naru n&#238; rwamb&#238;r&#238;&#238;rie k&#251;wa kuuma nth&#238;g&#251;r&#251;, r&#251;reeta r&#251;k&#238;thiraga. G&#251;g&#238;kinya ntuk&#251; ya &#238;gana r&#238;a m&#238;rongo &#238;taano (150) r&#251;&#251;j&#238; n&#238; rwaar&#238; r&#251;k&#251;nyiia buru. 4Ntuk&#251; ya &#238;k&#251;mi na m&#251;gwanja ya mweri jwa m&#251;gwanja, sabina &#238;rat&#251;&#251;r&#238;&#238;ra ir&#238;meene bia Ararati. 5R&#251;&#251;j&#238; naru r&#251;reeta na mbere k&#251;wa o mwanka mweri jwa &#238;k&#251;mi. Ntuk&#251; ya mbere ya mweri jwa &#238;k&#251;mi, n&#238;r&#238;o t&#251;thumb&#238; twa ir&#238;ma twamb&#238;r&#238;&#238;rie kwonekana.</div><div class="p"> 6Ntuk&#251; m&#238;rongo &#238;na (40) ik&#251;thira, Noa n&#238; aarug&#251;r&#238;re ndirica ya sabina &#238;r&#238;a aathith&#238;tie, 7nawe ararekeeria nk&#251;ng&#251;r&#251; &#238;raumagara. Nayo &#238;rakara &#238;k&#238;buur&#251;&#251;kaga mwanka r&#238;r&#238;a r&#251;&#251;j&#238; rwaw&#238;re r&#251;rathira nth&#238;g&#251;r&#251;. 8Ning&#238; arat&#251;ma k&#238;jea kuuma sabineene n&#238;kenda amenya k&#235;eth&#238;ra r&#251;&#251;j&#238; n&#238; r&#251;thiri nth&#238;g&#251;r&#251;&#251;ne. 9&#206;nd&#238; k&#238;jea g&#238;eta k&#238;raaga ant&#251; noo amwe ar&#238;a k&#238;&#251;mba g&#251;kinya, nak&#238;o k&#238;racoka k&#238;r&#238; we sabineene n&#238;&#251;nt&#251; r&#251;&#251;j&#238; no rwakun&#238;k&#238;te nth&#238;g&#251;r&#251; kunthe. Noa aratamb&#251;r&#251;kia njara arak&#238;gwata arag&#238;k&#251;r&#251;kia sabineene k&#251;r&#238;a aar&#238;. 10Noa areeteera mwanka ntuk&#251; ing&#238; m&#251;gwanja irathira, nawe arat&#251;ma k&#238;jea ka&#238;r&#238; kuuma sabineene. 11K&#238;j&#238;a k&#238;racoka k&#238;r&#238; we &#251;goro. Ning&#238; r&#238;, n&#238; k&#238;ar&#251;m&#238;te &#238;b&#251;&#251;ra r&#238;a m&#251;zeituni na m&#251;romo r&#238;r&#238;a g&#238;aatu&#238;te o r&#238;o. Tont&#251; b&#251;&#251;, Noa aramenya at&#238; r&#251;&#251;j&#238; n&#238; r&#251;&#251;ja&#251;j&#238;te. 12Areeteera ntuk&#251; ing&#238; m&#251;gwanja, arat&#251;ma k&#238;jea kuuma sabineene. &#206;nd&#238; k&#238;jea g&#238;tacokere k&#238;r&#238; we ka&#238;r&#238;.</div><div class="p"> 13Ntuk&#251; ya mbere ya mweri jwa mbere jwa mwaka jwa magana jatantat&#251; na j&#251;mwe (601) n&#238;r&#238;o r&#251;&#251;j&#238; rwamb&#238;r&#238;&#238;rie k&#251;wa nth&#238;g&#251;r&#251;&#251;ne. Noa arakun&#251;ra sabina &#238;g&#251;r&#251;g&#251;r&#251;, aroona at&#238; nth&#238;g&#251;r&#251; n&#238; &#238;k&#251;nyaara. 14Ntuk&#251; ya m&#238;rongo &#238;&#238;r&#238; na m&#251;gwanja ya mweri jwa &#238;&#238;r&#238; nth&#238; &#238;reeth&#238;rwa &#238;k&#251;nyaara buru.