©New Life Computer Institute ℗ 2020 Hosanna

Moudadan Chetty NLCI (NT) Drama

Moudadan Chetty NLCI (NT) Non-Drama

அப்ரகாமின பாரம்பரியதாளெ பந்தா தாவீதினும், தாவீதின பாரம்பரியதாளெ பந்தா ஏசுக்கிறிஸ்தினும் பற்றிட்டுள்ளா வம்ச சரித்திர:
அப்ரகாமிக ஈசாக்கு ஹுட்டிதாங்,
ஈசாக்கிக யாக்கோபு ஹுட்டிதாங்,
யாக்கோபிக யூதனும் அவன அண்ணதம்மந்தீரும் ஹுட்டிரு,
யூதங்ஙும் தாமாறிகுங்கூடி பாரேசும் சாராவும் ஹுட்டிரு,
பாரேசிக எஸ்ரோமு ஹுட்டிதாங்,
எஸ்ரோமிக ஆராமு ஹுட்டிதாங்,
ஆராமிக அம்மினதாபு ஹுட்டிதாங்,
அம்மினதாபிக நகசோனு ஹுட்டிதாங்,
நகசோனிக சல்மோனு ஹுட்டிதாங்,
சல்மோனிகும் ராகாபிகுங்கூடி போவாசு ஹுட்டிதாங்,
போவாசிகும் ரூத்திகுங்கூடி ஓபேது ஹுட்டிதாங்,
ஓபேதிக ஈசாயி ஹுட்டிதாங்,
ஈசாயிக தாவீது ராஜாவு ஹுட்டிதாங், நேரத்தெ உரியாவின ஹிண்டுறாயித்தா பத்சேபா ஹளாவகும் தாவீதிகுங்கூடி சாலமோனு ஹுட்டிதாங்,
சாலமோனிக ரெகபெயாமு ஹுட்டிதாங்,
ரெகபெயாமிக அபியா ஹுட்டிதாங், அபியாவிக ஆசா ஹுட்டிதாங்,
ஆசாவிக யோசாபாத்து ஹுட்டிதாங்,
யோசாபாத்திக யோராமு ஹுட்டிதாங்,
யோராமிக உசியா ஹுட்டிதாங்,
உசியாவிக யோதாமு ஹுட்டிதாங், யோதாமிக ஆகாசு ஹுட்டிதாங்,
ஆகாசிக எசேக்கியா ஹுட்டிதாங்,
எசேக்கியாவிக மனாசே ஹுட்டிதாங்,
மனாசேக ஆமோனு ஹுட்டிதாங்,
ஆமோனிக யோசியா ஹுட்டிதாங்,
யோசியாவிக எகோனியாவும், அவன தம்மந்தீரும் ஹுட்டிரு,
ஆ காலதாளெ ஆப்புது இஸ்ரேல் ஜனங்ஙளு பாபிலோனிக ஹிடுத்து கொண்டு ஹோதுது,
ஈக்க பாபிலோனிக ஹோயிகளிஞட்டு, எகோனியாவிக சலாத்தியேலு ஹுட்டிதாங்,
சலாத்தியேலிக செருபாபேலு ஹுட்டிதாங்,
செருபாபேலிக அபியூது ஹுட்டிதாங்,
அபியூதிக எலியாக்கீமு ஹுட்டிதாங்,
எலியாக்கீமிக ஆசேரு ஹுட்டிதாங்,
ஆசேறிக சாதோக்கு ஹுட்டிதாங்,
சாதோக்கிக ஆகீமு ஹுட்டிதாங்,
ஆகீமிக எலியூது ஹுட்டிதாங்,
எலியூதிக எலியாசாரு ஹுட்டிதாங்,
எலியாசாறிக மாத்தானு ஹுட்டிதாங்,
மாத்தானிக யாக்கோபு ஹுட்டிதாங், யாக்கோபிக மரியாளின கெண்டங் ஜோசப்பு ஹளாவாங் ஹுட்டிதாங்,
மரியாளிக கிறிஸ்து ஹளா ஏசு ஹுட்டிதாங்.
அந்த்தெ அப்ரகாமு தொடங்ஙி தாவீது வரெட்ட ஹதனாக்கு தெலெமொறெயும் தாவீது மொதலு இஸ்ரேல்ஜன பாபிலோனிக ஹோதா காலவரெட்ட ஹதனாக்கு தெலெமொறெயும் பாபிலோனிக ஹோதுது மொதலு கிறிஸ்து வரெட்ட ஹதனாக்கு தெலெமொறெயும் ஆயித்து.


