Популарни Библиски стихови од 1 Коринтјаните 12

Сподели

А на секого му се дава во него да се пројави Духот за полза

Вие сте телото Христово, а поодделно – членови.

А кога страда еден дел, тогаш стра­даат сите делови; и кога се слави еден од деловите, тогаш со него се радуваат сите делови.

зашто, на еден му се дава преку Ду­хот да зборува со мудрост, на друг – да зборува знаење, преку истиот Дух; на еден – вера, преку истиот Дух; на друг – дарби за лекување, преку истиот Дух; на друг – чудотворства, на друг – да пророкува, на друг – да ги разликува ду­ховите, на друг – разни јазици, на друг – да толкува јазици.

Сето ова го прави еден и ист Дух, распределувајќи секому поодделно, како што сака.

За да нема раздори во телото, но де­ловите подеднакво да се грижат едни за други.

Постојат разни дарби, но Духот е еден и ист; има разни служби, но Господ е еден и ист; и разни дејства постојат, но Бог е еден и ист, Кој извршува сѐ во сите.

И некои од вас Бог постави во Црк­вата: прво за апостоли, второ за пророци, трето за учители; потоа даде дарби за чудеса и исцелување; па за помагање, за управување и за зборување на разни јазици.

Зашто и телото не се состои само од еден дел, туку од многу.

Напротив, оние делови од телото, кои ни изгледаат послаби, се многу попотребни

Ако целото тело би било око, тогаш каде ќе е слухот? Кога целото би било слух, тогаш каде е мирисот? Но Бог ги наредил деловите, секој од нив во телото така, како што по­са­кал. Ако сите тие би биле само еден дел, тогаш каде е телото?