Популарни Библиски стихови од MATTHEW 28

Сподели

Éí bąą nihílááh, ał'ąą dine'é t'áá ałtso ídahooł'aahii danilį́įgo ádaahłe', aTaa' áádóó aYe' índa Níłch'i Diyinii bízhi' bee tó bee daahsį́į́h, áádóó bee nihich'į' hahásdzíi'ii t'áá ałtso yik'eh dahół'į́į dooleełgi bee nidanohtin, áádóó jó'akon, łahgo náhodeesdzáajį' t'áá áłahjį' nihił honishłǫ́.

Áko Jesus haa níyáago kóníigo hach'į' haadzíí', Yá'ąąshdi áádóó nahasdzáán bikáa'gi bee ídahólníihii t'áá ałtso shaa deet'ą́.

Nidi diyingo naal'a'í éí asdzání áyidííniid, T'áadoo náłdzidí, háálá tsin ałnáoszid bikáa'jį' Jesus bił o'oolkaalígíí hanohtáago shił bééhózin. Éí doo kwe'é da, háálá t'áá ádííniidígi át'éego daaztsą́ą́dę́ę́' náádiidzá. Hágo, Bóhólníihii sitį́į́ nít'éé' yę́ęjį' dóh'į́į́'.

Áko Jesus áháłní, T'áadoo náłdzidí, nihílááh, shik'isóó Gáliliigóó dookah, áadi dashiidoołtséełgo bee bił hołne'.

Áko diné yá aląąjį' naazíinii yił áłah silį́į'go yaa nídaast'įįd, áko siláo éí béeso lą'í yaa deiznilgo, ádaaní, Da'iilwoshgo hódahooł'aahii tł'ée'go yíkai lá, áko dahoneez'į́į'go yóó'adahastį́į́ lá, dadohníigo diné bił dahodoołnih. Áko díidíígíí naat'áanii yidiizts'ą́ą'go bił t'áá áko doo biniyé bijadahidiigééł, áko t'áadoo bá nanohdeehígóó ádanihidiilnííł. Áko siláo béeso nídeidiinilgo, t'áá ádabi'doo'niidígi ádaadzaa, áádóó kót'éego hane'ígíí éí bijį́į́dóó díí jį́įjį' Jew dine'é bitahgóó nidadidlaad.