Di Jamiekan Nyuu Testiment 2012 (Drama NT)

<div class="version vid476 iso6393jam" data-vid="476" data-iso6393="jam">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Jiizas a di Wod we Gi Laif</div><div class="p"> 1Wen taim did staat, di Wod did de bout, an di Wod did de de wid Gad. Matarafak, di Wod a did Gad. 2Di Wod did de bout wid Gad fram bifuo di worl kom bout.</div><div class="p"> 3Gad kaaz di wan we a di Wod fi mek evriting. Notn no de we im neehn mek. 4Im a di wan we mek evriting liv, an a im kyari lait kom gi piipl so dem kyan si. 5Im shain an lait op di daak an di daak kudn tap di lait fram shain!</div><div class="p"> 6Nou, yu did av wan man we Gad did sen kom. Im niem Jan. 7Gad did sen Jan fi tel piipl bout di wan we a di lait, so dem kuda biliiv we Jan se. 8Jan a neehn di lait. Im did onggl kom fi tel piipl bout di lait. 9Da lait de a di riil lait an im kom iina di worl an mek evribadi nuo im.</div><div class="p"> 10A im mek di worl an im kom liv iina it, bot di piipl dem iina di worl neehn nuo a uu im. 11Im kom tu im uona konchri an im uona piipl dem ton dem bak pan im. 12Bot az fi aal a dem we welkom im &#8212; dat fi se, dem we chos iina im an im niem, im gi dem di rait fi ton Gad pikni. 13Bot dem no baan iina Gad fambili laka ou naamal pikni baan wid mada an faada, ar kaaz sumadi did fiil fi av seks, ar kaaz wan ozban mek op im main se im waahn pikni. Nuo! A Gad imself mek dem baan.</div><div class="p"> 14Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.</div><div class="p"> 15Jan kom an im tel piipl bout im. Im baal out an tel dem se, &#8220;Da wan ya, a im mi did a taak bout wen mi tel unu se, &#8216;Di sumadi we de kom afta mi, im wie wie biga an beta dan mi, kaaz im did de bout fram lang bifuo mi baan.&#8217; &#8221;</div><div class="p"> 16Siek-a ou im lov wi so moch an tel wi bier chuu sitn bout Gad, wi get muo lov fram im pan tap a di lov we wi did a get aredi. 17Kaaz, yu si, Gad gi Muoziz di Laa fi gi wi, bot im yuuz Jiizas fi mek wi nuo wa chuu, an siek-a Jiizas, im shuo wi lov we wi no dizorv. 18Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.</div><div class="s">Jan Get Tingz Redi fi Jiizas</div><div class="r">(Matyu 3.1-12; Maak 1.2-8; Luuk 3.15-17)</div><div class="p"> 19Wan taim, di Juu liida dem sen som priis an som a dem we elp tek kier a Gad ous fram outa Jeruusilem fi kwestiyan Jan. Dem sen dem fi aks im se, &#8220;A uu yu?&#8221; Wen Jan a ansa dem kwestiyan, im tek di chaans fi tel dem bout Gad Bwai Pikni. 20Im no uol bak di chuut, bot tel dem plien an chriet se, &#8220;Mi a no di Krais.&#8221;</div><div class="p"> 21So dem aks im se, &#8220;Den a uu yu den? Ilaija?&#8221;</div><div class="p">Jan se, &#8220;Nuo, mi a no Ilaija!&#8221;</div><div class="p">&#8220;So, yu a di prafit?&#8221;</div><div class="p">Bot Jan tel dem se, &#8220;Nuo!&#8221;</div><div class="p"> 22&#8220;So a uu yu den?&#8221; dem aks. &#8220;Jos tel wi so wi kyan get fi tel di piipl dem we sen wi fi kom fain out. A uu yu se yu bi?&#8221;</div><div class="p"> 23So Jan yuuz sopm we prafit Aizaiya se, fi tel dem a uu im bi. Im se, &#8220;Mi a di sumadi we a shout iina di dezot, &#8216;Mek di chrak we im fi waak pan chriet.&#8217; &#8221;</div><div class="p"> 24Nou, di Farisii dem did sen som a fi dem uona piipl fi kwestiyan Jan tu. 25Ier wa dem se tu im, &#8220;So, ef yu a no di Krais, an ef yu a no Ilaija ar di Prafit, a wa mek yu a baptaiz piipl den?&#8221;</div><div class="p"> 26So, Jan ansa dem se, &#8220;Mi baptaiz unu iina waata, bot sumadi de mongks unu we unu no nuo bout. 27Mi no iivn gud inof fi pul di chrap dem pan im slipaz. Im a-go pik op afta mi lef an gaan.&#8221;</div><div class="p"> 28Nou, aal a dem sitn ya apm wich paat Jan did a baptaiz piipl. Di plies did niem Betani, an it did de pan di iis said a Riva Jaadn.