ஏசுக்கிறிஸ்து ஹுட்டிதா பிவற எந்த்தெ ஹளிங்ங, ஏசின அவ்வெ மரியா ஹளாவள ஜோசப்பு ஹளாவங்ங ஹெண்ணுகேட்டு நிருத்தி பீத்தித்துதாயித்து, அந்த்தெ, ஆக்க இப்புரும் மொதெகளியாத்த முச்செ தென்னெ, மரியா பரிசுத்த ஆல்ப்மாவின சகாயங்கொண்டு பெசிறிஆயித்தாளெ ஹளி எல்லாரும் அருதுரு. எந்நங்ங ஜோசப்பு சத்தியநேரு உள்ளாவனாயி இத்துதுகொண்டு, மரியாளின நாணங்கெடுசத்தெ பாடில்லெ ஹளிட்டு, ஒப்புறிகும் அருசாதெ அவள ஒழிவுமாடுக்கு ஹளி பிஜாரிசிண்டித்தாங். அவங் அந்த்தெ பிஜாரிசிட்டு ஒறங்ஙிண்டிப்பங்ங தெய்வதூதங் ஒப்பாங் அவன கனசினாளெ பந்தட்டு, “தாவீதின தறவாடாளெ ஹுட்டிதா ஜோசப்பு! நீ நின்ன ஹிண்டுரு ஆப்பத்தெ ஹோப்பா மரியாளினமேலெ சம்செபடுவாட; அவள சேர்சிக, அவள ஹொட்டெயாளெ இப்பா மைத்தி தெய்வத பரிசுத்த ஆல்ப்மாவுகொண்டு உட்டாதுதாப்புது. அவாக ஒந்து மைத்தி ஹுட்டுகு; ஆ மைத்திக ஏசு ஹளி ஹெசறு பீயி; ஏனாக ஹளிங்ங, ஈ லோகாளெ இப்பா தன்ன ஜனத தெற்று குற்றந்த ஒக்க ஆக்கள ரெட்ச்செபடுசுவாங்.
பொளிச்சப்பாடித கொண்டு தெய்வ ஹளிதா ஹாற தென்னெ இதொக்க சம்போசித்து.
பொளிச்சப்பாடி ஏன ஹளிது ஹளிங்ங,
ஒந்து கன்னி ஹெண்ணு பெசிறி ஆயி ஒந்து கெண்டுமைத்தித ஹெருவா;
ஆ மைத்திக இம்மானுவேலு ஹளி ஹெசறு பீப்புரு,
இம்மானுவேலு ஹளிங்ங தெய்வ நங்களகூடெ இத்தீனெ ஹளி அர்த்த”
ஹளி ஹளிதாங்.
ஜோசப்பு ஒறக்கு தெளுது எத்தட்டு, தெய்வதூதங் ஹளிதா ஹாற தென்னெ தன்ன ஹிண்டுறா கூட்டிண்டுஹோதாங். மரியா தன்ன தெலெக்குட்டி மைத்தித ஹெறாவரெட்ட ஜோசப்பும், மரியாளும் குடும்ப ஜீவிதாக பேக்காயி ஒந்தாயி கூடிபில்லெ; மைத்தி ஹுட்டதாப்பங்ங ஜோசப்பு மைத்திக ஏசு ஹளி ஹெசறு ஹைக்கிதாங்.

Слушни за மத்தாயி 1