 If you would like a copy of this version please contact info@davarpartners.org

The Gamo Bible, CC-BY-SA-4.0, The Word for the World International and The Word for the World Ethiopia (Text). Gamo Audio Bible, CC-BY-SA-4.0, Davar Partners International, 2017. (Audio)

Gamo Bible

<div class="version vid4038 iso6393gmv" data-vid="4038" data-iso6393="gmv">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="p"> 1Qaalay kase koyro dees. Qaalaykka Xoossa achchan dees. He qaalaykka Xoossa. 2Izi koyro Xoossa achchan dees. 3Medheteththi wuri izan medhettides. Medhettidaazan izi baynda medhettiday issinakka duukku. 4De7oy izan dawus; hanna de7oya asas poo7o. 5Poo7oy dhuman poo7isees; dhumay poo7o mulekka xoonenna.</div><div class="p"> 6Xoossafe kiitettida Yohannisa geetettiza issaadey dees.#Mato 3:1; Mar 1:4; Luqa 3:1-2 7Iza markkateththan asi wuri ammanana mala Poo7os markka gidi yides. 8Izi poo7o gishshas markkattana yides attiin izi ba hu7es poo7o gidenna. 9As ubbaas poo7o immiza tumu poo7oy hayssa ha alamezan yuussan dees.</div><div class="p"> 10Qaalaykka kase alamen dees; alameykka medhettiday izanna. Gido attiin alamey iza eribeenna. 11Izi ba baggataakko yiin iza baggati iza ekkibeettenna. 12Gido attiin iza ekkidayti iza sunththan ammanidayti istti Xoossa nayta gidana mala maata isttas immides. 13Isttika Xoossa nayta gididay Xoossafe yelettida gishshas attiin asa zereththafe hessika asa wogan woykko asho shenen gidenna.</div><div class="p"> 14Qaalaykka as gidides; Xoossa kiyateththaninne tuman kumidi nunan aqides; issi naas aawaa matan diza bonchcho misatiza iza bonchcho nu be7idos.</div><div class="p"> 15Yohannisikka, &#171;Taappe guyera yizayssi taappe aadhdhees. Gaasoykka izi taappe kasekka dees gaada ta inttes yootidayssi hekko hayssi izakko!&#187; gi markkattides.</div><div class="p"> 16Iza kumeththa kiyateththan nu wuri kiyateththa bolla kiyateth ekkidos. 17Wogay Muse baggara imettides; kiyateththinne tumay gidikko Yesus Kirstoosa baggara nuus yides. 18Xoos be7iday oonikka baa. Gido attiin Xoossa Aawa matan diza Xoossa Naa issoy xalala iza qonccisides.</div><div class="s1">Xammaqiza Yohannisa Markkateth</div><div class="r">(Mato 3:1-12; Mar 1:1-8; Luqa 3:15-17)</div><div class="p"> 19Ayhudata daannati Yerusalaameppe qeesetanne Lewe nayta Yohannisakko kiittidi, &#171;Ne oonee?&#187; gi oychchishin,</div><div class="p"> 20Yohannisi, &#171;Tani Kirstoosa gidikke&#187; giidi geeshshi markkattides attiin markkattanaas ixxibeenna.</div><div class="p"> 21Isttika, &#171;Histtiin ne oonee? Ne Eelaasaa?&#187; gi oychchida; izikka, &#171;Gidikke&#187; giidi isttas zaarides. Isttika, &#171;Izi yaana geetettida nabey nenee?&#187; gida. Izikka, &#171;Akkay tana gidikke&#187; gides.#Mil 4:5; Zaare 18:15-18</div><div class="p"> 22Istti qasse, &#171;Histtiin ne oonee? Nuna kiittida asaas nu yootana mala ne nena oona gay?&#187; gida. 23Izikka, &#171;Nabe Isayaasi yootida mala tani, &#8249;Xoossa oge suurisite&#8250; gishe bazzo biittan waassizaade qaala giirissa&#187; gides.#Isa 40:3</div><div class="p"> 24Farsaawetappe kiitettida issi issi asati, 25hessa gishshas, &#171;Ne Xoossi kiittidaade woykko buro yaana geetettida nabey nena gidonttaa gidikko histtiin aazas nuna xammaqay?&#187; giidi iza oychchida.</div><div class="p"> 26Yohannisikka isttas, &#171;Ta haaththan xammaqays; gido attiin intte eronttaadey intte giddon eqqides. 27Taappe guyera yaanayssi iza; ta iza caamma qasho birshanaas bessizaade gidikke&#187; gides.