</div><div class="s">Jiizas a Gad Biebi Shiip</div><div class="p"> 29Di neks die, Jan si Jiizas a waak kom wich paat im de. Im si im an se, &#8220;Unu luk! Si Gad Biebi Shiip de! A im a di wan we a-go mash op an tek we sin fram outa di worl! 30A im sed wan mi did a taak bout wen unu did ier mi se, &#8216;Wan man a kom afta mi, im wie biga an beta dan mi, kaa im did de bout fram wie bifuo mi baan.&#8217; 31Mi neehn nuo a uu da sumadi de wuda bi. Mi onggl kom ya a baptaiz piipl, so dat dem we iina Izrel kuda get fi si an nuo a uu im.&#8221;</div><div class="p"> 32Den Jan staat taak an tel di piipl dem se, &#8220;Mi si di Spirit kom dong outa evn jos laka wan dov, an it lan pan im. 33Az mi did se, mi neehn nuo uu di sumadi wuda did bi. Bot, yu si di wan we sen mi fi baptaiz piipl, im did tel mi se, &#8216;Di sumadi we yu baptaiz an we yu si di Spirit kom dong an lan pan, a im a di wan we gweehn baptaiz piipl iina di Uoli Spirit.&#8217; 34Mi si dis ya apm wid mi uona tuu yai dem, an mi a tel unu se da man ya, a im a Gad Bwai Pikni.&#8221;</div><div class="s">Jiizas Kaal im fos Set a Falara Dem</div><div class="p"> 35Di neks die, Jan did de a di sed plies wid tuu a im falara dem. 36Nou, Jiizas did a waak paas, an Jan si im an shout out, &#8220;Unu luk! Si Gad Biebi Shiip de!&#8221; 37Az Jan se so, im tuu falara dem staat fala baka Jiizas. 38Wen Jiizas ton roun an si dem, im aks dem se, &#8220;A wa unu waahn?&#8221;</div><div class="p">So dem ansa im an se, &#8220;Rabai, we yu liv?&#8221; (Rabai iina fi dem langwij miin Tiicha.)</div><div class="p"> 39&#8220;Kom,&#8221; Jiizas se, &#8220;unu kom, an unu wi si wich paat mi stie&#8221; (a did bout fuo aklak iina di iivnin).</div><div class="p">So dem go an si wich paat im did a liv an dem tan a im yaad fi di res a di die.</div><div class="p"> 40Saiman Piita did av wan breda niem Anju. Nou, Anju a did wan a Jan tuu falara dem we did fala Jiizas afta dem ier wa Jan did se bout im. 41Di fos ting Anju du afta im miit Jiizas a fain im breda, Saiman, an tel im se, &#8220;Wi fain di Mesaiya&#8221; (Iina fi dem langwij dat miin Krais). 42An im kyari Saiman go wich paat Jiizas did de.</div><div class="p">Wen Jiizas si Saiman, im luk pan im an se, &#8220;Yu a Saiman, Jan bwai pikni. Fram nou aan, yu niem Siifas&#8221; (iina fi dem langwij, dat de a di niem fi Piita).</div><div class="s">Filip an Nataniyel Staat Fala Jiizas</div><div class="p"> 43Di neks die, Jiizas mek op im main fi lef go a Gyalalii. Im fain wan man we niem Filip an se tu im se, &#8220;Fala baka mi.&#8221;</div><div class="p"> 44Filip did kom fram wan toun niem Betsieda, di sed plies Anju an Piita kom fram. 45Afta Jiizas fain im, Filip fain Nataniyel an tel im se, &#8220;Wi fain di sumadi we Muoziz rait bout iina di Laa, di sed wan di prafit dem rait bout tu. Im niem Jiizas an im kom fram Nazaret. Im a Juozif bwai pikni.&#8221;</div><div class="p"> 46Bot Nataniyel se tu Filip se, &#8220;Nazaret? Notn gud kyan kom outa dat de plies de?&#8221;</div><div class="p">So Filip se tu im se, &#8220;Kom kom si fi yuself.&#8221;</div><div class="p"> 47Wen taim Jiizas si Nataniyel a kom wich paat im de, dis a wa im se bout im, &#8220;Ku ya! Da man ya a wan Izrelait fi chuu! Da man ya no tel no lai.&#8221;</div><div class="p"> 48Nataniyel se tu im se, &#8220;Ou kom yu nuo mi?&#8221;</div><div class="p">Jiizas ansa im an se, &#8220;Mi si yu fram wen yu did anda di fig chrii, bifuo Filip kaal yu.&#8221;</div><div class="p"> 49Wen Nataniyel ier Jiizas se dat de, im se, &#8220;Rabai! Tiicha! Yu a Gad Bwai Pikni fi chuu! Yu a di King we ruul uova Izrel!&#8221;</div><div class="p"> 50So Jiizas se tu im se, &#8220;Yu biliiv iina mi kaa mi tel yu se mi did si yu anda di fig chrii? Yu gweehn si biga sitn dan dat.&#8221; 51Den im se, &#8220;Mi a tel unu fi chuu chuu se unu gweehn si di skai uopm op, an unu a-go si Gad ienjel dem a go op iina evn an a kom dong pan di ort tu di Man we Gad Pik.&#8221;</div>
 </div>
 </div>
</div>

