Konso - 2001 BSE (NT) Drama

<div class="version vid3977 iso6393kxc" data-vid="3977" data-iso6393="kxc">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s">Yesuusi akka tamaarewwaadi' loqqa jaqe</div><div class="p"> 1Tin eta, a xayso nessuma a qaran tarpeeta a orra Yihuta tura desa Yesuusi ka saateta a oppa piisse' diisho ka Waaqa Aappa kapopa aano, akkima kayte upnaade ka isasene xaadi kodde piita qara ca jaalade. Ka haka piraampirati ishootta jaalade. 2Yesuusi isho tamaarewwaadi ollinni eetota qara caan. Innasene a Simooni Asqorottittase Yihuta' xoori, akka Yesuusi qapsiiso'e seetana karittaadi kara' dikatta a neeqa xaaye. 3Waaqa Aappa akkima hupna ukkumeeta piisa ishi' daashe, ikka Waaqa kapa sooke ka de'e ka Waaqa kapopaaw tiitaawo Yesuusi i'upa. 4Ka semmalla eetotase' qara xa'e ka ohaataadi alle' xaaye ka ohaata a paatan haqnaan qeede ka surrappa' hiddade. 5Ka sekkammaayye wa kara' paata jaqannaan kara' pisha kishshe ka loqqa tamaarewwaadi jaqa paayye ka ohaatase paatan haqnaan a surraappandesa hiddaden loqqaasso quda haqe. 6Yesuusi ete Simoon Peetiroosi kapa kayeeyye, Simoon Peetiroosi i'ishi' kide'e, &#8220;Poqallaay, hela ke ana' loqqa jaqa?&#8221;</div><div class="p"> 7Yesuusi ka ishi' kide, &#8220;Waan anti' koona, amma atti a' upto ma, kuli'i' matte qapnaatta.&#8221;</div><div class="p"> 8Peetiroosi ka ishi' kide, &#8220;Atti pakkanna loqqaayyo a' jaqto!&#8221;</div><div class="p">Yesuusi ka ishi' kide, &#8220;Oton an loqqaatti an jaqniniiyyi, ana olli qoottota a' qapto.&#8221;</div><div class="p"> 9Simoon-Petiroosi ka ishi' kide, &#8220;Poqallaay, oton asseeyye, loqqaayyo patta an jaqan ma, harkaayyo ka mattiyyo kuli jaqe.&#8221;</div><div class="p"> 10Yesuusi ka ishi' kide, &#8220;Nama dakintaadi jaqade, isha kumma quda qoota jureeta in kinnin malla, loqqa jaqatta mali wa pila ishi' parpaaccisni in caan. Ishina jureeta a' qaptan, ma a jureeta in qapnini ishin piisan.&#8221; 11Yesuusi wa malla kide, &#8220;A jureeta in qapnini ishin piisan,&#8221; qoota turanneew a isha qapsiiso upo malla.</div><div class="p"> 12Ka ete ishootta' loqqa jaqe kammaayye, ohaataadi uwwisade ka poraadipa tiitaawe ka kuti'e ka ishootta' kide, &#8220;Waan ishina' kode immatte qapnaattene?#Luqa 22:27 13Ishina i'ana' kiinittane, &#8216;Kollissampayta ka &#8216;Poqalla&#8217; ikkan dukaata. Anti keeto'en an kollissampayta ka an Poqallaay. 14Ka asseeyye, oton anti Poqallaassin ka kollissampaytaayshin koddeeyye ka loqqaassin jaqeeyye, ishina asseew loqqa olli' jaqeeta ishin parpaaccisni. 15Akkan anti ishina' kode mina'e, akka' kootane'en ishina' pahana akkisheey. 16Anti dukaatannen ishina' kiini, orxayta poqallaadi qara in qapo, umma nama erkame, a erke qara in qapo. #Maati 10:24; Luqa 6:40; Yoha 15:20 17Kati sede upnaannittan ka koonittan kiiteeyye, ishina a orra eeppisame. 18Oton asse haasawannooyye, ishin piisa mallan. Anti ishina an reexade in upa ma xoori, qaalese a mataafa qulqulloota kiinitto &#8216;Nama laaqqotiyyo dame ana qara' paarkaalummaata' xa'e&#8217; dikkatta isheetta parpaaccisni. #mas 41:9 19A sede in koddinin turan, waan malla amma turan qattishe ka ishina' lella, oto wessen koddan kammaayye, akka aynumiyyo amantan malla. 