</div><div class="p"> 28Hayssi wuri haniday Yohannisi xammaqiza Yordaanoose shaafappe he pinththan diza Bitaaniya geetettiza katamanna.</div><div class="s1">Xoossa Dors</div><div class="p"> 29Wonteththa gallas Yohannisi Yesusi baakko yishin be7idi, &#171;Dere nagara biittafe diggana Xoossa dorsi hekko hayssich! 30&#8249;Taappe guyera yaanayssi izi taappe kasekka diza gishshas taappe aadhdhees&#8250; gaada ta inttes yootizay hayssich! 31Tanikka ta baggara iza erabeekke; gidikkoka izi Isra7eele deres qonccana mala ta haaththan xammaqashe yadis&#187; gides.</div><div class="p"> 32Kaaleththidikka Yohannisi hizgi markkattides; &#171;Xillo Ayanay haraphphe kafo misatidi saloppe wodhdhishininne iza bolla uttishin beyadis. 33Ta ta baggara iza erikke shin ta haaththan xammaqana mala tana kiittidaadey, &#8249;Xillo Ayanay iza bolla wodhdhi shempishin ne beyanaadey Xillo Ayanan meeccanay iza&#8250; giidi taas yootides. 34Tanikka hessa beyadis. Hessa gishshas izi Xoossa naa gididayssa ta markkattays&#187; gides.</div><div class="s1">Yesusa Koyro Kaallidayta</div><div class="p"> 35Wonteththa gallas Yohannisi bana kaalliza nam7atara heen eqqides. 36Yesusi iza achchara aadhdhishin Yohannisi be7idi, &#171;Xoossa dorsi hekko hayssich!&#187; gides.</div><div class="p"> 37Yohannisa kaalliza nam7ati hessa siyidi Yesusa kaallida. 38Istti iza kaallishin Yesusi guye yuuyi xeellidi, &#171;Ay koyeetii?&#187; gides. Isttika, &#171;Astamaaree! Ne duussasoy awaa?&#187; gida.</div><div class="p"> 39Izikka istta, &#171;Haa yiidi be7ite&#187; gides; hessa gishshas biidi izi awan dizaakko be7idanne he gallas izara issife pe7ida; wodeykka gede tammu saateso bides.</div><div class="p"> 40Yohannisi yootida qaalaa siyidi Yesusa kaallida nam7atappe issoy Simoona Phexroosa isha Indiraasa. 41Indiraasi koyro ba isha Simoonaakko biidi, &#171;Xoossi kiittida Kirstoosa nu demmidos!&#187; gides. 42Hessafe guye Indiraasi Simoona Yesusaakko ekki bides.</div><div class="p">Yesusikka iza tishshi histti xeellidi, &#171;Haysso! Ne Yoona naa Simoona; hayssafe guye ne Keefa geetettana&#187; gides. Keefa guussi Phexroosa guussa woykko zaalla shuch guussa.</div><div class="s1">Yesusi Piliphoosanne Natina7eele Xeygides</div><div class="p"> 43Wonteththa gallas Yesusi Galila baanaas koyides. Piliphoosakka demmidi, &#171;Tana kaalla&#187; gides. 44Piliphoosikka Indiraasa malanne Phexroosa mala Betesayda katama asa. 45Piliphoosi Natina7eele demmidi, &#171;Musey woga maxaafan qasse nabetikka buroppe hananayssa yootiza ba maxaafatan iza gishshas xaafida addeza nu demmidos. Izikka Yooseefe naa Naazirete Yesusaakko!&#187; gides.</div><div class="p"> 46Natina7eeley qasse, &#171;Naazireteppe lo7o miishshi beetti erizee?&#187; gi oychchiin Piliphoosi iza, &#171;Haa yaada beya&#187; gides. 47Natina7eeley Yesusa beyana yishin Yesusi be7idi iza, &#171;Hekko! Geney baynda tumu Isra7eele asa!&#187; giidi iza gishshas yootides.</div><div class="p"> 48Natina7eeleykka zaaridi, &#171;Tana wostta eradii?&#187; gi oychchiin Yesusikka, &#171;Piliphoosi nena xeyganaappe kase balase miththa garsan ne dishin ta nena beyadis&#187; gi zaarides. 49Natina7eeley, &#171;Astamaaree! Ne Xoossa naa; Ne Isra7eele kawo&#187; gides.</div><div class="p"> 50Yesusikka izas, &#171;Ne ammaniday, &#8249;Ta nena balase miththa garsan beyadis&#8250; gida gishshee? Ne buro hessafe aadhdhiza daro miish beyana. 51Gujjidikka ta inttes tumu gays; buro saloy doyettiin Xoossa kiitanchchati Asa Naa bolla wodhdhishininne kezishin intte beyana&#187; gides.#Medhe 28:12</div>
 </div>
 </div>
</div>

