Популарни Библиски стихови од JOHN 14

Сподели

Nihich'į' hózhǫ́ǫ le', shibee ił hózhǫ́ nihaa dinish'aah; doo nihokáá' dine'é aa deidiyii'aahígi át'éego nihaa dinish'aah da. T'áadoo nihijéí bii' nihíni' daałání, índa t'áadoo nídaałdzidí.

Jesus áhodííniid, Shí honít'i'ii áádóó t'áá aaníinii índa iiná nishłį́; diné doo ła' aTaa' yaa doogáał da, shí sheego t'éiyá.

T'áadoo nihijéí bii' nihíni' daałání; Diyin God deinohdlą́ągo baa dadzíínóhłí, shí ałdó' dashoohdlą́ągo shaa dadzíínóhłí.

Nidi Áká Análwo'ii, Níłch'i Diyinii nilíinii, t'áá éí aTaa' shízhi' yee yidooł'aałígíí, éí t'áá ałtsoní yínanihiniłtin doo, áádóó t'áá ałtso bee nihich'į' hahásdzí'ígíí béédaałniihgo ánihósin doo.

Bee nahoséł'áanii hoł bééhózingo bik'eh hojíł'íinii éí ayóó'áshijó'ní, áko ayóó'áshijó'nínígíí éí shiTaa' ayóó'áhó'níi doo, shí ałdó' ayóó'áhósh'níi doo, áko hach'į' ádééhodeeszįįł.

Áko aTaa' néideeshkąąłgo, Áká Análwo'ii ła' nihaa néididoo'áałgo, éí hool'áágóó nihił hólǫ́ǫ doo, t'áá éí Níłch'i t'áá aaníinii ííshją́ą́ áyoolíiłii, nihokáá' dine'é doo dahonoozį́į́' át'ée da, háálá doo dahoo'į́į da, doo nidi hwéédahósin da, nidi nihí hwéédahonohsin, háálá nihił kééhojit'į́, áádóó nihiyi' hojílǫ́ǫ doo.

T'áá ha'át'íhída shízhi' bee dayínóhkeedgo, éí ádeeshnííł, aYe' bee aTaa' baa ha'niih doo biniyé. Ha'át'íhída shízhi' bee dayínóhkeedgo, éí ádeeshnííł.

Ayóó'ádashíínóh'níí ládą́ą́' bee nahoséł'áanii bik'eh dahonoł'į́į doo.

ShiTaa' bighandi t'óó ahayóigo dahooghan; doo éigi áhoot'éégóó doo bee nihił hweeshne' da doo nít'éé'. Nihiba' hasht'ehodeeshłííł biniyé ákǫ́ǫ́ déyá.

Áko áá níyáago nihá hasht'ehooshłaago, áádę́ę́' náádeeshdááł, áádóó ákǫ́ǫ́ nánihideesh'ishgo honishłónídi nihí ałdó' áadi dahonohłǫ́ǫ doo.

Nít'éé' Thomas áhodííniid, Bóhólníihii, díníyáágóó doo nihił béédahózin da, áko haash yit'éego honít'i'ii nihił béédahodoozįįł?