20Anti dukaatannen ishina' kiini, nama namase an anti erkino teyyanno, ana teyyanni; nama ana teyyannoow, isase ana erke teyyanniiw.&#8221; #Maati 10:40; Maari 9:37; Luqa 9:48; 10:16</div><div class="s">Yesuusi, nama isha qapsiiso turanneew lele</div><div class="r"> Maati 26:20-25; Maari 14:7-21; Luqa 22:21-23</div><div class="p"> 21Yesuusi ete asse kide kammaayye isi karan xata kupade ka kide, &#8220;Anti dukaatannen ishina' kiini, ishin oppaayye takka ana qapsiisa&#8221; Ka olkela ja'i kiishe ka lele.</div><div class="p"> 22Tamaarewwaadi ka qoota ayno desa akkima sede haasawade a in upnin malla, oli totooyyen. 23Tamaarewwaadi oppaayye isase a Yesuusi' jaalanno, takka Yesuusi quda' desa kuti'e. 24Simoon-Peetiroosi ka tamaarittase quda harkan kaye ka kide, &#8220;Qoota ayno desa akkima haasawade, intoonno isha kaassadooy.&#8221;</div><div class="p"> 25Tamaarittase ka Yesuusi qudopa desa kide ka isha kaassade ka kide, &#8220;Poqallaay, ata ayno ke qapsiisa?&#8221;</div><div class="p"> 26Yesuusi ka oorshe ka kide, &#8220;Nama an laaqqota wateetoppan qappado ka ishi' puukkisho, isha.&#8221; Ka asse kide ka laaqqotase wateetoppan qappade ka innasene a Simooni Asqorottittase Yihuta' puukkishe. 27Yihuta, puukkatta laaqqose puukkadenne, seetana eennow isha karopa kale. Yesuusi ka Yihuta' kide, &#8220;Wa' koda dikatte irra qara kode.&#8221;</div><div class="p"> 28Yesuusi wa malla asse kide, orrase damta qara co oppaayye, nama ishi' kalte takka nefo in co. 29Yihuta qoota kaaja xaayno malla, tamaarewwaappaaye a demo, a Yesuusi Yihuta' kiino, &#8220;Wa xaysonessuma ino' parpaaccisna' pidde&#8221; Taakki &#8220;Teekolaya' kaaja daashe&#8221; ishootta' pahanaatte.</div><div class="p"> 30Yihuta ka puukkatta laaqqotase puukkadenne, eennow sooke ka tawe. Letta nefo sitiiyyi halkeetta.</div><div class="s">Ajaja haaraya</div><div class="p"> 31Ete Yihuta' sooke ka tawe kammaayye Yesuusi ikide, &#8220;Amma oori, inna a nama i'ulfeessamen, Waaqa kuli ka isha minan ulfeessame. 32Oto Waaqa isha minan ulefeessameeyye, Waaqa ka isha ulfeessaaw ka a in jarrin mali isha ulfeessa. 33Hellaayyooyye, anti an ishin kapa a kuttati an jaro, ishina ka pora ana faatan. Akkiman ukkumampaya a Yihutaati kide'e, &#8216;Pora an anti opa anno opa deena a ettanissan&#8217; mina'e, amma nefo asseewwen ishina' kiini. #Yoha 7:34 34Akka oli jaalattane'e ajaja haarayan ishina' daanni, akkan anti ishin jaalade; mina'e ishina asseew oli jaalada. #Yoha 15:12; Yoha 1ta 3:23; Yoha 2ta 5 35Oton oli' jaalannittaneeyye, akkima' tamaarewwaayyo kodditen, orra piisa sedenne upnaada.&#8221;</div><div class="s">Yesuusi, akkima Peetiroosi isha marmado turanneew haasawade</div><div class="r"> Maati 26:31-35; Maari 14:27-31; Luqa 22:31-34</div><div class="p"> 36Se kammaayye Simooni-Peetiroosi ka Yesuusi kaassade ka kide, &#8220;Poqallaay, ayshopa anni?&#8221;</div><div class="p">Yesuusi ka ishi oorshe ka kide, &#8220;Pora an anti opa anno, amma ana kamma deena a ettanisso ma, kuli'i ana kamma' deeta.&#8221;</div><div class="p"> 37Peetiroosi ka kide, &#8220;Poqallaay, maana mallan amma ke kamma' deena an ettaninnin? Anti ke mallan toota kuli isi daasha.&#8221;</div><div class="p"> 38Yesuusi ka ishi oorshe ka kide, &#8220;Ke ana malla toota kuli isi daasha? Dukaatannen ke' kiini, awwe a lukkalitta in iyyinin turanne, sessaanne ana marmatta.&#8221;</div>