Qaalay kase koyro dees. Qaalaykka Xoossa achchan dees. He qaalaykka Xoossa. Izi koyro Xoossa achchan dees. Medheteththi wuri izan medhettides. Medhettidaazan izi baynda medhettiday issinakka duukku. De7oy izan dawus; hanna de7oya asas poo7o. Poo7oy dhuman poo7isees; dhumay poo7o mulekka xoonenna.
Xoossafe kiitettida Yohannisa geetettiza issaadey dees. Iza markkateththan asi wuri ammanana mala Poo7os markka gidi yides. Izi poo7o gishshas markkattana yides attiin izi ba hu7es poo7o gidenna. As ubbaas poo7o immiza tumu poo7oy hayssa ha alamezan yuussan dees.
Qaalaykka kase alamen dees; alameykka medhettiday izanna. Gido attiin alamey iza eribeenna. Izi ba baggataakko yiin iza baggati iza ekkibeettenna. Gido attiin iza ekkidayti iza sunththan ammanidayti istti Xoossa nayta gidana mala maata isttas immides. Isttika Xoossa nayta gididay Xoossafe yelettida gishshas attiin asa zereththafe hessika asa wogan woykko asho shenen gidenna.
Qaalaykka as gidides; Xoossa kiyateththaninne tuman kumidi nunan aqides; issi naas aawaa matan diza bonchcho misatiza iza bonchcho nu be7idos.
Yohannisikka, «Taappe guyera yizayssi taappe aadhdhees. Gaasoykka izi taappe kasekka dees gaada ta inttes yootidayssi hekko hayssi izakko!» gi markkattides.
Iza kumeththa kiyateththan nu wuri kiyateththa bolla kiyateth ekkidos. Wogay Muse baggara imettides; kiyateththinne tumay gidikko Yesus Kirstoosa baggara nuus yides. Xoos be7iday oonikka baa. Gido attiin Xoossa Aawa matan diza Xoossa Naa issoy xalala iza qonccisides.


Ayhudata daannati Yerusalaameppe qeesetanne Lewe nayta Yohannisakko kiittidi, «Ne oonee?» gi oychchishin,
Yohannisi, «Tani Kirstoosa gidikke» giidi geeshshi markkattides attiin markkattanaas ixxibeenna.
Isttika, «Histtiin ne oonee? Ne Eelaasaa?» gi oychchida; izikka, «Gidikke» giidi isttas zaarides. Isttika, «Izi yaana geetettida nabey nenee?» gida. Izikka, «Akkay tana gidikke» gides.
Istti qasse, «Histtiin ne oonee? Nuna kiittida asaas nu yootana mala ne nena oona gay?» gida. Izikka, «Nabe Isayaasi yootida mala tani, ‹Xoossa oge suurisite› gishe bazzo biittan waassizaade qaala giirissa» gides.
Farsaawetappe kiitettida issi issi asati, hessa gishshas, «Ne Xoossi kiittidaade woykko buro yaana geetettida nabey nena gidonttaa gidikko histtiin aazas nuna xammaqay?» giidi iza oychchida.
Yohannisikka isttas, «Ta haaththan xammaqays; gido attiin intte eronttaadey intte giddon eqqides. Taappe guyera yaanayssi iza; ta iza caamma qasho birshanaas bessizaade gidikke» gides.
Hayssi wuri haniday Yohannisi xammaqiza Yordaanoose shaafappe he pinththan diza Bitaaniya geetettiza katamanna.

