Популарни Библиски стихови од LUKE 6

Сподели

nihił dahadlee', áko nihada'doodił; le'dółt'e'go daneel'ą́ągo áádóó níłk'íbí'nees'nii'go áádóó yaa yisdzidgo índa wó'ąhazhóoshgo bił áłká dasoołzaaz doo. Háálá t'áá ła' bá ída'nóoł'ąąd yę́ęgi ánéelt'e'go nihá ínídadí'nóol'ąął.

Diné yá'át'éehgo hináanii éí bijéí bii' yá'ádaat'éehii hólóonii bits'ą́ą́dę́ę́' yá'át'éehii hahwiileeh, áádóó diné doo yá'áshóonii éí doo yá'ádaat'éehii bijéí bii' hólóonii bits'ą́ą́dę́ę́' doo yá'át'éehii hahwiileeh, háálá t'áá hajéí bii' hólónígíí t'áá éí bee yájíłti' łeh.

Nidi nihida'ana'í ayóó'ádeínóh'ní, áádóó yá'át'éehgo ádaaht'į́, áádóó t'áadoo le'é ada'iyohnííł, t'áadoo k'ééshidi'doolnííł danohsiní, áko yá'ąąshdi nihaa dahidoolyéełii ayóó ádaat'ée dooleeł, áádóó nihí Ts'ídá Aláahgo Át'éii ba'áłchíní danohłį́į dooleeł, háálá éí doo ahééh danízinii índa doo yá'ádaashóonii yaa jooba'.

Éí bąągo t'áá nihiTaa' jooba'ígi át'éego dajiinohba'.

T'áadoo aa nídaaht'íní, áko nihí ałdó' doo nihaa nídahódóot'įįł da; t'áadoo át'éégóó t'áadoo diné bá hadahohdziihí, áko nihí ałdó' t'áadoo át'éégóó diné doo nihá hadadoodzih da; bąąhági át'éii ahá yóó'adahidoh'aah, áko nihí ałdó' nihibąąhági át'éii nihá yóó'adahididoot'ááł

Nidi da'doohts'a'ígíí ádanihidishní, Nihida'ana'í ayóó'ádeínóh'ní, nihik'ee dadiniihígíí bá yá'át'éhígi ádaaht'į́, danihódziihígíí hózhǫ́ǫgo bá hadahohdziih, t'áá bita'ígi ádanihooł'įįłígíí bá sodadołzin.

Áádóó t'áá diné hach'į' ádaaníił le' danohsinígi át'éego, nihí ałdó' t'áá ákót'éego bich'į' ádaahnííł.

Ła'da niniitsį' néidííłts'ingo, łahjígo bee bich'į' dah náádíníít'ááł, áádóó nibeeldléí nighayíltsoozii ni'éé' ałdó' t'áadoo bich'į' baa níchį'í. Nída'dókeedígíí t'áá ałtso ba'iyínííł, áádóó ninaalye'é nighayii'níiłii t'áadoo bínéíníkeedí.

Tsin yá'át'éehii éí aneest'ą' nichxǫ́'ígíí doo bąąh haleeh da, doodaii' tsin nichxǫ́'ígíí éí aneest'ą' yá'át'éehii doo bąąh haleeh da

háálá tsin t'áá ałtso bineest'ą' bee béédahózin. Ch'il deeníní fig doo bąąh wóbée da, éí doodago tsin dadeeníinii ch'il na'atł'o'ii doo bąąh wóbée da.