</div><div class="p"> 15R&#238;u M&#251;rungu n&#238; aar&#238;&#238;rie Noa, aramw&#238;ra, at&#238;r&#238;, 16&#8220;Umagara sabineene, gwe, na m&#251;ka waaku, na ataana baaku na aka ba ataana baaku. 17Umagaria bi&#251;mbe bir&#238;a bit&#251;&#251;raga mwoyo bia m&#238;themba yonthe bir&#238;a bir&#238; sabineene: nyoni, na nyomoo, na nyam&#251; ir&#238;a ciikuuragia na k&#238;u cionthe. Nabio n&#238; biciarane na wing&#238; bithegee nth&#238;g&#251;r&#251;&#251;ne, biciarane na bithegee kunthe nth&#238;g&#251;r&#251;&#251;ne.&#8221; 18Tont&#251; b&#251;&#251;, Noa na mwek&#251;r&#251; waawe na ataana baawe amwe na aka baao baraumagara sabineene. 19Nacio nyomoo cionthe, na nyam&#251; ir&#238;a ciikuuragia na k&#238;u cionthe, na nyoni cionthe, na g&#238;nt&#251; k&#238;onthe k&#238;r&#238;a g&#238;&#238;ta&#238;taga nth&#238;g&#251;r&#251;&#251;ne, n&#238; biaumagar&#238;re k&#251;ringana na m&#238;themba yaabio.</div><div class="s">Noa k&#251;rita k&#238;gongwana</div><div class="p"> 20Noa n&#238; aak&#238;&#238;re MWATHANI k&#238;rit&#238;ro k&#238;a igongwana. Araj&#251;kia o m&#251;themba jwa nyomoo ir&#238;a it&#238; m&#251;giro na o m&#251;themba jwa nyoni ir&#238;a it&#238; m&#251;giro, ararita igongwana bia gwak&#238;&#238;ria au k&#238;rit&#238;roone. 21MWATHANI n&#238; aakiny&#238;&#238;rwe n&#238; m&#251;nyinko j&#251;u na arauga &#251;j&#251; nkoroone yaawe, &#8220;Nt&#238;karoruma nth&#238;g&#251;r&#251; ka&#238;r&#238; n&#238;&#251;nt&#251; bwa munt&#251;, n&#238;&#251;nt&#251; math&#251;gaanio ja nkoro ya munt&#251; jeethag&#238;rwa jar&#238; jamath&#251;&#251;ku kuuma w&#238;th&#238; bwaawe. Ning&#238; nt&#238;karocoka k&#251;thiria into bionthe bir&#238;a bit&#251;&#251;raga mwoyo ta &#251;j&#251; nthith&#238;tie. 22&#206;giita r&#238;onthe r&#238;r&#238;a nth&#238; &#238;keeth&#238;rwa &#238;r&#238; o, g&#251;t&#238;kar&#238;aga magiita ja kwaanda na ja maketha, magiita ja mpio na ja m&#251;ruut&#238;ra, thaano na ngai na &#251;tuk&#251; na m&#251;thenya.&#8221;</div>
 </div>
 </div>
</div>

KIMERU BIBLE WITH DC  ©Bible Society of Kenya, 2009, 218

Îndî Mûrungu nî aaririkanîre Noa na nyamû cia kîthaka cionthe na cia ndîîthia cionthe irîa ciaarî amwe na Noa sabineene. Mûrungu aratûma ruuo ruurutana nthîgûrûûne, naru rûûjî rûraambîrîîria kûwa. Ithima birîa biaumîte nthîgûrû birakunîkwa na ndirica cia îgûrû iraingwa. Nayo ngai îrîa yauraga îrakea. Rûûjî naru nî rwambîrîîrie kûwa kuuma nthîgûrû, rûreeta rûkîthiraga. Gûgîkinya ntukû ya îgana rîa mîrongo îtaano (150) rûûjî nî rwaarî rûkûnyiia buru. Ntukû ya îkûmi na mûgwanja ya mweri jwa mûgwanja, sabina îratûûrîîra irîmeene bia Ararati. Rûûjî naru rûreeta na mbere kûwa o mwanka mweri jwa îkûmi. Ntukû ya mbere ya mweri jwa îkûmi, nîrîo tûthumbî twa irîma twambîrîîrie kwonekana.
