Популарни Библиски стихови од MARK 2

Сподели

Jesus éí yidiizts'ą́ą'go áhodííniid, Diné doo bąąh dah nidahaz'ánígíí éí azee' ííł'íní doo yich'į' dadikáah da, nidi bąąh dah nidahaz'ánígíí t'éiyá; ts'ídá t'áá ákogi ádaat'éii doo bíká ádideeshniił biniyé níyáa da, nidi bąąhági ádaaníiłii, Łahgo át'éego Diyin God bich'į' tsíńdadohkeesgo nihibąąhági át'éii bits'áhóhkááh, bidideeshniił biniyé níyá.

Áko bida'oodlą' yee aa dadzólíii jiiłtsą́ągo diné bitah doo nahwii'nánígíí ábizhdííniid, Shiye', ádił ni'iyínílzí'ígíí ná yóó'adoot'ą́.

Áádóó ánéídoo'niid, Háá'áyį́į́h jį́ éí diné bá ályaa, nidi diné éí háá'áyį́į́h jį́ doo bá áho'diilyaa da

Áko hach'ą́ą́h dáázhdeel'áago doo hach'į' ajókááh át'éégóó biniinaa Jesus éí kin biyi' góne' sidáagi bighą́ą́'dę́ę́' ąą dazdeeznilgo diné bitah doo nahwii'náa daígíí bik'i antéhí t'áá bee Jesus bidáahjį' hadah adahodzizlo'.

Nidi nahasdzáán bikáa'gi Diné Silį́į'ii ádił ni'iidzííh á yóó'iidii'aah yee bóhólníhígíí nihił béédahózin doo nisin, jidííniidgo bitah doo nahwii'nánígíí ábizhdííniid, Nídiidááh, nidishní, áádóó bik'i nítéhí nídiiłtsóosgo nighangóó nídídááh.

Háidíígíishą' doo nantł'agóó díí diné bitah doo nahwii'nánígíí bich'į' bee ha'doodzih, Ádił ni'iyínílzí'ígíí ná yóó'adoot'ą́, ha'nííjí daats'í, éí doodago, Nídii'néehgo bik'i nítéhí nídiiłtsóosgo dah diinááh, ha'nííjí daats'í?

Áko nízhdii'na', áádóó t'áá áko bik'izhnitéhí nízdiiłtsoozgo t'áá ałtso dabinááł ch'ízhníyá, áko éí bik'ee diné t'áá ałtso t'óó bił adahóóyóí áádóó Diyin God yaa dahaniihgo ádaaní, T'ah doo ákóhánéehgo deiiltséeh da!