 </div>
 </div>
</div>

Tin eta, a xayso nessuma a qaran tarpeeta a orra Yihuta tura desa Yesuusi ka saateta a oppa piisse' diisho ka Waaqa Aappa kapopa aano, akkima kayte upnaade ka isasene xaadi kodde piita qara ca jaalade. Ka haka piraampirati ishootta jaalade. Yesuusi isho tamaarewwaadi ollinni eetota qara caan. Innasene a Simooni Asqorottittase Yihuta' xoori, akka Yesuusi qapsiiso'e seetana karittaadi kara' dikatta a neeqa xaaye. Waaqa Aappa akkima hupna ukkumeeta piisa ishi' daashe, ikka Waaqa kapa sooke ka de'e ka Waaqa kapopaaw tiitaawo Yesuusi i'upa. Ka semmalla eetotase' qara xa'e ka ohaataadi alle' xaaye ka ohaata a paatan haqnaan qeede ka surrappa' hiddade. Ka sekkammaayye wa kara' paata jaqannaan kara' pisha kishshe ka loqqa tamaarewwaadi jaqa paayye ka ohaatase paatan haqnaan a surraappandesa hiddaden loqqaasso quda haqe. Yesuusi ete Simoon Peetiroosi kapa kayeeyye, Simoon Peetiroosi i'ishi' kide'e, “Poqallaay, hela ke ana' loqqa jaqa?”
Yesuusi ka ishi' kide, “Waan anti' koona, amma atti a' upto ma, kuli'i' matte qapnaatta.”
Peetiroosi ka ishi' kide, “Atti pakkanna loqqaayyo a' jaqto!”
Yesuusi ka ishi' kide, “Oton an loqqaatti an jaqniniiyyi, ana olli qoottota a' qapto.”
Simoon-Petiroosi ka ishi' kide, “Poqallaay, oton asseeyye, loqqaayyo patta an jaqan ma, harkaayyo ka mattiyyo kuli jaqe.”
Yesuusi ka ishi' kide, “Nama dakintaadi jaqade, isha kumma quda qoota jureeta in kinnin malla, loqqa jaqatta mali wa pila ishi' parpaaccisni in caan. Ishina jureeta a' qaptan, ma a jureeta in qapnini ishin piisan.” Yesuusi wa malla kide, “A jureeta in qapnini ishin piisan,” qoota turanneew a isha qapsiiso upo malla.
Ka ete ishootta' loqqa jaqe kammaayye, ohaataadi uwwisade ka poraadipa tiitaawe ka kuti'e ka ishootta' kide, “Waan ishina' kode immatte qapnaattene? Ishina i'ana' kiinittane, ‘Kollissampayta ka ‘Poqalla’ ikkan dukaata. Anti keeto'en an kollissampayta ka an Poqallaay. Ka asseeyye, oton anti Poqallaassin ka kollissampaytaayshin koddeeyye ka loqqaassin jaqeeyye, ishina asseew loqqa olli' jaqeeta ishin parpaaccisni. Akkan anti ishina' kode mina'e, akka' kootane'en ishina' pahana akkisheey. Anti dukaatannen ishina' kiini, orxayta poqallaadi qara in qapo, umma nama erkame, a erke qara in qapo. Kati sede upnaannittan ka koonittan kiiteeyye, ishina a orra eeppisame. Oton asse haasawannooyye, ishin piisa mallan. Anti ishina an reexade in upa ma xoori, qaalese a mataafa qulqulloota kiinitto ‘Nama laaqqotiyyo dame ana qara' paarkaalummaata' xa'e’ dikkatta isheetta parpaaccisni. A sede in koddinin turan, waan malla amma turan qattishe ka ishina' lella, oto wessen koddan kammaayye, akka aynumiyyo amantan malla. Anti dukaatannen ishina' kiini, nama namase an anti erkino teyyanno, ana teyyanni; nama ana teyyannoow, isase ana erke teyyanniiw.”