Wen taim did staat, di Wod did de bout, an di Wod did de de wid Gad. Matarafak, di Wod a did Gad. Di Wod did de bout wid Gad fram bifuo di worl kom bout.
Gad kaaz di wan we a di Wod fi mek evriting. Notn no de we im neehn mek. Im a di wan we mek evriting liv, an a im kyari lait kom gi piipl so dem kyan si. Im shain an lait op di daak an di daak kudn tap di lait fram shain!
Nou, yu did av wan man we Gad did sen kom. Im niem Jan. Gad did sen Jan fi tel piipl bout di wan we a di lait, so dem kuda biliiv we Jan se. Jan a neehn di lait. Im did onggl kom fi tel piipl bout di lait. Da lait de a di riil lait an im kom iina di worl an mek evribadi nuo im.
A im mek di worl an im kom liv iina it, bot di piipl dem iina di worl neehn nuo a uu im. Im kom tu im uona konchri an im uona piipl dem ton dem bak pan im. Bot az fi aal a dem we welkom im — dat fi se, dem we chos iina im an im niem, im gi dem di rait fi ton Gad pikni. Bot dem no baan iina Gad fambili laka ou naamal pikni baan wid mada an faada, ar kaaz sumadi did fiil fi av seks, ar kaaz wan ozban mek op im main se im waahn pikni. Nuo! A Gad imself mek dem baan.
Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.
Jan kom an im tel piipl bout im. Im baal out an tel dem se, “Da wan ya, a im mi did a taak bout wen mi tel unu se, ‘Di sumadi we de kom afta mi, im wie wie biga an beta dan mi, kaaz im did de bout fram lang bifuo mi baan.’ ”
Siek-a ou im lov wi so moch an tel wi bier chuu sitn bout Gad, wi get muo lov fram im pan tap a di lov we wi did a get aredi. Kaaz, yu si, Gad gi Muoziz di Laa fi gi wi, bot im yuuz Jiizas fi mek wi nuo wa chuu, an siek-a Jiizas, im shuo wi lov we wi no dizorv. Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.


Wan taim, di Juu liida dem sen som priis an som a dem we elp tek kier a Gad ous fram outa Jeruusilem fi kwestiyan Jan. Dem sen dem fi aks im se, “A uu yu?” Wen Jan a ansa dem kwestiyan, im tek di chaans fi tel dem bout Gad Bwai Pikni. Im no uol bak di chuut, bot tel dem plien an chriet se, “Mi a no di Krais.”
So dem aks im se, “Den a uu yu den? Ilaija?”
Jan se, “Nuo, mi a no Ilaija!”
“So, yu a di prafit?”
Bot Jan tel dem se, “Nuo!”
“So a uu yu den?” dem aks. “Jos tel wi so wi kyan get fi tel di piipl dem we sen wi fi kom fain out. A uu yu se yu bi?”
So Jan yuuz sopm we prafit Aizaiya se, fi tel dem a uu im bi. Im se, “Mi a di sumadi we a shout iina di dezot, ‘Mek di chrak we im fi waak pan chriet.’ ”
Nou, di Farisii dem did sen som a fi dem uona piipl fi kwestiyan Jan tu. Ier wa dem se tu im, “So, ef yu a no di Krais, an ef yu a no Ilaija ar di Prafit, a wa mek yu a baptaiz piipl den?”
So, Jan ansa dem se, “Mi baptaiz unu iina waata, bot sumadi de mongks unu we unu no nuo bout. Mi no iivn gud inof fi pul di chrap dem pan im slipaz. Im a-go pik op afta mi lef an gaan.”
Nou, aal a dem sitn ya apm wich paat Jan did a baptaiz piipl. Di plies did niem Betani, an it did de pan di iis said a Riva Jaadn.