Wonteththa gallas Yohannisi Yesusi baakko yishin be7idi, «Dere nagara biittafe diggana Xoossa dorsi hekko hayssich! ‹Taappe guyera yaanayssi izi taappe kasekka diza gishshas taappe aadhdhees› gaada ta inttes yootizay hayssich! Tanikka ta baggara iza erabeekke; gidikkoka izi Isra7eele deres qonccana mala ta haaththan xammaqashe yadis» gides.
Kaaleththidikka Yohannisi hizgi markkattides; «Xillo Ayanay haraphphe kafo misatidi saloppe wodhdhishininne iza bolla uttishin beyadis. Ta ta baggara iza erikke shin ta haaththan xammaqana mala tana kiittidaadey, ‹Xillo Ayanay iza bolla wodhdhi shempishin ne beyanaadey Xillo Ayanan meeccanay iza› giidi taas yootides. Tanikka hessa beyadis. Hessa gishshas izi Xoossa naa gididayssa ta markkattays» gides.

Wonteththa gallas Yohannisi bana kaalliza nam7atara heen eqqides. Yesusi iza achchara aadhdhishin Yohannisi be7idi, «Xoossa dorsi hekko hayssich!» gides.
Yohannisa kaalliza nam7ati hessa siyidi Yesusa kaallida. Istti iza kaallishin Yesusi guye yuuyi xeellidi, «Ay koyeetii?» gides. Isttika, «Astamaaree! Ne duussasoy awaa?» gida.
Izikka istta, «Haa yiidi be7ite» gides; hessa gishshas biidi izi awan dizaakko be7idanne he gallas izara issife pe7ida; wodeykka gede tammu saateso bides.
Yohannisi yootida qaalaa siyidi Yesusa kaallida nam7atappe issoy Simoona Phexroosa isha Indiraasa. Indiraasi koyro ba isha Simoonaakko biidi, «Xoossi kiittida Kirstoosa nu demmidos!» gides. Hessafe guye Indiraasi Simoona Yesusaakko ekki bides.
Yesusikka iza tishshi histti xeellidi, «Haysso! Ne Yoona naa Simoona; hayssafe guye ne Keefa geetettana» gides. Keefa guussi Phexroosa guussa woykko zaalla shuch guussa.

Wonteththa gallas Yesusi Galila baanaas koyides. Piliphoosakka demmidi, «Tana kaalla» gides. Piliphoosikka Indiraasa malanne Phexroosa mala Betesayda katama asa. Piliphoosi Natina7eele demmidi, «Musey woga maxaafan qasse nabetikka buroppe hananayssa yootiza ba maxaafatan iza gishshas xaafida addeza nu demmidos. Izikka Yooseefe naa Naazirete Yesusaakko!» gides.
Natina7eeley qasse, «Naazireteppe lo7o miishshi beetti erizee?» gi oychchiin Piliphoosi iza, «Haa yaada beya» gides. Natina7eeley Yesusa beyana yishin Yesusi be7idi iza, «Hekko! Geney baynda tumu Isra7eele asa!» giidi iza gishshas yootides.
Natina7eeleykka zaaridi, «Tana wostta eradii?» gi oychchiin Yesusikka, «Piliphoosi nena xeyganaappe kase balase miththa garsan ne dishin ta nena beyadis» gi zaarides. Natina7eeley, «Astamaaree! Ne Xoossa naa; Ne Isra7eele kawo» gides.
Yesusikka izas, «Ne ammaniday, ‹Ta nena balase miththa garsan beyadis› gida gishshee? Ne buro hessafe aadhdhiza daro miish beyana. Gujjidikka ta inttes tumu gays; buro saloy doyettiin Xoossa kiitanchchati Asa Naa bolla wodhdhishininne kezishin intte beyana» gides.

Слушни за Yohannisa Mishiraachcho 1