Yesuusi ete asse kide kammaayye isi karan xata kupade ka kide, “Anti dukaatannen ishina' kiini, ishin oppaayye takka ana qapsiisa” Ka olkela ja'i kiishe ka lele.
Tamaarewwaadi ka qoota ayno desa akkima sede haasawade a in upnin malla, oli totooyyen. Tamaarewwaadi oppaayye isase a Yesuusi' jaalanno, takka Yesuusi quda' desa kuti'e. Simoon-Peetiroosi ka tamaarittase quda harkan kaye ka kide, “Qoota ayno desa akkima haasawade, intoonno isha kaassadooy.”
Tamaarittase ka Yesuusi qudopa desa kide ka isha kaassade ka kide, “Poqallaay, ata ayno ke qapsiisa?”
Yesuusi ka oorshe ka kide, “Nama an laaqqota wateetoppan qappado ka ishi' puukkisho, isha.” Ka asse kide ka laaqqotase wateetoppan qappade ka innasene a Simooni Asqorottittase Yihuta' puukkishe. Yihuta, puukkatta laaqqose puukkadenne, seetana eennow isha karopa kale. Yesuusi ka Yihuta' kide, “Wa' koda dikatte irra qara kode.”
Yesuusi wa malla asse kide, orrase damta qara co oppaayye, nama ishi' kalte takka nefo in co. Yihuta qoota kaaja xaayno malla, tamaarewwaappaaye a demo, a Yesuusi Yihuta' kiino, “Wa xaysonessuma ino' parpaaccisna' pidde” Taakki “Teekolaya' kaaja daashe” ishootta' pahanaatte.
Yihuta ka puukkatta laaqqotase puukkadenne, eennow sooke ka tawe. Letta nefo sitiiyyi halkeetta.

Ete Yihuta' sooke ka tawe kammaayye Yesuusi ikide, “Amma oori, inna a nama i'ulfeessamen, Waaqa kuli ka isha minan ulfeessame. Oto Waaqa isha minan ulefeessameeyye, Waaqa ka isha ulfeessaaw ka a in jarrin mali isha ulfeessa. Hellaayyooyye, anti an ishin kapa a kuttati an jaro, ishina ka pora ana faatan. Akkiman ukkumampaya a Yihutaati kide'e, ‘Pora an anti opa anno opa deena a ettanissan’ mina'e, amma nefo asseewwen ishina' kiini. Akka oli jaalattane'e ajaja haarayan ishina' daanni, akkan anti ishin jaalade; mina'e ishina asseew oli jaalada. Oton oli' jaalannittaneeyye, akkima' tamaarewwaayyo kodditen, orra piisa sedenne upnaada.”


Se kammaayye Simooni-Peetiroosi ka Yesuusi kaassade ka kide, “Poqallaay, ayshopa anni?”
Yesuusi ka ishi oorshe ka kide, “Pora an anti opa anno, amma ana kamma deena a ettanisso ma, kuli'i ana kamma' deeta.”
Peetiroosi ka kide, “Poqallaay, maana mallan amma ke kamma' deena an ettaninnin? Anti ke mallan toota kuli isi daasha.”
Yesuusi ka ishi oorshe ka kide, “Ke ana malla toota kuli isi daasha? Dukaatannen ke' kiini, awwe a lukkalitta in iyyinin turanne, sessaanne ana marmatta.”

Слушни за Yohaannisi 13