Популарни Библиски стихови од MARK 5

Сподели

Áko asdzání ábizhdííniid, Shitsi', ne'oodlą' bee doo ánít'éhí da násínídlį́į́'; nił hózhǫ́ǫgo náádááł, áádóó nąąh dah haz'ą́ nít'é'ígíí bits'ą́ąjį' hadaníłt'ée doo.

Nít'éé' ákwe'é asdzání léi' dił bigháńdiniiltałgo naakits'áadah nááhai lá, áko azee' ádeił'íní lą'í ch'ééh ádahóół'įįdgo biniinaa ałtso ádaa nahozdeesdzá, nidi t'áadoo náázdiidzáa da, nidi t'óó tsé'édinda ádziidzaa.

T'áá áko dił haghánílínígíí ásdįįd, áko hąąh dah haz'ánígíí náázdiidzáago hoł bééhoozin.

Áko at'ééd bíla' jiiłtsoodgo ábijiní, Talétha kóomii, éí, At'ééd, nídiidááh nidishní, jiníigo óolyé.

Áko Jesus t'ah yájíłti'go diné ła' Jéí'iras bighandę́ę́' yíkaigo ádaaní, Nitsi' daaztsą́. T'áásh doo biniyéhégóó Na'nitiní baa nínáánít'į́į dooleeł? Nidi ha'oodzí'ígíí Jesus doo yaa ná'áhodílt'į́į́góó áłah ná'ádleehgo á dah náńdaahígíí áyidííniid, T'áadoo nił yé'í, t'óó iinídlą́ągo aa dzíínílí.

Háálá díí t'ah bítséedi Jesus ábidííniid, Níłch'i nichxǫ́'í nílíinii, diné bii'dę́ę́' haninááh! Áko, Haashą' yinílyé, jiníigo nabízhdééłkid. Áko ánáádoo'niid, Lą'í yinishyé, háálá t'óó ahonii'yóí.