Ntukû mîrongo îna (40) ikûthira, Noa nî aarugûrîre ndirica ya sabina îrîa aathithîtie, nawe ararekeeria nkûngûrû îraumagara. Nayo îrakara îkîbuurûûkaga mwanka rîrîa rûûjî rwawîre rûrathira nthîgûrû. Ningî aratûma kîjea kuuma sabineene nîkenda amenya këethîra rûûjî nî rûthiri nthîgûrûûne. Îndî kîjea gîeta kîraaga antû noo amwe arîa kîûmba gûkinya, nakîo kîracoka kîrî we sabineene nîûntû rûûjî no rwakunîkîte nthîgûrû kunthe. Noa aratambûrûkia njara arakîgwata aragîkûrûkia sabineene kûrîa aarî. Noa areeteera mwanka ntukû ingî mûgwanja irathira, nawe aratûma kîjea kaîrî kuuma sabineene. Kîjîa kîracoka kîrî we ûgoro. Ningî rî, nî kîarûmîte îbûûra rîa mûzeituni na mûromo rîrîa gîaatuîte o rîo. Tontû bûû, Noa aramenya atî rûûjî nî rûûjaûjîte. Areeteera ntukû ingî mûgwanja, aratûma kîjea kuuma sabineene. Îndî kîjea gîtacokere kîrî we kaîrî.
Ntukû ya mbere ya mweri jwa mbere jwa mwaka jwa magana jatantatû na jûmwe (601) nîrîo rûûjî rwambîrîîrie kûwa nthîgûrûûne. Noa arakunûra sabina îgûrûgûrû, aroona atî nthîgûrû nî îkûnyaara. Ntukû ya mîrongo îîrî na mûgwanja ya mweri jwa îîrî nthî îreethîrwa îkûnyaara buru.
Rîu Mûrungu nî aarîîrie Noa, aramwîra, atîrî, “Umagara sabineene, gwe, na mûka waaku, na ataana baaku na aka ba ataana baaku. Umagaria biûmbe birîa bitûûraga mwoyo bia mîthemba yonthe birîa birî sabineene: nyoni, na nyomoo, na nyamû irîa ciikuuragia na kîu cionthe. Nabio nî biciarane na wingî bithegee nthîgûrûûne, biciarane na bithegee kunthe nthîgûrûûne.” Tontû bûû, Noa na mwekûrû waawe na ataana baawe amwe na aka baao baraumagara sabineene. Nacio nyomoo cionthe, na nyamû irîa ciikuuragia na kîu cionthe, na nyoni cionthe, na gîntû kîonthe kîrîa gîîtaîtaga nthîgûrûûne, nî biaumagarîre kûringana na mîthemba yaabio.

Noa nî aakîîre MWATHANI kîritîro kîa igongwana. Arajûkia o mûthemba jwa nyomoo irîa itî mûgiro na o mûthemba jwa nyoni irîa itî mûgiro, ararita igongwana bia gwakîîria au kîritîroone. MWATHANI nî aakinyîîrwe nî mûnyinko jûu na arauga ûjû nkoroone yaawe, “Ntîkaroruma nthîgûrû kaîrî nîûntû bwa muntû, nîûntû mathûgaanio ja nkoro ya muntû jeethagîrwa jarî jamathûûku kuuma wîthî bwaawe. Ningî ntîkarocoka kûthiria into bionthe birîa bitûûraga mwoyo ta ûjû nthithîtie. Îgiita rîonthe rîrîa nthî îkeethîrwa îrî o, gûtîkarîaga magiita ja kwaanda na ja maketha, magiita ja mpio na ja mûruutîra, thaano na ngai na ûtukû na mûthenya.”

Слушни за Kîam 8