Di neks die, Jan si Jiizas a waak kom wich paat im de. Im si im an se, “Unu luk! Si Gad Biebi Shiip de! A im a di wan we a-go mash op an tek we sin fram outa di worl! A im sed wan mi did a taak bout wen unu did ier mi se, ‘Wan man a kom afta mi, im wie biga an beta dan mi, kaa im did de bout fram wie bifuo mi baan.’ Mi neehn nuo a uu da sumadi de wuda bi. Mi onggl kom ya a baptaiz piipl, so dat dem we iina Izrel kuda get fi si an nuo a uu im.”
Den Jan staat taak an tel di piipl dem se, “Mi si di Spirit kom dong outa evn jos laka wan dov, an it lan pan im. Az mi did se, mi neehn nuo uu di sumadi wuda did bi. Bot, yu si di wan we sen mi fi baptaiz piipl, im did tel mi se, ‘Di sumadi we yu baptaiz an we yu si di Spirit kom dong an lan pan, a im a di wan we gweehn baptaiz piipl iina di Uoli Spirit.’ Mi si dis ya apm wid mi uona tuu yai dem, an mi a tel unu se da man ya, a im a Gad Bwai Pikni.”

Di neks die, Jan did de a di sed plies wid tuu a im falara dem. Nou, Jiizas did a waak paas, an Jan si im an shout out, “Unu luk! Si Gad Biebi Shiip de!” Az Jan se so, im tuu falara dem staat fala baka Jiizas. Wen Jiizas ton roun an si dem, im aks dem se, “A wa unu waahn?”
So dem ansa im an se, “Rabai, we yu liv?” (Rabai iina fi dem langwij miin Tiicha.)
“Kom,” Jiizas se, “unu kom, an unu wi si wich paat mi stie” (a did bout fuo aklak iina di iivnin).
So dem go an si wich paat im did a liv an dem tan a im yaad fi di res a di die.
Saiman Piita did av wan breda niem Anju. Nou, Anju a did wan a Jan tuu falara dem we did fala Jiizas afta dem ier wa Jan did se bout im. Di fos ting Anju du afta im miit Jiizas a fain im breda, Saiman, an tel im se, “Wi fain di Mesaiya” (Iina fi dem langwij dat miin Krais). An im kyari Saiman go wich paat Jiizas did de.
Wen Jiizas si Saiman, im luk pan im an se, “Yu a Saiman, Jan bwai pikni. Fram nou aan, yu niem Siifas” (iina fi dem langwij, dat de a di niem fi Piita).

Di neks die, Jiizas mek op im main fi lef go a Gyalalii. Im fain wan man we niem Filip an se tu im se, “Fala baka mi.”
Filip did kom fram wan toun niem Betsieda, di sed plies Anju an Piita kom fram. Afta Jiizas fain im, Filip fain Nataniyel an tel im se, “Wi fain di sumadi we Muoziz rait bout iina di Laa, di sed wan di prafit dem rait bout tu. Im niem Jiizas an im kom fram Nazaret. Im a Juozif bwai pikni.”
Bot Nataniyel se tu Filip se, “Nazaret? Notn gud kyan kom outa dat de plies de?”
So Filip se tu im se, “Kom kom si fi yuself.”
Wen taim Jiizas si Nataniyel a kom wich paat im de, dis a wa im se bout im, “Ku ya! Da man ya a wan Izrelait fi chuu! Da man ya no tel no lai.”
Nataniyel se tu im se, “Ou kom yu nuo mi?”
Jiizas ansa im an se, “Mi si yu fram wen yu did anda di fig chrii, bifuo Filip kaal yu.”
Wen Nataniyel ier Jiizas se dat de, im se, “Rabai! Tiicha! Yu a Gad Bwai Pikni fi chuu! Yu a di King we ruul uova Izrel!”
So Jiizas se tu im se, “Yu biliiv iina mi kaa mi tel yu se mi did si yu anda di fig chrii? Yu gweehn si biga sitn dan dat.” Den im se, “Mi a tel unu fi chuu chuu se unu gweehn si di skai uopm op, an unu a-go si Gad ienjel dem a go op iina evn an a kom dong pan di ort tu di Man we Gad Pik.”

Слушни за Jan 1