Популарни Библиски стихови од JOHN 17

Сподели

Nit'áá aaníinii yee dadiyingo ádanile'; nizaad éí t'áá aaníinii át'é.

Áko iiná doo ninít'i'ii éí díí, ni t'éiyá t'áá aaníí Diyin God nílį́įgo néédahodoosįįł, índa Jesus Christ yiníł'a'ígíí ałdó' yéédahodoosįįł.

Díí shídahooł'aahii t'éiyá doo bá ádíshníi da, nidi dabizaad binahjį' dashiidoodląąłgo shaa dadzólíi dooleełígíí ałdó' bá sodiszin, áko t'áá ałtso t'ááłá'í nilį́į doo; shiTaa' nílíinii, ts'ídá shii' honílǫ́ áádóó shí ałdó' nii' honishłónígi át'éego bí ałdó' t'ááłá'í nilį́įgo nihii' hólǫ́ǫ doo, áko nihokáá' dine'é éí shííníł'a'ígíí deidoodląął.

Éí nahasdzáán bikáá'dóó náádidíídléłígíí doo biniyé ádíshníi da, nidi bąąhági át'éii nilíinii bits'ąą baa áhólyą́ą doo biniyé ádíshní.

Bee ayóó ánísht'éii shaa dííní'ánígíí t'áá éí baa diní'ą́, áko t'ááłá'í niidlínígi át'éego t'ááłá'í danilį́į dooleeł, shí bii' honishłǫ́ índa ni shii' honílǫ́, áko ts'ídá t'ááłá'í danilį́į dooleeł, áko shííníł'a'ígíí índa ayóó'áshííní'nínígi át'éego ayóó'ííní'nínígíí nihokáá' dine'é bił béédahodoozįįł.